超嬲

作為大肚婆既我，我都無expect其他人會照顧我，保護我，但起碼我老公都應該咁做卦。點知....

話說琴晚三更半夜要尿尿，咁老公訓係隔離，我一郁就嘈醒佢，不過無辦法，一係就吾好一齊訓囉，而亞女就訓係隔離張床（不過係老公個邊）。我去完尿尿就訓吾著，不過我都吾會嘈醒隔離個位既（我老公以前試過訓吾著叫醒我架，真係小炳！）由3點碌到4點幾...差不多訓著又聽到BB係度叫（不過吾係喊，所以由佢），但我又怕佢會跌親，所以間吾中都起身望下佢，跟住因為好累既關係我就頂吾順訓左，今朝早，BB六點幾起身爬去我老公度，我老公見佢濕左少少尿尿就起身幫佢換片換衫，而我依然懶係張床到（因為平時我alarm係7點，但都起碼7點3先起身），我以為老公對我咁好，吾駛我咁早起身，想比我休息多D，點知到我起身刷牙整頭化妝後，老公就開始發脾氣，叫我快D湊住個女，佢仲好眼訓喎......跟住就上床訓左陣！未完架，當我差不多出門口個陣，我就問佢做咩，佢話好眼訓，話我明知佢吾係易訓好易醒個D人，我去尿尿嘈醒左佢，我就話，咁你想我點？吾去廁所？大肚婆三更半夜要去廁所好正常啫，咁一係你吾好同我訓，去隔離訓囉，跟住佢話算，之後就叫我好心我平時7點起身睇住個女，等佢可以訓多幾個字，之後我火都黎埋，除左今日之外，十日有9日都係我朝早起身換片餵奶，你憑咩野係度complain?我而家朝早已經成日腰酸背痛，訓又訓得少，你訓小少少莫非會死？ 同埋，你如果肯早D上床訓就吾會話吾夠訓啦！！！！！！！男人真係不知所謂！！！！！！！！！！！！！！！！！！！！！！！！ 其實仲有好多complain complain架，不過我怕我keep住咁寫我會喊左出黎，所以都係冷靜下先啦！ 所以今朝湊完個女落99度，吾等佢就自己去搭車，費事講多幾句又嗌多幾下交！ 

嬲完又要做野啦......唉！男人永遠都係自私自利（sorry各男blog友，無辦法，大肚婆係自己個blog度永遠都係大哂架！！！！！）

24週

原來不知不覺懷孕已經過左一半，話吾辛苦又握你既，可能要湊住個女，無左好多時間去休息，而星期六日又要早起身煲定粥仔比Hannah, 休息既時間只有佢nap同夜晚，而家有時夜晚Hannah BB訓得又吾好，可以想像我比上一胎既休息時間足足少左一大半 。 都而家中期，訓覺已經吾太自然，可能隨住個肚愈來愈大，搞到我訓到腰酸背痛，苦不堪言！日日要陀B搭subway上上落落，真係吾係咁容易！ 

講開subway, 試過有一日行樓梯上去platform時，因為大肚行得慢小小，咁岩有車，而後面個中國男人就趕車，不過好彩我地兩個都趕到班車，但個男人就好吾老黎咁講左一句"行快D啦阻住哂".  我吾知佢係以為我吾識聽定點，不論我是否大肚，都吾駛咁講野啫！ 更何況，你趕時間你咪自己衝上樓梯，你吾需要係我後面啫，哼！ 呢D咁無品既男人，可能又係另一強國人！ 不過男人有好有吾好架，通常係subway讓坐比我既都係男人，不過就從來未試過有中國人比我坐，黑白西班牙都有，唐人個D.....扮訓！ 所以不得不令我覺得中國人真係令人.....雖然作為大肚婆，都吾會expect有人讓坐，不過有D人真係好好心架，有次我入車箱，有個黑男人想比我坐，點知佢一起身就比人坐左個位，佢仲想叫個個人起身，不過我話算啦，吾想搞咁多野。 我好appreciate個個會讓坐比我既人，而到我生完之後我都一樣會讓坐比有需要既人架！ （我吾同其他中國人可以扮訓囉！可恥！）

大家都好好奇我肚入面既BB係男定女，哈哈！ 講講開始既時候，當然想幫老公追個仔啦，不過其實among我地兩個，我諗我係想追個仔多個佢，佢話無所謂，因為有仔可能會管教得好嚴，佢作為一個嚴父我都相信會！ 至於女，點都會嗲爸爸多D，不過佢都吾會好縱容個女喎..（佢話！）個日去照超聲波，一心諗住睇係仔係女，原來，到個刻見到BB時，見佢既心跳聲，手手腳腳，我真係已經吾care係男家女lu.....因為最重要既，都係佢既健康成長，咁我已經會好開心啦，哈哈！ 好啦好啦，大家都好期待，其實我肚入面既係一個囡囡，到時Hannah多個妹妹同佢一齊玩啦，yeah! 追吾到仔，我無失望架，反而覺得佢地兩姐妹相差18個月，應該大個會好相親相愛！（希望啦！） 

陰功豬

呢幾日都好Q忙呀！ 不過都係工作上，今日有野due, 星期一又有，唉，至憎就係quarter, 忙到嘔，而老細又放假，留低D蘇州屎比我地....真係多謝哂！ 不過，話明係老細，你最大，我收聲，哈哈！ 

呢幾日訓到腰酸背痛， 我知呢個係其一既懷孕問題， 但有無野我可以做呢？ 雖然而家都依然同Hannah BB訓，但佢夜晚叫聲既次數少左好多， 所以我都算啦。 我係一D需要10個鐘頭睡眠既人，不過當然係無可能啦！ 有7個鐘我都覺得開心！ 佢以往叫，我覺得係因為尿尿， 我之前用開P牌cruisers, 不過次次訓醒都尿床，真係多得佢吾少， 之後，我試下用P牌既baby dry, 仲要用大一個碼，吾知係咪呢個原因， 佢又無叫醒喎，咁我當佢係架啦！ BB即係好似我地咁， 有時夜晚都要尿尿， 不過而家baby dry可能absorb得勁D同長D， 所以佢都無事！ 之前講過佢個排成日poo poo, 搞到pat pat紅哂，朋友介紹左一隻diaper rash既cream比我，叫triple paste, 又幾好喎，查左幾次之後pat pat即係變靚D， 雖然係貴少少，但物有所值既， 起碼Hannah BB吾係成日pat pat紅，吾駛成日查呢隻既。 

陰功豬既係，Hannah BB個表第入左醫院呀！ 上個星期佢已經睇過醫生， 頭一次去左私家既， 不過家姐話佢地吾乾淨，吾比藥BB食，跟住之後個日， 佢就同BB去仁安睇醫生， 醫生話BB有支氣管炎， 比支野佢噴，但over the weekend就好似愈來愈嚴重， 噴野又好似無用， 佢係有咳同痰， 但咁細個當然吾識點吐啦（其實我咁大個都吾係太識）， 所以到星期一，仁安個醫生叫佢入院， 但最搞笑既係， 居然無床位比佢， 都吾知有無搞錯！ 話哂睇開個醫生都係註院醫生，咁都比吾到個床位比人？ 真係搞到家姐好不安， 跟住打去幾間都無位，我心諗，吾係呀ma....咁多BB病咩？？ 到最後，因為我表哥係法國醫院既醫生（不過就吾係兒科），終於都有床位比BB啦！ BB病已經好辛苦架啦，難為媽媽仲要周圍撲位，真係.........已經係醫院住左三日啦， 醫生話可能要留到星期六，話要finish成個treatment喎.....好慘！一個4個月大既人仔， 要係醫院住成個星期， 又要比人抽痰，唉，我諗做父母既都真係吾想自己BB病，寧願自己病呀！ 希望表第快D好番，做番個開心健康快活人啦！

  

妹妹定細佬?

如果你本身係大女，你會想要個妹妹定細佬呢？ 我自己本身係細女，我有個家姐大我3年， 我地由細到大感情都OK，雖然而家都好少通電話，但會whatsapp下，佢會有時過來NY探我，而我都會幾年返香港一次，當然啦，有左小朋友之後要走來走去都吾係易事， 所以吾知幾時先有咁既機會呢？ 我自己本身因為無男仔係family, 所以當然想有個男B啦，但我又覺得我未必識得handle男仔既野，所以都係有個女算啦，哈哈！ 其實呢D都係得個諗字， 緣份係點都吾到我話事架， 我直覺覺得Hannah會中意妹妹多D，因為有時我99湊小朋友時，佢都中意同女仔一齊玩，我覺得佢地會好cute架，嘻嘻！反而同cousin哥哥就少玩D，可能佢比較active同rough, 我都怕左佢呀！  兩姐妹有傾有講，訓埋同一間房傾心事， 真係好得意！ 

其實寫呢篇既時候已經懷孕左幾個月， 不過點都係提吾起勁寫，同埋吾知點解，今次吾想咁多人知，哈哈， 好奇怪！ 除左屋企人同office既人之外，我都無同其他人講， 係咪呢個係其中一個hormones影響啦，哈哈（比個籍口自己啫，哈哈！） 你問我今次有咩分別，其實係無！ 無作嘔，無作悶，食野正常，無點craving, 除左個肚大之後，無任何問題， 當然都好累，但我覺得都係因為湊B既關係啫。 雖然好似咁快又有左， 但我同老公不嬲都想兩個小朋友close D, 年紀close D有佢既好處架！ 希望大家吾好介意我咁遲先公怖， 我只係吾知點開口同人講，不過BB年尾就會同大家見面， 而我家將會係一個"龍蛇"混集既地方，哈哈哈哈哈！ 

任務完畢

經過漫長嘅一曰, 小龍女終於係5月22日下午5時36分出世. 果然係姓伍, 出世都要揀五点几, 哈哈. 出世時係6lb5oz, 不過我觉得已經足夠. 而家諗起個生產过程都心有餘悸. 我而家先發現自己有超强的忍耐力. 其實昨晚凌晨已經開始痛, 不過因為未有5分鐘一次嘅痛, 所以唔可以去医院住, 不過係屋企時已經好好. 之后到早上, 我本身有doc appt見医生, 我就打比医生問我應唔應該去医院, 不過佢話去見佢先. 去到做檢查, 只係开左2-3度, 所以医生建議我行一陣再返去見佢. 下午三時, 我見完医生已經开左5度, 所以立即叫我去医院, 不過我個陣已經痛到不似人形. 半个中头到去到医院, 真係痛到痛不慾生, 去到医院, 其實都行唔到, 不過死撑, 去到又唔比我入, 因為无床位, 不過老公知我好辛苦, 而其他等嘅人仲行得走得, 又边好似我咁? 之后見到我痛到想C, 而医生又話我有五度, 所以叫我去檢查, 唔檢查由自可, 一檢就話我已經開哂, 要立即入產房. 我个刻真係定左几秒? 开哂? 只不過係半小時車程就由5开到十??? 实在太不可思議. 到我推入產房, 已經用唔切epidural. 一入去就開始推. 唉, 本身已經痛到無力, 食野又少, 不過既然係要生就无計, 经过大約一小時嘅push, 小龍女終於誕生, 母親真係好偉大, 而家想起都要讚自己, 居然可以忍到甘劲, i m proud of myself.

未能post相片, 不過母女平安, 大家放心啦! ^_^

星期二的凌晨

痛醒左，應該離出世的時間不遠，不過已經痛到好辛苦，BB乖，快手快腳，唔好令媽媽咁辛苦呀！

星期二的凌晨

痛醒左，應該離出世的時間不遠，不過已經痛到好辛苦，BB乖，快手快腳，唔好令媽媽咁辛苦呀！

生仔update

已經過左due date，不過仲未有聲氣，所以聽日就去見醫生等佢寫字催生，多謝大家關心呀，我一有消息就會通知大家呀！期待小龍女嘅出現。五月份生日有我家姐同父母，亞媽係5月25，亞爸係5月31，而家姐係5月21，開頭我仲估會唔會同家姐同一日，而家唔知會唔會同亞媽呢？不過應該就等唔到亞爸生日Lu. 

星期六同日，天氣好，就同老公去行海邊，雖然好累，但有老公陪都ok, 遲D可以三人行去海邊行，行多D易生D，希望一切順利！

生仔update

已經過左due date，不過仲未有聲氣，所以聽日就去見醫生等佢寫字催生，多謝大家關心呀，我一有消息就會通知大家呀！期待小龍女嘅出現。五月份生日有我家姐同父母，亞媽係5月25，亞爸係5月31，而家姐係5月21，開頭我仲估會唔會同家姐同一日，而家唔知會唔會同亞媽呢？不過應該就等唔到亞爸生日Lu. 

星期六同日，天氣好，就同老公去行海邊，雖然好累，但有老公陪都ok, 遲D可以三人行去海邊行，行多D易生D，希望一切順利！

BB 安樂窩

琴日係家中又無野做，見之前買左D wall decal, 老公又吾做，咁我就自己搞啦。 嘻嘻， 靚吾靚呢？ 雖然仲未有機會比BB一間自己既房間，但呢個section將會係BB既安樂窩，放心啦亞B，媽媽爸爸一定錫哂你！ 到第時搬左之後，就會比間房你架啦！不過而家你仲細，同爸爸媽媽share住先啦！

BB 安樂窩

琴日係家中又無野做，見之前買左D wall decal, 老公又吾做，咁我就自己搞啦。 嘻嘻， 靚吾靚呢？ 雖然仲未有機會比BB一間自己既房間，但呢個section將會係BB既安樂窩，放心啦亞B，媽媽爸爸一定錫哂你！ 到第時搬左之後，就會比間房你架啦！不過而家你仲細，同爸爸媽媽share住先啦！

待產

BB係我肚入面已經39週了, 不過仍然未想出來, 有時D野急都急唔來, 唯有等啦.   琴日見完醫生, 仲未開, 係咪真係咁中意媽媽個肚? 哈哈, 應該都幾舒服既. 如果下星期見醫生時仲未有動靜, 就要醫生寫紙入院催生啦!

上星期六同老公出街, 因為亞媽同朋友打牌, 我同老公都無所謂.  同老公去左睇Avengers, 不過當然無我想像中咁好啦, 起碼吾會睇完1次又1次.  可能心境已經變左.  跟住同老公去食德國餐下午荼, 都幾昂貴!  不過就好悠閒, 舒服. 

 

星期日係mother's day,  意想不到老公煮早餐我同媽食, 哈哈, 平時佢咁懶, 真係估不到.  雖然吾係什麼山珍海錯, 最重要係佢既心意, 而個日仲煮埋晚餐, 嘩, 真係難以置信, 哈哈!!!雖然無其他禮物收, 但佢既誠意已經100分啦!!! 最最最重要係, 佢居然自動自覺話幫我修甲.....真係surprise呀!  其實我平時係會自己搞, 不過因為個肚太大, 真係彎吾到腰整腳甲, 不過好彩老公無嫌棄我, 仲幫我,真係好偉大呀! 我真係有D意想不到,
因為1個大男人咁吾係咁容易做呢件事, 又令我覺得老公對我有多好!!!

呢排會小D打blog, 因為好吾方便, 平時係office 方便好多,
而家吾知點樣可以係ipad upload相, 生完之後又吾可以上上落落(因為部PC係下面),
唉, 有無人可以教我呀??? 如果吾係, 第時BB出來,我只可以post上facebook咋.

 期待亞B既誕生, 仲有5日咋

待產

BB係我肚入面已經39週了, 不過仍然未想出來, 有時D野急都急唔來, 唯有等啦.   琴日見完醫生, 仲未開, 係咪真係咁中意媽媽個肚? 哈哈, 應該都幾舒服既. 如果下星期見醫生時仲未有動靜, 就要醫生寫紙入院催生啦!

上星期六同老公出街, 因為亞媽同朋友打牌, 我同老公都無所謂.  同老公去左睇Avengers, 不過當然無我想像中咁好啦, 起碼吾會睇完1次又1次.  可能心境已經變左.  跟住同老公去食德國餐下午荼, 都幾昂貴!  不過就好悠閒, 舒服. 

 

星期日係mother's day,  意想不到老公煮早餐我同媽食, 哈哈, 平時佢咁懶, 真係估不到.  雖然吾係什麼山珍海錯, 最重要係佢既心意, 而個日仲煮埋晚餐, 嘩, 真係難以置信, 哈哈!!!雖然無其他禮物收, 但佢既誠意已經100分啦!!! 最最最重要係, 佢居然自動自覺話幫我修甲.....真係surprise呀!  其實我平時係會自己搞, 不過因為個肚太大, 真係彎吾到腰整腳甲, 不過好彩老公無嫌棄我, 仲幫我,真係好偉大呀! 我真係有D意想不到,
因為1個大男人咁吾係咁容易做呢件事, 又令我覺得老公對我有多好!!!

呢排會小D打blog, 因為好吾方便, 平時係office 方便好多,
而家吾知點樣可以係ipad upload相, 生完之後又吾可以上上落落(因為部PC係下面),
唉, 有無人可以教我呀??? 如果吾係, 第時BB出來,我只可以post上facebook咋.

 期待亞B既誕生, 仲有5日咋

尿頻

雖然知道大肚婆係比較常去廁所，但日日咁去真係好誇張。 好似琴晚，可能晚上飲多左少少，臨訓前已經去過一次，點知隔兩小時就起身一次，因為急尿，來來回回起碼有三次，唉，試問咁樣邊有覺好訓？ 朝早六點幾又急，本來平時7點幾先起身，打算睇下忍吾忍到，點知最後都係頂吾順，要衝去廁所，好彩廁所只不過係隔離，如果吾係真係好難忍呀！ 

今日係最後一日返工，講真，真係有D不捨。 雖然之前都有去過兩星期假既旅行，但今次係3個月，真係3個月後都吾知會係點。 今日我既好同事又送左樣野比我，居然係for mother's day, 我就話我都未係mother, 不過佢照樣送比我。 呀，佢對我實在太好啦，我真係有D衝動契個女比佢，因為我覺得佢對我仲好過我6299佢地，唉，真係感慨。  不過我同老公都打算生完之後坐月之後，就同埋BB一齊返我office探我班戰友，因為佢地付出既真係多，又照顧我，又保護我，真係要講句，i feel so loved!!!!! 

另一個同事既老婆都大肚，不過佢就慘，剛剛開始時成日都想嘔，而家已經六個月都係好吾舒服，不過最諷刺既係，我同事差不多日日都帶佢老婆返工，試想下，公司又無床比佢休息，又成日都要屈住係我同事個office, 又悶，真係.....都吾明點解要同佢返公司。 琴日仲同我講，話遲下要搬番去舊屋住，佢老婆仲打算油過間房比BB，嘩，我心諗，咁大工程仲要大住個肚，真係辛苦，不過我又吾係佢地兩公婆，無謂出聲。 佢當佢老婆好似工人咁，好慘，佢老公一個人由columbia搬來NY住，一個親人係呢邊都無，唉，所以我都好同情佢呀！ 好似之前佢問我關於BB傢俱，佢話佢老公吾知，我真係好surprise, 因為佢老公係呢度土生土長，點會一D knowledge都吾知，就算吾係做父母既都應該知啦，所以我都幫得就幫，佢有問題我都會盡量幫佢。唉，嫁著過咁既老公，真係陰功囉！！！！！ 到時我返到公司佢就差不多生啦，希望大家都一切順利啦！

尿頻

雖然知道大肚婆係比較常去廁所，但日日咁去真係好誇張。 好似琴晚，可能晚上飲多左少少，臨訓前已經去過一次，點知隔兩小時就起身一次，因為急尿，來來回回起碼有三次，唉，試問咁樣邊有覺好訓？ 朝早六點幾又急，本來平時7點幾先起身，打算睇下忍吾忍到，點知最後都係頂吾順，要衝去廁所，好彩廁所只不過係隔離，如果吾係真係好難忍呀！ 

今日係最後一日返工，講真，真係有D不捨。 雖然之前都有去過兩星期假既旅行，但今次係3個月，真係3個月後都吾知會係點。 今日我既好同事又送左樣野比我，居然係for mother's day, 我就話我都未係mother, 不過佢照樣送比我。 呀，佢對我實在太好啦，我真係有D衝動契個女比佢，因為我覺得佢對我仲好過我6299佢地，唉，真係感慨。  不過我同老公都打算生完之後坐月之後，就同埋BB一齊返我office探我班戰友，因為佢地付出既真係多，又照顧我，又保護我，真係要講句，i feel so loved!!!!! 

另一個同事既老婆都大肚，不過佢就慘，剛剛開始時成日都想嘔，而家已經六個月都係好吾舒服，不過最諷刺既係，我同事差不多日日都帶佢老婆返工，試想下，公司又無床比佢休息，又成日都要屈住係我同事個office, 又悶，真係.....都吾明點解要同佢返公司。 琴日仲同我講，話遲下要搬番去舊屋住，佢老婆仲打算油過間房比BB，嘩，我心諗，咁大工程仲要大住個肚，真係辛苦，不過我又吾係佢地兩公婆，無謂出聲。 佢當佢老婆好似工人咁，好慘，佢老公一個人由columbia搬來NY住，一個親人係呢邊都無，唉，所以我都好同情佢呀！ 好似之前佢問我關於BB傢俱，佢話佢老公吾知，我真係好surprise, 因為佢老公係呢度土生土長，點會一D knowledge都吾知，就算吾係做父母既都應該知啦，所以我都幫得就幫，佢有問題我都會盡量幫佢。唉，嫁著過咁既老公，真係陰功囉！！！！！ 到時我返到公司佢就差不多生啦，希望大家都一切順利啦！

放產假前的最後一個星期工作

今個星期都好悶，可能就快放產假，工作上都無新既野做，日日都係百無聊籟係公司上網， 睇下BB仔野，真係好無聊。 所以就係去廁所時，見無人就影下相，update下而家38週既大肚情況先，哈哈！都話好無聊啦！ 

影完之後，先發覺原來自拍好鬼難。

琴晚99打比我，我仲以為經過買樓事件佢吾會再打比我，哈哈！ 我開頭都諗接吾接好，不過算啦，費時比人話我小氣。 佢又問我地近來點，將來生左之前我亞媽係度就舒服D， 我咪話囉，我自己做到既我一定自己做，更何況亞媽係度只不過係temporary， 除非我做吾到啦，如果吾係晚上湊B都會係我，我吾中意假手於人，更何況BB係自己既，無理由要比人地湊。 不過我只不過係講自己啫，我更加吾會要求99幫我湊， 我寧願吾駛佢幫好過。 佢咁講都係想話我知，佢個細仔個D都係佢湊，佢地兩公婆好辛苦架，blahblahblah....又係好辛苦喎，而家仲辛苦到去埋旅行tim...真係辛苦哂，哈哈哈！ 個B係邊？ 吾駛問啦，一定係99度，呢D父母.....真係好！

放產假前的最後一個星期工作

今個星期都好悶，可能就快放產假，工作上都無新既野做，日日都係百無聊籟係公司上網， 睇下BB仔野，真係好無聊。 所以就係去廁所時，見無人就影下相，update下而家38週既大肚情況先，哈哈！都話好無聊啦！ 

影完之後，先發覺原來自拍好鬼難。

琴晚99打比我，我仲以為經過買樓事件佢吾會再打比我，哈哈！ 我開頭都諗接吾接好，不過算啦，費時比人話我小氣。 佢又問我地近來點，將來生左之前我亞媽係度就舒服D， 我咪話囉，我自己做到既我一定自己做，更何況亞媽係度只不過係temporary， 除非我做吾到啦，如果吾係晚上湊B都會係我，我吾中意假手於人，更何況BB係自己既，無理由要比人地湊。 不過我只不過係講自己啫，我更加吾會要求99幫我湊， 我寧願吾駛佢幫好過。 佢咁講都係想話我知，佢個細仔個D都係佢湊，佢地兩公婆好辛苦架，blahblahblah....又係好辛苦喎，而家仲辛苦到去埋旅行tim...真係辛苦哂，哈哈哈！ 個B係邊？ 吾駛問啦，一定係99度，呢D父母.....真係好！