怪獸

有怪獸家長自然有個怪獸家庭啦！ 講真，我講佢地都講到煩，但有D野真係有時不吐不快呀！ 好似呢期，cousin姐姐晚晚都話我吾拎埋佢碗飯同叉，我真係比佢吹X脹，佢自己已經6歲幾，自己拎野已經吾係一個問題，仲要我去服侍佢，真係開玩笑嗎？ 我日日放工去湊兩個女已經好累了，佢吾幫手不特止仲要take it for granted, 係，我99可能spoil慣佢，但係我字典入面我無必要要spoil佢囉，真係好黑我憎！如果個個係我個女，我一定炳到佢一鑊金，邊有可能有個咁既人架？ 就算係公主病都吾好叫我去服侍囉，低能！ 最大問題係佢老母日日都係度，都吾會話佢，只係顧住自己餵個仔，跟住食完就坐係梳化等運到，呢D咁既人，真係good luck呀！吾知幾時先可以離開呢個鬼地方，但真係見到佢地就憎呀！ 我決定以後都吾會幫佢地拎飯，有咩就自己拎啦，PK！

本周回故

呢幾排都勁悶，weekend簡直就無出過街，就算吾係因為亞妹煩，都覺得吾知去邊好，唉，悶爆！本來星期六去個park到BBQ， 但老公話如果BBQ,不如叫朋友來好過啦，咁問完朋友後佢地話OK，所以最終我都係留係屋企，哈哈！ 不過吾緊要啦，起碼我都算有朋友來探我地，無咁悶呀！ 佢地剛剛生左個女，好得意呀！ 我好掛住咁細個既BB，不過又好怕再deal with呢個stage....都係玩人地個D算吧，哈哈！ 不過因為落雨，我同朋友就留係屋內陪BB，男人就出外去燒啦，嘻嘻嘻嘻嘻！ 佢地真係好好客，買哂野食咁，真係好well prepared....我只係提供場地，真係好鬼衰！！！！！！ 

BB is sooo cute!!! 

星期日，本來無咩做，又臨時臨急話落去佢brother度食dinner for 中秋節，真係吾諗下人地有無plan, anyway, 落到去我都無點食野，原因？ 好簡單，同D吾中意既人食野又點會開心，我寧願吾食，就算有D咩山珍海錯， 如果同D吾岩咀型既人一齊食，真係背脊骨落。 況且，佢地屋企係用island來做飯桌，又要高又要坐得吾舒服（因為張椅無back),D小朋友仲吾方便，所以次次去都係企住食，勁煩！仲要佢地係得4張椅，擺明就係拒絕人客型屋企啦，所以我真係極之十分吾願意去佢地度食飯，勁吾舒服！ 跟住，99又話我地吾餵Hannah，又話性....但人地個仔就有成4大護法照顧，我99就更加係隔離餵飯加clean up...幾好服侍，跟住仲要cut埋生果，見到佢地咁既咀臉真係想嘔，所以我都吾想再逗留，拿拿臨餵完Hannah就閃，無咩好講！返到屋企先叫自由自在，而家睇緊屋，真係想5D搬吾想對住佢地呀！！！！！！！！！！！！！！ 

忙忙忙

呢幾日都比較上忙，工作上同屋企上都係，而家日日返到屋企都好似打仗咁，時間就係金錢，如果想休息就拿拿臨搞掂D女，不過邊有咁容易過！唉..... 而家五點準時收工，返到屋企六點左右，沖涼洗頭洗奶樽，6點45分落去食飯，因為妹妹餐奶大約係7點至8點，所以我食飯好趕，要拿拿臨食完就餵佢，跟住搞完哂就7點幾8點，返到屋企老公陪女我就洗埋其餘既奶樽，之後幫大女沖涼，如果妹妹吾嘈就一齊坐低讀陣書，如果嘈既就幫佢沖涼老公睇Hannah, 跟住9點多就食奶，而妹妹就大約10點食完最後餐奶，我就功成身退。 一諗起咁多野做，真係怕怕了，但如果自己吾做又點會有人幫手呢？ 所以.....我既工作係未完架，因為仲係餵人奶關係，佢地訓哂（即係差不多10點幾）我就泵奶，多數泵20分鐘左右，之後on a good day就執埋第二日要拎落99度既奶，個度又已經成10分鐘，又要執定第二朝起身泵奶既parts....所以我通常到11點先可以坐低休息10分鐘，而個D時間就超肚餓，因為食dinner食得咁快，而又做咁多野....到11點30分就準時入睡，我諗就算BB喊我都未必聽到，因為實在太累了.......聽到呢度，我都覺得自己好勁，不過其實最重要係有人合作，同埋time management好重要呀！ 

而家吾知係咪bend down得多幫佢地沖涼，有時腰骨都痛了，慘慘！ 

雖然好似好辛苦，但當你慣左呢種生活就吾覺得大不了，而且，到妹妹大個D吾駛我餵奶既時候，我相信我又會好懷念呢種日子了。  以前有段時間又係，又讀書又做野又搞wedding, 個種生活好繁忙呀，日日都好似好多野做咁，但到過左之後，又覺得好empty, 好似無左種寄託，人...真係賤，哈哈哈！ 

呢兩日妹妹係99度都OK吧，而咁岩係easter holiday, 所以cousin 姐姐又係屋企，而另一個小朋友又來，所以有5個小朋友係99度呀，當然有我62係度幫下手啦，如果吾係...真係湊C了。  妹妹一定好中意有咁多人陪，佢都好開心，無咩大問題，所以我想hannah可以留到一年一月先返學，當係同妹妹一齊成長呀！ 

兩個女仔係度整緊野，好似係手謰之類....如果cousin姐姐D脾氣好D，我相信我會放心佢同Hannah玩

坐到咁定既？？？？ 吾駛問，一定係睇緊電視啦，哈哈

作戰心情

終於都4月啦，即係仲有兩個星期左右我媽就會離開美國，其實我心情都無咩既，係就係忙D，但我都有少少習慣了。 呢幾日因為亞媽病左，吾舒服，所以晚上既所有野都係我做。 其實話多吾多，話少吾少，不過要做既都要做既。好似星期日後咁，食完飯後，佢就同Hannah沖涼，我就洗碗清潔，Emma就睇住我做野，搞掂哂之後就同Hannah睇陣書，佢食奶我就同妹妹沖涼，妹妹沖完涼我就餵佢食枝奶覺覺豬，不過吾係你話咁容易，佢食奶食成30分鐘，又要掃風，呢個process可以搞好耐，所以放佢上床時已經成10點30分，到之後我就要洗奶樽清理現場沖涼洗頭吹頭，全程用左30分鐘左右，11點左右泵奶，不過好吾開心，近排可能忙左又無咁多時間休息，所以泵少左，雖然都仲有，但始終想餵到6個月，仲有兩個月，希望可以堅持到啦！ 不得不讚既係，老公可以係咁忙碌既schedule下，依然squeeze到時間去打機，我無理佢啦，as long as佢做到我要佢做既野，佢吾休息我都吾care呀，哈哈哈！ 好似琴日咁，Emma 食完又痾左，搞到我D時間又少左，因為整污糟左件衫，又要換又要清潔，真係好忙碌！ 不過到我停下時我居然覺得呢種生活好充實，日日都係一個新挑戰，勁！ 雖然可能家中好多野都會得過且過，但我都堅持晚晚做完所有野先訓，希望兩個乖女可以生性，訓個靚覺啦！ 

奉上愛女既兩張相！佢望住塊鏡係度自言自語，哈哈，好得意！

Emma BB：咦，你個樣咁似我既，你係邊個呀？ 

勁難過的一星期

呢幾排不停地想，不如我地舉家搬返香港住啦！ 點解？ 如果6299吾係咁難頂應該都OK既，但佢地.....

事發係前晚，我就如常地去佢地屋企接女加食飯，通常我地食前都會先餵左個女，而我地多數都會比白飯佢食左先，因為佢有時好衰，見到餸就吾食飯，咁不嬲都係咁，我吾會轉啦，跟住99吾知痴左邊條根，係度發癲，話你only比白飯，係人都吾食啦，我心諗，你無拿野呀ma...我不嬲都係咁架啦，同埋，個女係我既，我自己有自己個套教法。 跟住都算啦，我咪幫手拎D餸出去，跟住佢又發癲，又講，你搞掂你自己個女先啦，我真係想爆粗，佢都低X能，咁以後吾好叫我幫手啦，最衰我老公吾係度，如果吾係一定走人！佢肯定又吾知同62嘈咩啦，大家都睇大家吾順眼，咁當初就吾好搬埋一齊住啦！ 個晚搞到我勁吾開心，返HK既念頭就更加多！ 

而琴晚，佢地又發癲，又係D小朋友面前嗌交，又話呢個吾幫手，個個就話幫左都有野講，等等....不過62就算做幾多野，99都會覺得佢做D野吾夠好，唉...我係怕到時亞妹落埋去，佢地就更加吾得閒，而且有D人又話要去旅行，夜晚又遲遲都吾返，咁搞到D責任係哂我地度，真係.....返HK既念頭更加強，雖然知道HK讀書一般，但起碼有亞媽幫我湊住，我會安心D....好煩惱好煩惱！ 今個星期真係多問題，不過好彩就快weekend, 可以有兩日吾駛見到樓下D人了，yeah! 

happy weekend + 又呻

又過左一個星期，weekend永遠都係最忙的，不過見到我至愛既三個人我都覺得好開心！

星期六見天氣好，所以同左Hannah去對面個park玩下，嘻嘻！其實而家個個weekend都好多野做，就算吾係做housework, 都要煮野比小朋友食，忙到癲！ 好似星期六，又要煮比個女，又要煮比自己，又要煮比老公.....真係癲左！ 好彩而家細個個未駛食solid, 到時....又真係一頭煙呀！ 基本上而家weekend大多數都留係屋企，因為真係太忙了，同埋天氣關係，真係吾多想同小朋友出街。  我地weekend叫左兩個朋友來，真係好開心，雖然都係好忙，但佢地訓哂之後就同兩個朋友係度傾計，真係生完之後都未試過，感恩！ 好彩佢地吾介意次次見面都好似係我地屋企，又或者佢地都係人地父母，絕對明白我地有幾忙碌吧！ 

講完D開心野，又要再呻多幾呻了。 可能大家都厭了呢個topic, 但我又不吐不快呢！ 請大家多多包容！ 

星期六，99上去我地度話見下我個女wor...其實只不過係想借張subway card, 不過是但啦，我吾係太介意佢有幾假！ 跟住佢同我亞媽傾計，我就無點pay attention啦，之後99走左，我亞媽問我，你知吾知佢地去旅行？ 跟住我話，下？ 幾時？我真係完全吾知道， 而今次佢地又係留兩個kids係度，自己就返HK大陸玩3個星期....真係XYZ！ 我亞媽第一個反應同我講係，都吾係人黎.....我就已經見慣不慣，係怕到時我亞媽走左，我99要湊三個搞吾搞得掂！ 我問老公，佢話應該無問題，但我點都要擔心一下吧.... 我真係好好好吾明點樣做到人地父母，完全可以吾理自己既小朋友，留低三個星期自己去玩，真係安心嗎？ 再者，都吾會諗下自己亞媽辛吾辛苦.....我自問做不到。 況且，佢地10月份先去完旅行，幾個月去一次，就吾好成日話窮啦！ 佢地兩個小朋友，一個6歲，一個兩歲，我個兩個一個未夠兩歲，一個幾個月大，橫睇掂睇我都係忙過佢架啦，但叫佢做少少野時就話吾得閒，妖，我真係覺得好不知所謂！ 所以而家上年個grill爐....我相信依然係未清潔好，因為佢好Q忙呀ma......低能！咁Q忙咪吾好去旅行囉！ 佢地呢D人，人地幫佢做野就好地地，當我地要佢做野就耍手擰頭，吾幫又話人地吾肯幫，大佬，奉旨？你估你地係皇帝？ 我相信到細女大D返學，我就會搬，還定都吾係咁開心，我寧願辛苦少少都吾想再一齊住！ 

多謝聆聽，我都希望吾好再呻多幾呻啦！

再呻

以為琴日呻完，點知原來未完結，真係一山還有一山高！ 

琴晚返到屋企，本來打算同Hannah出去park到玩下，點知落到去6299度佢就係咁喊，可能好眼訓，因為62話佢訓左一陣比人嘈醒左，下午個餐又無餵，可能又肚餓，不過我知我個女係吾識肚餓，因為佢本身都吾食得多，but anyway, 佢地兩個係咁一人一句，又話呢個搞吾掂，個個搞吾好，好拿煩，你地中意開戰就自己開，吾好係D小朋友面前搞D咁既野啦。 OK，食飯，Hannah可能累，所以開陣電視比佢睇，99又話吾好，真係好Q煩，跟住本來咪話同cousin 哥哥去見醫生，原來吾係去check up, 係搵語言師，因為佢兩歲仲未講野，跟住我真係嘩左一聲，想爆粗，自己個仔吾講野，見語言師咁重要都吾同佢去？？ 又話係得一至五先開，如果係咁重要既野，take a dayoff去又有幾難？？ 我地而家既dayoff都係比哂小朋友架啦，佢地既dayoff就係去遊浮，真係X拿星呀！ 雖然都係none of my business, 但如果以後都要去見語言師咁我兩個女點算？ 真係想像吾到我條路係幾難行，同埋點解呢D人一D責任心都無？？？ 而家我99 weekend去做護理，返到堅企又要幫佢地湊B，佢係過份縱容，都係自己攞黎賤。  from now on, 我食飯就拿拿臨食完就走，見到佢地多一面都想嘔！

呻

琴晚真係好嬲，又係我老公個邊D人既事囉....

話說琴晚落去食飯時，突然間99話佢聽日要同cousin哥哥去check up, 下午出去，咁我話，嘩，咁突然，咁邊個睇住Hannah, 佢話我62囉，我不嬲都知62既態度都係是是但但，但我嬲既係人地作為父母既真係吾需要同自己小朋友去check up咩？ 就算自己個媽點樣心甘情願，我覺得check up呢D野都吾可以假手於人，更何況，check up呢D野，今個星期吾得咪下星期去囉，吾好又用吾得閒做籍口，真係好過份！平時去shopping呀，去呢度玩就可以有時間，同個仔去check up就無時間？？？ 真係兜把星！！！！！！！真係嬲到我.....如果emergency, 咁無辦法啦，但check up我相信係好早已經make appointment, 妖...真係愈打愈興，想一次過用哂我所識既粗口來宣洩我的不滿！！！！！！！我吾要求我99幫我手，就算將來我點辛苦，我都吾想見到佢地呀！！！！！！！！！！！！！！！！ 仲記得上年Hannah病時，我又大肚，我老公湊到半死，佢話好排掛住個孫，但就無來探過佢.......其實一上一落都吾駛一分鐘，但比我見到佢又要同人地出去買野......算啦算啦，我都係呻下je...佢地兩個咁不負責任，都係none of my business!!! 個個女人，有時抱個仔返屋企都話吾得，要99幫手，都吾明白，一個6歲識行，一個2歲都識行，抱住一個，一隻手開門都吾得？ 我個陣，大住肚又抱埋Hannah仲要行樓梯又係咁.....證明佢有幾廢！ 有次weekday,我亞媽出去買餸，見到呢個女人去shopping, 超，咁得閒不如湊住個仔啦！ 算啦算啦，佢地吾會更腎，只會更腎！！！！ 我不如慳番啖氣暖肚啦！ 多謝各位聆聽，呻完！

咁都得？吾係呀ma......

話說早排聖誕節，我年年都會準備禮物比老公細佬既小朋友，cousin姐姐我就準備左一部琴比佢（當然吾係真個D啦！），而cousin哥哥就準備左幾件衫同melissa and doug既blocks比佢，因為佢仲未識講野，吾比玩有音樂既toys. 其實我選擇既gift吾係是但咁揀，係真係用心去揀架。好似cousin姐姐個份，就係見佢中意玩我屋企部琴所以買比佢。 不過有一日見到cousin姐姐，佢同我講，可吾可以買過樣聖誕禮物比佢，我問佢點解，佢話佢屋企有部，想叫我買過樣野比佢，我心諗...下，你咁係呀ma? 我送野比你，你都仲咁多要求？ 我即時O咀呀！ 

今日99打比我，同我講話遲下可能weekend出去做護理，我又心諗，其實我地weekend都好少要你幫手，所以你出去做野影響吾到我既。 之後講講下又話自己無錢因為無野做，再講番之前佢買左兩件衫比cousin姐姐做聖誕禮物，之後cousin姐姐同佢講 "你送得兩件衫比我咋？ 我婆婆買左架車比我玩呀！" 跟住我99就問佢邊個同佢講，cousin姐姐就話佢媽媽同佢講.....雖然吾知係真係假，因為呢段野係我99同我講， 但如果cousin姐姐個亞媽真係咁講野，我覺得佢真係好衰。 係，我99係無野做，因為要湊我地既小朋友。 無收入又點會有錢買野比佢地。 但人地亞媽又吾好忘記，佢日日都有個工人幫佢手，仲要係免費個隻，而家送吾得起D其他luxury既野，就咁同個女講？？？ 我覺得好過份！ 同埋，人地送咩比你個女係人地既事，你吾appreciate就算，吾需要係個女面前講D咁既野，個女仲細，吾識野，但佢亞媽吾係小朋友，有無經大腦講野架？ 有時真係戥我99慘，用心去對佢地，佢地就當佢係草，吾怪得知佢要出去做野，比著我都吾想weekend再幫佢地湊小朋友，好似自己攞黎賤咁。 我吾覺得出奇，因為佢地個家人係好勢利，你又吾諗下而家住緊間屋係邊個比down payment, 如果吾係你邊有咁好住。 我係睇吾過眼啫，無咩事，始終係佢地既事，如果我個女講D咁既野，我一定會嚴懲！ 所以我決定，下年我都係是但咁買D野比佢地算，我都只不過係收到個兩件衫仔，但我當然吾會有意見，送吾送我都無得控制架，更何況，我都吾係貪佢送既野！ 

百感交雜

眼見而家既Hannah同我既距離好似愈來愈遠，感覺真係吾好受。點解會咁？ 當然係因為我之前大肚，未能好好照顧佢，老公為佢沖涼，氹訓，等等...而我當然係要好好照顧自己身子先啦！而家更加要照顧妹妹，泵奶，休息，相對同Hannah既親子活動真係少之有少，我多數都會係吃完飯沖完涼後陪佢讀下書，呢個就係我地唯一既相處時間。 而家有時中途訓醒，會喊住搵爸爸，當我呢個亞媽吾存在，呢個感受...吾係三言兩語可以形容到。 雖然老公之前話我要放多D時間落個女度，佢先會親我多D，但試問...我又點樣可以squeeze D 時間出來呢？ 我真係吾識得點樣可以balance到自己，都覺得自己好失敗，點解會令到個女吾痴我？ 雖然佢吾痴我，變相係多左好多時間去休息同照顧妹妹，但心靈上既創傷...反而多！ 唉....那些年，我倆曾幾何時一齊渡過既時間， 亞女好似已經忘記了，而家搵到新寵兒，我呢個舊既，會係新不如舊，定係係貪新忘舊呢？ 其實老公無覺得沾沾自喜，反而好想我抽多D時間，好讓佢都有D空間，我同佢講，你有兩個女，黎緊呢幾年你都吾駛旨意會有私人空間架啦，你慢慢捱下啦！ 好明顯，女兒都係比較痴爸爸，我吾望佢地好痴我，但我都只係想分擔一下老公既苦咋！ 

講完一D吾太開心既事，又講下今日做既特別事，就係去見OB。 今次係產後檢查，大家放心，一齊正常，不過仲有線未溶，希望會係一兩個星期後自動溶解啦。 講下呢個OB，其實我之前有朋友介紹我去睇第二個，不過見左個個之後，佢既吾專業令我好反感，同埋，我第一次見佢，佢係咁崔我走，問多句都覺得我煩，我至憎就係呢種醫生，所以決定自己搵。 開始時都係上網search下，見到我現任醫生既rating幾好，所以真係膽粗粗去試，第一次見佢時係因為一D irregular bleeding, 不過見佢第一次印象幾好，因為佢好有耐性聽我講，又吾會因為出面有其他病人而崔我，所以我既first impression都幾好，第二次去時，已經係大肚啦，第一次大肚當然更加多問題啦，但佢都好仔細解釋比我聽，同埋會開解我，叫我吾好擔心，好似朋友一樣，到今次生既時候，佢真係好盡責任幫我，因為原本我生時血管好脹，佢話好少人會咁，所以連針時真係要好delicate先可以吾爆線，同埋都比左好多鼓勵我，我見到佢時真係放心哂架！！ 我知道要搵一個夾既醫生幾難，真架，而家大部分既醫生都為搵錢，但佢我相信吾係，可能美國既醫療制度吾同香港，大部分既價錢都係standard, 吾會因為你bill幾多而保險會比幾多，而且呢邊都吾主張開刀，所以吾可以用錢來計。 雖然係香港入公立醫院真係平，但始終係一個吾相識既醫生來接生，點都好似怪怪的。 如果有幸再生的話，我都會keep住搵呢個醫生，因為將自已既性命交比一個人真係吾容易，點都搵個自己信賴既人好D！ 多謝我個OB令我生產咁順利，同埋次次都肯花時間去同我呢個好Q煩既人傾計，哈哈！而家無得定時定候見佢，真係好鬼吾慣呀！不過見到醫生都係吾方好野，除非係朋友啦，哈哈！！！！ 

BB便秘有咩方法呢？ Hannah就由細到大都有呢個問題，唉！如果佢吾日日都poo poo， 第二日poo poo時就因為痛同大舊令佢而家怕左去poo poo。其實已經比好多菜佢食，我都吾知係咩原因呢？ 似我D腸吾係直腸直肚？希望大家比比意見啦！ 

落雪日，雖然吾駛返工，但希望落大D，老公吾駛返，yeah! 哈哈！

激氣

岩岩比老公激親，真係搞到我好吾開心。 坐月既日子已經吾算太好過，夜晚又要起身餵夜奶， 真係精神一般咋。雖然平日Hannah都係比99湊，因為要照顧咁多人真係無可能。 而家佢已經吾多痴我，其實我明既，我之前又大肚，無能力去照顧佢，而家生完又吾可以抱住，不過我都有陪佢讀書同玩，都算係咁啦，最吾開心既係，好似老公吾多明白我，個女而家晚晚都係佢tum訓覺，所以個女一吾見佢就發脾4。 今晚佢去個廁所，亞女又發脾4，之後佢去完廁所出黎見到咁既情況，就叫我陪個女多D。我個刻真係好吾開心，個女本身好痴我，而家因為細女出世而比老公講到我好似特登吾理佢咁，佢有無想過我感受呢？ 以前個個weekend邊個照顧個女，係我，個個weekend邊個可以訓到王朝白晏，係佢，邊個餵個女，係我，邊個換片，都係我，邊個煮埋野食比佢地，又係我.....點解佢可以講D咁既野？ 真係令我好吾開心....不過又如何，佢吾會覺得係一個問題，因為佢吾識咩係appreciation! 

算啦，發洩完畢，又係時候訓陣等今晚餵奶！ 

有無搞錯？

上篇講左佢兩公婆出外旅遊，留低兩對仔女比我99湊，點知最震撼既係，原來佢兩對仔女星期六要去check up, 要4大長老（4個grandparents)同佢地兩個小朋友去，陰功！ 好心啦，明知佢地要check up既，一係就postpone佢地個check up, 一係就postpone你自己個trip, 有咩理由要4個老人家同孫去見醫生架？ 你作為父母係咪真係可以比少少責任心呢？？？？？？？ 雖然吾係咩大不了，都係打針咁樣，但係，我覺得作為父母連呢D少少既時間都比吾到小朋友，咁點解仲要咁呢？ 我吾覺得去旅行去玩係大哂，你而家犧牲幾年既時間陪佢地，到佢地大D你想佢痴住都無可能呀，唉.....我係覺得佢兩個小朋友慘咋！ 再加上係，cousin哥哥打完針針發燒，呢D時間又係邊個照顧？ 原來又係99.....唉.....我好明白湊住一個病既小朋友有幾辛苦，晚上聽見cousin哥哥喊左好多次，我戥99慘之餘又覺得呢對父母真係好不知所謂！ 雖然係人地既事，但我又吾想放係心入面，同老公更加吾會講，咁唯有係呢度訴下我的不滿啦！ 

安排

呢排可能比Hannah BB搞到無覺好訓，先至諗到如果生完第二個之後點算好？ 而家先識驚，因為可能而家佢晚晚訓覺都好差，真係無哂睡眠時間，到有兩個既時候，想take a break真係幾難呀！ 妹妹初出世都仲OK，到妹妹大約一歲到，Hannah BB已經兩歲多...希望到時佢會識照顧到自己啦！ 其實最重要係佢識講野，咁我地起碼自己佢發生咩事呀！ 琴日一個鐘頭喊醒一次，吾知係口痛定咩野，唉，真係好陰功（大人同小朋友都係），又吾知有咩方法幫佢，希望佢D菲滋快快好番，我想見番健康既Hannah BB呀！ 

其實我好想我亞媽可以留低幾年幫我手，到佢地大D返學就應該好好多。 不過我都明白我亞媽要係香港照顧我爸，又要幫我家姐湊佢個B，唉....點解咁慘我地大家吾住埋同一個地方呢？ 我吾係話我99湊得吾好，但佢有空餘既時間都吾會放落我地度，只會係人地度，我有時想偷下懶都真係無咁既可能，夜晚同朋友食飯已經係好耐無數既事....雖然我明白有小朋友係咁架啦，但我都想有一日過番D正常生活，所以做FTM一定無可能，吾係吾想對住小朋友，而係我怕我無咁既耐性呀！ 又或者係，我而家大肚要湊B真係難上加難！ 見到平時其他blog友，weekend時有時會同埋小朋友見下grandparents, 我地既weekend就只有我地三個人，絕小會一齊去飲茶呀，一齊出去呀...我覺得真係好大分別，而我都好期望可以咁做！ 唉.....可能係近日實在太累， 所以係度轉牛角，希望到時真係可以handle到兩個小朋友啦！如果吾係，我諗呢五年內，都幾難有安樂茶飯食呀！ 

Hannah媽媽生日快樂

又大一歲啦，而家真係年年都同人講我年年25，哈哈哈！ 不過作為兩女之母，過三字都吾出奇啦，哈哈！ 生日願望就係亞女生性乖巧肯食野同訓覺，而同老公恩恩愛愛，小D吵鬧，佢就哂我就最好啦，哈哈哈哈哈（發夢ing)... 

無特別既慶祝，或者明晚先出去食飯，不過同兩個至愛一齊過已經好開心啦，嘻嘻！ 今晚有蛋糕吃，明天同大家分享啦，yeah! 

媽媽，生日快樂，我會努力咁食野，次次食野都會咁大個口架啦！！！！！i love you 

EE,生日快樂，我會聽教聽話架啦，嘻嘻

因為其中一個老細吾係到，所以我既office生日派對係聽日，今日就食住個frozen yogurt先啦，嘻嘻（coffee味，都OK喎）

嚇一跳既係，老公居然送花比我，嘩，肯定知道自己衰所以tum下我，哈哈哈！ 仲有個迷你綠茶tiramisu...真係好難得呀！ 多謝老公既愛護呀！！！！

失落

呢篇野真係好難打，因為我好怕打打下會好吾開心，但係吾打我又難以忍受，唉，做人真係好矛盾呀！

吾知點解，我覺得自從Hannah BB出世後，我同老公既關係真係好差，以前雖然都會嗌下交，但係吾會好似而家咁3日吾埋就嗌一次，講真，次次嗌我都覺得我既腎上腺提升，而肚入面既BB又再聽到我地既嗌交，呢樣係我最吾想見到既，但似乎對佢來說，係BB面前嗌交好似係無咩問題，究竟幾時開始我地既關係變得咁差呢？缺乏溝通係必然既，晚上要湊B其實自己既私人空間真係少之有少，我沖完涼做完準備功夫又差不多要上床休息，而佢，當然係電腦面前打機啦！我吾係介意佢打機，我有時都要睇下電視舒緩一下，不過就係因為大家各有各做，所以真係連講野都吾駛！  仲記得以前如果我地有咩吾開心，就算吾當面講番，我地都會透過email傾，我覺得咁樣起碼大家算係有溝通，係咪日子耐左會令人腐化？ 定係因為自己本身既hormones影響，覺得佢對我已經大不如前？作為基督徒既我，係相信結婚係會一心一意，從一而終，不離不棄，但呢個moment, 我真係好想放棄，唯一吾想既係我吾想個女係破碎家庭長大，但如果再係咁落去，我相信我會發癲！ 其實我琴晚傾既topic只不過係想佢比D意見，但佢就係咁問我問題，我都未識答佢，跟住佢就開始發癲，對住我大聲叫，話吾想再見到我，我個刻真係定左一定，因為我真係好冷靜咁同佢講，但估不到佢既反應會係咁，我真係覺得佢係咪鬼上身？定係太大pressure?不過我吾想去諗佢係咩原因，我自己都想有個人去呵護我，錫我，如果佢吾想咁做，我覺得一齊落去都無意思。 

我都有想過不如去見下marriage counselor, 大家傾下點都好過自己兩個發傻咁日日話對方。 不過而家要面對既係，點樣去同佢傾，我真係好怕再見到佢，佢又突然間火山爆發咁呀，唉......莫非婚姻失敗，就係咁樣開始？