擇士多啤利記

趁住天氣開始回暖，我地舉家緊係吾可以留係屋企，要出外玩下啦，嘻嘻！ 本來約左朋友去NJ擇士多啤利，但因為天氣關係，NJ個度已經無得擇啦，要去到upstate NY先有，所以我地就除消同朋友去，自己一家就揸車去！  雖然真係揸左好耐咁，一去一回都無左一日，但成家人一齊去玩下食下，又幾開心既，當然啦，都有cranky既時候，特別係妹妹好多時都吾中意人抱，要自己行（除左係屋企就成日要抱抱），加上個度D地方又多石，所以睇住都幾危險。 

去到都已經12點幾，食完lunch我地就起行去擇。 其實地方吾係好大，人都吾係好多，同埋都吾駛入場費，同佢地入去行個圈都得，身為城市人，去到郊外吸下新鮮空氣，人都精神D。 雖然個度D士多啤利吾算得上係大同靚，但醉翁之意不在酒，都係想同佢地去玩下啫。  見到佢地兩個玩得咁開心，我覺得都值得，同埋hannah一路幫手一路唱歌，同場既人以為我地帶左個收音機，哈哈哈！ 

呢條友一定超肚餓，一坐底就即刻自動波食野，奇景！

去到士多啤利場，hannah 真係有幫手架，而妹妹，當然幫手食啦，哈哈

雖然吾係好大粒，但擇完後都覺得好滿足感，都明白佢地D農夫係幾辛苦

天氣真係十分好呀，等佢地大D去hiking,camping都會幾好玩

我地既戰利品，雖然吾係好多，但已經累C了

有人好中意食士多啤利呀，幾開心！如果食飯時有咁雀躍就好! 

遊樂場

見星期六無咩做，就去左屋企附近既遊樂場同佢兩個玩玩，因為係outdoor, 所以都係開得summer呢段日子，而我地當然趁天氣好時就玩盡去啦，不過呢排天氣都係一般，未至於可以去沙灘玩，但都可以著下短袖既，有時早上夜晚都要著件薄褸，唉，真係悶呀！ 呢邊既夏天，其實真係短之有短，暖既日子可能都係得7，8月，所以要趁住呢兩個月同呢兩隻嘩鬼玩盡呀！  講番正題，呢個park吾係好大，但對於hannah 同 emma來講就已經好開心呀，好彩吾駛比入場費，如果吾係我就吾會去lu, 不過當然，每一個game都要比錢啦，一個game大約＄3.25, 我吾知算吾算貴呀，但總好過佢入場費後佢地吾玩卦。   其實開頭我都驚hannah吾玩，因為細膽既佢連行條橋都驚，不過我發覺呢幾個月佢真係大個左好多，好似識少少野咁，除左佢會做調解員外，而家去廁所佢都會自己去，有時食食下野，佢自己會走去廁所痾peepee, 吾會叫我地幫手，有時仲叫我地出去，雖然wipe patpat好似仲未好叻，但已經係一個好大既進步呀，有時夜晚佢痾夜尿，你會聽到沖廁聲以為咩事，原來係佢，哈哈，好搞笑呀！ 跟住而家有時妹妹曳，我就叫佢你要教妹妹乖乖呀，佢就話hannah乖乖，妹妹no good, 總之真係多左好多笑料啦，當然，有D野會更加執著，好似著衫咁依然煩，但起碼某幾件衫佢實會著既（咁我應該買到好似uniform咁，日日著！哈哈！） 哎呀，又離左題，其實我想講佢大個左好多，夠膽自己上去d rides度玩呀，佢個樣仲要陰陰咀笑，真係好好好得意呀！ 

醜態，自己玩張凳stuck左係入面，佢求救時我就影低佢先，

哈哈

玩船船玩得好開心呀

玩車車仲笑笑tim呀，真係大個女啦！

本來星期日我地打算去strawberry picking, 點知有個小鬼吾願訓，到5點先肯訓， 搞到我地要cancel我地個行程，浪費左一日，哼，再係咁，下次放你去99度訓！！！

生日快樂 Hannah B

呢排真係勁忙，吾係工作上，係屋企上，真係病完一輪再一輪， anyway, 本來hannah B個生日party係16號舉行，但因為Emma B吾舒服，所以我地postpone到30號，到時有相再比大家睇啦。  吾經吾覺已經3年，呢隻豬我對佢又愛又恨，不過咁，佢吾發脾氣個陣都幾得人中意既，嘻嘻。  媽媽係呢度祝你健康快樂，做個開心快活人（我知遲左成個星期，嘻嘻，媽媽呢排好鬼懶！） 

我地係22號，即係hannah B正日去左佢學校慶祝，其實都係去食蛋糕之類，但我覺得都好開心，可能終於見到佢D同學仔，知道佢平時係學校識D咩小朋友，不過來緊7月好快佢就轉校了，希望佢會認識更多新朋友啦！ 

而我地個晚就架車去maryland玩，其實同佢地去玩，最辛苦一定係我地兩個，我地星期五晚揸大約4小時車去到maryland, 時間過得好鬼快，因為湊住佢兩個，呢個又咁個個又咁，真係好難服侍，好彩最後佢地兩個都訓左，如果吾係我都幾難捱，我同老公講話，我寧願揸車都無咁辛苦，唉！ anyway, 我地將近11點幾到左個度，但大家都好生保，都訓得十分吾好，特別我地兩個大人，又要湊住佢地，真係勁勁勁辛苦，雖然話去佢姑姐度住，但始終吾係自己屋企，同埋佢個度好似好耐無打掃咁，搞到我訓得完全吾自在，自問係好易入睡個D人，都覺得周身痕，我諗我生完之後，真係有些少潔癖吧，哈哈！ 

星期六一早起身就起程又meet up佢D cousin先，食過早餐我地就去左水族館，其實個aquarium都幾好睇架，不過或者對一個3歲同歲半既小朋友無咩大興趣，佢地去到都吾係太中意， 加上因為呢個aquarium係吾比用stroller, 同佢地兩個去真係大大大大大難關，話就話hannah 3歲，可以行，但認識佢既我太深，佢連行出街口兩步路都話累，更何況成足兩個鐘，簡直就impossible, 而Emma, 佢係會行，但佢太過lut 繩馬騮，同埋個度咁多人，真係抱少一秘都吾得，就係咁，我D老鼠仔又大左吾少，哈哈，加上我地要揹埋佢地D belongings, 真係好Q累呀！ 不過好彩我地有佢cousin幫一幫，都係幫手拎野咁，如果吾係，我諗我未睇完已經話要走，哈哈！ 

吾知係咪天氣關係，同埋佢地吾開heat, 間屋好凍搞到我地個個都病哂，唉，最嚴重係Emma星期日開始發燒，而本來我地打算星期一先回NY就變左係星期日晚返，好彩我地決定正確，佢個晚燒到104度，雖然我都有帶藥去食，但始終吾夠係屋企方便，同埋佢姑姐度點都吾baby friendly, 換片沖涼都十分吾方便，加上訓得咁差，個日真係好鬼掛住自己張床呀！ 就係咁，我地第一個getaway trip真係佢病左既情況下完結，吾可以話好好玩，但都吾係差既，咁有第一次，我地先會improve到下次既trip需要D咩，嘻嘻。  

總括，去旅行一定要帶定藥去，如果吾係拿起上手病就大鑊。 同埋，同佢地去要帶多幾件衫，Emma B爆左兩日poo poo, 好彩帶多左幾件衫去咋，如果吾係吾知點算。 去既地方一定要係stroller friendly, 如果吾係抱住兩個，你真係寧願吾出街。   我既去旅行經驗尚淺，嘻嘻，希望下次會prepare好D啦！ 

今次好少相，因為爸爸大機影完好少比我，下次用手機影會多D架啦，嘻嘻！

古靈精怪既大小姐，都係個句，吾發脾氣真係好cute呀，哈哈

水族館內有個地方可以比你摸jellyfish 同魔鬼魚，感覺都幾得意呀！ 

佢地知道係Hannah生日，就買左個蛋糕比佢，真係食到肥呀！

星期日早上去左附近個park玩，天氣好暖呀，佢地都玩得好開心，其實小朋友好簡單，有個playground已經好開心呀！

沒有更差 只有更差

諗住佢地兩個都病左一排，都應該好得7788 啦， 原來呢個先係惡夢開始， 真係不得不寫低呀！

話說妹妹都已經病左成個星期， 因為佢係咁痾，所以d菌已經比左我，我星期二晚辛苦到暈， 訓左一日一夜，星期三請假，無食過野成 24 小時，真恐怖。 到5點左右， 99 打比我地知hannah發燒， 唉，我個日其實都已經無力，但其實佢發都已經兩日，所以我就頂住同佢去睇醫生， 佢。。。。真係好懶行路，行兩步就話累，好彩抱左一陣佢都肯自己行陣。  去到醫生度，好彩醫生話佢無受妹妹感染，唔需要食消炎藥，發燒應該一兩日就退，我都擔心架，始終小朋友發燒我都驚有事，到星期4, 樓下個個又話病，妹妹又岩岩好，所以我就決定留係屋企做野睇住hannah,  其實睇住佢又唔難既，不過佢呢排胃口麻麻， 食少左好多野，唉，擔心中！ 到星期4 晚， 99 話佢都唔係咁舒服，我心諗都唔知點算， 因為已經請左兩日假，唔想係咁請呀，如果99 真係唔舒服，我62 更加湊唔到兩個小朋友啦，呢個時候先發覺我地其實係需要一個back up plan,  唔應該等到有咩事先算。  到星期五抱妹妹落去，99 仲係床上休息緊， 咁我就知佢真係好唔舒服， 同埋人地個仔又係度，3個小朋友我62 邊得呀， 所以最後個plan 就帶埋hannah 返工，起碼我會照顧到佢， 其實佢除左發燒同咳，其他都無咩野，但發燒唔可以返學，無辦法呀！ 佢係office 時都ok 啦， 都係比佢睇下電視，玩下食下，我基本上都無點做過野，哈哈，邊專心到講真， 不過好彩星期五，唔係好忙，所以先可以兼顧到。 到星期五晚， 老公就漏夜肚痾，痾左成晚，我都好驚呀，大佬，除左因為怕佢照顧唔到小朋友外，更怕佢d 菌傳染佢地，我到時就真係pk 了。  星期六約左個係日本來探我地既朋友，本來係打算一齊去賞花， 點知老公又病， 我就自己同 hannah 搭車出去join 佢，真係好掃興呀！ 好彩 hannah 都唔算太差， 係有d 曳架啦，可能未係好舒服，但都算啦， 最爆係，我老公病到咁，已經痾左成日，我99 揾我同我講有d 藥比佢食，叫我開門比我， 我個刻真係好嬲，我一個人照顧3個， 你知你個仔病左都唔上來探下幫下手，跟住仲要我去拎藥，我就爆佢話，你拎得上我門口，就唔差在上去探下你個仔啦，好難咩？？  佢就話唔難，但又要整雞整性，話殘障慶祝mothers day喎， 妖，如果咁孝順就唔好叫自己老母整野啦，白痴！同埋， 隻雞真係重要過個人命？ naive!!!!   anyway,  佢到最後都有上來，不過我老公係唔想見到佢囉，覺得好虛偽， 我地有事都唔會問駛唔駛幫手， 屋企人wor, 我唔覺囉！ 再加上個日無拿拿 emma又發番燒，hannah又有d肚痾，唉，真係仲有無更多呀？？  所以我既mothers day就係係照顧病人中渡過，痾左兩日既老公依然唔肯睇醫生，真係吹脹，我都廢鬼事理佢！  其實 mothers day我都唔望有咩禮物， 只係希望有日 dayoff已經好滿足了。  

由 9 月開始，病菌都不斷地侵犯我地，係我屋企唔乾淨呀，定係我地風水有問題，識我既人都知小朋友差不多個個星期都病一次，我真係病到驚了。  求求你，比我有一個健康既家，我已經心滿意足了。 如果有咩方法可以令病菌減少，請話我知啦，我已受夠了！！！！！！！！！

禍不單行

今個月真係好惆悵，本身我就已經病左成兩個星期，又咳又流鼻，不過咳就令我好辛苦，好似chok住條氣咁，到而家都係架，不過我已經慣左，可能加上天氣時凍時熱，真係好易令人病呀，所以我兩位小姐又病病，唉！ 其實Hannah又吾算太嚴重，都係咳同流鼻，所以食幾次藥就無事，至於Emma， 可憐既佢，又比其他人傳染，因為佢D cousins又喉嚨發炎，搞到佢生哂飛滋，睇見就陰功，加上因為痛，所以連食野都無食，開頭仲飲奶，但之後因為佢係咁痾水，真係成身都係，所以我地又要停埋奶，所以佢真係除左飲幾啖粥水外，都幾日無食過野，我記得好似無幾耐前佢先去完睇醫生，又係同一個問題，我懷疑係藥物敏感，真係令我極心痛！ 見佢成身軟哂真係陰功， 真係寧願病個個係我自己，發燒都發左幾日，餵藥都餵到驚呀！ 希望過埋呢幾日佢會好D啦！！！ 

不過weekend原本我地約左朋友去睇櫻花，就因為Emma病病我地就要取消，而我地星期六就留係屋企湊女，但時間過得真係慢，我地就決定星期日去玩，雖然emma病病，我地都吾好哂左咁好天既一日啦！ 我地去左個children museum玩，吾知係我地早定點，無咩人，不過佢地都好似吾多岩玩，最好玩既就係有個地方比你玩30 mins, 即係你可以坐係度睇小朋友玩，而佢地又吾會走到出去架。  個度算係比我地少少時間休息，哈哈， 而個museum居然無野食（我以為起碼有人賣D cookies），得個cafeteria...所以我地就玩左一陣後，就走去食野lu....其實個日天氣好，應該出外行行，但因為Emma仲病，怕佢吹風，所以轉移去室內。  來緊呢個星期天氣都好暖，希望佢地吾會再病病啦！

因為病病，只可以係後yard玩陣

玩到隻腳硬哂，哈哈哈

可愛的小豬，你想做工程師呀？

病到R哂頭？

Picnic遊

完全估不到星期六天氣咁好，因為開頭都1516，星期五見forecast都話會大風，咁出吾出去玩好呢，之後係屋企feel下，又覺得好暖wor, 咁就決定同佢地兩隻野去picnic, 真係勁開心呀，嘻嘻，本身約左另一個朋友，不過到last minute先confirm去啦，同埋早上先同我老公嗌左陣，真係搞到我個mood都差哂（遲D再講咩事！） anyway, 我地去到個park，個度真係好大呀，個park係大到要架車去第二度先可以去到， 我諗外國地方就好在有多地方卦， 我地就坐陣食下野，而小朋友就去玩下波，走下，放下風箏咁，天氣真係好到不得了， 小朋友們都玩得好盡興， 我地兩個女人又傾得好開心， 男人就吾知佢地點過了，哈哈哈！ 不過睇住D小朋友玩，我地都好開心， 時間過得好快架，坐坐下就已經成5點， 好彩朋友拎左D 小朋友玩意，我下次都要投資一下先得，嘻嘻！   

 天朗氣清，真係perfect for picnic

我兩隻小豬都玩得好開心呀！ 其實困住係屋企咁耐，真係要出去走下先OK

 

 有波波玩好開心呀，鳴謝yanyan 肉手上鏡，同埋不停吹波波佢地玩 

跑得幾有美感，影個個都好難capture架，嘻嘻

好衰咁影左樓下個仔，難得好天都要困住係屋企，可憐呀！係咪好似prison呢（尤其係有咩D bar仲似）

摘蛋記

復活節終於完結，其實又無假期，同平時無咩分別咁過，至特別都係有呢個egg hunt呢樣野令我既復活節生色不少。 本來打算星期六去架，但個日大風到暈，真係好似打風咁，咁唯有放棄呢個節目留係家中過算啦，跟住原來約左朋友去，之後佢話我知個度真係吾多掂，無蛋之餘又咩都無野做，唉，但諗住近近地（車程都不過係15min左右），所以就冒住無野玩既心情去一下啦。 星期日去到，天氣都吾係好暖，跟住仲要排成30min先入到去，真係已經吾多想入去啦， 不過老公話，既然來到，就去啦，咁我地就努力排隊呀！ 小朋友吾等得呢個定律係吾會變的，等30min好似攞佢地命咁，連我條都差不多攞埋，撞鬼！  好彩入到去，妹妹就訓左，而我就同Hannah入去egg hunt, 不過，吾駛問，D蛋真係多到數到呀，但都算做過下啦，哈哈哈！ 而佢當然好開心，因為跟本都吾知發生咩事，哈哈，覺得有得玩最重要！ 雖然weekend真係好忙好忙，但對住佢地兩個又覺得好開心，見到佢地成長又安慰，雖然經常都比trouble我地，但都覺得係幸福的。 

 哈哈，D蛋多到睇吾到呀！！不過我地都hunt到大約7粒咁多既蛋蛋，下年要去第二度呀！

個度有個栗米池比佢地玩，睇下玩得幾開心！

返到屋企，為食貓食得幾乾淨，嘻嘻嘻！ 最中意就係呢D時間，好純真個樣呀！

Jayden生日會

多謝朋友bel既邀請，我地一家4口去左Jayden生日會呀！ 我地個日差不多成點先到， 好彩party仲未開始，而Hannah岩岩係車上訓左一陣，所以都算係有精神玩呀！ 我地個group朋友，有幾個小朋友都係好似Hannah年紀，雖然不至於話一齊玩，但都好surprise Hannah 記得佢地個名呀！ 相就吾係影得好多，因為真係好忙碌，但我地都好開心呀玩得，特別係媽媽們又一聚，可以8下玩下，吾駛咁悶，嘻嘻！ 雖然其中一個朋友lala已經離開左......NY，但我地一班NY朋友都會keep住出來玩下呀！ 吾算好多人，但幾個family已經好開心了！ 希望有機會再約出來玩下食下hea下啦！ 天氣開始回暖，真係要趁我地呢個短短既夏天玩多D呀！ 

有set 火車，我覺得幾好玩呀，不過吾會自己買，太大份了！

hello, 我又有份出場呀！ 妹妹個日都OK呀，無係咁要抱，仲自己hea玩tim, 都算係咁呀！

Hannah姐玩blocks, 估吾到佢用廁紙盒都整到一set咁既野，好型呀！

玩完pinata, 執糖糖時間呀！！！！！

個蛋糕好大好靚呀！！！！ 生日快樂Jayden! 

4隻同齡小鬼食蛋糕，哈哈，食到個咀變哂色

激氣！

嘿嘿，今日終於吾係講病歷，不過都係講下人地，8下先得！ 

講番星期六，本來夜晚老公要出去應酬，咁佢就叫我99上來幫手啦，我吾知佢點同99講，佢上來個陣就幫手清潔下，我心諗，明明叫你上來幫手睇住D小朋友wor....跟住老公出去個陣，就同佢亞媽講我今晚成10點幾先返架，你幫我睇住佢地啦，仲問佢駛吾駛食野，跟住佢好似好突然咁，話我陣間要落去（即係樓下殘障）睇住佢地D小朋友呀，我自己落去煮得啦，我聽完佢講，真係想趕佢走，佢都吾係上來幫我睇架啦，廢話！ 之後我老公走左無耐，殘障佢地既小朋友無人睇，佢話叫佢地兩個上來，我真係呆一呆，頂，無野呀，我叫你上來幫手睇住D小朋友，佢就惹多兩隻野上我屋企，其實hannah都中意同cousin姐姐玩，但佢個cousin姐姐態度惡劣，見到人連hi都吾hi,有時hannah叫佢又吾睬，我真係希望我個女吾同佢玩囉，以為自己好巴閉，挑！ 跟住上到來，佢話想彈琴，咁咪開比佢玩囉，跟住係度彈3彈4，話我部琴又舊又多塵，我個下真係把幾火，我好想好想同佢講，挑，我起碼有部琴，你，你個D叫keyboard咋，無知！！！！ 我真係好吾明，點解有D咁既小朋友可以咁串，佢真係以為自己識彈個兩首白痴歌就好勁？ 我個下真係好難hold住，我選擇ignore佢，如果我同一個7歲0靚妹咁爭論，永遠sit底既都係我！ 真係他媽的，我懇求我老公以後都吾好叫你老母上來，因為我好似要湊多兩件咁，攞命！ 之後，我煮左D野比Hannah食，個條女又話自己肚餓，我就夾硬比左D麵同肉佢食，呢個咩人來架？ 來到人地屋企仲要痴飲痴食，我真係好好好火！！！！！ 到7點幾，終於走啦，不知幾開心，又吾肯clean up, 搞到我成個廳都係玩具，佢老味，佢上來我仲多D工夫，都吾諗下我一陣間仲要湊佢地兩個訓覺！跟住佢地落左去無耐，我就聽到佢老豆返來，妖，你一個人吾係睇吾掂一個7歲一個3歲呀，無Q用！  好彩係，佢地兩個都OK，亞妹訓時我要係佢隔離，我就抱住Hannah係隔離床到訓，佢雖然好想要爸爸，但我就解釋佢聽爸爸要返工工賺錢錢，所以hannah要聽話，跟住佢話hannah都要返工工賺錢錢，我就話你咁細返工，爸爸媽媽會比差人拉架，哈哈！

總括，我寧願自己湊兩個女都吾想比人來我屋企睹亂，雖然我知老公係怕我辛苦，但我寧願生理上辛苦好過我心理上比人折磨，所以....多謝老公愛錫我，但我自己搞得掂！！！！ 

病歷blog??

如果呢個blog改成係記錄病歷blog我諗我都無異議，因為差不多個個月，佢地兩個緊會病一次，真係難忍到飛起！ 如果中獎有咁密集就好，可惜咁幸運既事又點會輪到我呀！！！ 唉！！！！ 

上星期四， Emma BB開始發燒，諗住佢無咩野，都係keep住食退燒藥啦，其實發燒都無咩可以做， 不過發左兩日，都仲係微燒，咁一定係有D野，所以星期六就同佢去見醫生 （醫生呢單野都要講一陣，不過等我寫完佢D病歷先啦！） ，個醫生就check到佢有ear infection， 所以就即刻去開消炎藥佢食。 其實星期六佢已經無發燒，不過穩陣起見都要check下，同埋要食藥啦。  星期日見佢地好似無咩事，我地就出左去一陣，不過天氣時冷時熱，真係好難控制，可能係咁，就又凍親啦。  到星期一，晚上99話今日Emma痾左好多次，好似肚瀉咁， 跟住又吾多想食野，我地都無迫佢，但晚上又訓吾好，又咳又嘔，搞到我都好忙碌，又眼訓，之後到星期二，就決定同佢去睇醫生，因為佢又吾食，搞到成個人無哂精神，係咁想訓，睇見都心痛呀，我就同62一齊去睇醫生，睇完醫生就話佢有ear infection, 有少少感冒，同埋吾知佢係咪對牛奶敏感所以肚瀉， 加上D感冒菌可能入左去肚，所以係咁痾，睇見都淒涼呀，嗚嗚！ 醫生話吾好食奶兩日睇下點，但見佢吾食野又無哂精神，真係吾係辦法，唯有開稀D等佢可以消化好D啦。 講真，病左咁多次，吾擔心就假，但今次見佢無哂精神，成個人謝哂真係好心痛，之前都起碼係普通感冒，都算係可以食得野，而家連奶都吾比飲，真係好難過呀佢！ anyway, 真係希望佢可以快D好番啦，我吾想再出blog又係寫病歷，真係好沮喪。

anyway, 我想講番D醫生。  本來我地有個家庭醫生，但因為呢個冬天係咁病，佢地兩個係咁去呢間診所，但都醫得吾好，所以想試下第2個醫生。 OK， 兩個月前我地轉左醫生，基本上都係一個月去幾次，我記得佢地去過total 4次， 第一次去見，係一個老番醫生，無經驗， 第二次，老番醫生都好D，有個少少經驗既醫生，第三次，終於係我地想去見既醫生，到上星期六，第4次，居然係一個實習醫生，我真係有D嬲，間診所明明係寫住李醫生，點知次次去見既都係吾同既人，李醫生吾係係醫院啦，就係吾知去左邊，咁即係點呢？ 我地選擇呢間診所就係因為想去睇李醫生，但如果佢長期吾係診所，我覺得無意思囉！ 次次都係吾同人睇，我已經極之吾中意，我地星期六去到仲要等個實習醫生，我覺得吾係路呀.....十分奇怪！ 所以到琴日，我就又轉左去睇另一個醫生，呢個醫生係唐人街，出出入入都搞左成幾個鐘，真係超累，最慘既係，本來之前打去又話收我保險，去到既時候又話吾收，要我比錢，我真係十分吾gur, 但既然去到，我都吾想走來走去，如果睇得好Emma就算吧，本來之前打算轉佢做PCP， 點知同佢講，個醫生就話，轉咩鬼野呀，你地咁遠，我做多幾年退休啦，吾好轉啦，即刻關我後門，本來之前準備好講既野我都吾想講，因為真係好吾中意勉強人，而且呢個醫生都係吋吋地，我都吾想再令自己咁多煩惱了。  要搵一個好醫生，真係人夾人緣，之前睇開既，係好似少左D經驗，但起碼佢地都係有愛心既，到琴日個位，有幾30幾年經驗，但實在以為自己好了得而少左D愛心，所以都係算吧。 

陰功豬Emma, 你快D好番啦！ 我好掛住你笑笑既樣呀！

Emma BB @ 15 months

呢期心情一般，可能亞媽返左HK之後真係多野做左好多，要比D時間自己慢慢adjust, 加上二小姐又訓得差，咁我就更加吾駛講啦，唉，幾時先有好訓既一日呀？？？？ 明明細個係睡公主，點知而家又係一個臭豬，真係好討厭呀！！！  而家晚晚要陪訓，一日時間已經少，仲要浪費多一個小時去陪佢，真係無陰功呀！ 夜晚喊聲，只要你係隔離佢聽到你把聲，佢就會死死地氣訓番，真係吹X脹！ 大個D真係要狠狠地打佢一身呀！ 

近期中意捉迷藏，有時轉過頭見吾到佢，原來hide係椅底

 難得的4 cousins相，不過完全見吾到樣，哈哈

琴晚抱住Emma B食strawberry, 見到我食，又要搶，勁greedy呀！！ 都吾明點解吾訓覺隻眼都可以咁大既？

滑雪記

上星期六，原本約左朋友去滑雪，點知老公又突然間手痕，打比佢個 friend 問佢去唔去，因為我地都打賭佢地唔會去， 點知，佢又話ok, 真係吹脹，原本多d 人去應該會開心d,  但佢地真係好煩，又嫌呢樣又嫌個樣，話明去滑雪，點知又話要玩 snow tubing,  真係吹脹呀！ 因為本身去個度係無tubing 玩，而我又約左我d friend 係個度，咁唯有我放我朋友飛機，同佢地去snow tubing 個場啦！不過最衰都係老公，唔手痕就唔會咁！

Anyway,  我地成 2:30pm  先去到第二個location,  搞呢樣搞個樣，租鞋換鞋去廁所，其實玩都唔知有無15 分鐘，但我就比哂錢，陰功！ 亮點係，我租左個helmut 比hannah 小朋友， 點知c 都唔肯用，白白令我無左 $16, 係美金呀，好傷！！！！！

但見到hannah 小朋友咁開心咁過左一日，我又好有滿足咁，就算花多左$16, 見個女笑，都係priceless!  不過滑雪呢個節目，都唔係窮人(i. e. 我)  既玩意，就咁去一去，就洗左我成 $100, 仲要係貼錢買難受個隻，唉！我諗我都係冬眠到夏天算數！

我唔識post video,  不過可以上我fb 睇呀！

包到成個賊咁，哈哈哈，不過滑雪D人個個都要bundle up

終於見到個真面目，證明係hannah小朋友

妹妹,sorry呀，因為你吾岩玩，所以無同你去，同埋你成日病，都係留係屋企穩陣D！  吾好以為佢中意睇書，其實係幫我fing哂D書落黎，有排執！