吾知點解，我覺得自從Hannah BB出世後，我同老公既關係真係好差，以前雖然都會嗌下交，但係吾會好似而家咁3日吾埋就嗌一次，講真，次次嗌我都覺得我既腎上腺提升，而肚入面既BB又再聽到我地既嗌交，呢樣係我最吾想見到既，但似乎對佢來說，係BB面前嗌交好似係無咩問題，究竟幾時開始我地既關係變得咁差呢？缺乏溝通係必然既，晚上要湊B其實自己既私人空間真係少之有少，我沖完涼做完準備功夫又差不多要上床休息，而佢，當然係電腦面前打機啦！我吾係介意佢打機，我有時都要睇下電視舒緩一下，不過就係因為大家各有各做，所以真係連講野都吾駛！ 仲記得以前如果我地有咩吾開心，就算吾當面講番，我地都會透過email傾，我覺得咁樣起碼大家算係有溝通，係咪日子耐左會令人腐化？ 定係因為自己本身既hormones影響，覺得佢對我已經大不如前？作為基督徒既我，係相信結婚係會一心一意，從一而終，不離不棄，但呢個moment, 我真係好想放棄，唯一吾想既係我吾想個女係破碎家庭長大，但如果再係咁落去，我相信我會發癲！ 其實我琴晚傾既topic只不過係想佢比D意見，但佢就係咁問我問題，我都未識答佢，跟住佢就開始發癲，對住我大聲叫，話吾想再見到我，我個刻真係定左一定，因為我真係好冷靜咁同佢講，但估不到佢既反應會係咁，我真係覺得佢係咪鬼上身？定係太大pressure?不過我吾想去諗佢係咩原因，我自己都想有個人去呵護我，錫我，如果佢吾想咁做，我覺得一齊落去都無意思。
我都有想過不如去見下marriage counselor, 大家傾下點都好過自己兩個發傻咁日日話對方。 不過而家要面對既係，點樣去同佢傾，我真係好怕再見到佢，佢又突然間火山爆發咁呀，唉......莫非婚姻失敗，就係咁樣開始？
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
有咗HANNAH同妹妹兩公婆有明顯人生目標，長遠點都對你哋關係好啲，不是嗎？
ReplyDelete我覺得男人唔會好似我哋諗咁多，佢哋有不滿就出聲，覺得無嘢講就唔講。叫佢哋同我哋去見 ,marriage counsellor 佢哋實話我哋無聊。
仲有，我個人覺得呢度啲 counsellor 未別幫到，鬼佬婚姻觀念同我哋好唔同呢。
我目標好明確，就係好好raise佢地兩個，但如果兩公婆成日嗌交，點都吾係一件好事。 我地以前結婚前都有去做一個輔導，不過係一個church既大朋友（佢係由細睇到我老公大）幫我地，我有諗過叫佢同我一齊去傾下，但你知男人又話醜事不出門等等...所以我都係諗下先啦！
Deletein general, men talk less than women. And men have very high pride. So, maybe deep down, your husband has a lot of pressure too. And you are pregnant and tired. So, perhaps just stop talking for a little while (i mean a day or 2). He will miss you and talk to you gently again.
ReplyDeletethat's why i don't wanna talk to him....i don't want to get yelled by doing nothing. I feel so stupid and hurt.
Delete前陣子去了朋友的婚禮, 每人都派了一張 card 上面有一些問題請 guest 分享, 如:
ReplyDeletealways ... and never ...
5 most important ingredients of a happy marriage are...
我看了其他 guest 的分享, 頗有意思的. 大部份都是 along the lines of appreciate each other, respect each other 等等.
或者你和你老公試試心平氣和討論 how to make this work? 無人鐘意被 yelled at... 你唔開心要同老公講呀, 又或者 email each other 都好呀. Hope you two can make this work!
我都好想可以過番以前既生活，但我知道好難，除非是但一方面肯糾正而家既生活啦，如果吾係，我都吾知可以點。 我係呢個moment就係好fed up, 咩都吾想諗，吾想做，佢中意點就點，如果我有娘家係呢邊我一定會返去，等佢以為我無地方hea一定要留係屋企對住佢！
Delete講真既, 有左小朋友, 兩公婆既嘈交真係多左. (因為大家既私人時間少左又唔夠訓, 同埋, 對教囡既方針都唔一樣), 大家要慢慢冷靜既溝通丫.
ReplyDelete你係基督徒, 要相信主為你預備既一定係最好. (當然當中一定有大大細細既考驗同試探)
加油丫
呢個考驗同試探真係好大，都令大家吾開心，我而家只係希望我個女可以健健康康快樂咁生活咋
Delete(講真既, 有左小朋友, 兩公婆既嘈交真係多左).非也,應該重恩愛的,因個女女是愛情結晶品,真的要找出原因才可決定點做他有冇小三之類也要了解吓???
Delete個囡出世後, 真係無咩時間/心機去整surprise.
Delete知大家係相愛, 不過嘈交往往都係小事起, 有時因為阿女食咩都可以嘈. (唔夠訓大家脾氣都差)
我自己覺得最緊要大家搵到大家都舒服既相處之道
嘗試同你老公溝通，希望佢可以平心靜氣同你傾。
ReplyDelete都有既...不過都吾係咁容易
Delete家中要照顧一個小寶寶, 你哋兩個都辛苦, 知道將會有第二個小寶寶出現，大家興奮之餘，總會為將來擔憂+有更大的壓力。如果可以的話,試下二人靈修. 若時間不容, 豈碼試下臨瞓前一齊祈禱. 女女好像塊鏡一樣, 如果爸媽面上沒有笑容, 你從她臉上也很難找到笑容吧! 努力加油!! 每次唔開心, 都要想起他曾經為你做的事和他對你的好. :)
ReplyDelete咁又係，如果hannah見到我喊，佢都會吾知點做...我都希望笑多D令hannah同肚入面既bb做個開心快活人
Delete會唔會有左兩個BB，你的專注力都系個女度，而少左時間同你老公溝通，少左關心他？大家坐低好好心平氣和咁傾下喇
ReplyDelete一定會，因為做哂所有野都已經好累，仲邊會想溝通
Delete你講到好嚴重呀. 唔好唔開心啦, 我相信你老公係錫你既. bb出左世, 大家自然會將attention擺重落佢度, 唔多唔少都會冷落左大家. 不過照計, 過渡期之後會好啲. 而家聽落佢似有啲情緒問題...可能真係如你所講, 佢好大壓力. 希望佢冷靜落黎時, 你地再有機會傾下啦. 我覺得兩公婆點都好, 最緊要都係溝通. 一旦各有各睇電視打機, 溝通停左落黎, 就容易有問題, 但唔係解決唔到既. 見marriage counselor 都不失為一個好主意, 等啲professionals俾下意見.
ReplyDelete我同佢講去見marriage counselor, 佢叫我自己去...吹脹，我知佢吾係吾想同我一齊，都好錫我，但係佢D EQ有時真係好差，我都吾知點形容，又或者好似佢咁講，係我激成佢咁卦..點都好，好多謝你地聽我訴苦呀！
DeleteMrs Wu, 明白你的心情，其實你已經做得好好，至少願意去面對，亦同時想找方法的改善彼此關係，首要是「溝通」，這真是重要！知而行難...這一點也明白，而且溝通應該是雙向的。
ReplyDelete我們以前都會...一嬲對方真係可以連話都唔講一句，不過到最後就算無面對面傾，同你們一樣都會email、sms傾返......
如果連傾都唔傾，恐怕關係難以維持落下，加上有了小朋友，意見分歧、為鎖碎事吵架在所難免，但真係要適可而止，語氣也要注意，在氣結時，很容易會衝口而出一些難聽，甚至傷害性的說話，有些話了出口就收不回，所以冷靜......慢慢傾！
希望你生先亦多些體諒你的情況，陀bb很辛苦的，或者有時語氣重了一點，但這是可體諒的！Mrs Wu, 希望你們盡快找到方法去改善情況！
我都期待緊同佢相處，因為我知道當細B出世時又會係另一種生活，當然係開心，但同一時間會更加令我地無時間溝通..好擔心！
Delete呢度無得私人留言，我都照寫啦。
ReplyDelete其實你知我一直唔太贊成你生第二個，就係因為知你老公一直對你同個女無乜付出（時間/金錢/精神上）。你日頭返全職，夜晚湊女，細囡出世仲要不停餵奶，到時邊個湊Hannah?佢由得你點攪都仲好啲，但係佢乜都唔付出又要多多批評又發脾氣就係過份。
我老公同佢前妻都係二女未出世就離咗婚，兩個女都唔覺父母唔愛佢哋，依家都大哂嘞。
我唔係叫你依家去攪離婚，我覺得你哋應該傾多啲再試埋counseling至再諗。但係我覺得你老公改變機會不大，佢睇生仔只係人有我有人生階段之一路，但一直無諗過要心理上生活上作改變。
我一直話你兩個佢願打你願捱，到有一日你唔願捱時你自己會知道。
佢話"唔想再見到你＂，你想佢喺兩個女面前再鬧你幾多次?
問心講，可能係我自私啦，我想hannah有個人陪所以先咁快想有第二個，不過同一時間，都明白你講既野既。 或者我平時係講得佢比較衰，但都吾可以否定佢係有幫手既（多就吾講得，但小小都有既），起碼我而家晚上只係要洗奶樽，其他野都係佢幫手做...(沖涼餵奶陪訓等等...)，我吾可以抹煞佢做過既野，我都要比D credit佢既....
Delete女子無才便是德,可能他發現不及妳醒,又或者他的工作上有難題,而又要迎接多一個女(不是仔的關係)他更不開心,又開不到口同妳講,而妳有時又講99的野,對他來講總是不想聼的,二來你也太就他及忍他,令他似X生嬌,他又知妳無路可走,日子久了便大大聲,惟一可做是做小女人,同他講明小小HANNAH面世後,妳零願做全職媽媽好過被人帶,看看他的睇法再決定如何,如頂唔順惟有走头.回流香江可也.
ReplyDelete其實都吾關係生仔家女既問題，係佢自己太大壓力，同埋睡眠不足啫....又或者係我吾夠關心佢，所以令佢覺得好lonely..
Delete其實有咗bb之後,大家都忙住湊b,真係忽略咗對方,而且响管教上面亦都會有唔同意見,所以爭拗亦會多咗,試吓大家坐低傾吓,一嚟講咗出嚟會舒服啲,二嚟比佢知道你嘅感受。記得唔好成日諗住要放棄,加油!!
ReplyDelete我有時係幾灰，不過而家已經好好多啦...希望遲下會多D開心野發生啦
DeleteMrs Wu有次我看了一篇文章，作者係一個新手爸爸，佢話男人一開始做爸爸就要適應角色轉变，由主角淪為大配角，太太什麼都以BB為先，甚至連平日最疼愛他的長輩也是，一齊外出吃飯，沒有人理他，全部人焦点也落在兒子身上。我看完後便同我老公講，問他有同感嗎？他只是苦笑一下，我想Mr.Wu都可能未適應到，大家傾下啦，加油，我地班blog友全力支持你。
ReplyDelete真係好開心有你地班blog友支持架，有時開心吾開心係呢度分享真係會令我舒服D...
Delete睇得出MRS WU好辛苦、好唔開心，或者嘗試兩個人冷靜一下，唔想講嘢咪唔好講兩三日，費事大家無意講咗一啲傷害大家嘅說話~~如果兩三日後佢唔氹你，你不妨主動啲留個MSG/EMAIL同佢講番你感受，因為男士可能要面，唔想認低威！唔得就搵專業人士下手~~作為一個局外人，無咩嘢幫到你，不過好希望你笑多啲、遲啲可以同我地分享多啲開心嘢~~TAKE CARE呀！
ReplyDelete我都希望自己笑多D呀...諗野正面D，我需要多D正能量呀！
DeleteMrs. Wu..
ReplyDelete我只是局外人, 好難完全明白妳們之間的問題, 但有一點我想信都是重點所在...
"我都未識答佢，跟住佢就開始發癲，對住我大聲叫，話吾想再見到我"
男人無緣無故大叫就可能他內心有好大壓力,
而只顧打機就是他想逃避, 想減壓的行為...!
妳或者婉轉的問問他有什麼大壓力.....經濟? 兩個小朋友成長要照顧, 同家人相處, 這都是男人壓力一樣好大,
MR WU會諗得長遠一點, 兩個小朋友要誰揍, 妳仍工作嗎? 上小中大學學費..住宿醫療..等等, 都可以有好大壓力 !
佢應該都係太大壓力，加上無覺好訓令個人心煩啫...雖然我吾多appreciate但係希望可以幫到佢啦
Delete做老婆梗係希望老公鍚, 不過男人的熱情都要女人的柔情來打開, 不如妳搵次試下俾d surprise老公, 睇下佢會唔會軟化? 唔好咁快諗到咁差, 為妳地一家四口禱告!!
ReplyDelete柔情？ 嘩，呢個字同我距離好遠呀...又或者我已經吾多識咩係柔情，哈哈
DeleteMrs Wu，先唔好唸到咁負面先啦，我覺得生左之後夫妻之間真係會少左溝通，因為大家重心都放左響小朋友度，加上陀B真係會影響心情呢，我果時陀肚B試過有次開完個長命會收工都忍唔住喊，好傻豬架。
ReplyDelete不如試下間中兩個人relax下出去拍下拖，響個輕鬆啲環境傾下心事，我都嬲我老公成日打機架，有次講完佢都有改善一排，男人係粗支大葉啲架啦，佢唔錫你就唔會送個靚袋畀你啦，係咪？
希望你心情快啲好番啦
不過我都係覺得佢錫我吾夠多....以前追我就咩都肯做，而家，叫佢做咩都難過人.....都吾聽教聽話，又成日講道理，好鬼煩！
DeleteInstead of looking at the negatives, try to look at the positives. What are some of the things he is good at?
ReplyDeleteWhen you do chores around the house - you either do it willingly or don't to it. The worst thing is to do it and then resent him for not doing it.
Good luck!
This comment has been removed by the author.
Deletehe is good at playing games in front of his computer, hahaha!! is it something positive that I should look at? :P
Delete每 個 人 突 然 間 做 出 反 常 行 為 都 係 因 為 某 0的 原 因 0既 ...兩 夫 妻 有 意 見 不 合 都 係 平 常 事 , 鬧 交 有 時對 某 0的 couples 都 係 一 重 溝 通 方 式..不 過 千 其 唔 好 放 0係 心, 唔 係 就 越 積 越 深 對 雙 方 都 唔 好 會 傷 感 情 啊 ...
ReplyDelete有 個 辦 法 唔 知 對 你 0地 work 唔 work, 但 對 我 同 相 公 就 好 work...但 一 定一 定要 雙 方 合 作&堅 持 ...就 係 有 咩 拗 撬 都 好 , 只 可 以 嬲 對 方 一 日 , 到 零 晨 12點 就 一 定 要錫 錫 做 返 和 和 氣 氣 夫 妻 唔 可 以 再 因 同 一 件 事 嬲 . 一 日 之 後 可 以傾 番 同 一 件 事 但 一 定 不 可 生 氣 ~ 一 開 始 都 會 唔 慣 , 但 一 諗 起 個 協 定 又 ok...&諗 番 有 時 因 為 某 原 因 而 argue其 實 都 好 傻 ~
佢話我成日都無心裝載，而事實上我又真係好多時都失憶，吾係特登，係可能我真係無心留意一D事，好似嗌交咁，我隔左一日已經吾記得，你可以話呢D係優點，都可以話係缺點，唉，男女攻防戰真係好難呀！！！！
Delete佢似乎有產前抑屈，試下要同佢傾有什么問题？盡量唔好刺激佢。
ReplyDelete辛苦你了，兩B既媽媽！
哈哈，我同佢講你可能有產前抑鬱佢話我痴線，哈哈哈！
Delete
ReplyDelete一家唔知一家事。。你已經好叻，比佢知道其實你同hannahBB同小B都係想組織一個溫馨小家庭，希望佢都感受到呢啲溫暖
加油呀！
你都加油呀，吾好好似我咁咁吾開心呀！
DeleteMrs. Wu, 我諗首先唔好諗得咁灰先, 但睇情況, 你老公係咪有第二個小朋友出世, 所以比較大壓力?
ReplyDelete但點都好, 先唔到諗到最壞打算, 你仲有兩個小朋友要你的照顧... 諗多D朋友傾, 同搵marriage counselor傾下, 因為佢地professionalD會知道點解決﹗
你都唔好太過唔開心, 你唔開心, 你肚裡面的會知道~
其實我都係想搞好個關係，令大家吾好再有下次....不過佢成日覺得我好煩，我又覺得佢好煩,真係吾知點算呀！
Delete加油呀﹗為咗肚入面個BB，唔好畀負面情緒影響自己咁多﹗
ReplyDelete有咗小朋友之後兩公婆相處時間真係少咗，爭執都好自然多咗，可能佢都係覺得有壓力先會咁，或者等大家心情好D時再慢慢傾吓
希望只係一時之間既事啦，如果長期落去我相信我會發癲！
Delete妳知道問題存在就快D去做方法補救，我有朋友知但冇做，最後分開咗，其實唔係想嚇妳，但我當妳係朋友都想妳好，唔想講D假說話
ReplyDelete其實有問題可能出至雙方的，佢對妳唔好，妳有脾氣，佢又覺得妳有問題，久而久之就好難修補，趁依家大家好好地傾下