4個月兩星期

時間過得好快呀，我家Hannah不知不覺已經4.5月，日日見到佢都吾同，感覺真係好特別。 琴日帶Hannah去見醫生同打針針，次次打針我都好驚，雖然吾係我打，但我寧願係我打，起碼我忍到痛，見醫生之前已經比左心理準備亞B， 我同佢講，亞B， 吾駛怕，打針針有小小痛，打完就無事架啦，吾知係咪佢識聽我講野呢，醫生打完之後喊左一聲，跟住就郁下郁下仲想同你玩，乖女，你好叻呀！錫哂你！！！！！

而家亞女雖然只有4.5月，但係已經好重磅，由剛剛既6.5安士到而家既16磅幾，真係好重手呀，不過吾緊要啦，重有重好，醫生都話Hannah好強壯，真係開心呀！ 而5個月既時候亞女就開始佢既新一步，就係可以食固體食物啦！其實食得固體食物反而對我來說仲多功夫，不過為左比亞女一個健康快樂既生活，辛苦D都值得既。 醫生雖然話出面買個D都OK，但始終覺得自己煮糊仔好似健康D，吾知大家有咩分享呢？好期待亞B新既一頁，到時一定會同大家分享佢污糟貓既樣，哈哈哈

4個月兩星期

時間過得好快呀，我家Hannah不知不覺已經4.5月，日日見到佢都吾同，感覺真係好特別。 琴日帶Hannah去見醫生同打針針，次次打針我都好驚，雖然吾係我打，但我寧願係我打，起碼我忍到痛，見醫生之前已經比左心理準備亞B， 我同佢講，亞B， 吾駛怕，打針針有小小痛，打完就無事架啦，吾知係咪佢識聽我講野呢，醫生打完之後喊左一聲，跟住就郁下郁下仲想同你玩，乖女，你好叻呀！錫哂你！！！！！

而家亞女雖然只有4.5月，但係已經好重磅，由剛剛既6.5安士到而家既16磅幾，真係好重手呀，不過吾緊要啦，重有重好，醫生都話Hannah好強壯，真係開心呀！ 而5個月既時候亞女就開始佢既新一步，就係可以食固體食物啦！其實食得固體食物反而對我來說仲多功夫，不過為左比亞女一個健康快樂既生活，辛苦D都值得既。 醫生雖然話出面買個D都OK，但始終覺得自己煮糊仔好似健康D，吾知大家有咩分享呢？好期待亞B新既一頁，到時一定會同大家分享佢污糟貓既樣，哈哈哈

西方文化

西方文化好特別，雖然吾係樣樣都接受到，但呢樣野又OK喎。 幾年前返去香港參加喪禮， 總覺得殯儀館好恐怖，陰陰暗暗，又開到個冷氣超大，仲有既係聽到人大哭呀，打齋之類既聲音，我相信去過香港既殯儀館都會有咁既經歷。 年前係呢邊識到個女仔係以前幫仙人化妝，我真係覺得佢好夠膽，試問普通人又點會有膽量做呢份工，自問就吾敢，所以覺得佢好勁。有次去佢office搵佢，入到去殯儀館都係感覺好凍，比人好淒涼既感覺，不過感覺上比香港好少少啦。 琴日去左我同事爸爸既喪禮， 同事係外國人，所以搞既都係外國人style， 大家都以為個個會喊呀，好吾開心呀，等等等等....但對於佢地黎講， 死亡只係一個解脫，佢地覺得係一件開心既事，所以整個場都係大家有傾有講，當然作為家屬既係會吾開心，但同事爸爸已經80有多，而且有病，所以離開未必係件壞事， 而個遺體會放係個hall出面比人pray, 吾係好似香港咁要隔一度玻璃門先入度去，家人會放好仙人既後生相片同家人相片，絕對吾會有遺照，一個好簡單而溫馨既儀式，你係吾會感受到傷心。 不過，記得有次我去一個外國人既喪禮， 雖然同個位人吾係好熟，但佢以前係我公司既一個partner, 所以我都有去，去到既時候，可能我生前見過一兩次，但見佢時，佢已經病到吾同左樣，所以眼淺既我不禁流淚，吾知係咪呢度D人吾興喊，好多人比D好奇怪既眼光我，又或者係....你係邊個？做咩喊得咁淒涼。  無論如何，都希望仙人可以得到安息，而信奉基督教既我，希望佢地上左天堂得永生。

Happy Hannah

4個月大既小朋友真係好好玩，我家乖女同佢玩下就笑到好開心，哈哈哈！ 亞B， 媽媽錫哂你！

Happy Hannah

4個月大既小朋友真係好好玩，我家乖女同佢玩下就笑到好開心，哈哈哈！ 亞B， 媽媽錫哂你！

Hannah第一次

琴日係我表哥既婚禮， 都係Hannah第一次去咁隆重既場合，雖然對佢來說都係一樣，但我地（大人）真係要好小心呀！又怕佢喊，又怕佢驚，又怕帶少左野，等等等.....不過好可惜係我表哥擺酒個度吾比我帶BB，所以我地只係去左觀禮咋。 因為間church係bronx, 由我屋企揸車去要成個鐘頭，加埋有少少塞車，所以成1.5鐘頭先到，不過好彩Hannah係車上差不多訓左成程，我又樂得清閒，哈哈！我地去到既時候仲未開始，不過Hannah見到咁多人又有D驚，開始扁咀，哎呀，佢個扁咀樣真係好可憐，扁咀之餘眼紅紅鼻紅紅，真係好似我地蝦佢咁。如有機會一定要分享比大家佢個扁咀樣，咁大家就知咩係我見猶憐！  不過好彩行禮時Hannah都係fussy左一陣就訓著，你知啦，人地行禮好嚴肅，突然BB喊真係好embarrassing架！ 亞B，你已經好叻啦！

你地睇下媽媽扮得我幾靚靚，嘻嘻嘻！

Hannah第一次

琴日係我表哥既婚禮， 都係Hannah第一次去咁隆重既場合，雖然對佢來說都係一樣，但我地（大人）真係要好小心呀！又怕佢喊，又怕佢驚，又怕帶少左野，等等等.....不過好可惜係我表哥擺酒個度吾比我帶BB，所以我地只係去左觀禮咋。 因為間church係bronx, 由我屋企揸車去要成個鐘頭，加埋有少少塞車，所以成1.5鐘頭先到，不過好彩Hannah係車上差不多訓左成程，我又樂得清閒，哈哈！我地去到既時候仲未開始，不過Hannah見到咁多人又有D驚，開始扁咀，哎呀，佢個扁咀樣真係好可憐，扁咀之餘眼紅紅鼻紅紅，真係好似我地蝦佢咁。如有機會一定要分享比大家佢個扁咀樣，咁大家就知咩係我見猶憐！  不過好彩行禮時Hannah都係fussy左一陣就訓著，你知啦，人地行禮好嚴肅，突然BB喊真係好embarrassing架！ 亞B，你已經好叻啦！

你地睇下媽媽扮得我幾靚靚，嘻嘻嘻！