又一個星期啦....

自搬左之後，寫blog真係懶左，可能無左yahoo點都吾係咁慣，加上肚子愈來愈大，想訓既時間愈來愈多，偏偏湊女既時間愈來愈長，搞到我精神真係一般。 亞女由細到大都訓到一般，而家差不多晚晚都會叫一次，唉，好既時候抱15分鐘又可以訓，而吾好既時候真係成晚都無得訓，拜託，爸爸媽媽無精神真係做野都做吾到架！ 

而家weekend好多時都同佢屋企人過，可能本身又無咩好做，而同佢屋企人過，99起碼都可以幫下手睇下，我就可以輕鬆D。 星期六本來開開心心架，點知同佢嗌交，可惜既係，我一D印象為咩嗌都無，肯定都係D無聊野，但又令我吾開心左一陣，雖然之後都無野，但要開始同結束一個argument真係令我好辛苦同覺得無聊，我吾想再係亞女面前嘈啦，我覺得好煩！ 

其實大家覺得買衫係咪一定媽媽做既呢？ 因為呢排天氣見涼，而Hannah又無好多長衫，所以去買，咁買完緊係要洗架啦，但有時亞女整污糟，所以無咁多衫換，老公就叫我快D買多D衫比BB啦，問題係，一，上個星期買左，又話D quality吾夠好，搞到BB好似成日都好痕，跟住又話我買咁少，又吾洗，咁機衫未夠呀ma, 你想點？ 最最最大問題，又吾係佢比錢，嘈咩啫，次次買親BB野（除左係amazon買），其餘既都係我比錢架啦，所以如果無左份工要佢養，我諗我對住佢咁既attitude,真係寧願吾食吾買呀！ 同埋，吾好成日塞哂D responsibility比我，其實爸爸一樣可以做好多野，吾好同我講呢個係媽媽責任啦！真係激氣！

算啦算啦，講番個女，吾知點呢排佢生左D紅色粒粒，雖然吾係好多，但又吾知點解，又吾知佢痕吾痕，打電話問醫生，醫生話有可能係上次打既水痘針引發出來，應該過一排會退，如果愈出愈多就去見佢，好彩既係都無出多，都係keep住有十粒到，希望快D好番啦！ 

星期日係backyard BBQ, 兩個小朋友真係好得意呀！

有個小朋友去左toysrus賴C吾走

今個月又大洗左，買左好多野比BB，唉，同婆婆講，佢話佢比錢買，送比Hannah, 哈哈哈，多謝婆婆，我吾客氣啦！

今個星期old navy 30%+15%...我又點忍到手，哈哈哈

整番呢D icon我先覺得全神D....先有番寫blog既motivation呀！

又中毒了！

唉，呢排成日都掛住買野，真係買到無停手，好彩既係，我自己有份人工，吾駛靠老公養，如果吾係，真係吾駛旨意買野呀！ 當然啦，買野十居奇九都吾係我既野，全部都係大小姐既衫衫，唉，又破產了。 無計啦，天氣開始涼，而佢又吾係好多冬天衫，吾買，真係日日留係屋企開heat著夏天衫咩？ 勁浪費！ （不過話時話，D鬼佬就會咁做，冬天時入面開到成100度，真係可以著短衫短褲呀！）雖然相片中，我打算有D要退，不過影下相當懷念下啦，嘻嘻嘻！ 真係吾覺吾覺，買買下又買左成＄80幾元，不過如果吾係有20% coupon, ＄100元無走雞呀！！！！！ 

琴日巡網，見到old navy 30％off, 心知不妙啦，不過見佢D pant 同legging又吾係太貴，而有對鞋又想買，唉，唯有當破財擋災啦，哈哈哈哈哈！未有相住，下次先post！BB衫，真係買買下就成＄50，佢地呢班人真係好鬼好賺喔！

吾知幾時開始，Hannah BB好中意張大個口，特別係爸爸開住flash有光時，佢就會張大個口，好搞笑，嘻嘻！ 如果佢食野有咁大個口就好啦，哈哈哈哈哈！ 而家佢已經識叫媽媽爸爸，聽佢叫真係好sweet呀！ 佢又識得分開嫲嫲同媽媽兩個音，好利害呀！ 琴日99又教佢鼻鼻係邊，佢吾指，但佢會戥下個鼻鼻，好似我地聞野咁，哈哈，好得意呀！ 雖然吾係話識好多野，但起碼都係一個好開始啦！ 有時叫佢執個波波比我，佢又識喎，而家成日拎鞋比我同老公，tum C人啦！ 早排買左個potty train 既toilet seat比99， 佢話開始train Hannah 坐廁所，尿尿仲未係好識，但係poo poo就開始左，因為佢次次要poo poo都會睇得出，咁我地就要即刻湊佢去廁所，ummm..希望成功在望啦！ 

 琴晚老公餵奶（因為我而家成日complain佢咩都吾做，而我又抱吾到個女咁多，哈哈，係咪好衰呢？），突然間叫我入去，我以為發生咩事，原來hannah自己拎住個奶樽飲呀，嘩，好勁！ 雖然我見好多blog友一早已經係咁，但見到自己個女突然識咁多野，我真係好安慰呀！

明天又weekend啦，雖然無咩特別野做，但希望都可以同hannah出去跑下玩下啦！ Have a nice weekend everyone 

雜炒

今個星期依然係病，加上懷孕已經7個月，身體已經覺得好重，而我自己都feel到自己磅數增加不少。 星期二去見醫生，話我又重左好多，唉，其實我已經少吃，但偏偏食極都咁肥，咁我又可以點？ 吾通肚餓都吾餵飽入面個個？所以減肥呢家野...都係等生完+坐完月先啦！

近日可能因為天氣變，所以鼻塞有幾聲咳，好煩！ 而家連把聲都變埋，不過老公察覺吾到，哈，佢真係對我幾好！好彩呢排小姐都訓得OK，起碼我地晚上吾駛花好多時間湊佢，休息多D人都精神D呀！

近日有單煩野係，BB保險要加價，本來我地比開＄9一個月，不過吾知點解佢地查到我既收入，因應收入，我地而家要比＄150一個月，唉，真係攞命！ 雖然相對公司既保險都係平，但個個月都要有額外開支真係吾多掂。 我問保險姐姐可以點做，佢就話無架啦，因為check到我地兩個結婚，係要報哂兩個既收入，跟住我就同老公講，咁不如我地離婚啦，我一個人報哂兩個女，保險實平，我又無樓，無錢，可能分分鐘有好多政府benefit呀, hahahhahaha.....一係就佢搵份cash工，吾駛報稅，政府吾知就吾駛理啦！ 唉....以前就為左將來結婚，而家居然係想為左慳D而離婚，都吾知想當初結來做咩？？？？ 不過都係未知知數...諗下先啦！

獻上媽媽同hannah B既相片數張，哈哈！ 

我個女至愛既buddy..有cousin哥哥同光頭妹妹（後記，陰功，自從上次cousin哥哥病左之後，傳比hannah不特止仲搞到光頭妹妹都病埋，佢星期四同五來比我99湊，點知上個星期cousin哥哥病，星期五晚上光頭妹妹就發燒加埋耳朵發炎，都話架啦，佢亞媽吾湊就搞到兩個小朋友都病，而家連佢自己又病，我又病，佢真係好好呀！！！！）

星期一假期，朋友來我地家作客，幫我同hannah影相相，嘻嘻嘻

本身好怕我cousin既hannah BB，星期日居然仲同佢玩左一陣，哈哈，睇下我cousin幾自豪，傻佬一大個！

Labor day weekend

無左yahoo blog之後，返工真係好悶，而又提不起勁去打blog, 有少少想放棄感覺，不過又好想寫低Hannah BB既事，唉，媽媽，頂硬上！ 

上星期亞女病左，搞到我都病埋，無陰功！不過一D都吾出奇，因為天氣已經開始變，feel到秋天既來臨啦！雖然我依然好想夏天會停留，但已經係9月，仲可以點？ 我就希望我可以快快好番，吾想再停留係呢個好吾精神既狀態下！

上星期係長假，連續兩日去左BBQ，真係好熱氣！ 星期日晚去左cousin屋企燒，不過佢地煮既野....真係好燶，我都吾敢食！ 同埋，真係全肉宴，我都想食下菜菜呀！ 跟住星期一，今次就係朋友來我地家BBQ，因為係老公燒既關係，真係好味好多呀！ 最起碼吾係燶到變左炭，同埋，我老公BBQ係有一手既，加埋D sauce真係一流呀！而我就湊左Hannah 比99，咁我就可以hand free咁食下野，嘻嘻，幾好！ 

我好怕呢個blog會比人睇到，有咩方法呢？ 我都吾想我reply人地個blog時會比人知，我吾中意！ 我係咪應該開個個account去寫呢？？

New blog

嘗試緊個新blog, 不過吾係好識用，見多數人都係去blogspot,咁我又試下啦....不過，點樣加人？係咪吾可以好似以前咁有D精選等等之類？ 唉，好煩！至憎就係要轉。同埋，點樣可以將所有yahoo blog轉去個邊呀？（除左copy過去之外！）

new blog - 

http://mrswufamily.blogspot.com/

煩

好煩，都吾明好地地yahoo做咩要我地搬屋，一向電腦白痴既我真係吾知點做好！ 我只係想keep番我之前寫既野同同一班blog友 keep住contact, 有無人可以教我點做呀？

Testing

暫時寫住先？