生日週末

剛過去既週末，雖然都係仲病病地，但已經比起之前好多了。係，妹妹自係MD返來後，都未好過，都一樣咳咳，雖然比起之前已好好多，但D痰依然係個度，唉，咳呢家野，真係好難好，我都咳左差不多成兩個月了。

剛過去既weekend, 我地延續左hannah B既生日party.  其實都不算得上係birthday party, 因為本來請佢地來既朋友都有一半以上來吾到， 只剩番4個families, 不過反而覺得細細group有佢既好處，同埋大家都有小朋友， 十分明白大家既處境，真係好愛好愛我呢group既朋友！ 我地既認識係係yahoo blog開始，之後大家分別結婚生小朋友， 不知不覺都識左起碼有6年以上，我仲記得我識佢地個陣係未結婚既，而家，小朋友都有兩件啦，哈哈，時間過得真係快。 或者我地有共同既background（大家都係HK人，同埋有小朋友），所以都好岩傾呀，又可能因為我好少同人socialize, 見到有朋友一齊傾下玩下就好開心，我認我係好易開心，嘻嘻！ 

其實以前識落既朋友，真係無keep到幾多個，可能大家都各有各忙，都無時間理對方，同埋有D HK朋友，佢地連婚都未結，所以無小朋友呢個topic傾。 而家識既，都係D有小朋友既父母，我覺得大家一齊出去玩下食下又一day既感覺好好，或者我真係吾中意留係屋企做同一樣野，我會覺得好悶。 雖然老公常常覺得我應該對新識既朋友有所保留，係，我之前都比人中傷過，都吾開心過一段日子，但我之後諗，又覺得如果我要有所保留，不如吾好做朋友。 我自問睇人真係好差，我認識既朋友當中，10個有9個老公都話係8婆，但我又吾識睇佢地係吾係，哈哈！ 不過日久見人心，我無做過對人吾好既事，都吾希望人地對我差，我吾想比人係背後講，都吾會係人背後講人地！ 

最後，我想講我真係好愛你地！ blog除左係我發洩既地方之外，仲係我想記低我女兒成長過程既地方，多謝你地對我既支持同鼓勵，無論我開心吾開心，病吾病，你地都一樣咁錫我！ 我好希望有一日我地可以係香港，我既home town, 見面呀！Love you all~ 

PS:  Hannah, happy birthday again! 

生日快樂 Hannah B

呢排真係勁忙，吾係工作上，係屋企上，真係病完一輪再一輪， anyway, 本來hannah B個生日party係16號舉行，但因為Emma B吾舒服，所以我地postpone到30號，到時有相再比大家睇啦。  吾經吾覺已經3年，呢隻豬我對佢又愛又恨，不過咁，佢吾發脾氣個陣都幾得人中意既，嘻嘻。  媽媽係呢度祝你健康快樂，做個開心快活人（我知遲左成個星期，嘻嘻，媽媽呢排好鬼懶！） 

我地係22號，即係hannah B正日去左佢學校慶祝，其實都係去食蛋糕之類，但我覺得都好開心，可能終於見到佢D同學仔，知道佢平時係學校識D咩小朋友，不過來緊7月好快佢就轉校了，希望佢會認識更多新朋友啦！ 

而我地個晚就架車去maryland玩，其實同佢地去玩，最辛苦一定係我地兩個，我地星期五晚揸大約4小時車去到maryland, 時間過得好鬼快，因為湊住佢兩個，呢個又咁個個又咁，真係好難服侍，好彩最後佢地兩個都訓左，如果吾係我都幾難捱，我同老公講話，我寧願揸車都無咁辛苦，唉！ anyway, 我地將近11點幾到左個度，但大家都好生保，都訓得十分吾好，特別我地兩個大人，又要湊住佢地，真係勁勁勁辛苦，雖然話去佢姑姐度住，但始終吾係自己屋企，同埋佢個度好似好耐無打掃咁，搞到我訓得完全吾自在，自問係好易入睡個D人，都覺得周身痕，我諗我生完之後，真係有些少潔癖吧，哈哈！ 

星期六一早起身就起程又meet up佢D cousin先，食過早餐我地就去左水族館，其實個aquarium都幾好睇架，不過或者對一個3歲同歲半既小朋友無咩大興趣，佢地去到都吾係太中意， 加上因為呢個aquarium係吾比用stroller, 同佢地兩個去真係大大大大大難關，話就話hannah 3歲，可以行，但認識佢既我太深，佢連行出街口兩步路都話累，更何況成足兩個鐘，簡直就impossible, 而Emma, 佢係會行，但佢太過lut 繩馬騮，同埋個度咁多人，真係抱少一秘都吾得，就係咁，我D老鼠仔又大左吾少，哈哈，加上我地要揹埋佢地D belongings, 真係好Q累呀！ 不過好彩我地有佢cousin幫一幫，都係幫手拎野咁，如果吾係，我諗我未睇完已經話要走，哈哈！ 

吾知係咪天氣關係，同埋佢地吾開heat, 間屋好凍搞到我地個個都病哂，唉，最嚴重係Emma星期日開始發燒，而本來我地打算星期一先回NY就變左係星期日晚返，好彩我地決定正確，佢個晚燒到104度，雖然我都有帶藥去食，但始終吾夠係屋企方便，同埋佢姑姐度點都吾baby friendly, 換片沖涼都十分吾方便，加上訓得咁差，個日真係好鬼掛住自己張床呀！ 就係咁，我地第一個getaway trip真係佢病左既情況下完結，吾可以話好好玩，但都吾係差既，咁有第一次，我地先會improve到下次既trip需要D咩，嘻嘻。  

總括，去旅行一定要帶定藥去，如果吾係拿起上手病就大鑊。 同埋，同佢地去要帶多幾件衫，Emma B爆左兩日poo poo, 好彩帶多左幾件衫去咋，如果吾係吾知點算。 去既地方一定要係stroller friendly, 如果吾係抱住兩個，你真係寧願吾出街。   我既去旅行經驗尚淺，嘻嘻，希望下次會prepare好D啦！ 

今次好少相，因為爸爸大機影完好少比我，下次用手機影會多D架啦，嘻嘻！

古靈精怪既大小姐，都係個句，吾發脾氣真係好cute呀，哈哈

水族館內有個地方可以比你摸jellyfish 同魔鬼魚，感覺都幾得意呀！ 

佢地知道係Hannah生日，就買左個蛋糕比佢，真係食到肥呀！

星期日早上去左附近個park玩，天氣好暖呀，佢地都玩得好開心，其實小朋友好簡單，有個playground已經好開心呀！

離家出走

未夠3歲既Hannah小姐已經要離家出走，雖然吾係走得好遠（只不過係落99度），但已經令我地心碎。 其實我都吾知點解會咁，只不過係有一晚佢吾肯刷牙痾尿，就係度係咁喊，跟住比我地話兩句就要走，我地開門比佢佢真係毫不猶疑自己走出去，我地個刻先發覺其實佢吾係真係咁愛屋企，有時佢係99度就拆話要返屋企，到呢排返到屋企又話要去99度，我真係覺得好煩。  OK， 佢拆我deal with都無所謂，問題係佢晚晚喊醒，一係發癲發到累訓，一係就癩尿，一係就拆去99度，琴晚就係凌晨3am又話要走人，我本來都吾想呢個habit落去，咁我問佢，你落左嫲嫲度就以後見吾到爸爸媽媽架啦，佢話OK，我個刻心碎左，我吾想要糾纏落去，或者我個家真係吾岩佢住，如果佢住係99度會開心D會訓得好D，我就由佢啦。 我係估吾到佢只不過係3歲人仔，就會做D咁既事，我諗到佢大個，想佢返屋企探我簡直就係無可能了。  我知呢個決定係吾岩，作為父母係應該deal with番自己既小朋友，但面對住呢個nightmare幾年，我地都身心疲累。 

而家呢刻好迷茫，真係吾知可以點做，我地用心去照顧佢地，點知出來係咁，真係絕對失望。 

沒有更差 只有更差

諗住佢地兩個都病左一排，都應該好得7788 啦， 原來呢個先係惡夢開始， 真係不得不寫低呀！

話說妹妹都已經病左成個星期， 因為佢係咁痾，所以d菌已經比左我，我星期二晚辛苦到暈， 訓左一日一夜，星期三請假，無食過野成 24 小時，真恐怖。 到5點左右， 99 打比我地知hannah發燒， 唉，我個日其實都已經無力，但其實佢發都已經兩日，所以我就頂住同佢去睇醫生， 佢。。。。真係好懶行路，行兩步就話累，好彩抱左一陣佢都肯自己行陣。  去到醫生度，好彩醫生話佢無受妹妹感染，唔需要食消炎藥，發燒應該一兩日就退，我都擔心架，始終小朋友發燒我都驚有事，到星期4, 樓下個個又話病，妹妹又岩岩好，所以我就決定留係屋企做野睇住hannah,  其實睇住佢又唔難既，不過佢呢排胃口麻麻， 食少左好多野，唉，擔心中！ 到星期4 晚， 99 話佢都唔係咁舒服，我心諗都唔知點算， 因為已經請左兩日假，唔想係咁請呀，如果99 真係唔舒服，我62 更加湊唔到兩個小朋友啦，呢個時候先發覺我地其實係需要一個back up plan,  唔應該等到有咩事先算。  到星期五抱妹妹落去，99 仲係床上休息緊， 咁我就知佢真係好唔舒服， 同埋人地個仔又係度，3個小朋友我62 邊得呀， 所以最後個plan 就帶埋hannah 返工，起碼我會照顧到佢， 其實佢除左發燒同咳，其他都無咩野，但發燒唔可以返學，無辦法呀！ 佢係office 時都ok 啦， 都係比佢睇下電視，玩下食下，我基本上都無點做過野，哈哈，邊專心到講真， 不過好彩星期五，唔係好忙，所以先可以兼顧到。 到星期五晚， 老公就漏夜肚痾，痾左成晚，我都好驚呀，大佬，除左因為怕佢照顧唔到小朋友外，更怕佢d 菌傳染佢地，我到時就真係pk 了。  星期六約左個係日本來探我地既朋友，本來係打算一齊去賞花， 點知老公又病， 我就自己同 hannah 搭車出去join 佢，真係好掃興呀！ 好彩 hannah 都唔算太差， 係有d 曳架啦，可能未係好舒服，但都算啦， 最爆係，我老公病到咁，已經痾左成日，我99 揾我同我講有d 藥比佢食，叫我開門比我， 我個刻真係好嬲，我一個人照顧3個， 你知你個仔病左都唔上來探下幫下手，跟住仲要我去拎藥，我就爆佢話，你拎得上我門口，就唔差在上去探下你個仔啦，好難咩？？  佢就話唔難，但又要整雞整性，話殘障慶祝mothers day喎， 妖，如果咁孝順就唔好叫自己老母整野啦，白痴！同埋， 隻雞真係重要過個人命？ naive!!!!   anyway,  佢到最後都有上來，不過我老公係唔想見到佢囉，覺得好虛偽， 我地有事都唔會問駛唔駛幫手， 屋企人wor, 我唔覺囉！ 再加上個日無拿拿 emma又發番燒，hannah又有d肚痾，唉，真係仲有無更多呀？？  所以我既mothers day就係係照顧病人中渡過，痾左兩日既老公依然唔肯睇醫生，真係吹脹，我都廢鬼事理佢！  其實 mothers day我都唔望有咩禮物， 只係希望有日 dayoff已經好滿足了。  

由 9 月開始，病菌都不斷地侵犯我地，係我屋企唔乾淨呀，定係我地風水有問題，識我既人都知小朋友差不多個個星期都病一次，我真係病到驚了。  求求你，比我有一個健康既家，我已經心滿意足了。 如果有咩方法可以令病菌減少，請話我知啦，我已受夠了！！！！！！！！！

禍不單行

今個月真係好惆悵，本身我就已經病左成兩個星期，又咳又流鼻，不過咳就令我好辛苦，好似chok住條氣咁，到而家都係架，不過我已經慣左，可能加上天氣時凍時熱，真係好易令人病呀，所以我兩位小姐又病病，唉！ 其實Hannah又吾算太嚴重，都係咳同流鼻，所以食幾次藥就無事，至於Emma， 可憐既佢，又比其他人傳染，因為佢D cousins又喉嚨發炎，搞到佢生哂飛滋，睇見就陰功，加上因為痛，所以連食野都無食，開頭仲飲奶，但之後因為佢係咁痾水，真係成身都係，所以我地又要停埋奶，所以佢真係除左飲幾啖粥水外，都幾日無食過野，我記得好似無幾耐前佢先去完睇醫生，又係同一個問題，我懷疑係藥物敏感，真係令我極心痛！ 見佢成身軟哂真係陰功， 真係寧願病個個係我自己，發燒都發左幾日，餵藥都餵到驚呀！ 希望過埋呢幾日佢會好D啦！！！ 

不過weekend原本我地約左朋友去睇櫻花，就因為Emma病病我地就要取消，而我地星期六就留係屋企湊女，但時間過得真係慢，我地就決定星期日去玩，雖然emma病病，我地都吾好哂左咁好天既一日啦！ 我地去左個children museum玩，吾知係我地早定點，無咩人，不過佢地都好似吾多岩玩，最好玩既就係有個地方比你玩30 mins, 即係你可以坐係度睇小朋友玩，而佢地又吾會走到出去架。  個度算係比我地少少時間休息，哈哈， 而個museum居然無野食（我以為起碼有人賣D cookies），得個cafeteria...所以我地就玩左一陣後，就走去食野lu....其實個日天氣好，應該出外行行，但因為Emma仲病，怕佢吹風，所以轉移去室內。  來緊呢個星期天氣都好暖，希望佢地吾會再病病啦！

因為病病，只可以係後yard玩陣

玩到隻腳硬哂，哈哈哈

可愛的小豬，你想做工程師呀？

病到R哂頭？

終生學習

如何教子女呢個問題真係好苦惱， 就算一個點乖點聽話既小朋友點都會有一絲反叛， 其實以為hannah大個，快 3 歲就會容易d,  係，某程度上係容易d,  佢會聽你講野多d, 但愈大就代表佢有自己既思想，愈大就更加多野想唔聽我地話。 例子係， 琴晚佢返到屋企唔想除鞋，我就話唔可以， 因為好污糟， 唔知咩原因佢唔聽，因為平時佢都會除， 之後就大喊大叫， 我老公就話比佢著住先，等佢calm down後就同佢講，講真，我唔想，一來係唔應該，二來係我清潔唔係佢，到最後佢就幫佢著番。 係呢個情形下，我個人覺得要教，如果我比得佢著一次，呢個情況只會繼續， 佢就會日日都要求，咁唔同佢次次要求我就要比？ 我有時都好難教，唔知可以點做。  我覺得書本上既智識係可以學，但manner呢樣野就要由細教到大， 我個人覺得好重要。 不過係呢個情況下，我99 就話比佢著啦，佢遲早都要除，其實首先，我覺得我點教小朋友最好唔好插咀，或者佢有佢個point,  但我自己覺得唔可以比佢縱容落去。 佢係會除，但佢唔會明白點解唔可以咁做，係，冷靜後可以解釋，但唔同將來出社會做錯野又要冷靜後先明白？ 或者係我唔識教吧，唉！  要教好自己小朋友真係日日都學習緊， 雖然我唔係話hannah成日都發脾氣， 唔聽話， 但總有時會push your button令你想打鑊佢。  兩個字，耐性！ 希望大家都做得到啦。 

Picnic遊

完全估不到星期六天氣咁好，因為開頭都1516，星期五見forecast都話會大風，咁出吾出去玩好呢，之後係屋企feel下，又覺得好暖wor, 咁就決定同佢地兩隻野去picnic, 真係勁開心呀，嘻嘻，本身約左另一個朋友，不過到last minute先confirm去啦，同埋早上先同我老公嗌左陣，真係搞到我個mood都差哂（遲D再講咩事！） anyway, 我地去到個park，個度真係好大呀，個park係大到要架車去第二度先可以去到， 我諗外國地方就好在有多地方卦， 我地就坐陣食下野，而小朋友就去玩下波，走下，放下風箏咁，天氣真係好到不得了， 小朋友們都玩得好盡興， 我地兩個女人又傾得好開心， 男人就吾知佢地點過了，哈哈哈！ 不過睇住D小朋友玩，我地都好開心， 時間過得好快架，坐坐下就已經成5點， 好彩朋友拎左D 小朋友玩意，我下次都要投資一下先得，嘻嘻！   

 天朗氣清，真係perfect for picnic

我兩隻小豬都玩得好開心呀！ 其實困住係屋企咁耐，真係要出去走下先OK

 

 有波波玩好開心呀，鳴謝yanyan 肉手上鏡，同埋不停吹波波佢地玩 

跑得幾有美感，影個個都好難capture架，嘻嘻

好衰咁影左樓下個仔，難得好天都要困住係屋企，可憐呀！係咪好似prison呢（尤其係有咩D bar仲似）