2016香港遊，day 2&3

上次講到星期日真係攰到pk,  下午食完lunch時，我亞爸就車我地返屋企nap陣，真係勁勁勁辛苦，唔只我地，兩個細既唔慣到爆， 不過既然已經返左去，都無得返轉頭啦。  佢地就狂nap,  我地都趁呢個時候叉下電，如果唔係真係幾難捱。 晚上就同屋企人去食海鮮，其實我等左食海鮮好耐，不過好可惜因為實在太攰，我真係一d胃口都無，d瀨尿蝦呀，扇貝呀，鮑魚呀，真係無掂過，唉，嘥哂， 因為呢邊無呢d食呀，特別係瀨尿蝦，唯有真係等下次。  之後我地就去左家姐個度住兩晚，因為姐夫要飛，我亞媽要係個度，朝早無人睇住家姐d小朋友，咁我唔想自己留係亞媽屋企，咁就一齊去住啦。 其實我家姐有個3 歲個仔，同h&m都好玩得埋，但都怕打搞佢地呀，始終我地仲有jetlag,  一朝又唔知幾點就起左身架啦。  果然，到夜闌人靜時，兩個嘩鬼又喊醒，最慘係會嘈醒明天要返工既家姐，連工人都特別多野做，因為要執頭執尾，哈哈， 我同老公就講，個工人真係多得我地唔少，成晚嘈生哂，又比咁多野佢做，哈哈！ 之後我好記得hannah喊，又發脾4, 我家姐就話，你地有無試過好惡咁鬧佢，我唔識答，因為其實平時既佢雖然都係麻煩，但唔會長期咁喊，一來佢係未慣，二來佢係時差搞到個schedule亂哂， hannah係一個好follow schedule既人，一off左schedule佢就會好易發癲，三來，呢隻女佢home sick,  話好掛住屋企，明既，第一晚係亞媽個度已經唔慣，之後個日又話去家姐度訓，所以更加唔慣，佢就係咁， 好需要屋企，咁我都覺得係好事來既，大個唔駛擔心佢唔識返屋企，嘻嘻。 

咁多好味既野食，我都無點樣enjoy過，嗚嗚嗚

同我家姐個仔一齊玩既第一晚，已經完全吾驚陌生地方

到第3 日，本來約左朋友去濕地公園，之後又去唔成，我老公又話想shopping,  決定沖出市區，去又一城！ 講個background先，我未過來美國前，係住係觀塘區，之後亞媽佢地搬左去將軍澳，再幾年前搬左去天水圍，因為要近家姐(佢係元朗住),   對我來講，天水圍好陌生，完全係另一個世界， 對上一次返去住將軍澳，有地鐵到，好方便， 而今次係天水圍，要搭輕鐵再轉西鐵先去到一d地鐵到既站，唔好講笑，真係幾遠，對我來講，香港commute應該大約30 mins就到，我今次返，次次既commute起碼一個鐘可能因為要轉幾程車關係，真係攞命。  ok,  講番去又一城經歷，我地就係元朗起程去九龍塘， 首先搭村巴去西鐵站，之後再係美孚轉地鐵，再去到太子轉將軍澳綫去九龍塘，你估下搭左幾耐？ 我地一家4 口，足足係搭左兩個小時先到，我到左真係想嘔。 點解咁耐？村巴個程無問題，去到西鐵站，又要搵升降機，都算，去到美孚，行左起碼20 mins,  因為又要等升降機，又要落落落，足足係個度搭左4 程升降機先到地鐵站， 呀，真係唔容易，跟住去到九龍塘又要搵升降機，真係搵都搵左成粒鐘呀！！！！！！ 我地12 點起程，好記得去到兩點，真係唔好講笑，跟住去到九龍塘，hannah又開始攰，好彩emma係中途nap左陣， 如果唔係要deal with兩個cranky babies,  我真係寧願返屋企。 又一城design,  d elevator完全唔知係邊，好幾次都就咁用扶手電梯咁上，我都覺得幾牙煙， 跟住搵到升降機，又比D有手有腳既0靚妹迫，明明係後面同一層出，都要夾硬sip出去，好心啦！！！！！！！！ 千辛萬苦終於見到個友人，食野個陣個個都已經好攰，hannah都係食左佢至中意既油條，原本我地打算打街，點知老公頂吾順，我地最尾打的去左友人屋企hea陣， 真係十分吾好意思，我地去到友人個度，基本上係訓覺，我平時都好alert, 但點知真係好好好攰，係朋友屋企訓左一陣，最精神一定係emma, 因為佢之前nap左，哈哈！ 好彩靠佢陪我朋友同佢個女，如果吾係真係仲樣衰！   我地就留左一陣，等我亞爸放工經過成家車番屋企，哈哈！如果要我再搭兩個鐘咁返去，我真係會選擇搭！的！士！  我覺得如果吾係同佢地出去，個commute應該無咁難既，不過點都要一個鐘頭囉！

岩岩開始好興奮，到中途就無哂電

呢位小姐問我地，點解要搭咁多次升降機既？？？？ 

去到朋友度同佢個女玩，點知得emma一個係清醒，其他個D訓哂，哈哈哈

2016 香港遊

不知不覺已經由香港返來數日，今次真係捉哂蟲，呢個假期仲辛苦過返工，基本上係日日朝6 晚12,  係無office工咁死板，但日日咁行，食，行，食，真係都幾辛苦。 

首先要講既係，我地15 號飛，我14 號晚先發覺原來個passport 7 月夠期，唔比我online check in,  我個刻真係心都突埋，成晚無覺好訓，諗緊點算點算，雖然明知就算諗都無用，第二朝我地諗住一早打去cathay,  但白痴既cathay係7點pacific time先可以打電話去問，即係我地成10點，我班機係下午，真係等得佢來都去左機場， 之後都1516 去唔去機場好，到最後都決定唔理3721,  去左機場先算，如果真係唔得既咪返屋企囉，真係無辦法，唉，真係鬼知有條rule要有效期6個月，我travel得有幾多。  anyway,  call左car service我地就早左好多到，去到個心都荒荒地，跟住老公好醒目咁搵左個唐人姐姐幫手check in,   個姐姐睇左一下就話，ok, 無問題， 嘩，個刻真係放下心頭大石呀， 我幾驚上唔到機，又驚如果要等多幾日先整到個passport個vacation就短左好多， 真係thank god呀！ 因為好早去到既關係同之前個兩晚都訓得好差， 去到機場就好鬼攰，老公睇陣我就nap一nap,  但我兩隻小鬼不知幾興奮，見到飛機幾開心，話佢地知返香港搵婆婆就開心到不得了， 今次係我地一家4 口第一次搭飛機去旅行，真係好特別，特別地攰呀。 係機上，好彩佢地睇下電視訓下咁我都可以休息下，話哂 16 個鐘，真係唔係咁易過， 而好彩佢地有位坐，我就可以趁佢地睇電視lie down咁訓陣， 唔駛咁辛苦， 不過老公就因為氣流驚到就快暈低，我就唯有睇住佢地兩個啦。   好彩唔算有點喊，嘈住人地就唔好意思啦(雖然我都唔係想佢地喊).    落機之後真係急不及待出去呀，除左因為父母來接我地，仲有真係好想鬆下d筋骨呀， 不過我臨落機前有d唔舒服， 女人病，真係好彩捱到落機咋。  見到我父母都好開心呀，但emma就比較驚d,  hannah就跟我父母。   不過我記得係機場時要搭個d train入海關，我好有印象係個地勤姐姐，有手有腳仲同我地要推stroller既人迫入電梯， 個次係我第一次係香港見識到， 好彩未至於入左去即刻按關門制。

Anyway,  第一晚落機已經7 點左右， 香港機場效率唔駛講啦，快到無朋友，一去到個baggage claim就已經見到我地d行李，又唔駛排隊入境呢，爽！  跟住就同我屋企人食個晚餐，雖然好好味，但講真，攰左咁耐都真係胃口麻麻，所以食完野就拿拿臨返左屋企休息。  話無jetlag就握你既， 我地11 點左右訓，我就兩點幾就醒左， 而兩隻嘩鬼都3 點左右就醒，個幾日jetlag真係地獄咁，因為醒左後就唔訓，到我父母醒我地又要起身食早餐出去， 所以個幾日平均晚晚訓大約3小時左右，搭車時就訓陣，係咁！

第一晚就係咁過，星期日早上又晨早去家姐屋企，hea左陣，之後出車去食lunch,  好彩有亞爸車我地先有機會係車上訓陣咋。  要講既係，香港唔需要用car seat,  真係危險到爆，好多時我兩個女都由左飛到右， 可能係我亞爸揸車太辣吧，ummm.....  而我家姐經常性地霸住我亞媽，真係連同我亞媽講句野都無時間， 因為佢真係唔多理佢d小朋友，我亞媽幫佢手換片，餵粥仔，睇住佢地，ummm... 我都好想有個亞媽係咁呀！ >_<   到下午我地一家都頂唔順，返左屋企要訓陣，實在太眼訓！ 佢地係咁要訓都真係無計呀！ 時差我地大人都難適應，何況佢地兩個咁細呢？ 我無怪佢地。

呢隻野，真係只會做D平時小朋友吾做既野.....

點解可以咁曳？

一上到機就不停睇TV，真係睇到眼都盲呀！

呢隻就因為nap time, 未起飛已經訓低左

下篇再續

化學人生

原來做人真係好化學，真係好唔開心。星期一睇fb,  覺得d friends既 post有d唔對勁， 咁我都算啦，之後今朝再睇，覺得愈來愈唔對勁，咁我就text我個friend問近排有無同i聯絡， 佢話無，問我咩事，我話，我見到d friends post寫 rip, 我覺得好奇怪，多數rip都係人唔係度時講，點解會咁呢？ 之後，我個friend都覺得唔妥， 隔左一陣，佢text番我話我知，我地個friend i真係走左， 呀。。。。。 本來今日心情都ok,  仲著件新裙返工，點知，成日既mood已經down哂。 雖然我地自我有小朋友疏遠左少少，但我地間唔中都會whatsapp兩句， 點解會咁？  之後到放工時間，佢哥哥email我(應該係我email佢先),  佢話佢走左，係自殺，呀。。。。。 點解？ 點解咁傻？？？ 個心真係好痛， 早幾年我地成日hang out,  差不多個個wkend都一齊hea,  一齊玩，到我有小朋友後，同佢返返學，先少左來往， 為左咩事令自己咁唔開心？ 

唉。。。。 心情極差，不過都無辦法，路。。。始終要行。雖然唔知點解，都唔明點解咁傻，但希望佢係天國老家會搵到屬於佢既地方。  rest in peace,  my friend.  

倒數兩星期

不知不覺原來仲有兩個多星期就飛啦，心情好緊張又興奮，不過都覺得臨飛前都有好多野忙呀，工作上又要交代比其他人，而d小朋友又要顧佢地，又要諗下帶咩，真係做人亞媽，想唔有情緒病都唔得呀，成日擔心呢樣個樣。  雖然今次回港大部分時間都要湊女，但我覺得可以去下旅行已經對我來講開心好多， 雖然呢排心情都係麻麻，都成日諗好多negative野，但好彩對住佢地兩個都唔算crazy,  係有時佢地癲起上黎會令我覺得透唔到氣咁，但比起以前，真係好多了。  希望亞媽會幫手睇下，我可以自己去做下自己野啦！

前個排同老公講話我有情緒病，佢既第一個反應係，我又唔係醫生我唔知點比意見你，不如你去睇醫生啦！有時不得不比男人吹脹，我同佢講，只不過係想佢開解下我，傾下，鬼唔知佢唔係醫生咩！不過佢地總係咁，有咩事就以為我要佢解決，其實一句問候已經可以令我舒服多了。 之後個晚，佢話腳痛，我就用番同一個道理，話，我又唔係醫生，我唔知，你去睇醫生啦！ 哈哈，兩個就之後大笑！  一句關心，對我地呢d couple來講，好似好難再出口咁，但原來如果有人肯開聲先，又真係唔難既。 

呢幾晚hannah姐又發癲， 晚晚又半夜三更醒跟住喊，呢個stage會去到邊先會完呀？ 無覺好訓真係幾攞命。  跟住今日打去學校問，佢地又話無咩野，係呢排比較易發脾氣，不過普通自理能力都ok,  不過係學校一個樣，屋企另一個樣， 係屋企，叫佢clean up,  當我唱歌，叫佢做邊d野，完全唔理， 唉， 以為會易d, 點知一樣咁難， 同埋好多野佢係學校做到，係屋企都唔會做，真係無辦法， 唯一一樣係，佢話佢係班上d學野好叻，咁算唔算係有dd好處呢？  有時叫佢地做野，簡直就係打仗咁，好個日就自動自覺，唔好個日就采我都傻，要小朋友聽教聽話實在不容易。

驚恐症

唔係個個人都知咩野係驚恐症，都唔係個個人都care身邊既人。 直到琴日係fb上見到有個post講關於精神病，睇完後先發覺原來有好多人同我一樣都係有驚恐症。 係，我係有驚恐症，我唔會deny,  一開始時真係心情好差，好depressed,  覺得呢個世界唔屬於我，我唔可以存在， 有好一剎拿想自殺， 但個個念頭一出我就覺得真係好驚。 點解會開始呢？ 呢個病症係一個心理病，可以好快咁來，好快咁走。 第一次發覺時係係搭subway時，係個tunnel入面stuck左唔郁， 個刻好想走好想走，好想離開個個地方，但當然係無可能啦，因為塞住左， 我個刻覺得想暈，心跳得好急速， 手汗都出哂，好驚好驚，但你話驚咩，我又唔知，總之就好似透不過氣咁，所以前排精神好差，可能加上返到屋企又要湊小朋友，想休息都難過人， 精神開始有d問題，到有一晚，突然間覺得好唔舒服，好想喊好想喊， 我好唔想比人知，但我又一定要同老公講，講完之後又好d,  但問題來啦，我日日都要搭subway返工放工，點算？ 有一排唯有頂硬上，搭車都只可以搭local,  因為唔駛怕會stuck係tunnel入面咁耐， 但就會好慢囉，不過起碼自己心理上會安樂d,  舒服d.    我唔知係咪都市人有精神病係好正常，我咁耐就未試過，有時去conference room都覺得好有壓迫感，好驚，好想衝出去。。 好想走。。。。。。

之前返到office同同事講，喊左一輪，佢地suggest我去見心理醫生，開始時我真係想食藥就算，因為個感覺真係好差好差好差， 但佢地又話食藥唔係長遠既事，更何況呢邊如非必要，都唔會比藥你。  咁我就搵左個心理醫生去睇下，傾下計，我唔可以話好幫到我， 因為我前後都係去左兩次，時間上真係好唔match 到， 不過去既時候都係傾下計，了解下你，教你做d breathing exercise去 relax.  其實最終我都係覺得自己太大壓力，所以搞到我身心都好唔舒服，更加上我成日都心跳得好快，個心好唔舒服，來緊會去睇cardiologist睇下自己個心有無事。

雖然心理病聽起上黎好似好無野，但其實呢個病仲慘過你有生理病，因為未必會有得醫，同埋或者會潛在係你心入面好耐，but anyway,  我都會勇敢面對。 講出來係因為唔可以握自己， 要勇於面對就要勇於承認自己有病，咁先可以有得醫。  如果身邊有人都有相同既病，記得關心多一d,  令佢覺得呢個世界有希望呀！

2月雜炒

實實在在太忙啦，工作上真係無停手，一停就又有野due,  原來唔寫一下就已經3月份，時間真係飛咁過呀。  咁睇住兩隻嘩鬼又真係幾快過，個個weekend都快到一閃即逝咁。  本來上星期想出下街，但可惜我地無拿拿又作感冒，流哂鼻咁，都係休息下好d.   呢d天氣，真係著多件又熱，著少件又凍，係咪真係玩c人呢！！！

今次來個雜炒，睇下佢地呢排做過d咩啦。 

Belated新年快樂，祝大家有個健康快樂既猴年。 

新年個幾日我parents來探我，我就抽左幾日去陪佢地，不過佢地來得10 日都無，真係快閃黨咁，佢地返左hk我都唔覺，完全無感覺，陰公！不過就因為佢地來我先有機會做自己野，好似weekend要去整d野，佢都可以幫手睇一陣。 

我地之後更完成左佢地兩個人張床，都係因為佢地係度，有個人幫下手，先可以整得掂咋。  

雖然間房未算係執好哂，但起碼都訓到， 你話佢地兩個share間房訓唔訓到，基本上訓得著，但因為hannah姐訓得本身十分差，到12am左右就喊， 咁一個喊另一個又無可能訓到，所以個幾日真係好鬼攰。  所以呢排我地又同番hannah姐訓， 唉，算啦， 有時真係寧願有覺好訓算數。 anyway,  呢個都算係大工程，我同老公整左成日架啦，條腰痛到呢。。。。。

Hannah第一個award,  哈哈

我覺得好搞笑，雖然唔知真係點幫手，但起碼都有幫人既心，都係一件好事。 不知不覺今年就4歲，呢個人仔咁快又大一年，真係時間不留人呢。 不過見到佢同亞妹健康長大，做媽媽既就真係安樂哂。 

今年emma都要開始返學啦，媽媽希望佢聽老師話，唔好咁曳曳豬就好啦！(係屋企係小霸王，夾住我地打架！！！)

情人節

Happy Valentine's day! 

因為父母來既關係，我地情人節正日就陪佢地兩老，而都係因為佢地來，我同老公先可以有一晚可以自己撐枱腳，嘻嘻，真係好開心呀！ 雖然真係一年都係得一次，但我同老公都好enjoy呀！ 個晚老公安排左去一間日本餐廳，今次有D吾同既，係因為我地係食omakase， 即係所有都係廚房安排，對於我有選擇困難既人，又真係幾方便，哈哈！ 雖然個晚天氣嚴寒，但有老公陪我度過第14個年頭既情人節，真係暖在心頭呀！  其實佢地有介紹D食物係咩，不過我都聽得吾清楚，總之就係好味啦，哈哈！ 多謝老公送呢個大餐比我，雖然無花無card收，但呢餐咁鬼貴，算數啦，嘻嘻！



其實睇相，就知佢地用名貴食材，好似有魚子醬，有金薄，有燕窩，有和牛,有海膽...... 雖然貴，但真係好味呀，不過真係未必有下次呀！

你地又估下呢餐幾錢？ （估中無獎，哈哈！）