新年就咁過左幾日了，對我來講都係無特別，因為無假放影響唔到我，屋企連裝飾都無，所以呢邊新年真係悶過人呀！ 不過慶幸我父母同我地一齊過，雖然都係無特別，但有父母係身邊真係好唔同。 今次過來，覺得父母突然老了不少，以前我亞媽行足一日街都話無問題，而家就行一陣就話要休息下了， 想當年初來美國，我地兩個人無車，weekend兩母女相依為命， 兩個就會出街行足一日，而家既佢都會行，但已經大不如前，而亞爸，覺得都老了很多，特別係有少許語無論次，係年紀既問題定係我已經同佢有個gap呢？ 有晚佢問我有無野問佢，關於佢而家做野個度，其實我一向都唔關心佢做野，某程度上想佢唔做陪亞媽去下旅行， 見佢做得咁辛苦都唔個為咩， 自問我兩姐妹都唔太需要佢養，我問佢點解做得咁辛苦，佢話為左自己夢想，真的嗎？？ 佢一個 60 幾歲人而家追夢，我無笑佢，但覺得佢辛苦了，不過話唔做野又好悶，但佢日日做到半夜三更，真係以為自己仲年輕嗎？ 可能佢會覺得我好簡單，有屋住有工做就已經足夠，其實我又唔想做老闆，又唔想咁辛苦，幫人打工un un脚有錢收，又何樂而不為？ 加上而家有小朋友，更加將自己d時間放係佢地度啦， 搞笑既係，佢覺得我應該揾多份 part time做， 賺錢養頭家，我話無可能，佢話我6299 可以睇住，我出去揾錢， 我覺得佢真係有點傻了， 我細個佢可以出去揾錢係因為我有亞婆幫手湊， 而家我6299 又點會睬我， 唉，佢諗得實在太簡單了。 其實呢個世界，做人都係簡單一點好， 太繁雜我會頭痛呀！
今日星期佢地就走，真係不捨呀，但我又有少少享受自己係度既日子，好矛盾呀！ 希望佢地返香港好好照顧自己吧！ Miss you my family!
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
人日快樂!
ReplyDelete每個人每個家庭都有唔同想法同願望, 最緊要都係一家大小老幼都身體健康!
Mrs. Wu:
ReplyDelete~我相信你本身能力都好高, 如果唔係, 你daddy都唔會叫你去再做part-time 啦! 因你有能力. 其實你daddy 語無論次, 他自己又唔願退休, 又話要你打多份工,....我覺你daddy好似好擔心你經濟咁. 會唔會你daddy未試過係美國正式生活, 唔太了解你現在, 所以, 先咁. 不過, 最touching 你父母錫你及錫孫
~Brian 媽早排, 先問我轉唔轉工, 她唔係知我份工做得辛苦先叫我轉工, 她係想我打一份更高職位, 更有名氣的工種. .......話我而家間公司, 雖然係上市公司, 但我職位唔高. 但其實我已經係天降依家依個位, 依份工已經係我能力之外, 我好吃力.
有時老人家做下嘢無咁悶嘅~~我爸爸之前失業咗大半年，有去旅行又做下自己中意嘅嘢，但最後都再返工，佢話好悶呢，唔想退休，同埋駛自己錢唔駛擔心咁多嘛，買嘢可以鬆手D，佢處理到、唔太辛苦就OK啦~~
ReplyDelete祝你新一年無憂無慮^^
人日快樂。Uncle 同你想法觀念不同，佢應該會handle 到，希望佢唔好太操勞。
ReplyDeleteThis comment has been removed by the author.
ReplyDelete與父母唔同想法唔出奇既，大家生活環境、年齡都唔同啦!
ReplyDelete將來妳同Hannah、Emma都會有gap啦
不過最緊要係大家都過得開心
過時過節就特别希望有家人在旁，平時又會想有D空間，我諗呢個就係父母帶子女移民之後又獨自回流，雙方都要付出嘅代價！
ReplyDeleteI understand what you meant -- want to be with my parents but at the same time, desire the space to be an autonomy.
ReplyDeleteFor me, I want to be with my kids and not be working 24/7.
Uncle 60多歳仍做到半夜三更，對身子不太好呢，可以提早下班嗎?
ReplyDelete就算有part time 做，都唔做，寧願陪多d 小朋友，因快樂的童年太珍貴,光陰一去不返呀!
父母嗰代真係一人打幾份工架，而家唔同晒啦～我都好簡單，我寧願搵少啲，都想陪多啲個仔
ReplyDelete我都係，寧願多啲時間陪小朋友，都唔會想打幾份工賺錢。
ReplyDelete老人家思想始終係上一輩的想法，當時為糊口可以一個人打幾份工，退下來可能不習慣，找part time打發時間都好，但真係無必要咁辛苦！
ReplyDelete老人家就係咁,可能佢哋想當年捱得慘,所以錢對佢哋嚟講係好重要,我阿媽又係成日叫我請姐姐湊女,出嚟做返嘢,但我同你一樣諗法,其實夠洗咪得囉,做人簡單啲好
ReplyDelete上一代老人家, 可能覺得多一點錢在身便安全些, 所以想妳能搵多些就要搵多些錢旁身啩....!!
ReplyDelete不過, 現在我們的想法就是 有小朋友後, 當然要放時間, 心機在小朋友身上啦 !!
咩年紀都可以有夢想架. 既然佢老人家話係佢夢想, 你信佢啦!
ReplyDelete我好欣賞你daddy 到呢個age 都keep 住有夢想...真心欣賞, 因為現實有時都會令我地失去左夢想...
ReplyDelete祝福你家人都身體健康:)