又病

又病

唉，點解又病呀！呢幾日都時冷時熱，真係好難適應，朝早可以50F，下午又有70F，之後又變番40F，想點呀？？ 好辛苦～ 我真係好想夏天快D到，我唔想再著冬天褸呀！！好彩仲有3個星期便去hawaii， 哈哈，真開心，天氣暖之餘又可以enjoy下當地景色，好心急呀！而家仲努力計劃緊行程，希望快D到

前幾日有個朋友係london過黎玩，原來不知不覺已經有成10年無見，雖然好似好耐無見，開始都有D擔心，見到之後就雞啄唔斷，可能太耐無見啦！ 真係好開心，有個識左咁耐0既朋友探我，令我想起以前讀書時識佢0既日子。 

而家識0既朋友硬係無咁D野，以前柴娃娃一樣咩都玩一餐，而家識個D有意無意都好似想搵你著數，再唔係就無野講，可能真係人夾人緣卦，我好多時對朋友都好，有咩都會幫，而佢地就當我係水泡，可有可無，呢D咁既朋友要唔要都算，無謂令自己唔開心啦。個個人既想法都唔同，我控制不到，唯有做到問心無愧就OK。