生日勁不快樂

又大一歲啦，雖然人老左對過生日要求真係低左，但我諗小小野都要做卦。 話就話年年生日想dayoff,  但因為今日有野due加上我地prepare左個 surprise party比我同事 50th歲生日，所以我都無咩所謂呀。其實全日我都好開心架，到放工個陣， 原本老公講5 點幾走，點知突然又話有d野煩，要遲d先走得，我都已經唔係咁開心。 係，有時d野未必佢控制到，我都唔應該怪佢，雖然佢返到屋企都係咁過，但見到佢我諗我會開心d.  之後，佢成差不多8 點先返到，唉，個心已經涼左一半。 咁算啦，佢都係做野，無得講。 返到屋企，又要湊女沖涼睇書訓覺，都已經無時間做自己野，到d女訓哂，都已經成 10 點有多，我沖完涼出來，我老公問我有咩做，我話無呀，跟住佢話，咁慘，無電視睇？ 跟住我話唔係。。。。 跟住就再無理我，自己做自己野。 比著平日，我無咩所謂，因為大家忙左一日，都想休息下，佢中意打機我就睇下電視咁，但我生日既時候，就真係感覺怪怪的。 佢就真係自己打機，打到我吹哂頭，刷完牙，跟住先問我有咩做，我話無，其實個刻條氣已經谷住左，我生日已經過左成日，仲有一個鐘頭既時間渡過，你先問我咩事，我個陣其實都唔多數理佢，我唔想係生日個日咁唔開心，我自己入左房，佢feel到有d野，佢就打完機入來問我咩事，我本來都唔想講，我唔想大家又不歡而散，但佢問多兩問我就講我唔開心，生日無人陪，跟住佢答案係，我琴晚咪陪左你囉，同埋呢幾晚都陪你呀，佢話唔知點樣先滿足到我。 我真係唔想講野，咩叫生日？ 呢幾晚陪我就係生日個日唔需要陪，我諗呢個都係男人既想法。  跟住仲話我唔好咁emotion,  話我唔應該咁易影響到自己情緒。佢咁講法， 原來唔開心，都唔可以喊，都唔可以比人知，更加唔可以用情緒來控制自己，咁我覺得自己生存無咩意義，我本身就係一個愛喊既人，睇套戲感動都可以喊一餐，而家連生日無人陪唔開心都唔可以喊，咁我都唔知生存有咩意義了。

多謝你地聆聽，都多謝你地既blessings. 吾知呢條路可以點行，但為左小朋友，都要照行。

High tea @ The Pierre

未寫完之前既ftm生涯前，我想中途加入另一篇野。 再吾寫，我就吾記得架啦。 自從生完小朋友後，真係未試過自己出去好耐，最多係試過約朋友係office附近食lunch， 又或者朋友同埋小朋友一齊去食野行街，但兩個亞媽出去，真係未試過呀。  今次， 得到屋企所有人批准，就來一日辣媽high tea日，同我既朋友二人一齊去central park附近high tea.  講真，自己從來都未試過high tea, 就算係HK，都未試過呀。 所以今次真係新穎過新穎呀，咁當然係超級開心啦，難得吾駛湊小朋友可以休息一日，真係辛苦哂老公呀，不過比得佢湊，都預左屋企混亂過混亂，睇電視睇足一日等等，算啦，我都要適當時候隻眼開隻眼閉了。 

我地個high tea本來係5點，但我地都覺得不如早少少出去，所以大約3點鐘就出到去，其實原來可以早D架，但我地兩個小朋友都吾知係咪feel到我地出街，又吾肯食野又吾訓，真係激氣。 好彩到最後搞左一輪我個女訓左，先可以快手咁出去咋，不過遇著subway又慢吞吞，我都坐左成兩個鐘車，真係人都癲。 anyway, 雖然天氣麻麻，咁都吾影響到我地咁開心既一日既，出到去，我地行下名店，扮下闊太，哈哈，真係幾鬼爽。 本來我地約左5pm, 但我地見都無咩好做，所以決定早D去到睇下可吾可以比我地早D坐，好彩既係，佢地都走得幾快，未夠5pm我地就坐低左。 我地兩個亞媽都好鬼興奮，因為真係勁難得，同埋我地買左個coupon, 大約$60兩個人，有D咁既服務又有咁好既美食，我覺得好值呀！ 不過可惜我個日開始有少少傷風，所以食到一個時間真係鼻都塞哂呀，慘慘！ 

其實個度既野食早已經準備好，所以都其實凍凍地。 總共有三層，第一層係有鹹點，但你問我係咩，我都已經吾係好記得，嘻嘻，不過幾好味。 中間個層，就係有D scone，佢個jam都吾差呀，其實我地坐咁耐真係食到第二層就已經飽啦，到甜點既時候已經要打包走人， 細食咩？ 又吾係，係掛住講野，講到無停口咁，哈哈，所以都未有機會食甜點時已經要返歸呀。  我地就係個度坐足3個鐘，其實有D人遲過我地去都已經走哂，我地都算係坐得最耐個兩位，哈哈，不過人地吾明，但我地就好明白，因為呢個機會真係10年難得一見。  雖然我老公話我中意去就去啦，但我都吾想經常丟低兩個女佢湊，而自己同朋友出去我又覺得好內疚，同埋，就算今次出去只不過係數小時，但我地都時刻contact老公睇下D小朋友點架，個心真係囉囉攣呢。  

好高興認識到呢位朋友，明白大家有小朋友出來不易，我都會好好珍惜呀。 希望將來會有更多呢D 機會啦！ 

感觸

吾知係咪人大左，覺得時間過得真係好快好快，吾經吾覺，已經係呢個office留左10年既腳毛，有喜都有悲，相識左我老細同同事都有10個年頭，真係感情得來不易。 我同我同事老細既關係就好似一家人一樣，況且我無屋企人係呢邊，所以感覺上，佢地就似我屋企人咁。呢10年，經歷過好多，我結婚生小朋友都係係呢10年之內，不過都試過痛失屋企人既感覺，而同事都有類似既經歷。  珍惜眼前人係好認同，我老細個媽媽，年紀都吾細（88歲），因為跌親，要入院做手術，而令佢中風，而家變左植物人，其實明白佢年紀問題，都離離開人世不遠，但突然間咁真係令人傷心，但明白對老人家來講，應該係一個解脫，只願佢可以舒服地離開，而我老細都可以忘記痛失家人。  

點解咁感觸？  因為本身老人家住係FL，自己兩個仔都係NY， 所以如果有咩事，真係無人知, 而我自己就諗，我自己係NY， 如果我屋企人係香港有咩事，我可以點做呢？ 雖然話就話兩老吾算得上係大年紀，一切都暫時正常，但病痛呢家野真係好難講，而佢地都吾會話去check up呢樣個樣，唉，搞到我都好吾開心， 我係覺得，咁耐以來，除左幾年前返過去探佢地，其他時間，我都要佢地travel咁遠來探我，我覺得自己好無用，眼見好多朋友都會返去探屋企人，而我就因為有小朋友吾方便呀，所以吾返，唉，我好不孝呢！ 佢地明白既，但到老左，我都吾知點算，或者我諗得太多吧。  好彩香港都有個家姐去照顧佢地，點都好過無人無物卦。  

點都好，人生就係咁，作為父母，應該會明白子女既難處，我希望到我老左，我兩個女會陪下我，一齊食下飯，吾好離我咁遠就好啦。 

Good show

上星期六搞完Emma個party, 真係累到不似人形，不過原來我地星期日有個show去睇，我都係個日先記得，哈哈，好彩係99幫我地睇住D小朋友，我地就可以enjoy一晚咁大把（平時佢都係只會幫樓下殘障架咋！），不過吾好彩既係，我地要同樓下殘障一齊睇，真係好無奈！ 老公囉，又會問佢地去吾去睇，點知佢地又會話去，真係.....蠢！！anyway, 都無影響我既雅致去睇男神黃子華，哈哈哈，其實我吾明點解佢係男神囉，不過佢既才華係特別D既，嘻嘻。  我地個show話就話7點鐘開始，但我地就4點鐘已經出門口，因為想去食D野先呀，不過我地全程都無對話，就算有都係關於個show, 無咩好講啦，其實見到佢地都吾多開胃，特別係個女既，真係以為自己係公主，駛吾駛開埋車門比你呀，8婆！ OK，好似離左小小題，嘻嘻，其實今次係想講個show架，今次係自佢地出世後第一次去睇show, 仲要咁夜返（完show都已經10點啦，返到屋企10點幾）真係十分難得，當然啦，我地都好掛住佢地，但我地都係人，人都要有時輕鬆一下吧，所以就留比99照顧，我地就去鬆下，開始時99都有說話我地聽，但到左個日，知道走吾lut, 咁唯有死死地氣啦，哈哈哈！ 其實係對我地先係咁je, 如果人地，仆到去幫！ 第一次睇live show, 真係好興奮呀，雖然場地吾算大，但都有氣氛，當然比起香港就梗係無咁crazy啦！ 去到場到，好多香港人，我諗一定啦，真係以為自己返左HK，哈哈！ 總括來講，都好睇呀，但覺得都係無之前個D咁好，同埋有D野都get 吾到，不過都好enjoy呀！ 其實難得既一晚可以kids free咁，真係好開心呀，我地返到去D小朋友已經訓哂，吾駛我地湊，真係爽到無朋友呢！ 雖然經過party同成晚都無點休息，但原來吾駛湊小朋友一晚已經好爽，不過亮點係，99一個湊住我地4個既小朋友，我真係不得不佩服佢呢，其實要我自己一個湊兩個訓都真係好難，我都有D會淆低，佢居然可以搞掂哂佢地訓哂，真係好勁！ 雖然都係吾多中意架啦，但有D野....係佢搞得掂而我吾想搞掂，哈哈！ 我.....好懶呀！ 

好消息係，我亞媽決定下兩個星期來幫我兩個月呀，yeah!!!! 雖然其實我都吾知有咩幫，但有個人幫手睇頭睇尾我都好感恩，希望到時可以休息多D啦！

生日快樂

祝我生日快樂
祝我生日快樂
祝我生日快樂
祝我生日快樂

今日又大一歲啦，嘻嘻嘻，問我幾多歲？咪年年16囉，嘩哈哈哈哈！ 呢排都幾忙，因為工作上有個同事離職，要pick up番佢做落既野，雖然吾係大不了，但對我來講都有影響，你知啦，平時我係office寫blog, 好得閒架ma, 真係影響什深呢，加上今日開始請3日假休息/hea...所以迫哂所有野係放假前呀！ 本來諗住今日生日休息，但工作又未做哂，所以要work from home搞埋先，算啦，受人錢財提人消災，都吾係咁差既。 anyway, 做野先，希望我有個愉快既生日，嘻嘻！

禍不單行 X 2

吾好以為我潛左水，實情係由星期二開始就不適，發燒左兩日，之後喉嚨痛到而家，琴晚仲出粒粒，唉！ 無返兩日工但因為有野要做所以吾可以吾返工。 吾駛掛心，我無事，希望我D粒粒快D走啦！ 更加希望人地個仔吾好再病搞到我地陪葬 ！！！！！！！！！！

4週年＠ 731

話咁快就4年啦，係咪快樂不知時日過，完全都吾覺原來已經4年了，而家湊住兩個女真係忙碌過以前百倍，不過都希望今個星期可以一齊去補祝我地結婚週年記念啦。  如果有睇開我blog既朋友，兩年前已經寫低我同老公既相識經過，吾係特別刻骨銘心，但就係我同老公既經歷，同時都係我倆甜蜜既開始。 無可否認，有了小朋友後真係連講野都覺得忙，而交都嗌得多左，都係因為覺得多野做而佢又吾幫手之類，好似前幾日，已經10點幾，岩岩泵完奶，仲有機衫要摺，我唉一聲，佢問咩事，我話仲有D衫要摺，好累，我會expect佢會話幫手，點知問完之後continue打佢既機，我就死死地氣去摺衫，吾係話我做吾到，如果佢一句話幫我手，我個心都gur D，但連講一句都嫌唗氣，我都吾想再講了。 我無為呢件事而起了風波，但之後同佢講番佢都知道自己問題，不過將來有無進步就遲下先知。

呀，講講下離了題，今年好特別，因為前個兩年我都無收過禮物，而今朝一起身時見到床頭有份禮物，嘩，我老公幾時變得咁細心？哈哈！ 吾係一份好名貴禮物，但佢既心意我get到既。 一開時，仲以為佢玩野，因為輕飄飄，吾似有野係入面，但心諗，無理由佢可以pack到咁靚wor.....哈哈，我真係好衰，有咁既想法，好彩入面真係有野既，吾好令我一場歡喜一場空，嘻嘻。 不過我無準備呀，真係吾知買咩好，所以.....同佢去食個lunch就算吧，難得老細吾係office可以hea下，嘻嘻嘻！

多謝老公容忍我既脾氣咁多年（結婚4年但之前一齊已經8年!）但希望佢會繼續容忍我更多更多年啦，哈哈哈！

blog 友

2007年係我第一年寫blog, 一開始時係因為一個朋友介紹而開始blog呢個生涯。 想當初都諗住柴娃娃咁寫下野，個時又未結婚，又未有小朋友，生活都係好枯燥，寫既野都係圍繞愛情同呻老公的不是，哈哈，自從engage左之後，就寫多左，到prepare wedding前，又寫多左，結左婚後，愈寫愈多，到而家有兩個小朋友，認識到好多個媽媽，分享下大家小朋友既心德，真係極之十分開心呀！ 開始時真係打算寫下就算，點知而家變左日日必做既事，記低我兩個小朋友既一點一滴，開心吾開心都想記低，我真係好感恩認識到呢班blog友，呢度除左係想記錄小朋友成長之外，都係我平時呻既地方，吾開心時真係要係度爆出來我先可以鬆弛一下，感謝你地各位都有耐性地睇我寫既野。 其實以前覺得係blog上識既人頂龍都係blog友啫，到返來reality時就無左一回事，但事實上，而家我最friend既就係呢班blog友，仲有係chatgroup入面既一班媽媽，真係無所不談，雖然吾係個個都生活在同一個地方，但我地呢班新手媽媽分享湊B既樂趣真係好有趣呢！多謝你地對我既支持，我會繼續努力同大家分享湊女之樂，嘻嘻！

假期完結了

咁就放左4日假啦，嘩，時間過得真係好好好快呀！我仲沉醉於吾駛返工又吾駛湊B既生活，哈哈，幾美滿！ 不過作為媽媽，當然吾係想特登吾理個女啦，同兩老出街實在太多野做，所以唯有拎落去比99湊，我就同兩老出街！ 星期四行左足足一日（真係好似9至5咁），我早上有個doc appt, 檢查完就同兩老係唐人街飲茶，好耐無試過啦！ 跟住就同兩老去左midtown行街，估不到係行行下就已經成點幾兩點，可能因為早上飲左茶，所以吾覺肚餓，但行到兩點幾時，已經打哂鼓啦！ 多謝lala既介紹，我就同兩老去左食韓國野，好味呀，特別係個seafood pancake, 雖然我吾應該食咁多carb, 但我真係忍吾到口，哈哈，算啦，食埋呢一排就無得食，坐完月都仲要餵人奶，所以....

我地叫左seafood pancake, 一個石頭窩飯同埋一個squid..

真係飽到上心口。 

我真係發覺我成年行既路都無咁多，哈哈，平時都係放工行番屋企，有時lunch都懶得行（因為天氣凍），不過有人陪點都行得開心D既.....所以我覺得都係值得，雖然返到屋企隻腳好酸，但都係開心既一天。 

好嬲好嬲好嬲

本來已經吾夠訓，比屋企個公主晚晚三更半夜叫醒，雖然老公已經陪訓，但佢都吾知足，你想點呀？？？？？？ 琴晚比我話又打，大肚婆脾氣係臭D架啦，不過亞女，都係你衰先，吾好怪我無情呀！！！！！！！！！！！！ 

之後，上次係toysrus買野（已經係9月既事），叫佢地two days shipping, 點知ship ship下無左影，連我D錢都無埋，已經興架啦，打過電話去無數次，又話等7至10日就會credit比我，我頂，等左成個月都無哂影，上星期又打去，佢話會係幾個鐘之後credit比我，我仲以為搞掂啦，點知D鬼做野真係好吾掂，咁又等左一個星期，今日再打去，佢話叫我等多48小時，我就同佢講，listen, 我已經好有耐性咁等，但係呢個issue已經搞左成個幾月，你地無拿拿cancel我個order又吾通知我，跟住我又打左十萬8千個電話比你地，你地又搞吾掂，我要係今日之內拎番我D錢，我吾想再等，次次打去又要浪費我成half an hour時間，我D時間好寶貴架！！！！！！！ 佢地吾好彩，我今日真係興到火屎，吾夠訓又無精神，仲要我等，no way! 吾怪得而家D business咁差，佢地D customer service簡直不知所謂呀！ 吾好以為大公司就會有好既customer service, 完全係自欺欺人呀！真係好嬲好嬲好嬲，美國經濟咁差都係多得呢班好食懶飛既人咋，哼！！！！！！！！！！！！！！ 好耐無試過咁嬲！！！！！！！！！！！！！！！！！

搬blog

終於算係完成左搬blog啦，開頭仲以為好難，睇到blog友成篇野真係睇到頭痛，好彩而家差不多要比哂D野人做，我無咩做咁就係office搬，又可能而家yahoo無咁多人搬，所以download條link真係5分鐘就搞掂...而家搬哂過來，下一步係搬相，雖然肚B媽係blog度有埋圖，但吾知點解去到find image then replace by個個step就stuck左，佢話無image喎.....係咪我整錯左呢？ 吾該大家幫幫我啦！ thanks!!!

00後

琴日講左D吾開心野，睇番D開心野先啦！

剛剛係FB見到朋友post呢個，又想同你地分享下....
我地既B係10後....吾知到時佢地會變成點呢？？？

最中意點請假....莫非我地呢班媽媽都會自願幫自己既仔女請假？哈哈哈

煩

好煩，都吾明好地地yahoo做咩要我地搬屋，一向電腦白痴既我真係吾知點做好！ 我只係想keep番我之前寫既野同同一班blog友 keep住contact, 有無人可以教我點做呀？

Testing

暫時寫住先？