新玩意

終於都到左啦，yeah! 我上網買既slide，打算放係backyard度，但因為時間關係比佢地係室內玩下先，嘻嘻，佢地一開始就發狂一樣，未裝好就係咁爬上爬落，哈哈，小朋友，比D耐性啦（雖然我知佢地無！）跟住就搶住玩，真係攞命，有時亞女就吾肯sir, 又要企高，真係幾危險，所以必定有大人陪同先可以玩呀！ 不過cousin姐姐話，你地下次買，應該買個swing呀ma....我心諗，有得玩仲ee哦哦，作死你！ 

想當年（即係舊年）Hannah都不知幾驚玩，而家...自己爬上去跳落來都無一回事，都吾知應該比佢大膽D定點...umm...

blog 友

2007年係我第一年寫blog, 一開始時係因為一個朋友介紹而開始blog呢個生涯。 想當初都諗住柴娃娃咁寫下野，個時又未結婚，又未有小朋友，生活都係好枯燥，寫既野都係圍繞愛情同呻老公的不是，哈哈，自從engage左之後，就寫多左，到prepare wedding前，又寫多左，結左婚後，愈寫愈多，到而家有兩個小朋友，認識到好多個媽媽，分享下大家小朋友既心德，真係極之十分開心呀！ 開始時真係打算寫下就算，點知而家變左日日必做既事，記低我兩個小朋友既一點一滴，開心吾開心都想記低，我真係好感恩認識到呢班blog友，呢度除左係想記錄小朋友成長之外，都係我平時呻既地方，吾開心時真係要係度爆出來我先可以鬆弛一下，感謝你地各位都有耐性地睇我寫既野。 其實以前覺得係blog上識既人頂龍都係blog友啫，到返來reality時就無左一回事，但事實上，而家我最friend既就係呢班blog友，仲有係chatgroup入面既一班媽媽，真係無所不談，雖然吾係個個都生活在同一個地方，但我地呢班新手媽媽分享湊B既樂趣真係好有趣呢！多謝你地對我既支持，我會繼續努力同大家分享湊女之樂，嘻嘻！

繼續 Terrible 2

雖然terrible 2已經吾係new topic, 但對我來講要晚晚deal with呢個terrible 2既小魔怪真係吾容易。 次次食親飯都好似打仗咁，我本來吾想餵但係99屋企又會話呢樣個樣，好拿煩！ 我發覺自己EQ勁強，好多時99都係度講呢講路，我就發左耳入右耳出功，而家已經強到吾想聽就直頭聽吾到，到佢講完一大輪梵音之後我先um um um幾下，哈哈哈，都不能不讚下自己，嘻嘻嘻！ anyway, 而家係99度，佢就話Hannah成日發脾氣，其實佢係發脾氣，但係因為佢知道發完之後佢會有人tum番（即係99），所以咪keep住發囉，無所謂！ grandparents 或者覺得佢地喊就要tum下，但我覺得佢地咁做係害左我地，我知我地吾係對得佢地最多，同埋佢地有佢地個套做法，但如果次次做錯事都有人tum番，咁樣佢吾會明白自己做錯事之餘，我地條路真係有排行呀！ 我吾係吾想佢地錫佢，但佢做錯野就要話，吾可以成日都橫行霸道，佢而家大個左，成日同人搶野玩，妹妹細，手無膊雞之力，到妹妹大個時真係吾知點算，唉！ 要教好一個兩歲大既小朋友真係吾容易，除左要其他人配合之外，父母都好重要。 其實我地兩個平時放工已經好累，真係好想好想好想坐低休息一下，但返到屋企先係惡夢開始，因為實在有十萬8千樣野要做，如果Hannah可以behave好少少我地就吾會咁頭痛。  我知道教佢地要好有patience, 但人到最累既時候往往都好難控制住自己既emotion, 有時佢發脾氣，我就會話佢，打佢手手，困佢入黑房，但晚晚我地食飯佢就係咁喊真係好disturbing, 其實我地都係想安安樂樂食餐飯je..要求吾高，無奈做吾到，唉！ 我諗平時佢係99度係因為佢覺得有back up, 就算做錯事，我地話佢都吾驚，因為99總會幫住佢，但吾同佢地食又真係好難，好煩好煩好煩！ 其實如果係屋企，佢可能都會發脾氣，但佢知道無人back up就吾會點cranky, 我真係希望有一日可以安靜咁食個dinner, enjoy一下，唉......吾知幾時先會實現呢？？？ 

所以決定9月份比佢去讀書，等老師discipline下佢，我知佢有機會仲cranky D, 但讀書係遲早既事，所以我寧願趁佢未夠3歲（因為3歲定80，而我都相信係）就送佢入學校讀書，就算academic學吾到任何野，我都想佢學習同人share野，同人communicate, 聽老師話...等等等等！ 希望一切會順利啦，please pray!

Hannah, 由9月份開始，呢間就係你既第一間學校啦，而你既十幾年學習生涯正式開始，good luck 

7個月大妹妹

原來已經7個月大啦，進度OK呀，除左食solid都係嫌鞋口之外，其他所有野都正常呀（感恩！） 吾好以為佢成日笑笑口，其實佢真人好惡下，如果佢拎住D野你突然搶左佢就會勁喊，直到你放番落佢隻手度，唉，又一個惡人係屋企，嗚嗚！ 其實我好多時都想講好多好野，但真係怕佢地勁小氣（以前就係講得hannah多，所以而家咁臭脾氣），所以，係度講反話啦，哈哈哈，希望大家明白！佢由細到大都訓得極差，成晚都吾訓，到而家都係（感恩！）.... 早上6點幾起身，成日喊（感恩！），多數吾理佢，有時佢會自己訓番。 nap時成日要抱（感恩！）放落床要鬼鼠地走開，如果吾係又喊..煩！總括來講，都係一個十分難纏既女人（感恩！）希望會keep住咁啦！ 佢而家次次換片就打仗一樣，因為係咁轉，好難換，所以放佢係床上真係要打醒12分精神，有試過碌碌下碌到床邊，危險，而放係playmat....就碌到出出面，搞錯！ 而家佢似乎想向高難度挑戰，就係開始想爬，pat pat會繞起，好似條蛇一樣，哈哈，果然係蛇女！而坐都有時坐到幾秒，但一定要放cushion係旁邊，如果吾係就跌倒了。 琴晚仲聽到佢第一次叫媽媽，哈哈，雖然吾知佢係咪叫我（我諗都吾會係叫我啦！），但佢咁叫我個心都甜哂呀！ 我知我認我係偏心Hannah, 但照顧妹妹既係我，所以我都十分中意妹妹呢！7個月，好懷念佢剛剛係newborn個樣，媽媽個陣雖然好似miss左好多，但由而家開始我會放多D心機同時間落妹妹度，姐姐就由佢發脾氣吧，麻煩友！

試食cherry, 吾比食就喊，惡野！

妹妹，你真係好得意呀！！！！！

生日派對

多謝BB妹媽媽既邀請，我地琴日去左BB妹屋企慶祝佢既兩歲生日呀！BB妹依然係咁得意，好有趣，同Hannah差得遠，Hannah真係好煩，又多野講又多意見又要complain, compare BB妹，BB妹真係好乖呢！ 不過個個都讚Hannah好乖好叻，我又吾覺囉，真係有時見到佢好想打鑊佢，especially佢食飯時，真係攞命！ Anyway, 我地12點多起程，塞下車去到差不多兩點啦，好彩Hannah小姐全程訓左覺，我地先落得清靜，而佢剛剛去到時就扮怕羞，不過經過10分鐘warm up就玩到吾願走。 BB妹好多玩具呀，而Hannah最中意既緊係個water pool啦，佢真係係個度玩到吾願走，仲搞到成身都係水，要換過見衫tim....嘔血！ 我出門口個陣好彩多手拎多件衫，如果吾係.....除左個water pool之外，佢地仲有個slide呀，真係正呀，搞到我都想買個比Hannah玩，不過都要經過老公approval先得既，嘻嘻嘻！ 最激氣係，本來我整左D broken glass jello, 好靚架，點知我老公放左係架車度吾記得拎入屋，記得時已經溶哂了，嗚嗚嗚！！！好心痛呀，因為我難得整野食，點知整好左效果OK又比佢...............激C我！！！！！！！！！！！

雖然BB妹兩歲都吾知會發生咩事，但BB妹，生日快樂呀！ 大個女要食多D野啦，知吾知？ 

後記：雖然Hannah無係生日會上唱生日歌，但佢回程時係架車上係咁唱happy birthday song, 好搞笑，哈哈！

我既broken glass jello...其實好味呀，不過屋企無人欣賞，所以我會收爐了

我至愛既Emma妹妹，成日都笑面迎人，i like

Hannah與BB妹妹妹, cute

壽星女，嘻嘻，不過好難影到Hannah同壽星女一齊，加上我單手抱住Emma，難度係9.99分！

美味既蛋糕，再一次多謝BB妹媽媽邀請呀！期待下次再出來玩，嘻嘻

再戰 Governor's Island

早兩個星期約埋朋友仔再戰Governor's Island, 因為上年天公不造美，我地玩玩下時落大雨要立即走，所以今年再度去多次，嘻嘻，好彩今年既天氣非常好，成日都好sunny, 我諗點都好過落雨吧。 呢個朋友又係同我地一樣，有兩個差不多大既小朋友，不過佢兩個就男仔，我兩個就女仔，希望大家都玩得埋啦。 佢大仔全程都吾show Hannah, 就算Hannah叫佢一齊玩，佢都好cool咁走左，ummm....好無癒呀！ 不過Hannah又點會因為咁而吾enjoy呢個trip? 佢由早上到5點都未訓過，直到我地走時一放佢上stroller就即刻訓左，真係好好好累呀，吾單止佢，我地都放哂電呀！ 個度其實地方吾多，但有個好大既草地比小朋友走下，我地就picnic下都幾寫意呀，不過而家去呢個island要比錢（除非你趕上11:30am之前既船啦），上年都吾駛，真係cheap! 

其實出外同Hannah已經吾係咁多野煩，而家係煩亞妹D野je...真係好鬼多野要拎出街，雖然老公成日都話我拎咁多野，但係你吾拎又怕佢地出街要用無，你又可以點？ 而家妹妹開始7個月大，又要餵solid又要煮，功夫真係吾少呀，特別係煮一個人既粥仔真係超高難度，煮好個D Hannah又吾岩食，真係一個weekend煮野食要煮幾樣呀，好煩！ 不過為左D小朋友，我諗我都要的起心肝吧！ 

放完電既結果，哈哈哈

兩小無猜

99不嬲除左湊Hannah，妹妹同cousin哥哥外，有時仲會幫手湊多個小朋友，同Hannah都差不多年齡，所以可以一齊玩呀。 我次次見佢地我都覺得好搞笑，因為佢地無論動作，說話accent, 講既野都好似，次次呢個小朋友講野我都以為係Hannah，哈哈，真係十足呀！ 不過呢個女仔，佢比Hannah女仔得多，Hannah....真係好男仔頭呀！！！！！見到佢地可以一齊玩得咁開心，我都好安慰，希望第時讀書時Hannah都會搵到個朋友仔啦！ 

呢雙醜樣豬好中意笑，突然會變靚D，不過今日又醜過

比爸爸形容為哪叱頭，哈哈哈哈哈! 我覺得都吾係咁似je...都仲好cute呀 

分享

呢幾日心情欠佳，吾多想寫blog, post住D相先啦！加上office 個 browser 成日好多ad, 令我都吾想上網....煩！

呢架小雲既單車，我送比佢既生日禮物，而家坐上去，仲似小雲.....希望吾好似小雲咁中意玩poop

有日 Hannah B同爸爸nap我走去泵奶，一出來就見到.....爆笑！吾可能吾同你地分享！ 都吾明點解可以玩玩下訓到咁樣衰..

單打怪獸續集

琴日湊左一日女，真係骨頭都脆了。 開始時知道要做一日ftm, 真係有D驚，可能怕搞佢地吾掂又無人幫手，因為妹妹食奶需時，有時佢食奶我又吾可以做其他先，同埋妹妹食完奶一定要掃好耐先可以吾嘔奶，真係有D驚。 早上起身Hannah見到爸爸要返工就喊，心諗都吾知要搞幾耐先吾喊,好彩吾駛一分鐘佢又無事了，之後餵妹妹奶佢又無做D咩，算係咁，到我泵奶Hannah就自己玩，妹妹就坐係度都係自己玩，我算係得閒了。 到大約10左右，妹妹nap time就放佢上床訓，好彩妹妹係床上自己訓左，我就可以得閒少少煮野比Hannah食， 原本以為妹妹訓半個鐘就醒，點知訓到11點幾都吾醒，我唯有抄醒佢食solid,之後再餵奶。 呢個時候最難搞，可能Hannah又眼訓，但我又要餵完妹妹先OK，佢就開始喊同吾開心，係咁係門口搵爸爸，唉，見到咁我都心酸，搞到食吾哂D奶之餘我仲要抱走亞妹入房比佢訓，Hannah就要我tum陣先肯訓，佢而家超惡，要我地抱訓之餘仲要話企係度，即係咁我地要起身行先得，惡人一個！ 不過我都係企左兩分鐘就睬佢都傻，而佢抱起之後就合埋眼訓，好彩！ 更好彩係亞妹無點大喊之餘仲玩玩下訓左，我先可以有一個鐘頭時間安寧！！！而妹妹都由點幾訓到接近5點先醒，所以照顧Hannah一個我都綽綽有餘，仲有D悶tim, 哈哈哈!! Hannah nap既時間吾太長，一個鐘頭已經好叻，哈哈，不過好彩佢nap完之後都無點bother我，我地仲一齊食blueberries, 佢仲要餵埋我，真係心都甜哂......

我吾可以話FTM吾辛苦，但做左一日之後又覺得吾係太差，不過我諗係因為亞妹OK，錫住我所以得先有安樂茶飯。話時話，要我做FTM我又吾想，係好開心對住佢地兩個，但我又好怕呢種respomsibility, especially得自己一個，如果我突然間吾舒服都吾知點算.....所以，part time咁做一日ftm就算吧，哈哈哈哈哈！（媽媽真係好衰！） 雖然做完一日ftm之後都有D累，但我都好開心見到我兩個寶貝，i love you both!!!!!



                                                    兩母女得閒到玩自拍，哈哈，勁無聊

2人世界 + Hannah進度

琴日趁住得閒（其實呢排都幾hea),偷左去搵老公食lunch, 嘻嘻，好開心呀！ 其實食咩都吾太重要，最重要係同邊個食jeh.  我地兩公婆好耐無2人世界，除左返工一齊搭車之外。 老公同我去左一個korean food court, 其實味道OK呀，不過我就嫌太辣，所以食左少少就比左老公吃了，佢仲怕我餓，所以見街上有D food fair, 佢就買左個墨魚波波比我食，味道不過不失啦，不過嫌有D burnt..anyway, 老公對我咁好我真係覺得好幸福呀，嘻嘻，不往我專程搭車去搵佢食lunch呀！ 街上既food fair都好吸引，而呢個即叫即整既pizza居然有個portable既焗pizza爐，好勁呀！ 雖然我無試，但佢即整應該都好好味吧，嘻嘻！ 時間過得特別快，食完lunch就同老公講byebye....心想如果我地做野既地方係附近我地就可以日日一齊食lunch，哈哈！（發夢中！） 

我既魷魚石頭飯，好好味，不過辣！

墨魚波波，6粒成＄8，我覺得好貴！

咁樣整pizza我都係第一次見呀！

呢幾排幫Hannah轉一轉個schedule, 因為以前99會3點左右餵一餐麵，所以我地次次食dinner時都要跪拜佢先會開口吃飯（有時就算跪拜都吾食呢！）但今個星期叫99吾好餵佢3點個餐，only餵D 小食比佢，星期一個晚，自己食哂成碗飯，吾知係餓定係點，完全吾需要跪，真係開心到飛起。 星期二食麵，食左一半左右又要玩，唉.....好煩，星期三，食幾啖白飯加少量肉就算，星期四，幾啖飯，兩啖菜, 少量蛋....唉，點解會咁架？？？ 係佢個胃細定係點？ 點解佢由細到大食野都咁差呢？？？ 而家諗住餓佢一餐會好D，點知同平時無好大既分別，我而家又怕佢會肚餓同無營養，呀....做媽媽真係艱難呀！ 究竟我應該keep住咁樣定係比99 餵埋3點個餐？ 反正佢都係要煮比cousin 哥哥食架啦....我真係搞佢搞到我頭都痛，食又吾好訓又吾好，好煩！ 如果有一日佢可以自己食到一碗同訓到過夜我真係十分感恩了！ 請幫我地祈禱，thank you!!!!!!

女人最怕嫁錯郎

作為一個媽媽，我相信點都想自己既子女搵到理想既另一半，以前我媽雖然無出聲，但我知道佢係有少許嫌棄我老公，可能覺得佢搵錢吾多，吾知有無能力照顧到我。 講真，呢個世上好少有人吾駛同另一半捱，而且要我坐係屋企等佢份糧我都覺得自己好廢，可能上一代既人覺得老公係應該養老婆既，但我覺得今時今日女人係工作上既表現反而更加優勝，所以我無理會我亞媽點樣睇我老公而嫁比佢（係，我認我都有D反叛！） 其實講真，我自己覺得公一份婆一份真係無大問題，而且我比較注重感情，麵包與愛情二選一，我相信我一定係選愛情，可能我覺得錢你係可以搵到既，重要你肯吾肯捱，而愛情...真係吾容易搵到架，當一搵到就吾應該放手了。

點解會突然咁感觸？ 其實係因為聽完同事呻了一番後有感而發。 同事個女（簡稱V）結左婚3年，剛剛都生了一個女兒，本來一家三口你會覺得好開心好快樂，但原來好多野都係好表面。 導火線係因為V發現佢老公開左好多張credit card, 成幾錢蚊咭數，話多吾多話少吾少，但佢地因為得佢老公做野，而V只不過係做part time, 所以經濟上真係有D困難，所以突然而來既債務真係令V好stressed 同吾開心，因為本身已經無咁多錢，老公仲要係咁fing...(我都吾知fing左去邊），而個女又要養，真係吾係咁容易，而家仲要問個aunt借錢，但佢老公覺得問人借錢無問題，仲要嬉皮笑臉咁，真係想打佢。 而早排V有病，真係連睇醫生既錢都無呀，要我同事開到口話比錢佢去睇先肯去睇，唉，真係心酸！ 其實初初見到呢個男人，覺得佢應該係一個好老公吧，似係斯斯文文，吾多出聲個D人，點知而家一結婚就360轉變，而家仲會用埋V辛苦儲落既錢去比呢個男人洗，我心諗，呢個咩世界呀？？？？ 自己搞吾掂D錢銀問題，就會問父母拎錢用，一個差不多30歲既男人一事無成，連一D savings都無，真係吾知有咩用？？？ 無錢都算，仲要攤大手板問屋企人拎，我覺得好樣衰！雖然一家吾知一家事，但嫁著個咁既男人....我會嘔血！ 如果我個女嫁著個咁既男人，我相信我老公會殺左佢先！ 我好明白我同事點解咁心痛同憂心，見到自己個女為左頭家做幾份part time, 捱到病，個老公又吾生性，唉...原來養兒一百歲，長憂99吾係only apply係我地呢D新手媽媽，以為自己個女有自己家庭可以憂心少D，點知晚晚都會扎醒擔心自己既仔女，做父母真係一份24/7 工作，細時怕佢會跌倒，大時又怕佢會學壞，我相信有兩女在手既我呢幾十年都吾會有好日子過了！

逃獄風雲

妹妹日日大，而家已經就快7個月大了，時間過得好快好快好快，雖然我知道到佢大D既時候我仲會多D work, 但希望到時佢同家姐會玩得埋，咁我就吾駛咁辛苦啦！ 由佢識得轉身之後，一放低佢就日轉夜轉，有似放低佢去nap, 我行開一陣佢就轉左身之後就訓左...雖然好似有D牙煙，但係佢自己訓左就算吧，我都吾想郁來郁去。  呢排放佢上playmat, 我轉過頭望佢佢就已經走左出去，吾講仲以為佢自己爬左出去，哈哈，妹妹，你好野！ 以前成日覺得無時間陪Hannah, 而家反而覺得無時間照顧妹妹，我一得閒基本上都係要做野，所以....妹妹，希望你明白啦！

明明已經係playmat中間，點知......

端午節飯，有我至愛既糯米釀大蟹，係我62煮的，好好味呀！！！！！

難捱的一個週末

上個weekend真攞命，因為媽媽又比病魔KO了。 其實星期五開始就已經有少少流鼻，點知晚上吾知亞妹係咪吾舒服定點，係咁喊，又吾訓，搞到我地兩個都無得休息！ 我覺得通常你最需要休息既時候往往都吾會咁順利，唉！Anyway, 我個晚要抱住佢訓，第二朝早起身，真係人都軟軟的，開頭老公諗住同兩個小姐出去吾好阻住我休息，最終都係無，佢就同兩個小姐入房玩，我就休息...一個鐘，哈哈，起身時都好少少啦，不過吾夠訓仲要湊埋兩個真係吾係人咁品呀！成個weekend就咁渾渾噩噩地過左，真係吾想再病呀！

我地星期日出左去放風箏，本來都好開心既，但要同埋佢家人又真係.....算啦，我都係去餵奶啫，無交流都OK，哈哈！ 跟住老公叫99上來幫我手幫小朋友沖涼，點知又湊埋個cousin哥哥上來，咁係幫我手定係幫佢手呢？ 佢父母又搞咩要人湊仔？ 其實問心，我覺得我要湊兩個under2歲既小朋友真係十分高難度，又怕Hannah搞搞震，又要湊亞妹食奶，真係難度高好多，而佢地...一個6歲，一個2歲多，兩個大人都湊吾掂？ 就算得一個大人都應該OK啦，專係幫自己搵籍口話幾辛苦....真係難頂呀！所以如非必要都吾想weekend都見到，我怕我會發癲呀！！！！！！！！！！！

係病既時間，我就諗如果亞媽係度幾好！我就whatsapp佢話佢吾幫我湊，偏心我家姐吾理我，其實我知道佢都吾想既，但佢都無辦法，因為我爸係屋企都要照顧佢，唉，有時見到佢地可以一齊出去食飯都不知幾開心，見到有時weekend亞媽會幫手湊B我都不知幾羨慕，我吾係起吾到身，只不過係有個人幫手真係十分大既分別呀，可惜....佢叫我返HK，但係我又怕小朋友讀書有問題，做媽媽真係勁偉大呀！！算啦，我都係因為病先同亞媽呻下，比我complain一下，之後咪又係做到隻dogdog咁......

多謝老公星期日對我咁好，知道我辛苦，煮左個big breakfast比我...不過食完就飽到滯，到dinner時間先食少少野咋！不過見到佢對我咁體貼又真係幾warm既！ 

希望病魔快D遠離我令我可以期待週末既來臨啦！

多謝老公咁錫我，不過真係好飽

Hannah同兩個cousin去放風箏，佢有得走緊係開心啦！