抗戰96小時

呢幾日既心情同身體都維持在作戰狀態，因為Hannah BB又打敗仗了 話說星期三晚我地去左outback食我既生日dinner,點知去完之後，星期四凌晨Hannah BB就開始發燒，開頭以為好小事啫，小朋友成日都發燒，點知佢星期四就全日都好cranky,我又要返工，好忙好多野做，不過做哂所有野都早走左一個鐘頭返屋企照顧佢！ 而99又有3個小朋友要湊，我都明白，最吾明白既係，cousin哥哥既父母個日dayoff, 點知一早就吾見人，到6點幾先返到，原來去左剪髮呀，做自己野等等，好心啦，明知道99一個未必搞到咁多個都吾會返屋企幫下手，我真係佩服佢地既勇氣，都令我覺得好反感, so selfish!!!!  呢幾日真係心力交瘁，因為佢又要成日抱，又吾可以坐低要人行，吾食野，真係令人擔心，加上訓得又差，我地要抱住佢訓，搞到我地真係人都癲呀！！！！ 同埋，佢要成日抱，我就抱佢抱到腳軟，而老公就咩佢咩到腰痛，真係攞命！ 所以真既，寧願有病有痛係我地都吾想小朋友病，辛苦既始終係大人呀！

講番Hannah B既情形，星期四發燒發到成103度，所以星期五我地就同左佢去睇醫生，醫生話佢ear infection同埋出緊大牙，所以無心機食野，唉....點解會咁架？ 不過見到佢咁辛苦我地都好難受，因為真係吾知點先可以令佢舒服D，無咁痛！ 而我都知道出牙會發燒，但無諗過會咁嚴重！ 不過佢既燒都係持續係101度左幾日，食左兩日退燒藥都好似無用，所以我地星期日又同佢去見多一次醫生，今次醫生話佢發炎就好好多，不過口入面生左好多菲滋，所以食野痛痛，唉！ 小朋友又點會中意食藥，我地餵佢食藥真係辛苦到暈呀！佢呢幾日都無食過野，真係好minimal咁飲少少水，奶同幾啖野食....我真係好擔心好擔心好擔心！雖然醫生話最重要係吾好缺水，但見佢食得咁小野，行路又好似軟軟，點會叫我吾擔心！ 唉，真係所謂養兒一百歲，長憂9+9呀！ 

其實我都吾應該expect有人會幫手，99話就話好掛住個孫女，但就成日都無來探過佢。 我地只不過係樓上咋，好難咩？ 而樓下個家人，真係要99服侍24／7，星期日都要幫手湊埋，我無戥99辛苦，佢自己攞黎，但佢地個兩個大人有手有腳，一個5歲大同18個月大，點都照顧到啦！（因為五歲個個都自己搞到好多野，吾駛點睇！） 而我地，一個大肚，一個病到五顏六色，得老公一個要照顧兩個，點都係我地需要人多D啦。 算...佢地吾煩我，都吾好expect我地會幫佢地！ 我覺得佢地真係好自私，所以你不仁我都不義，我對佢地心都淡！ at one point我真係好想好想返香港，我吾怕返香港無野做，係怕個女讀書咋...究竟邊度先係我既出路呢？？？？？？

希望吾開心既事情快D過，都希望Hannah BB快D好番，等我地都有覺好訓啦！ （呢幾日平均日日都訓到4，5個鐘，仲要抱住佢訓....大住個肚真係幾難頂！）

病左流哂鼻鼻都要影相摰大口....佩服！

 我個生日蛋糕，但都未有機會食..........唉！

 生到連咀角都生菲滋.....陰功！

Hannah媽媽生日快樂

又大一歲啦，而家真係年年都同人講我年年25，哈哈哈！ 不過作為兩女之母，過三字都吾出奇啦，哈哈！ 生日願望就係亞女生性乖巧肯食野同訓覺，而同老公恩恩愛愛，小D吵鬧，佢就哂我就最好啦，哈哈哈哈哈（發夢ing)... 

無特別既慶祝，或者明晚先出去食飯，不過同兩個至愛一齊過已經好開心啦，嘻嘻！ 今晚有蛋糕吃，明天同大家分享啦，yeah! 

媽媽，生日快樂，我會努力咁食野，次次食野都會咁大個口架啦！！！！！i love you 

EE,生日快樂，我會聽教聽話架啦，嘻嘻

因為其中一個老細吾係到，所以我既office生日派對係聽日，今日就食住個frozen yogurt先啦，嘻嘻（coffee味，都OK喎）

嚇一跳既係，老公居然送花比我，嘩，肯定知道自己衰所以tum下我，哈哈哈！ 仲有個迷你綠茶tiramisu...真係好難得呀！ 多謝老公既愛護呀！！！！

weekend過得超快呀！

weekend駛吾駛過得咁快呀？不過我既comment係，weekend最忙過返工呀！如果吾出街都OK，但出出入入真係成日都無哂，同埋我又無左我個afternoon nap, 真係超累呀！
 

上網買左架車車比hannah BB,星期六我地就去pick up, 吾知係咪太興奮定點，而家C都吾肯nap, 要爸爸咩住先nap，仲要係nap左一陣咋，想C.........見無咩時間，所以就湊落去99度，我地就assemble架車車。 開頭我仲以為好簡單，點知咁鬼難，不過當然都吾係我assemble架車啦，嘻嘻！  

好野，有新toys玩，我吾訓覺覺lu

有隻豬錫媽媽呀....媽媽開心到，嘻嘻嘻

晚上就係屋企打邊邊，因為hannah BB下午無點訓，唯有係7點幾個陣抱佢訓左陣，真係難為我，咁大個肚又要抱佢，真係好重！ 不過都好開心既，因為佢成日都無點食過野，我地打邊邊hannah BB就食左小小野，唉，我已經算架啦，佢俾面吾吐出來我已經開心到好似中獎一樣呀！

三隻小豬睇電視超入神，hannah BB仲唱埋歌，哈哈

星期日我地成家一齊去queens去同一班係NY既C9 gathering, 嘻嘻，今次係第一次同埋hannah BB去，都怕佢會驚架。我地一早去到，見佢地未來就係附近影下相，嘻嘻，不過仲以為天氣好既時候，點知超大風，搞到hannahBB係咁流鼻鼻呀，慘慘！ 見亞女吾係咁舒服，唯有提早走先啦，無計，佢又吾食野又吾訓，所以超cranky呀，唉...不過我都吹到好凍，所以早走都係好事呀！ 

以為天氣好似好好天，點知凍到出汁呀！不過BB就好想去玩水水，嘻嘻

吾知係咪香港有個巨風，今朝早hannah BB起身又好似打風咁，哈哈，我頂吾順叫爸爸影低，Hannah BB...sorry...你既醜態已經比媽媽公怖天下啦，哈哈哈！ 

中秋節翌日

今年既中秋都不外如是啦，本來想買個燈籠比hannah B,不過因為無時間（而家晚晚放工都要趕返屋企，事關62返左大陸玩，無人睇住D BBs, 99煮吾到飯），最終都無買。 開頭諗住無都無所謂啦，點知hannah嬸嬸買左個燈籠比hannah B（因為佢係唐人街做，方便買呢D野！）所以hannah終於有佢第一個燈籠啦，嘻嘻 雖然佢都未知個個係咩黎，但佢見到有光又有音樂都開心既....不過原來D音樂真係幾annoying, 開左一陣真係好煩，哈哈！ 雖然點都無香港既燈籠同氣氛，但同老公亞女一齊賞下月都好開心呀！

祝大家中秋節快樂，我下年就可以同妹妹一齊過啦！

中秋節快樂

有時真係比老公激C！ 上個星期係old navy幫BB入貨，我問佢佢中意邊D款，跟住佢話bodysuit個D下面有botton好煩，咁我就買左D普通t-shirt款咁啦，琴日收到個package,我買左都好多件，跟住佢又話，t-shirt款個D抱佢好煩，怕佢凍，都係買番D有button架啦.........我真係0左咀，神又係你鬼又係你，你下次自己買啦，哼雖然我都好enjoy買野既過程，但要經過佢approve就真係吾好搞，好煩！ 

講開買野，早兩個星期前係toysrus website買野，因為我有shoprunner account,所以可以有2 days free shipping，點知過左成個星期，check個status都未有回覆，跟住call過佢地，又話warehouse會寄出，點知過左成個星期都無音訊，真係激C我！ 今日再打去問，又話仲係warehouse, 頂，個toys又吾係好特別，駛吾駛搞咁耐呀！最重要係，佢而家吾比我cancel order, 都吾知咩態度！真係超勞氣，等左咁耐，好彩係買比個女，如果要送比人既，真係人地過左生日都未到呀



上星期old navy shopping完，琴日收到貨啦！除左一兩件想退之外，其他都OK，今次真係破產啦！！！！不過，買野真係好爽，而家搞到無停手，點算呀

今日係一年一度既中秋節，雖然呢邊既氣氛點都係無架啦，不過希望大家都有一個愉快既一日，同家人開開心心咁渡過！ 中秋節快樂！

大頭蝦

哈哈，大頭蝦既我完全忘記了琴日（9／17）係我同老公一齊11年既紀念，不過咁，而家實在太多日子要記，結婚呀，生日呀，亞女既野呀....真係吾係咁容易！好彩既係，我最終都記得，禮物當然無啦，不過我地就放工去左附近既supermarket買食物進行我地今年入冬既第一次打邊爐，嘻嘻我超中意打邊爐架，不過老公個肚就一般，所以我地就算打都係屋企，慎防佢要衝去廁所都容易D，嘻嘻。 雖然好開心有邊爐打，但要洗食物同之後既清潔工作都吾係咁容易，企左一陣既我已經有D腳軟，所以我同老公講，下次都係weekends先做D咁既野，如果吾係真係人都癲呀！

早排買左D kitchen既玩具比hannah玩，佢都不知幾中意，成日都拎住個湯匙，真係好鬼得意！ 不過佢係女仔，中意玩kitchen都OK既，難為cousin哥哥又要一齊玩，不過佢又幾enjoy喎，哈哈哈！ 

又8下人地野先，有次係99度食飯，佢讚下hannah BB識做好多野，有時拎鞋，拎波波，識講好多生字...等等, 但cousin哥哥就未識，cousin哥哥媽媽就話，不嬲男仔都係慢D先學識架啦，雖然我知男仔發育係無咁快，但佢而家都18個月，照道理應該識好多架啦，但好可惜係，我地叫佢個名，佢都無反應架，係咪有D奇怪呢？？ 我覺得其他野吾識都OK，但人地叫你都無反應真係怪怪地喎....我99之後就話，佢地都吾會教cousin哥哥講野，仲打算遲D先比佢讀書，如果吾係我99有時教下佢，我諗cousin哥哥真係好多野都吾識呀，再加上，佢地成日都吾係屋企，我99既schedule就係幫佢地湊足7日，唉，真係慘呀！ 好似上次佢地成家人去玩仲stay overnight，點知留低cousin哥哥比99湊，話嫌煩喎，ummmm...咁煩點解仲要生？ 真係要到佢大你先吾覺得煩咩？ 到時可能佢都吾跟你lu......

下星期生日既我，早已為自己安排好蛋糕，哈哈！我同我老公講叫佢order, 點知佢話，你自己order比自己咪仲特別....吹脹！！！！ 本來想order個綠茶crepe cake, 但我又想試下其他，所以今次就order呢個strawberry crepe cake啦，嘻嘻！我好期待呀，雖然知道自己吾應該食咁多甜野，但真係好難忍口呀！！！

Hannah signature

而家Hannah BB既signature就係擘大口得個窿，哈哈哈如果佢食野個口有咁大就開心到暈啦！ 佢呢排食野又少左，不過是但啦，我真係無佢附，唯有我地食咩又比D佢食，食得幾多得幾多啦！ 

今個weekend真係好鬼累，我覺得係天氣問題，搞到成個人都好累...星期六原來打算等佢nap完出街，平時佢大約12點度nap,點知點都吾肯訓，要到兩點爸爸抱抱先訓得著，真係煩！ 搞到我地個schedule都亂哂，ummmm.....之後去左wendy's食野，佢又食得幾多喎，比左兩個chicken nuggets同baked potato佢食，佢都有食，呢個真係鬼妹來架！！ 

食緊broccoli既我...食相真係一流呀，哈哈哈

 去左姐姐度玩，玩到碌地呀！

星期日就同Hannah BB去park行下，多得爸爸幫手睇實佢，如果我自己一個要追住佢，真係好累呀！ 不過佢都吾係好敢同人玩，又怕，umm...睇黎都要比佢見多D人先得啦！ 見到一個鬼妹，差不多年紀，人地見到Hannah揮手仲飛吻，我個女...就怕羞到咩都吾做，唉，失禮哂！ 

有人爬上爬落，不過只限於個個位置，吾係爬上個slide度，哈哈哈....真無用豬！

原來不知不覺，我真係仲有2.5月就生得啦！嘩，我今日先諗起，又未改名，又未買野，又未整registry....真係有Hannah忙到一頭煙，咩都未做呀！ 可惜亞媽吾係呢邊，如果吾係真係方方方便好多呀！其實究竟我仲要買D咩呢？