生日會

星期六去左個小朋友party,好開心呀！本來真係無打算去，因為我同Hannah都病病，但老公居然比我地去，我真係有D surprise, 因為估都估吾到佢咁順攤，難得難得！個朝既一早，老公起身居然無訓番，同左Hannah出去飲茶，我又難得toddler free 既早上enjoy一下，都幾爽！ 雖然都有亞妹係身邊，但佢都係陪下玩下食下奶，起碼我吾需要時時刻刻望住佢。  

下午去到朋友party, 吾係好多小朋友，但都有D哥哥姐姐同Hannah玩玩，好搞笑，Hannah見到個mickey mouse balloon公仔想要，個姐姐就係咁話係佢，搶走左，到姐姐走開左，佢就拉住個公仔走人，哈哈，最終....我地都拎左返屋企擺，比亞妹玩下，哈哈！ 雖然佢去到都係要爸爸抱抱，但都算係出過下街，玩過一輪啦，佢吾算好乖，不過又難為爸爸要陪佢，而我就同D c9朋友傾下食下，哈哈！ 到影合照時，真係好難坐定，咁岩佢又食緊舊哈密瓜，真係醜態百出呀，哈哈哈！ （不過我有時都中意見佢醜態百出既一面，咁先咁真呀！） 其實本身覺得姐姐幾靚，但係佢好公主呀，係咁搶人野玩，可能佢仲細吧（三歲左右），未明白點樣share, 但好彩Hannah都無嬲，仲好順德人tim......叻叻！ 

祝兩個小朋友生日快樂，健康聽話！ 

Emma話驚驚呀，咁大隻老鼠......

 同壽星仔女影相，不過Hannah一出招搶哂鏡，哈哈

抱恙在身既我勁累，不過見到個女開心我都好開心！

Emma BB玩玩

病到真係吾想做野，好累好累.........
琴日同Emma玩玩同學轉身，佢已經識好多野，感恩！ 雖然未能24小時侍候佢，但希望都有D時間照顧佢啦！
有無同你地講？ 62 離家出走？ 經過幾日後終於發覺原來去左NJ做野，而家99一個湊兩個，遲下一個湊三個？ 真係吾得掂........

祝大家有個愉快weekend!

病倒了

呢幾日都無update, 因為自己又病，大女又病，唉....一個大人病已經夠，仲要個女都病埋，無陰功呀！ 早幾日佢發燒，都心知不妙，但無想過會令佢又咳又流鼻，唉....而我，已經喉嚨痛左幾日，希望病魔遠離我啦！ 以前病，都仲可以休息下，訓下，而家有兩個小魔怪，就算病都要照顧完佢先可以打理自己，仲要係佢地吾發癲先得。 Hannah不嬲都訓得差，日日凌晨時段點都會喊醒，真係好想打鑊佢。 雖然佢係同爸爸一齊訓，但點都會喊，真係好黑人憎呀！ 而妹妹，以為佢可以由9點訓到第二朝，原來只不過係幻覺，佢而家好多時都喊醒，要人陪，要人抱，唉.....我諗呢幾十年我都係無得休息架啦！有人問會吾會後悔咁近距離生兩個，其實無，而且都已經米已成炊， 後悔都係too late啦。 不過我相信捱一排之後，到妹妹可以同Hannah識玩時就應該會好好多了！ （只係希望而已！）希望Hannah同我快D好番啦！

weekend 又過了

實在太忙了！ 原因係Hannah琴晚突然發燒，雖然吾係好大問題，但足以令我地忙碌呀！ 講番星期六，我地早上都係留在家中，湊住兩個，出街真係吾多容易架，特別係妹妹開始有要求，再吾係一舊飯咁，有時就算係屋企，佢都吾係好似以前咁係咁訓，需要好多時間陪同玩，唉.....媽媽本身時間已經有限，真係希望一日可以有36小時，咁我就有機會分身了！ anyway, 星期六晚同朋友去buffet, 不過因為係日式buffet, 所以mainly都係sushi...我吾係吾中意，不過好似比起上次無咁多食物，但環境都清潔同吾駛排隊，都OK既。 不過我相信我吾會再去食buffet, 因為一家大細去真係好煩，同埋我都食吾到好多野，又要照顧個女，又要照顧其他野，食完好似等於無食一樣，都係食碗麵無咁嬲！ 雖然係好忙，但都總好過要見到老公屋企人，哈哈哈！ 不過99星期六打來，問我兒科電話，搞笑，人地個仔發燒，又係99照顧，又係99同睇醫生，不如自己生個啦！ anyway, none of my business....我好人答佢，我無咁小氣！

星期日同妹妹去check up, 唉，醫生話佢weight gain無如期咁多，可能係我地餵小左枝奶，慘慘！ 雖然吾係大不了，但點都擔心呀！ 佢仲細，奶奶係佢唯一既食物，醫生話佢大約一日可以飲30oz左右，我吾可以話佢食吾到，不過我地就貪方便吾餵咁多，算啦，而家補救都吾遲既....醫生話而家加小小rice cereal一齊飲，令妹妹可以多D營養喎。 真係令人擔心！ 而eczema方面，都係無進展，都係查藥膏就好，試過吾同既lotion都係無用，唉......無辦法，唯有勤力D啦！ 而Hannah, 身上起左好多紅點，好似係暗瘡咁，但又吾係，已經去過見醫生，又查過消炎藥，但都係無好轉，琴晚諗住mix 埋D藥落奶到，點知呢條友醒目到吾飲，真係.....到夜晚又突然低燒，唯有mix埋D藥落去juice比佢飲啦，好彩佢都飲少少，唉.....我都吾知有咩方法令佢食藥，好難！ 所以今日成日都好似釣緊魚咁，勁眼訓！希望兩個小朋友健健康康，如果吾係媽媽真係無得訓呀！！ 

去食buffet前同Hannah行左一陣，嘻嘻.....

係隔離blog偷左兩張相，嘻嘻.....因為忙到影吾到相呀！

勁難過的一星期

呢幾排不停地想，不如我地舉家搬返香港住啦！ 點解？ 如果6299吾係咁難頂應該都OK既，但佢地.....

事發係前晚，我就如常地去佢地屋企接女加食飯，通常我地食前都會先餵左個女，而我地多數都會比白飯佢食左先，因為佢有時好衰，見到餸就吾食飯，咁不嬲都係咁，我吾會轉啦，跟住99吾知痴左邊條根，係度發癲，話你only比白飯，係人都吾食啦，我心諗，你無拿野呀ma...我不嬲都係咁架啦，同埋，個女係我既，我自己有自己個套教法。 跟住都算啦，我咪幫手拎D餸出去，跟住佢又發癲，又講，你搞掂你自己個女先啦，我真係想爆粗，佢都低X能，咁以後吾好叫我幫手啦，最衰我老公吾係度，如果吾係一定走人！佢肯定又吾知同62嘈咩啦，大家都睇大家吾順眼，咁當初就吾好搬埋一齊住啦！ 個晚搞到我勁吾開心，返HK既念頭就更加多！ 

而琴晚，佢地又發癲，又係D小朋友面前嗌交，又話呢個吾幫手，個個就話幫左都有野講，等等....不過62就算做幾多野，99都會覺得佢做D野吾夠好，唉...我係怕到時亞妹落埋去，佢地就更加吾得閒，而且有D人又話要去旅行，夜晚又遲遲都吾返，咁搞到D責任係哂我地度，真係.....返HK既念頭更加強，雖然知道HK讀書一般，但起碼有亞媽幫我湊住，我會安心D....好煩惱好煩惱！ 今個星期真係多問題，不過好彩就快weekend, 可以有兩日吾駛見到樓下D人了，yeah! 

4個月妹妹

從前（即係未有BB之前），訓覺時間可以由11點訓到早上7點，weekend時更可以由12點訓到9點，勁自在！星期日又可以一路睇TV，一路攤係couch上訓陣，嘩，有時都好懷念呢D日子，可以訓覺真係人生一大樂事！自問可以好訓得，所以而家既日子簡直係慘絕人寰，如果一日可以有6小時睡眠已經覺得幸運.  朝朝早六點幾起身泵奶，準時7點三就接手睇住Hannah, 好彩如果佢未起身我仲可以做少少自己野，但佢一起身就要立即幫佢飲奶著衫換片，不過而家已經訓練到，佢一路食奶我就一路幫佢換片抹面查面，咁就慳番吾少時間了。暫時妹妹都仲係屋企比我亞媽湊，到佢返左HK我就需要更多時間了，食奶換片等等，不過如果太趕就可能比99餵，我地就返工。 亞媽擔心我地搞吾搞得掂，係，可能真係會勁忙超忙，但世上無難事，只怕有心人，我相信如果我地肯做既，都會令兩個小朋友肥肥白白既。當然有人幫就最好，但無人既時候都要做，我相信父母就係咁吧。 

隨住時間過去，不知不覺亞媽已經來了4個月，剛剛來時，好似鬆一口氣，始終以前陀住B時又要湊又要做家務真係好辛苦。 佢來到後，起碼所有清潔野我都可以忘記，我吾係當佢係亞4，不過佢想我舒服D而已，世上只有媽媽好是正確的。 之後既路可能好漫長，但見到佢地一日一日長大，真係令我好窩心呢！  近日妹妹訓得吾多好，以前佢會一覺訓天光，但近日到一D時間佢就會叫醒。 雖然我好想由佢喊，但如果嘈醒了姐姐就真的PK鳥。 女呀女，就希望你可以訓得好少少，我吾想晚晚都要起身看你訓成點，乖D啦，好嗎？絕對明白佢地既phase係日日不同，但媽媽都好想有好日子過，希望呢個phase可以快D過去啦！

happy 4 months old, Emma! 媽媽，我好中意食手指呀，嘻嘻嘻

happy weekend + 又呻

又過左一個星期，weekend永遠都係最忙的，不過見到我至愛既三個人我都覺得好開心！

星期六見天氣好，所以同左Hannah去對面個park玩下，嘻嘻！其實而家個個weekend都好多野做，就算吾係做housework, 都要煮野比小朋友食，忙到癲！ 好似星期六，又要煮比個女，又要煮比自己，又要煮比老公.....真係癲左！ 好彩而家細個個未駛食solid, 到時....又真係一頭煙呀！ 基本上而家weekend大多數都留係屋企，因為真係太忙了，同埋天氣關係，真係吾多想同小朋友出街。  我地weekend叫左兩個朋友來，真係好開心，雖然都係好忙，但佢地訓哂之後就同兩個朋友係度傾計，真係生完之後都未試過，感恩！ 好彩佢地吾介意次次見面都好似係我地屋企，又或者佢地都係人地父母，絕對明白我地有幾忙碌吧！ 

講完D開心野，又要再呻多幾呻了。 可能大家都厭了呢個topic, 但我又不吐不快呢！ 請大家多多包容！ 

星期六，99上去我地度話見下我個女wor...其實只不過係想借張subway card, 不過是但啦，我吾係太介意佢有幾假！ 跟住佢同我亞媽傾計，我就無點pay attention啦，之後99走左，我亞媽問我，你知吾知佢地去旅行？ 跟住我話，下？ 幾時？我真係完全吾知道， 而今次佢地又係留兩個kids係度，自己就返HK大陸玩3個星期....真係XYZ！ 我亞媽第一個反應同我講係，都吾係人黎.....我就已經見慣不慣，係怕到時我亞媽走左，我99要湊三個搞吾搞得掂！ 我問老公，佢話應該無問題，但我點都要擔心一下吧.... 我真係好好好吾明點樣做到人地父母，完全可以吾理自己既小朋友，留低三個星期自己去玩，真係安心嗎？ 再者，都吾會諗下自己亞媽辛吾辛苦.....我自問做不到。 況且，佢地10月份先去完旅行，幾個月去一次，就吾好成日話窮啦！ 佢地兩個小朋友，一個6歲，一個兩歲，我個兩個一個未夠兩歲，一個幾個月大，橫睇掂睇我都係忙過佢架啦，但叫佢做少少野時就話吾得閒，妖，我真係覺得好不知所謂！ 所以而家上年個grill爐....我相信依然係未清潔好，因為佢好Q忙呀ma......低能！咁Q忙咪吾好去旅行囉！ 佢地呢D人，人地幫佢做野就好地地，當我地要佢做野就耍手擰頭，吾幫又話人地吾肯幫，大佬，奉旨？你估你地係皇帝？ 我相信到細女大D返學，我就會搬，還定都吾係咁開心，我寧願辛苦少少都吾想再一齊住！ 

多謝聆聽，我都希望吾好再呻多幾呻啦！

光榮退休

琴日晚上本來想泵奶時，點知....我個奶泵壞鬼左，呀！！！ 我個刻真係心諗，PK，點算，真係勁呢hea？？ 吾係怕吾夠奶比亞妹，係怕我無得泵會變石頭胸！ 同老公講，佢話，咁忟都無用，叫我用手揸，妖，鬼吾知咩，我應該同佢講，叫佢幫我手揸，或直頭啜，哈哈哈哈哈！

唉！ 呢個泵話哂都叫做陪我度過Hannah奶奶既時刻，原來不知不覺已經差不多兩年，都係時候要光榮退休了！ 好彩個陣係有個朋友比我，我先吾駛買，如果吾係，＄2XX咁既價錢真係未必捨得買。 不過又諗，如果我日日都3次，當用左一年，即係大約一次洗＄0.20，咁又吾係好過份，哈哈哈！（我認我都幾無聊！） 不嬲都有個係office, 咁我就吾駛bring back and forth, 但而家.....唯有日日帶泵啦！ 除非有人借過泵比我，又或者自己買個手泵啦！ 今朝起身已經漏到床都係，至憎就係咁，石頭胸真係好變態，用手揸真係浪費好多時間，同埋，隻手真係好酸呀...希望吾會再壞啦！！！！

再呻

以為琴日呻完，點知原來未完結，真係一山還有一山高！ 

琴晚返到屋企，本來打算同Hannah出去park到玩下，點知落到去6299度佢就係咁喊，可能好眼訓，因為62話佢訓左一陣比人嘈醒左，下午個餐又無餵，可能又肚餓，不過我知我個女係吾識肚餓，因為佢本身都吾食得多，but anyway, 佢地兩個係咁一人一句，又話呢個搞吾掂，個個搞吾好，好拿煩，你地中意開戰就自己開，吾好係D小朋友面前搞D咁既野啦。 OK，食飯，Hannah可能累，所以開陣電視比佢睇，99又話吾好，真係好Q煩，跟住本來咪話同cousin 哥哥去見醫生，原來吾係去check up, 係搵語言師，因為佢兩歲仲未講野，跟住我真係嘩左一聲，想爆粗，自己個仔吾講野，見語言師咁重要都吾同佢去？？ 又話係得一至五先開，如果係咁重要既野，take a dayoff去又有幾難？？ 我地而家既dayoff都係比哂小朋友架啦，佢地既dayoff就係去遊浮，真係X拿星呀！ 雖然都係none of my business, 但如果以後都要去見語言師咁我兩個女點算？ 真係想像吾到我條路係幾難行，同埋點解呢D人一D責任心都無？？？ 而家我99 weekend去做護理，返到堅企又要幫佢地湊B，佢係過份縱容，都係自己攞黎賤。  from now on, 我食飯就拿拿臨食完就走，見到佢地多一面都想嘔！

呻

琴晚真係好嬲，又係我老公個邊D人既事囉....

話說琴晚落去食飯時，突然間99話佢聽日要同cousin哥哥去check up, 下午出去，咁我話，嘩，咁突然，咁邊個睇住Hannah, 佢話我62囉，我不嬲都知62既態度都係是是但但，但我嬲既係人地作為父母既真係吾需要同自己小朋友去check up咩？ 就算自己個媽點樣心甘情願，我覺得check up呢D野都吾可以假手於人，更何況，check up呢D野，今個星期吾得咪下星期去囉，吾好又用吾得閒做籍口，真係好過份！平時去shopping呀，去呢度玩就可以有時間，同個仔去check up就無時間？？？ 真係兜把星！！！！！！！真係嬲到我.....如果emergency, 咁無辦法啦，但check up我相信係好早已經make appointment, 妖...真係愈打愈興，想一次過用哂我所識既粗口來宣洩我的不滿！！！！！！！我吾要求我99幫我手，就算將來我點辛苦，我都吾想見到佢地呀！！！！！！！！！！！！！！！！ 仲記得上年Hannah病時，我又大肚，我老公湊到半死，佢話好排掛住個孫，但就無來探過佢.......其實一上一落都吾駛一分鐘，但比我見到佢又要同人地出去買野......算啦算啦，我都係呻下je...佢地兩個咁不負責任，都係none of my business!!! 個個女人，有時抱個仔返屋企都話吾得，要99幫手，都吾明白，一個6歲識行，一個2歲都識行，抱住一個，一隻手開門都吾得？ 我個陣，大住肚又抱埋Hannah仲要行樓梯又係咁.....證明佢有幾廢！ 有次weekday,我亞媽出去買餸，見到呢個女人去shopping, 超，咁得閒不如湊住個仔啦！ 算啦算啦，佢地吾會更腎，只會更腎！！！！ 我不如慳番啖氣暖肚啦！ 多謝各位聆聽，呻完！

放電 @ Brooklyn Children Museum

如果weekend留係家中，都仲可以nap一下，我地星期六約左朋友去children museum, 所以無時間休息，放小朋友電之餘我個日D電都用爆了！ 返到家中，真係累到無輪，唉....我諗亞媽返左去，我地都係留在家中安全D。 其實如果吾係Hannah訓得咁差，我地就吾會咁辛苦要晚晚都醒.....*yawn*

anyway, 星期六早上因為天氣暖少少，我同亞媽就帶埋Hannah出街食野，之後約了朋友係museum等。 好彩一開始Hannah係車上訓左陣，如果吾係必定勁cranky, 不過小朋友有得玩真係亞媽姓咩都吾知，佢去到museum, 一開始都好怕羞，但玩玩下仲同埋其他吾識既小朋友走來走去，呀，佢又吾知自己超clumsy.....行行下都可以跌低，見到有野係前面都超沖，最後咪整親囉，不過小朋友係咁，有得玩真係跌都吾痛，比佢激死！ 不過爸爸就話佢辛苦D，因為Hannah走來走去，而佢又要跟住佢，我就同班C9媽媽傾計，跟住我話，你都可以同班C9傾架，如果你想的話，哈哈哈哈哈！！！

姐姐三歲幾，所以已經識得擺pose啦，而哥哥同Hannah相差兩個月左右，

所以都係天然呆，哈哈哈！

題外話，琴日早上我亞媽要出去，得我同老公，本來都OK，但老公遲遲都吾起身，我又要煮野比Hannah食，又睇住個細，真係好Q忙。 到Hannah喊既時候，佢先出來問咩事，仲要同我講 "你搞吾掂就叫醒我啦！！！"我個刻真係把幾火，你老闆，我咁辛苦搞兩個女，你就訓到日上三干，仲要講D咁無理既說話，我真係想KO佢！

三個月回故

經過三個月長既產假，正式回歸，不過要我追番之前無寫既blog真係有D難度，唯有記得幾多得幾多啦！ 回想番岩岩生完既情況，真係好似舒服哂咁，不過今次媽媽好懶，第一胎都仲會留BB係房餵人奶，今次...我直頭想D姑娘照顧，我真係需要勁多休息（我知我真係好衰，但經過過多月吾夠睡眠，我.....真係好想訓覺好既！） Emma 妹妹，媽媽吾係吾錫你，等我大D有多D精力再作補償啦！ 其實返到屋企，我都係比較懶，基本上好多事我都吾會做，就算餵奶，我都泵完比亞媽餵，我只可以用累來作籍口，而且，到亞媽返HK我就無人依賴，不如比我懶多一個月吧！

完全吾記得有無講過介夜奶，一開始時妹妹都係3至4小時食一次，所以有時12點餵完，到4點又要起身餵，最慘係佢食得好慢，食親都成個鐘，成完又要抱一陣先，因為怕佢會spit up, 所以好多時都係睇住天光，勁辛苦！ 餵完又要泵奶，夜深人靜真係倍覺寂寞！ 泵完時都已經6點幾，訓一陣又要起身湊住個大既，不過有時好累我亞媽就會幫手湊住佢，但最大既advantage就係，我地多數都湊大女去99度，因為我吾想佢既生活方式突然轉變，同埋，我坐月真係湊吾到大個個呀！ 既然99吾介意，咁我當然吾say no啦，哈哈哈！ 一開始其實我都無點坐月，因為好想好想陪Hannah, 就算幫佢沖涼沖吾到，但我都想花D時間係佢身上。就係咁坐上坐落我就覺得腰開始痛，到最後我考慮到自己身體，我就要求老公幫手，叫佢抱Hannah上梳化我先同佢讀下書，要我彎腰坐落地下真係難少少呀！ 哎呀，又離左題，其實係想講佢夜奶呀，佢大約兩個月左右就自己吾食，有時我地12點餵完，6，7點先起身，佢吾醒，我當然吾會餵啦，一開始時，因為佢成日訓，就算夜晚10點都照訓，所以要佢12點左右又訓當然無可能，但到adjust佢時，就8點鐘吾比佢訓，之後可能佢慣左，我地就大約10點左右餵最後餐奶，佢有時都會玩玩下自己訓，希望可以keep到啦！ （都係咪講咁多！） 易湊程度都OK，點都好過Hannah, 因為Hannah吾訓架！ 不過妹妹濕疹就嚴重，雖然醫生話大D會好，但見佢個樣咁，我都好心痛！ 我地有時幫佢查藥膏先會無咁紅，但我又吾想成日查，唉.....好矛盾！ 希望好快summer到時會好D啦！而家亞媽train佢9點多餵奶，之後就放上床訓，因為到佢走時，我真係無咁多時間adjust佢呀！ 所以如果佢可以9點左右食最後餐奶咁就最perfect啦！(finger crossed!)

餵奶方面，一開始時都會餵奶水，隨住時間同休息足夠，妹妹暫時都係全人奶，希望工作吾會令我奶量減少啦！ 

今個weekend會同另一個小朋友去children museum, 希望到時會多D playdate, 咁就可以多D機會去socialize 啦！

hello各位姨姨，我大個女啦！

有次一朝早就泵到咁多，莫非之前個晚飲得多水？

Emma妹妹100 days晚餐，嘻嘻，眼訓到暈，食食下就訓左！

Tummy time

琴日講完D咁愁既野，晚上就同我兩個愛女影左張好sweet既相片，嘻嘻！ 其實一開始係打算同妹妹tummy time, 佢而家已經可以跆起頭，不過都仲未係好識控制呀，佢始終都係三個月大左右咋。 Anyway, Hannah見我地幫妹妹影相，佢又要學，所以佢又一齊上鏡玩tummy time, 哈哈，好搞笑！ 而家呢個女開始識自拍，不過脾氣就愈來愈差，有咩吾中意就發脾氣，不過我地多數吾理佢，由佢發，之後佢就會死死地氣收聲。希望妹妹吾好學埋姐姐既臭脾氣啦，嘻嘻!!!!!!

虛脫

終於返左一日工，雖然係busy season, 但絕對忙不過係屋企！ 而家就因為有亞媽幫我看住亞妹，咁我夜晚就得閒D，到佢back HK，我諗我會發癲，真係好好好擔心！ 可能因為要泵奶，所以朝早又要早起身，晚上又吾可以立即沖涼訓覺。琴晚返到屋企食完飯，幫Hannah 沖涼，之後陪佢睇陣書，老公湊Hannah訓，而我就幫亞妹沖過涼，跟住亞媽幫我餵奶，而我就去沖涼泵奶。其實最難既係亞妹個schedule未係好stable, 晚上未必會食完奶即訓，而我泵奶時又吾可以話停就停，所以我都無辦法呀！而家個諗法就係，我地放工之後就立即返屋企沖涼，之後食完飯湊兩個返屋企起碼做少樣，我就幫佢地兩個沖涼，老公就9點左右湊Hannah 訓，而我就餵亞妹奶，跟住老公就洗奶樽，而我就泵奶，係咪好充實呢？ 日日如是都幾辛苦，不過生得出就要負責任，我地無人地幫，咁係咁架啦！ 希望亞妹可以快D乖乖早D訓，咁媽媽就可以舒服D呀！ 所以叫我做FTM我真係吾想，因為對住兩個我諗我會痴線，我寧願出來見下人，搵多個錢都無咁辛苦呀！