預祝聖誕節快樂

好耐無蒲頭啦，真係懶到出汁，不過聖誕節來臨所以有好多準備，真係頭都大哂呀！

不過最最最最最開心係，我下年終於可以完成我個心願，一家大細返去香港一轉，yeah! 上幾個星期，見返香港機票平，就即係同老公講，跟住佢話真係好平，同埋吾想我再失望，決定返去一次。雖然，吾係話留好長時間，但見到屋企人幾面，我已經好開心了。  希望到時有機會約哂所有blog友仔見啦！

太耐無update, post下D女既相比大家睇下先啦 

佢既至愛，yogurt, 不過佢pronounce得好差，yo耶yo耶咁

兩姐妹有新鞋穿，開心到暈呀，哈哈

聖誕樹，比小朋友見到前係咁

見到之後，所有禮物以為係自己，要拆，我就即刻收起，嚇得我。而個D波波......全部要向上移，佢地瘋狂得恐怖呀！

Halloween 2015

一年一度既halloween又過左啦，呢個咁好玩既日子，小朋友就最開心。 好耐之前朋友送左套elsa裙比Hannah， 咁本身佢又咁中意，所以我就比Hannah去做Elsa啦，而本來我都無諗住買比Emma架，因為屋企已經有套比佢著，但我見家姐做elsa, 亞妹點可以吾做anna, 所以佢地今年個theme就係frozen啦，哈哈！ 

雖然爸爸絕對吾想個女做公主，但我覺得，如果佢中意扮又無咩所謂啦，加上，佢扮，又吾係學有公主病，吾駛咁在意je...所以比我說服左，yeah! 亞女，你可以得償所願啦！ 

佢地學校星期五有個halloween party, 大家都扮得好得意呀！我就個日去左佢地學校接亞女放學，見到佢D同學仔個個都扮得好有趣，我相信佢地個日一定玩得好開心呀。 好彩既係，hannah吾中意食甜野，會比佢試下但佢多數食兩啖就吾中意食。 其實我都擔心成筒糖，如果佢死lur要食，我都吾知點算。 最搞笑係，我朋友買左個kinder出奇蛋比佢，佢拆開哂後，拎左個玩具出來，個朱古力就比番我，哈哈，小朋友吾係應該幾中意食朱古力咩？  

之後個日，我地就一齊去條街上trick or treat, 嘩，條街多人到........不過吾知係我地遲定點，好多鋪已經話out of candy, 真係捕興，我見其他人有成個bucket咁多糖，我地...嘻嘻，不過我地都至在參與，有無糖其實都無所謂呀！本來可以recycle, 但個晚可能我地出左去食飯，跟本就無人拎糖呀，而家個bucket糖....都吾知點算好！ 

個日幫佢試衫，開心到佢....哈哈哈！

佢地班既小朋友呀，個個都好可愛呀！

之前佢地學校都有pumpkin patch, 個個都拎左個南瓜功課返屋企

hannah好朋友仔

影兩個既正面相難到無朋友.......呢張真係算好比面，哈哈

都依然好似個男仔，希望大D會似女仔多D啦

新玩意

早一陣子，已經係度諗，我有兩個女，不如買個廚房比佢地啦，其實已經睇左一排，但見D價錢都吾係咁如意，咁就打算等下啦，或者等到假期時候會再平D，點知有一晚，上網睇到有個廚房，個價係比平時既半價，我真係再忍吾到手啦！ 其實我而家shopping, 都係放係佢地身上多，自己，有時著到成個乞衣咁，我都少理會了，哈哈！ 講番個廚房，真係好抵，連埋稅，都係大約＄55左右，平時呢個廚房已經要過百呀，我一見到，就同老公講，嘩，咁平，一定要買呀，就叫佢睇住D女，我即刻上網落order, 買完真係好實在呀，因為我開頭驚會好快咁out of stock, 我往往都買吾到平野！ 好彩買得快，好世界！！ 

到收到個日，都好興奮呀，不過因為要assemble, 所以我地都等到weekend先做啦！ 不過到weekend, 佢地又係度，真係好難整到，老公整左一半之後就放棄左，佢地實在太幫得手呀！ 我地就係晚上佢地訓左後趕工，嘩，原來整整下，整左成兩個鐘，真係攞命呀，整完後條腰真係酸左，因為要坐係度鑽下睇下彎下，我同老公真係嘔心瀝血呀！ 希望佢地會keep住玩，如果吾係真係哂心機呀！ 

Hannah & Emma, 呢個就係你地聖誕禮物，吾好話我無買野比你地啦！

2015 pumpkin patch

呢排真係好懶散，寫blog變得可有可無，或者呢排成日上網買野，shopping點都緊要過其他野既，嘻嘻（始終都係一個女人，買野真係會到忘我境界！）

上星期去左一年一度既pumpkin patch, 一如以往，都係好多人，不過個日天氣好好呀，吾駛著到包糉咁，感恩！ 其實要揸成個鐘頭車先去到，感覺上有D吾抵，因為除左係影下相之外，真係無咩好做，不過陪住兩個有講有笑就開心啦！ 至慘係揸車個位，回程時無得覺覺，我地就訓到豬仔一樣，無計啦！ 老公，你就犧牲一下啦，哈哈哈！ 

兩隻小鬼見到咁多個南瓜，真係好興奮呀，係咁擺來擺去，好得意。 雖然玩左一陣後就已經開始悶，但起碼影到D相，大個比佢地睇番都可以話我地去過呀！ 其實因為路程遠，我地行左陣食D野，返到屋企都已經成4點了（我地已經一早就出門！） 湊住佢地，真係少D精力都吾得，我地兩個長期2打2,都咪話吾辛苦。  呢排我老公晚晚OT， 我湊佢地食飯真係人都癲，加上有99係隔離ee哦哦，好多時我都吾想食算數。 唉，成日同自己講，幾年啦，幾年後會好好多，希望我真係捱到幾年啦！

帶左爸爸大機，影D相出來真係吾同D，嘻嘻！

想玩飄浮相？ 哈哈，跳吾起呀！！！！！ 

1

2

3

下，跳左啦？ 下次努力D啦...... 

走失記x2

真係好吾明，一向hannah小姐都比較痴身，以為出到去，佢吾會點走開，點知.....

上星期六，因為想買張枱比佢地寫下字，所以去左ikea, 本來一開始都好開心架，有新野買wor, 緊興奮D，咁hannah話想行行，咁就放佢出來啦，一開始佢都跟住我地，雖然都會吾合作，但我地話byebye佢都會跟住，之後我就推妹妹行前先，佢就同爸爸一齊行後，係前面等左佢地一陣，都無影，咁我地就去番搵佢兩個啦，老遠見爸爸打緊電話，佢見到我，問hannah呢？ 跟住我話我點知，你吾係同佢一齊既咩，個刻真係驚到心臟停頓，ikea話大吾大，話細吾細，有櫃有床，一個小朋友咁細，真係好難留意，個刻我真係驚左，始終佢咁細個，你點知有無D變態人係身邊，佢吾見左佢吾識返屋企架，真係嚇到鼻哥窿無肉，我又吾係好明，佢點會掛住睇野而睇吾實個女，不過男人都係咁，可以點？  之後佢就去番原路搵佢，我就向前行，不過我其實都坐左係個度等佢，所以如果hannah經過，我又無理由見吾到既。  之後我去番搵佢地，有個女人好心問我係咪搵個細路女，我話係呀，佢話你先生已經搵到佢，吾好擔心，我即刻沖去搵佢地，hannah已經喊哂口，我就驚到都喊埋一份，試想下，吾見左個女，真係吾怪得人，所以出去真係真係真係要拖實佢地，就算幾吾中意都好，都一定要睇實。  之後我問番我老公，佢話hannah掛住玩D drawer, 所以吾知去左邊，搵到佢時，佢係比人帶去ikea 個D職員到，好彩有個講廣東話既人幫佢，如果吾係都吾知點算。 唉，我地之後都心臟停頓左一排，比佢咁嚇一嚇，真係心血少都暈左， 其實本來有好多野想買，但比佢搞完後，都已經無心情了。 我諗我而家係應該買個GPS比佢掛係身，就算真係真係再走失，我都有機會搵到佢（當然希望吾好再發生啦！）  

第2日 ftm - 勇闖children musuem of manhattan

呢排又忙又病，已經又遺棄左個blog一排！ 好啦，我要努力追blog先得！

上篇講完第一日做ftm, 我既第二日ftm行程就係去children museum.   一早已經約左朋友去，個日一起身就出發，真係同無假放無分別，唯一係可以同個女去玩，不過都辛苦架，佢吾發脾氣時就好，一發既時候我真係好想丟佢落街，仲有大把大把咁車埋去，不過....都係我好嬲好嬲時先咁諗，現實中又點會同點容許我咁做。 anyway, 我地一早起行，其實雖然同hannah一個去，但要坐stroller上上落落subway都幾係野，加上吾係所有subway都有elevator, 好多時我就連人帶車咁搬佢上落，真係超辛苦。  跟住D人見到都吾會忙架，不過我無expect人地要幫既，但平時我自己一個時，我都會幫人手架。  

children museum of manhattan， 估吾到一去就去左成日，開頭仲諗，約左10點鐘，咁鬼早，驚無咁多野玩呀。  我地去到時已經10:30, 都無停過咁玩，係中途出左去食lunch, 之後就玩玩玩， 玩到成5點先走，我都覺得好勁！ 個museum有5層，我地開始時就去左basement玩，個度有個indoor playground咁， D小朋友係入面自己玩，我地可以係隔離睇實，之後有兩個人一齊唱歌跳舞，個度都聽左成個鐘呀，但又幾開心。 聽完玩陣之後，就食個lunch， 之後再玩。  下午時，我地就去玩陣水先，佢個玩水地方係outdoor, 但我又覺得幾好玩，可能吾算多人同埋新鮮啦，加上地方比較上乾淨，所以我都中意。 班小朋友就當然勁愛啦，所以我地係個度都hea左45分鐘，跟住因為有class關係，我地要趕去下場，係一個學整photo frame既class, 可惜我地去到無哂位，唯有轉移目標，去玩隔離既沙池，雖然之前個日先同hannah玩完沙沙，但佢去到沙池又狂玩，估吾到佢咁中意沙池wor....之後又有另一個class, 係jam band, 不過只不過係有D 樂器比佢地自己夾band, 有D無聊，但班小朋友又點會理，一齊過就已經開心到暈，哈哈。 呢個museum其實好多野玩呀，可能同埋佢有吾同既class可以去學野，又有人一齊講故事唱歌歌，幾開心呀！ 最重要係都算乾淨，同埋一層層咁，走失機會難D，所以都玩得安心呀！ 

雖然咁就過左一日，真係好鬼累，但見到佢咁開心，我都真係好好好開心呀！ 係走個陣佢cranky左一陣先訓覺，但我知佢已經好累架啦玩左一日，返到屋企個陣都忟左一排先肯食野，唉，算啦，一啖沙糖一啖屎，小朋友至愛！

第一日ftm

嘻嘻，其實純粹係想同hannah出去玩下，因為暑假少之有少，而我又因為工作而吾可以請多幾日假，不過已經累到發癲了。星期四，我就約左友人去battery park坐呢個叫做seaglass 既 carousel。  真係好靚呀，不過要$5一個人，都幾貴呀，不過我都係掛住影相，下次要同埋Emma去先得。 （sorry 妹妹，媽媽係可以湊得一個人出街，我會補償比你架！）坐完個seaglass, 我同友人就一齊去食個lunch, 其實坐下食下，咁就已經成個幾鐘架啦，吾知點解，出街既時間過得真係特別快，可能玩下傾下，時間真係無哂。 

之後我就返左office一陣，做少少野，跟住就去回合朋友再戰另一個地方，就係playground, 嘻嘻。  呢個playground我都無留意過，但原來就係我office行10分鐘左右，真係好近咋。 我係呢頭做左咁多年野，真係第一次去呀，又或者我之前未有小朋友，跟本吾會點留意吧。 呢個playground, 有廁所，有鎖，有沙，有水，有blocks比小朋友玩，我覺得幾好玩呀，咁當然啦，如果天氣吾好，去邊都吾好玩，我地就趁住夏天尾就玩盡去，好彩我地去個日天氣OK，而兩個小朋友都玩得好開心呀。 吾知係咪玩得太盡，呢幾日hannah都好鬼cranky, 睇黎都要休息下先得呀！ 

呢個carousel有別於平時既旋轉木馬，一來吾係馬，係用魚來做提材，而另外佢D音樂呀，轉呀，都有別於平時果D，個feel 好夢幻, 夜晚更加靚，不過有小朋友後要夜晚去真係無可能，或者等佢大D先啦。 

呢個傻妹，平閥見我地用電話影相，佢又要帶自己部電話出來影相，好搞笑呀！

hannah好興奮呀，我都好開心佢咁開心呀！

有人指定要坐pink色魚魚，好彩都霸到，哈哈  

之後去既一個playground, 叫imagination playground, 佢有staff打理，所以都算乾淨，有廁所方便我地用，又有鎖吾駛擔心小朋友走左出去，所以都好中意呀！ 一半地方係玩水，而另一邊就玩沙，中間地方就係玩巨blocks, 兩個小朋友好開心呀！友人個仔仲突然nap nap下彈醒，實係知道有得玩，哈哈

遊記仲未寫完，下篇繼續。 

part time FTM

星期一因為99要去training, 咁我就係屋企睇住兩隻馬騮。 其實開頭我都好驚，食我又吾驚搞吾掂，係擔心nap time個陣點算，果然到nap time, Emma見到hannah係度吾願訓，而hannah自己又吾肯自己去訓，個刻真係呢咁hea, 跟住我就叫hannah出去玩住先，我陪完亞妹訓就出來陪佢，好彩佢都肯聽我講兩句，之後到emma訓左（搞左幾鬼耐），我出到去見到佢係度玩水喉，真係打得少，原來佢想幫elsa 洗頭，可能早一排爸爸同佢去左髮型屋，爸爸要剪髮佢就睇住佢剪，所以呢排佢好中意幫D公仔剪髮，哈哈。 不過算啦，我知佢都吾係有心，我講左佢兩句就由佢。 到之後佢地訓醒，佢地兩個就玩，我就hea係屋企，佢地就自己玩，原來ftm都無我想像中咁咁咁辛苦，哈哈，不過我都依然覺得佢地好偉大，我間吾中一日就OK，要我長期咁樣，真係咪搞！！！ 

之後我入左房去摺衫，而佢地就係出面coloring, 點知.........出到去，見到亞妹咁，真係嚇C........

我以為咩血案發生，原來係紅色crayons markers, 好彩係洗到，如果吾係真係打得少呀！ 

做FTM真係好忙呀，我明天開始就放假湊hannah去玩，希望吾會太攰啦，嘻嘻！不過見到佢地玩得開心，我自己都覺得好開心呀！

i love you, 兩個小寶貝 

Storybook land

我地上星期六去左一個叫做storybook land既amusement park玩，當然啦，而家既所有假期地方都係同小朋友去，呢個就係一個大型D既park比小朋友去。  我地一早就開車去，不過遇著塞車，去到都差不多一點啦，食下野玩下休息下其實咁就成日，跟住返去又要兩個鐘，講真，都幾辛苦。  吾駛我揸車都已經覺辛苦，更何況要揸車個位，辛苦哂爸爸。  我自問都吾係中意玩機動遊戲個D人，岩岩去到個陣，同左佢地去玩個小飛象，我已經暈左一陣，至憎就係轉轉轉個D，佢地就覺得好好玩，而我玩完一輪頭暈暈了。 之後坐下火車仔，餵下羊羊，玩下teacup, 坐得最耐既都算係摩天輪，我同hannah走左兩轉，其實我係有畏高架，架野一上去個陣個心都離哂，雖然已經吾係好高，但都已經夠我驚左一餐啦，我個女就當然好開心啦，仲係咁郁來郁去，又同爸爸係下面揮手，我.....除左捉實張椅同分散下自己，其他既我已經一片空白了。 對我地來講，真係有D貼錢買難受，我地決定下次都係吾去呢D地方，反正我地都吾玩，都吾敢同小朋友去玩，同埋入場費都吾平，下次都係去番屋企附近個間，吾駛入場費，只係pay per ride, 都好過個個人都要入場費啦。 

其實夏天都快完結，真係要盡力提供多D活動比佢地。 本來我地決定labor day去玩，但最後都係吾想哂錢同揸咁耐車，就決定我地去附近既park, zoo玩下算，反正都未去過。 雖然好似又少左個機會去玩，但我地個個星期都去玩，人都已經好攰，有時候休息下都OK既。  

PS: 不得不讚嘆做父母係幾咁偉大, 我朋友好勁，佢兩個小朋友想坐過山車，來來回回已經坐左10次，比著我.....已經嘔左10次... 

隻羊羊好慘，比人困左係上面，我地要係下面放D野食係個筒度之後拉條繩先去到佢口中，陰功！

三條queen, 哈哈哈

其實D野都已經有D舊，所以都係無下次

玩到我腳軟既摩天輪，估吾到自己咁無用

呢個小朋友就覺得好好玩，好新奇

呢排成日咩袋出街，話要似我wor....哈哈

同朋友既小朋友一齊影相，佢地兩個小朋友都食好多野，但好瘦，我兩個女吾食野架，但都好似肥嘟嘟，女仔，都係瘦D好。