上篇講完第一日做ftm, 我既第二日ftm行程就係去children museum. 一早已經約左朋友去，個日一起身就出發，真係同無假放無分別，唯一係可以同個女去玩，不過都辛苦架，佢吾發脾氣時就好，一發既時候我真係好想丟佢落街，仲有大把大把咁車埋去，不過....都係我好嬲好嬲時先咁諗，現實中又點會同點容許我咁做。 anyway, 我地一早起行，其實雖然同hannah一個去，但要坐stroller上上落落subway都幾係野，加上吾係所有subway都有elevator, 好多時我就連人帶車咁搬佢上落，真係超辛苦。 跟住D人見到都吾會忙架，不過我無expect人地要幫既，但平時我自己一個時，我都會幫人手架。
children museum of manhattan， 估吾到一去就去左成日，開頭仲諗，約左10點鐘，咁鬼早，驚無咁多野玩呀。 我地去到時已經10:30, 都無停過咁玩，係中途出左去食lunch, 之後就玩玩玩， 玩到成5點先走，我都覺得好勁！ 個museum有5層，我地開始時就去左basement玩，個度有個indoor playground咁， D小朋友係入面自己玩，我地可以係隔離睇實，之後有兩個人一齊唱歌跳舞，個度都聽左成個鐘呀，但又幾開心。 聽完玩陣之後，就食個lunch， 之後再玩。 下午時，我地就去玩陣水先，佢個玩水地方係outdoor, 但我又覺得幾好玩，可能吾算多人同埋新鮮啦，加上地方比較上乾淨，所以我都中意。 班小朋友就當然勁愛啦，所以我地係個度都hea左45分鐘，跟住因為有class關係，我地要趕去下場，係一個學整photo frame既class, 可惜我地去到無哂位，唯有轉移目標，去玩隔離既沙池，雖然之前個日先同hannah玩完沙沙，但佢去到沙池又狂玩，估吾到佢咁中意沙池wor....之後又有另一個class, 係jam band, 不過只不過係有D 樂器比佢地自己夾band, 有D無聊，但班小朋友又點會理，一齊過就已經開心到暈，哈哈。 呢個museum其實好多野玩呀，可能同埋佢有吾同既class可以去學野，又有人一齊講故事唱歌歌，幾開心呀！ 最重要係都算乾淨，同埋一層層咁，走失機會難D，所以都玩得安心呀！
雖然咁就過左一日，真係好鬼累，但見到佢咁開心，我都真係好好好開心呀！ 係走個陣佢cranky左一陣先訓覺，但我知佢已經好累架啦玩左一日，返到屋企個陣都忟左一排先肯食野，唉，算啦，一啖沙糖一啖屎，小朋友至愛！
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
其實呢我好鬼鍾意睇Mrs. Wu講自己"幻想"同現實生活嘅分別，發完嚕囌後又move on繼續過日子，好鬼搞笑!
ReplyDelete連續出兩日街Hannah一定超開心，而Mrs. Wu就好似做咗兩日全日健身咁!
哈哈，咁開blog 就係想呻下，但現實歸現實，有d 野真係幻想中先敢做 :P
Delete個兩日仲慘過擔泥，攰到呢。。。
只要有朋友一齊玩就唔怕會無野玩架啦, 佢地有朋友陪住就玩幾耐都得~
ReplyDelete或者都係，因為之前去過第二度好快就走，哈哈
Delete玩得好開心喎～媽媽有冇想繼續做FTM先？
ReplyDelete諗都唔好諗呀，哈哈哈
Delete哈哈~~諗下啫，你邊捨得丟佢落街同大巴車埋去，小朋友就係咁，一時好激心，一時冧死你:)
ReplyDelete你好叻，一個人帶佢去唔同地方玩~~但要好好保重身體呀~~
係呀，有時真係比佢激到癲架，不過乖既時候都好開心既。
Delete"吾發脾氣時就好，一發既時候我真係好想丟佢落街，仲有大把大把咁車埋去" <---嘻，基本上凡覺得所有小朋友，唔發脾氣都係天使，但一發脾氣就.....嗯嗯......
ReplyDelete真係魔鬼天使混合架，希望大d 好d 啦
Delete大把大把咁車埋去>>>我見到妳咁寫，好出奇囉，唔信妳會....原來係諗下，哈!
ReplyDelete其實個日妳會唔會仲攰過Hannah ar? wahaha.....
哈哈，諗下都得卦，有時好嬲既時候真係想架！
Delete攰到癲呀，連chur 兩日！
好正的museum, 香港都有就好啦
ReplyDelete點呀, 做完2日FTM有冇輕磅呀?? :P
Hk 咪仲多地方去，我呢邊算少啦。
Delete哈哈，咁又無磅，不過白頭髮就多左幾條，嘻嘻 :P
Mrs Wu, 多保重呀！
ReplyDelete嘩 ~ 呢個museum好吸引呀！睇見就知有幾咁開心 ~
呢個museum 真係唔錯，會去多次呀！
DeleteWas it busy during the weekday?
ReplyDeleteYou need a vacation after your week-long FTM adventure :)
It wasnt too bad but i guess more than normal cos school was still closed at that time. I always need a vacation from a vacation, dunno when its gonna happen.
Delete大把大把車埋去<--same here﹗燒腩仔一發作，我好多時都有呢個諗法，不過一直都只係停留喺幻想嘅階段
ReplyDelete同你一樣，都係幻想階段，好驚有一日火山爆發呀！
DeleteMrs. Wu:
ReplyDelete~其實做full time mom, 真係仲攰過返工.
~但做full time mom 見住hannah 大, 真係有滿足感
Ftm 真係好偉大，自問真係唔得呢。
Delete雖然好有滿足感，但我怕我會入青山呀！
美國地方大真係好多野玩啊！
ReplyDelete其實都唔算多呀，來來去去都係個d 架咋
Delete一個人帶住小朋友仲帶埋stroller有時真係幾"呢hea", 我仲以為外國人都好friendly 會幫手tim, 不過好在你一個人都搞掂咋~
ReplyDelete好彩唔算多野拎，如果唔係上上落落真係煩呀。 可能係我啦，其他人都有人幫架，樣衰，哈哈
Delete咁多小朋友一齊玩, 真係好開心 !
ReplyDelete再多一天,兩天都未玩夠......
係未夠呀，但我已經散左。
Delete有咗小朋友之後，想約朋友出街真係十級難(T ^ T)
ReplyDelete你去d 小朋友gathering 都好開心呀！ 你間唔中都要出去抖下氣呀。
Delete