Emma 妹妹 @ 6 months check up

長假終於完結啦！不過假期都過得勁勁勁快，因為真係勁勁勁忙呀！ 雖然好中意同D小朋友玩，但照顧佢地真係會令我發癲呀！ Anyway, 星期六好似無出過街，係屋企休息就無我份，做牛做馬就有，照顧佢地仲要煮飯洗碗沖涼，都吾好話吾累呀，不過生得出就要照顧架啦，邊有其他人（即係樓下）咁幸福，有個24／7既貼身nanny加工人，哈哈！ 星期日因為要同妹妹打針針，所以決定吾出去咁遠，係附近行下算啦。  而星期一就係memorial day, 我地第一次同佢地去strawberry picking, 嘻嘻，不過未有相住呀，等下啦！ 呢篇會focus 係妹妹check up先。 

妹妹今個月6個月啦，開始想玩同轉身，有時放佢係playmat, 轉過頭佢已經吾知轉左去邊，有次試過放係playmat, 轉頭佢已經轉左出playmat出面 （我已經放佢係中間架啦！） check up完個result係，妹妹而家16磅幾，percentile係50％，吾太重又吾太輕，ummm...不過相比起姐姐，佢係重得慢D，Hannah 6個月左右已經成18磅啦！不過，個個BB都吾同，我都無得compare架啦，最緊要佢健康就OK啦。 妹妹而家開始食兩餐solid, 不過99話餵oatmeal到大約7個月，之後再煮粥仔and veg....其實是但啦，我都好難再要求咁多，佢已經要煮咁多人既野，而開糊仔又真係方便好多（就咁mix埋D奶就搞掂），所以我無再堅持了。 as long as 佢幫我餵我都無所謂啦！  不過佢開始大時，就開始認人，去check up姐姐幫佢磅重度高，佢未見過呢個人就大喊，真係怕鬼左佢！有時見吾到我地又會叫，唉，呢隻monster都開始鮮醒了....媽媽想休息既時間就會少之有少呀！不過好彩妹妹打完針針後喊左一陣就收聲，對我來講已經好proud呀！而家開始比妹妹坐jumper, 不過覺得佢未係好穩，可能放一陣又要落番去坐lu...

而濕疹方面，天氣變令佢皮膚變好左，又或者係佢自己outgrow, 不過身上仲有D地方好乾，而佢手都會係咁scratch, 不過有進步我已經好開心啦！ 我知道濕疹無得醫，只希望佢會慢慢有改善啦！

妹妹真係一個happy baby, 我地做少少野佢都可以笑得好開心架！ 

 有個癲婆戴住頂帽，好似賊，哈哈哈

妹妹 @ 6 months

星期六日簡直就係忙到癲，特別係上個星期六幫Hannah搞左個生日party, 我就做足36小時....今日真係極之吾願意起身返工呀，而家骨頭都仲脆脆地，真係攞命呀！！！！！！no life既日子幾時先會過去呢？ 我而家日日都望緊呢一日，哈哈哈！不過今篇未講Hannah party, 因為無相住呀，係爸爸部大機入面，要等有時間先可以拎返office...不過都有其他相既，就係妹妹琴日6個月大啦！ 時間過得真係好快，不知不覺就來到呢個世界6個月，妹妹，雖然時間真係比少左你好多好多好多，但媽媽永遠都愛你呀！ 媽媽最中意就係你係一個happy baby, 希望你永遠都咁愛笑啦！ 前幾日見到6299 放妹妹落張booster seat度坐，真係咁快就坐到啦（當然要有野support下啦！），我開頭仲以為係Hannah來，哈哈哈哈哈！ 仲有另一樣野係，妹妹終於都反身成功啦，yeah! 我估其實佢都想反好耐，不過我地好少時間放佢係playmat...因為Hannah走來走去好危險，所以令佢轉身轉得慢左，不過吾緊要啦，as long as轉到就得啦，hehe! 

搞笑既係，party個日我無expect佢屋企人會來，到差不多食dinner時間佢地先來坐下食飯，是但啦，我無所謂，不過佢地就好似好arrogant咁，我地D朋友係度，佢地就自己坐自己個corner, 兩個都係度玩電話，D小朋友就由佢搞搞震，可能我慣左啦，我D朋友話佢地好似高高在上咁，而話佢地兩個kids都好無禮貌，咁梗係啦，都無人教，無人理，點會有禮貌....cousin哥哥仲細，我可以理解，不過佢D脾氣真係好臭呀，而cousin姐姐都係脾氣mama...好港童feel呀.....希望Hannah吾會咁樣啦！ 我地而家都有叫Hannah叫人食飯先,我覺得你點教自己小朋友人地就點睇你，你D小朋友無禮貌即係你地無家教，我朋友第一次見佢地，無bias...真係可恥呀！ 今朝5點幾佢地個仔喊，居然係無人理佢，最後係我老公打比99叫佢接個仔走.....係咁喊，真係喊左好耐呀！ 我懷疑個仔係佢亞媽定邊個....都吾跟自己父母既？？？ 奇怪！ 

Hannah畫的，suppose係哈哈笑，不過吾知點解變左樣，哈哈

只可以用堆積如山來形容 

堅定意志

要餵人奶，意志力真係好重要。 從一開始時，都立下意志想餵到起碼半歲，而家仲有幾日就6個月大，我就想將呢個目標維持到一歲，之後就可以飲牛奶啦！ 其實日日返工放工湊女呢個生活真係幾dry, 有一刻真係想拋開一切咩都吾做，去玩去訓....但呢件事真係只可以發夢時先會發生呀，哈哈！ 係，晚晚返到屋企都係幫佢地沖涼，洗奶樽，餵奶，泵奶.....有時連一刻可以休息既時間都無，所以真係好好好想可以自己有D私人空間呢。 老公吾明白，係因為佢自己仲有時間去打機，而我10點過後先係繁忙時間呢，要為另一日準備既野雖然不多，但要搞好哂都起碼要半個鐘呀，數數下又係時候要訓覺，想睇下TV，上下網...我諗係office做到既機會會大D，哈哈！ 

原來仲有一個星期Hannah B就兩歲大啦！ 時間過得真係快，咁就痛苦左兩年，哈哈哈！ 今個星期幫佢搞一個小型生日會，都係係屋企搞咋，今年only請有小朋友既朋友來玩，希望到時佢會開心啦！ 其實好多野仲未準備好，不過算啦，船到橋頭自然直.....有野食就夠啦！ 

6個月大既妹妹，已經好活躍了...雖然仲未係識轉哂身，但我相信好快就識啦！

2nd母親節

咁就過左我第二個母親節啦，其實都仲忙過返工，但見到兩個愛女又好開心呀，嘻嘻！ 好彩地星期日既天氣十分好，令我地既母親節節目可以如期舉行（其實都係同兩個小朋友放下電，玩下咁je...) 不過朝早就比老公激親，又話母親節，吾駛我做野，點知佢早上抹完地後就話好累要休息下，我日日做到無停手都無出聲呀，佢真係......anyway, 激嬲完後我地就照樣出街，而家亞妹真係好難訓，好易就醒，再吾係好似以前咁係咁訓....點算？ 有時Hannah係屋企佢真係好勞動，所以往往將亞妹放入房入面，但我又要有野做，都吾知可以點？ 不過出親街搖下搖下又可以訓耐少少，希望佢可以nap得好D啦！ 

天朗氣清既一日，心情都好D。 我地去左Brooklyn bridge park行下，因為個度有個小型park比小朋友玩，所以我地決定去。 去到時，隔離有個food fair....嘩，好多人呀！但我地決定入去搵野食，因為我地實在太耐無食過好野啦，嘻嘻。 我地入去轉左轉，跟住決定買個burger食先，開頭諗住個burger係好regular既 cheeseburger, 點知睇睇下先發覺原來係ramen burger, 即係個包係用ramen來整架，哈哈，又幾有gimmick wor...好吾好味見人見知，我覺都OK既，老公覺好味，我覺得係佢太肚餓，哈哈！不過咁耐無食過呢D特別野，我覺得都值得既。  之後隔離有個home fries我地又排隊去買，雖然吾係特別好味，但個賣相幾特別，會吸引到人去排隊架！ 去完食野就同大小姐放電，不過而家佢控制到上落，所以我地而家都無咁緊張，加上地上有D foam, 所以我地更加吾怕啦，佢地跌跌下就大啦！ 玩到累哂既時候，大小姐一上車就訓左lu.....不過好慘既係，因為出面無廁所，所以佢一返到屋企包diaper重到漏哂，地下都濕哂，佢又可能驚同吾開心所以係咁喊，好慘呀！！！！ Hannah， 媽媽下次會記得你要去廁所架啦！

最搞笑既係，今朝落去99問我老公點解吾同佢慶祝母親節.....真係O左咀呀！ 上年既母親節，我地本來一齊去慶祝，佢就ee哦哦，咁我地就自己三個人慶祝囉，今年都費事問佢，佢就......佢地真係好煩呀！

一大早就踢波波....女呀女，可吾可以斯文D？

天氣真係一流呀，夏天i miss you!

我地食既ramen burger....USD＄9，吾算平！

仲有home fries......USD$6

 媽媽，母親節快樂！

 放完電既結果.....

妹妹濕疹

妹妹濕疹好似因為天氣暖左而變得好左，以前見到佢真係怕左佢，因為好好好恐怖，成塊面紅哂，成身lut哂皮，佢又成日痕，可能咁以前訓得吾係咁好，見到佢咁既樣，我個陣真係好心痛，有時都會查類固醇既藥膏，但近排都無查而妹妹都OK，所以我真係勁開心呀！ 希望佢會keep住係咁，做個靚靚妹妹啦！(雖然都仲有小小紅，但已經比之前好百倍啦！)

係小朋友面前真係吾好亂講野，我平時稱呼老公做老公，好多時叫佢呀都大大聲咁，而家老公陪佢訓時，臨訓前Hannah 就叫佢老公，食飯時又叫老公......真係吹脹！ 我諗我呢個大婆都係無地位，隨時比人降呢做小三，呢個小三真係好利害，電到爸爸都無時間陪我，哈哈哈哈哈！
 
呢排大小姐群得cousin姐姐多，成日都唱住let it go....let it go....哈哈，我開頭都吾知係咩歌，但老公話我知係frozen入面首歌（註：我邊有時間睇呢D戲呀！）佢地真係學野好快手，唱下歌就記得，吾知佢會吾會記得我地叫佢吾好做既野呢？？ 

固體食物 @ 5 months

妹妹已經5個月大啦，即係係時候可以食solid..其實食solid先係最煩個個stage, 因為又要特登煮少少比佢地食，又要整蓉，跟住出街又麻煩，不過總括來講小朋友都係煩架啦，哈哈！ 第一次食時妹妹真係吾多中意，個樣苦哂口咁，哈哈，好鬼搞笑，但其實我都吾知佢係吾係食度，因為佢成日都必哂出來，算啦，佢肯開口係成功既一半，我要求什低，嘩哈哈（緊係啦，大小姐食野煩到痺，餵佢好似打仗咁！） Anyway, 希望妹妹大個食野會好D啦，千萬吾好做第二個Hannah!

 而家呢隻豬超活躍，走來走去我都怕呀！

題外話，樓下個女既返左HK玩，留低兩個仔女，本來樓下個男既請假湊佢地，我以為佢今個星期返工，因為佢叫62湊個女返學放學，其實我本來可以吾駛get involved， 但62出去湊B時，99就煮吾到飯，咁就影響到我地，而其實我去接都吾係好遠，所以呢兩日都由我去接佢地個女。 不過當我以為個男既係因為返工而接吾到既時候，原來佢係同朋友去左玩，我聽到後真係晴天霹靂，即時想小一聲，我地成家人，就係因為你兩個大人成日掛住去玩的自私行為而要照顧兩個小朋友，有無諗過人地架？ 呢D父母點解成日可以掉低自己既小朋友不理？ 人地favor佢就係應該既，我地要佢favor時就真係。。。。。。好PK！！！！！！！！！！！

開心週末

上個星期六約左幾個朋友仔去飲茶，早上天氣十分好，仲諗住好似夏天咁咁暖，可以穿短袖衫。去到飲茶時其實都食吾到咁多野，因為湊住兩件真係好煩架！ 大小姐去到又話要peepee,真係幾高難度。開頭買左個出街用既potty seat, 佢又吾肯坐，之後又摸來摸去，我都驚左佢，所以都係要用片片，我知咁樣好難train，但一出街要廁所真係我都怕怕，唯有叫佢忍下or我要抱佢去痾，呀！！！！！！！ 

Anyway, 之後我地去左park到行陣，嘩，一日天氣變化幾大。早上仲好似summer時，下午已經有黑雲落雨，本來去park想同D小朋友玩下，點知又咁鬼凍，掃興！ 不過朋友有隻狗狗來，Hannah都不知幾中意，哈哈，可惜既係，媽媽怕dogdog,所以Hannah無緣同dogdog玩啦，哈哈！ 呢班朋友，都係大部份係blog到識既，好開心識到佢地呀，自己本身朋友吾多，無小朋友個D又吾明白我，有小朋友個D又話自己忙，唉，咁算啦，不如我搵D有小朋友既媽媽而我地又岩傾既無咁嬲啦！ 其實雖然之前大家都未見過面，但係blog上識既真係好似傾左好耐既朋友咁，講真，真係仲熟過自己識左幾十年既朋友呀！ 香港既blog友，希望大家keep住呢個relationship, 到時我返HK玩我地都要聚聚呀！

岩岩係車度訓醒，個樣cool到..............

 三個小朋友坐定定影相，好勁呀！ 本來想happy face, 點知.......fail版，哈哈

係咁追住dogdog玩...

星期日晚有4load既laundry要摺，所以叫兩個魔怪幫手，哈哈，不過當然...係幫手睹亂啦，嘻嘻

單打怪獸

從來無諗過做FTM會做得咁辛苦，星期六因為爸爸要出去整車，留低我同兩個女係屋企決鬥，真係從未如此辛苦過。 可能因為老公吾多舒服，成日係我耳邊講呢樣個樣，真係好煩，二來妹妹已經再吾係一舊飯，識得有要求，要抱抱，要見人，吾見人就喊，唉....大佬，真係吾知顧得邊個。 最煩係佢食奶已經好樣衰，慢不在話下，又要嚎哭一輪先肯食，小姐，你係肚餓定點架？ 完全吾知佢想點！ 以前妹妹都會訓多一陣，而家....total都可能訓得3-4個鐘，想做多少少野都難呀！ 加上星期六又要煮飯，亞妹又成日嘔奶，老公就話係咪我D奶問題搞到佢咁，我個刻都有D火，因為已經好Q忙，點解成日都要話係我D奶搞到個女咁？有濕疹又賴我，我要堅持餵到人奶已經好難架啦，吾好咁多意見啦，妖！ 跟住到星期日其實已經好拿累，跟住個女又吾clean up, 細既又喊要訓覺，我真係火都來了.....對住Hannah叫佢執哂D野先比玩，雖然佢都係吾聽，仲要即係走去爸爸度，但係我真係好火....成間屋整到亂七八糟，氣死了！ 細0個個又吾自己訓，我只可以忍心比佢喊一輪先，無計，我得兩隻手做吾到4樣野......唉！！！！ 之後，我同老公講，我真係好辛苦，覺得勞心勞力....好難過，個女又吾聽話，原來做FTM真係咁辛苦，我真係寧願返工了。單打兩隻怪獸我真係有心無力，以前weekend既來臨真係覺得爽，而家.....好可怕呀！！！！！！！！！！

買左架新stroller比佢兩個，佢地兩個可以對望，好搞笑，哈哈！

第一次食糊仔.....好明顯覺得吾好味啦，哈哈 

長週末之旅

呢幾排都忙到抽筋呀，公司上又因為有野要due, 而屋企...吾駛講都知係為兩個小朋友而忙啦！ 有時係屋企爸爸話幫手，不過又要等佢搞完D野先，咁不如吾好offer啦，慢吞吞食雲吞，我地呢D日日同時間死過，邊有咁得閒等陣！！ 所以我都放棄左佢，自己拿拿臨做埋去。 

講番上星期，因為係easter, 所以office 放左一日假，我同老公就kids free休息左一日（因為樓下要返工，所以我地順便湊埋我D女落去）。 休息真係好重要，不過時間都過得好快，難得既假期就咁無左lu....星期六同兩個女去bunny chase, 其實佢仲細，所以都吾知發生咩事，但佢有機會去下郊外都好呀。 個日個度有D馬馬，羊羊等之類動物，佢去餵馬馬時見到佢條脷lam...佢就即刻縮手，膽小鬼（註：其實媽媽咪一樣，哈哈哈），跟住就係咁執起D玉米扔入籠入面，當係餵飽佢地，哈哈哈！ 個日係亞媽走左之後第一次同兩個女出街，雖然無我想像中咁難，但都已經要用好多精力去睇實佢地呀！ 妹妹好彩地食完就訓了，同埋吾需要抱住，不過Hannah就........ 其實最煩係，佢而家開始介片，所以出親街都吾知點樣同佢去peepee, 你知啦，廁所已經污糟，佢地緊係吾會企定定，摸來摸去真係搞到我暈，未買出街用既potty, 唯有用手揪住佢啦，真係高難度動作，真係想佢自己痾係片片度算啦，唉！ 加上，郊外既bathroom.....真係連我都吾敢痾，亞女只可以忍，忍到忍吾到就用片片，難為了佢呀！ 而另一樣介片煩係，夜晚訓覺時佢地就會起身痾夜peepee, 唉，咪又係會嘈醒我地D大人囉，原來咁早介片都吾係咁爽咋！！！！！

星期日我地同左兩姐妹去玩木馬，其實都幾吾抵，轉一次一分鐘左右，就要成US＄2，真係搵笨，但同Hannah去，又無理由吾同佢玩je......個日以為天朗氣清，原來係握人架，大風到暈，就係咁我個女又病了，慘慘！！！

復活節既主角---兔兔 

得個望字，膽小如鼠（明明係條龍來wor...)

係咪以為好溫暖？？？其實凍到亞媽都吾識得！

搵笨既兩蚊 

 雖然好凍，但我都好中意出街街呀媽媽

忙忙忙

呢幾日都比較上忙，工作上同屋企上都係，而家日日返到屋企都好似打仗咁，時間就係金錢，如果想休息就拿拿臨搞掂D女，不過邊有咁容易過！唉..... 而家五點準時收工，返到屋企六點左右，沖涼洗頭洗奶樽，6點45分落去食飯，因為妹妹餐奶大約係7點至8點，所以我食飯好趕，要拿拿臨食完就餵佢，跟住搞完哂就7點幾8點，返到屋企老公陪女我就洗埋其餘既奶樽，之後幫大女沖涼，如果妹妹吾嘈就一齊坐低讀陣書，如果嘈既就幫佢沖涼老公睇Hannah, 跟住9點多就食奶，而妹妹就大約10點食完最後餐奶，我就功成身退。 一諗起咁多野做，真係怕怕了，但如果自己吾做又點會有人幫手呢？ 所以.....我既工作係未完架，因為仲係餵人奶關係，佢地訓哂（即係差不多10點幾）我就泵奶，多數泵20分鐘左右，之後on a good day就執埋第二日要拎落99度既奶，個度又已經成10分鐘，又要執定第二朝起身泵奶既parts....所以我通常到11點先可以坐低休息10分鐘，而個D時間就超肚餓，因為食dinner食得咁快，而又做咁多野....到11點30分就準時入睡，我諗就算BB喊我都未必聽到，因為實在太累了.......聽到呢度，我都覺得自己好勁，不過其實最重要係有人合作，同埋time management好重要呀！ 

而家吾知係咪bend down得多幫佢地沖涼，有時腰骨都痛了，慘慘！ 

雖然好似好辛苦，但當你慣左呢種生活就吾覺得大不了，而且，到妹妹大個D吾駛我餵奶既時候，我相信我又會好懷念呢種日子了。  以前有段時間又係，又讀書又做野又搞wedding, 個種生活好繁忙呀，日日都好似好多野做咁，但到過左之後，又覺得好empty, 好似無左種寄託，人...真係賤，哈哈哈！ 

呢兩日妹妹係99度都OK吧，而咁岩係easter holiday, 所以cousin 姐姐又係屋企，而另一個小朋友又來，所以有5個小朋友係99度呀，當然有我62係度幫下手啦，如果吾係...真係湊C了。  妹妹一定好中意有咁多人陪，佢都好開心，無咩大問題，所以我想hannah可以留到一年一月先返學，當係同妹妹一齊成長呀！ 

兩個女仔係度整緊野，好似係手謰之類....如果cousin姐姐D脾氣好D，我相信我會放心佢同Hannah玩

坐到咁定既？？？？ 吾駛問，一定係睇緊電視啦，哈哈

沒有媽媽幫手的日子 - day 1

快樂既時刻過得特別快，又係時候講byebye, 就咁我亞媽就離開美國返了香港了。 雖然不捨但奈何大家都係吾同既國家住，可以點？ 有時吾明白點解我會自己一個人留係美國，而佢地就係香港，剛剛過來時話明係移民，點知搞搞下得番自己一個係度....... Anyway, 要走既都要走，我自己又要努力湊好兩個女。 其實我老公都幫到好大忙，好似星期六咁，本來同完Hannah出去飲茶，之後打算一家大細出去，但又吾知去邊好，我媽就想去睇BB衫，之後我老公就決定佢自己同兩個女留係屋企，我同亞媽就出街買野，嘩，我真係好驚喜呀，不過有個咁so既offer我又點會吾accept, 即刻拿拿臨出去啦，哈哈，而咁都證明其實佢吾係吾得，係懶啫..我返到屋企時，雖然係有D凌亂，但個女係咁拎D玩具出來玩都無計呀，問佢湊成點，佢話easy job,哈哈，呢D人....咁我下次就要努力出街啦，哈哈哈哈哈！ 

以下就係兩個女同老公一齊時影架啦，哈哈哈！

婆婆走啦，我就食手指過日晨

我愛盪千秋

新椅

買左張新椅比妹妹坐，姐姐就話，Hannah坐坐食mum mum...哈哈，比佢笑死我！ 佢真係好幫得手.....倒亂就有！

睇佢坐得幾開心！

作戰心情

終於都4月啦，即係仲有兩個星期左右我媽就會離開美國，其實我心情都無咩既，係就係忙D，但我都有少少習慣了。 呢幾日因為亞媽病左，吾舒服，所以晚上既所有野都係我做。 其實話多吾多，話少吾少，不過要做既都要做既。好似星期日後咁，食完飯後，佢就同Hannah沖涼，我就洗碗清潔，Emma就睇住我做野，搞掂哂之後就同Hannah睇陣書，佢食奶我就同妹妹沖涼，妹妹沖完涼我就餵佢食枝奶覺覺豬，不過吾係你話咁容易，佢食奶食成30分鐘，又要掃風，呢個process可以搞好耐，所以放佢上床時已經成10點30分，到之後我就要洗奶樽清理現場沖涼洗頭吹頭，全程用左30分鐘左右，11點左右泵奶，不過好吾開心，近排可能忙左又無咁多時間休息，所以泵少左，雖然都仲有，但始終想餵到6個月，仲有兩個月，希望可以堅持到啦！ 不得不讚既係，老公可以係咁忙碌既schedule下，依然squeeze到時間去打機，我無理佢啦，as long as佢做到我要佢做既野，佢吾休息我都吾care呀，哈哈哈！ 好似琴日咁，Emma 食完又痾左，搞到我D時間又少左，因為整污糟左件衫，又要換又要清潔，真係好忙碌！ 不過到我停下時我居然覺得呢種生活好充實，日日都係一個新挑戰，勁！ 雖然可能家中好多野都會得過且過，但我都堅持晚晚做完所有野先訓，希望兩個乖女可以生性，訓個靚覺啦！ 

奉上愛女既兩張相！佢望住塊鏡係度自言自語，哈哈，好得意！

Emma BB：咦，你個樣咁似我既，你係邊個呀？ 

生日會

星期六去左個小朋友party,好開心呀！本來真係無打算去，因為我同Hannah都病病，但老公居然比我地去，我真係有D surprise, 因為估都估吾到佢咁順攤，難得難得！個朝既一早，老公起身居然無訓番，同左Hannah出去飲茶，我又難得toddler free 既早上enjoy一下，都幾爽！ 雖然都有亞妹係身邊，但佢都係陪下玩下食下奶，起碼我吾需要時時刻刻望住佢。  

下午去到朋友party, 吾係好多小朋友，但都有D哥哥姐姐同Hannah玩玩，好搞笑，Hannah見到個mickey mouse balloon公仔想要，個姐姐就係咁話係佢，搶走左，到姐姐走開左，佢就拉住個公仔走人，哈哈，最終....我地都拎左返屋企擺，比亞妹玩下，哈哈！ 雖然佢去到都係要爸爸抱抱，但都算係出過下街，玩過一輪啦，佢吾算好乖，不過又難為爸爸要陪佢，而我就同D c9朋友傾下食下，哈哈！ 到影合照時，真係好難坐定，咁岩佢又食緊舊哈密瓜，真係醜態百出呀，哈哈哈！ （不過我有時都中意見佢醜態百出既一面，咁先咁真呀！） 其實本身覺得姐姐幾靚，但係佢好公主呀，係咁搶人野玩，可能佢仲細吧（三歲左右），未明白點樣share, 但好彩Hannah都無嬲，仲好順德人tim......叻叻！ 

祝兩個小朋友生日快樂，健康聽話！ 

Emma話驚驚呀，咁大隻老鼠......

 同壽星仔女影相，不過Hannah一出招搶哂鏡，哈哈

抱恙在身既我勁累，不過見到個女開心我都好開心！