Storybook land

我地上星期六去左一個叫做storybook land既amusement park玩，當然啦，而家既所有假期地方都係同小朋友去，呢個就係一個大型D既park比小朋友去。  我地一早就開車去，不過遇著塞車，去到都差不多一點啦，食下野玩下休息下其實咁就成日，跟住返去又要兩個鐘，講真，都幾辛苦。  吾駛我揸車都已經覺辛苦，更何況要揸車個位，辛苦哂爸爸。  我自問都吾係中意玩機動遊戲個D人，岩岩去到個陣，同左佢地去玩個小飛象，我已經暈左一陣，至憎就係轉轉轉個D，佢地就覺得好好玩，而我玩完一輪頭暈暈了。 之後坐下火車仔，餵下羊羊，玩下teacup, 坐得最耐既都算係摩天輪，我同hannah走左兩轉，其實我係有畏高架，架野一上去個陣個心都離哂，雖然已經吾係好高，但都已經夠我驚左一餐啦，我個女就當然好開心啦，仲係咁郁來郁去，又同爸爸係下面揮手，我.....除左捉實張椅同分散下自己，其他既我已經一片空白了。 對我地來講，真係有D貼錢買難受，我地決定下次都係吾去呢D地方，反正我地都吾玩，都吾敢同小朋友去玩，同埋入場費都吾平，下次都係去番屋企附近個間，吾駛入場費，只係pay per ride, 都好過個個人都要入場費啦。 

其實夏天都快完結，真係要盡力提供多D活動比佢地。 本來我地決定labor day去玩，但最後都係吾想哂錢同揸咁耐車，就決定我地去附近既park, zoo玩下算，反正都未去過。 雖然好似又少左個機會去玩，但我地個個星期都去玩，人都已經好攰，有時候休息下都OK既。  

PS: 不得不讚嘆做父母係幾咁偉大, 我朋友好勁，佢兩個小朋友想坐過山車，來來回回已經坐左10次，比著我.....已經嘔左10次... 

隻羊羊好慘，比人困左係上面，我地要係下面放D野食係個筒度之後拉條繩先去到佢口中，陰功！

三條queen, 哈哈哈

其實D野都已經有D舊，所以都係無下次

玩到我腳軟既摩天輪，估吾到自己咁無用

呢個小朋友就覺得好好玩，好新奇

呢排成日咩袋出街，話要似我wor....哈哈

同朋友既小朋友一齊影相，佢地兩個小朋友都食好多野，但好瘦，我兩個女吾食野架，但都好似肥嘟嘟，女仔，都係瘦D好。

Emma BB @ 21 months

第二個小朋友，真係需要照顧都少D，咁吾等於吾錫佢既。 妹妹真係一個好豪邁既小朋友，佢好知道自己要D咩，吾似佢家姐，成日ee哦哦吾知自己想點咁（umm...我認我有時都係咁，而家姐好明顯遺傳左我） 同亞妹玩，真係好開心，佢成日笑口常開，真係氹到個都好開心，佢見到隔離鄰居，都會揮手say hi，好鬼親善架。 家姐係一個吾友善，吾笑，好cool又成日喊既BB，所以相對地，亞妹真係得人中意D。  21個月既佢，已經開始potty train, 雖然吾係好識講，但係我地湊佢去廁所，佢都會痾到，聽到D pee pee聲，都好開心咁表達話睇下我幾叻，哈哈，係，我都好proud of you呀。 

講野方面，已經識得唱哂成首abc 歌，而我地唱其他歌，佢都好投入，同埋會學唱歌，好學既小朋友好charming呀。

食野就自己食多，中意自己食雞脾排骨，吾中意食飯，哈哈，不過佢肯食野已經感恩，仲可以點。 不過至慘係，比62教壞，成日都要睇電視，因為佢係開住電視餵飯，我至憎，叫佢吾好，又吾聽，比人湊又可以點，是但。 不過我係屋企，極少開電視佢食飯，佢又吾係食吾到，都吾明點解。  

而家訓覺，c都要拖住我手訓，比佢激C...希望呢個stage可以快D過，自己兩個一間房啦。 

唯一一樣野吾好就係成日打人，十足技安一樣，希望大D佢會明白打人係吾岩啦！ 我地成日覺得佢好獨立，大個係會去做D skydiving, marathon個類既人，其實都無所謂，至重要佢知道自己條路點行，同埋健康快樂就OK呀。 

weekend訓醒覺有popcorn食，兩個即刻醒哂，不停食，哈哈，零食，點都係小朋友至愛 

有街去就吾願返屋企，又係另一樣野比62縱壞

 weekend 見天氣好，去左dumbo玩，呢幅牆影相靚呀，叫Hannah去影相，佢又扮哂野話吾影，嘻嘻，最後咪又同我一齊影。

玩沙記

講完D吾係咁開心既事，等我講番兩姐妹先啦，睇小朋友野，應該開心D既。 

上個weekend我地同佢地去左附近既dumbo去玩沙，本來其實應該去沙灘既，但因為天氣已經開始吾暖，去到沙灘就更加涼啦，所以我地就決定係陸內玩下算。 dumbo個度除左有沙玩之外，更加有個小型玩水地方，吾係好似pool咁，係一個有水會彈上來咁樣，令小朋友玩得開心D，嘻嘻。  不過我地吾去玩水啦，轉戰玩沙。 Hannah咁大個就咩都玩，反而係emma平時ya聞ya舞，居然放佢係沙上面吾敢行，仲要係咁狂no no no no no...哈哈，好搞笑，平時既佢係蝦蝦霸霸，點知去到個度聲都吾敢出，仲吾搵到D野治你，嘩哈哈哈哈！呢個媽媽好變態呢，哈哈！ 雖然吾係玩左好耐，但同佢地出去玩下食下都好開心既。 佢地兩個日漸長大，見到佢地一齊玩都好開心呀。 望佢地兩姐妹相親相愛，吾好成日打交就好啦。 

完全吾敢掂D沙，只係敢坐係傍飲水

Hannah姐就自己同自己玩，哈哈

呢間屋仔無沙，所以敢行入去啦，當然，都要著對鞋先啦

兩姐妹開心咁玩，媽媽就安慰啦

其實我覺得妹妹好得意呀，D人話佢靚，隻眼好大，但佢好似鼻呀，口呀，所有野都好大，好似西方人咁呀.....醜樣豬就有一隻！

感觸

吾知係咪人大左，覺得時間過得真係好快好快，吾經吾覺，已經係呢個office留左10年既腳毛，有喜都有悲，相識左我老細同同事都有10個年頭，真係感情得來不易。 我同我同事老細既關係就好似一家人一樣，況且我無屋企人係呢邊，所以感覺上，佢地就似我屋企人咁。呢10年，經歷過好多，我結婚生小朋友都係係呢10年之內，不過都試過痛失屋企人既感覺，而同事都有類似既經歷。  珍惜眼前人係好認同，我老細個媽媽，年紀都吾細（88歲），因為跌親，要入院做手術，而令佢中風，而家變左植物人，其實明白佢年紀問題，都離離開人世不遠，但突然間咁真係令人傷心，但明白對老人家來講，應該係一個解脫，只願佢可以舒服地離開，而我老細都可以忘記痛失家人。  

點解咁感觸？  因為本身老人家住係FL，自己兩個仔都係NY， 所以如果有咩事，真係無人知, 而我自己就諗，我自己係NY， 如果我屋企人係香港有咩事，我可以點做呢？ 雖然話就話兩老吾算得上係大年紀，一切都暫時正常，但病痛呢家野真係好難講，而佢地都吾會話去check up呢樣個樣，唉，搞到我都好吾開心， 我係覺得，咁耐以來，除左幾年前返過去探佢地，其他時間，我都要佢地travel咁遠來探我，我覺得自己好無用，眼見好多朋友都會返去探屋企人，而我就因為有小朋友吾方便呀，所以吾返，唉，我好不孝呢！ 佢地明白既，但到老左，我都吾知點算，或者我諗得太多吧。  好彩香港都有個家姐去照顧佢地，點都好過無人無物卦。  

點都好，人生就係咁，作為父母，應該會明白子女既難處，我希望到我老左，我兩個女會陪下我，一齊食下飯，吾好離我咁遠就好啦。 

BBQ 日

週年過後，我地緊要補償番比兩個女啦。我地本身已經約左朋友星期日來我度BBQ加玩水，好衰吾衰 hannah開始流鼻，而emma當然走避不及啦，所以都開始病，好彩未算得上好嚴重，所以朋友們都照舊來玩。 搞一個BBQ真係吾易，又要買又要整又要setup又要煮，好彩朋友們都有幫手，不過老公就辛苦D係烈日當空下煮野，辛苦哂。  當日天氣好好呀，我地早上放水，隔左一陣D水已經暖，佢地可以玩水我地又可以安安樂樂食下野傾下計，至重要係 emma訓左兩個鐘，我就可以休息兩個鐘，爽到無朋友呀，哈哈哈。  夏天好快就過啦，時間過得好快， 希望係今年既夏天再玩盡去，再同朋友仔一齊玩啦！

題外話，我地個日叫我d friends來玩， 佢細佬又無拿拿話佢都或者join一陣，又無份夾錢又無份幫手，哼， 跟住佢個女又想玩水，佢7 歲大啦，佢係咁跳落個泳池度，完全無諗過有其他小朋友係入面，有個好似emma咁既 age,  比你咁撞都跌入水啦，痴線， 跟住佢細佬又無拿拿攞條水喉射佢地，喂，大佬，你個女就話唔怕凍je,  我有其他friend係到架，可唔可以consider下其實細個既小朋友？ 係諗自己，自私，哼！

9 月份係summer既最後一個長假啦， 未計劃好，都唔知點算。  其實呢邊真係好悶，唔似得hk有咁多唔同活動，就算去旅行(日本呀，韓國呀) 都方便到暈。  希望快d諗到有咩好做啦，唔想白白浪費左呢一個長假。

emma妹妹而家最愛走來走去，跌到損手爛腳啦，不過依舊咁開心

近排成日都學D大既打筋斗，真係睇見都牙煙

呢位妹妹同emma差不多大，但一D都吾怕凍，好勇敢！

三個toddlers就一齊玩水，不過都係自己玩自己多，哈哈

好難得可以一齊玩，呢幾日已經feel到涼左，真係吾想夏天咁快走呀，嗚嗚

5 週年

不經不覺，原來已經來到結婚既第5個年頭，用時間飛逝就至岩不過。 年年既今日，總覺得天氣特別好，或者係心情關係吧，哈哈。  因為5年了，所以今年我地兩個都請左日假，決定來一日二人世界。 大家都明白有左小朋友之後，要有二人世界係難上加難，加上我無亞媽係呢邊，又無工人可幫手，要weekend得兩個人，真係難過登天。 不過咁，我吾係吾想陪佢地，但結婚週年點都要過得特別小小，嘻嘻。 我地個日如常一早就起身，搞掂兩位小姐後，我地就起程去NJ食過早餐，跟住行outlet。本來一開始係打算去city, 但又無位泊車，又多人，又要搭subway出去，所以都係揸車去NJ穩陣D。 因為今次係anniversary, 所以係outlet買野全部都係入老公數，真係諗起就開心，哈哈。 不過我都錫住老公荷包既，吾係真係幫佢亂fing錢。  咁個日我自己就買左兩個手袋加幾件衫同裙，幾錢吾講啦，至重要開心！ 之後我地就出發去沙灘，其實我地今年都未去過，始終都吾係真係咁暖，同埋weekend真係超多人，好怕同人迫，不過我地星期五去，人都吾少，但都吾會話要同人迫既。 天氣咁好，去下沙灘曬下日光浴，同老公一齊，點都開心既，嘻嘻。 我地就好悠閒過左一個下午，望下海睇下人玩坐下休息下，真係夢寐以求呀，哈哈！ 而我地一早同99講話吾返屋企食飯，我地就撐一個枱腳(難得),  去左食一個seafood dinner,  開頭個d raw bar都好味，我叫左個seabass,  老公叫左個lobster,  我個seabass..食完好似無食咁，小得可憐，而老公個angry lobster,  佢話似唐人個d炒雙龍，哈哈， 真係唔識食呀，隻2lbs龍蝦仲要成$60, 佢真係想喊咁款， 哈哈。 不過算啦，難得去食野，就唔好理咁多， 都係至在可以無魔怪煩住既感覺，哈哈。 不過其實中途我都有d掛住佢地，可能已經慣左呢個schedule了。  5年時間，真係好快，結婚個日既細節我都仲記得，雖然有陣時都會比老公激到責責跳， 但一齊耐左就好似親人一樣，哭笑都得。  感謝主比我有一個咁快樂既家， 而我地係第一年結婚時已經有個10 年之約，就係2020 年去maldives,  希望5 年後會夢想成真啦！

 都話好好天，去沙灘一流

D raw bar 好新鮮呀，搞到我想再食過。

我老公形容為美板炒雙龍，哈哈，睇落又幾似

我呢個真係食多幾碟都唔飽，我自己煎仲好味得多。