Happy Hannah

4個月大既小朋友真係好好玩，我家乖女同佢玩下就笑到好開心，哈哈哈！ 亞B， 媽媽錫哂你！

Happy Hannah

4個月大既小朋友真係好好玩，我家乖女同佢玩下就笑到好開心，哈哈哈！ 亞B， 媽媽錫哂你！

Hannah第一次

琴日係我表哥既婚禮， 都係Hannah第一次去咁隆重既場合，雖然對佢來說都係一樣，但我地（大人）真係要好小心呀！又怕佢喊，又怕佢驚，又怕帶少左野，等等等.....不過好可惜係我表哥擺酒個度吾比我帶BB，所以我地只係去左觀禮咋。 因為間church係bronx, 由我屋企揸車去要成個鐘頭，加埋有少少塞車，所以成1.5鐘頭先到，不過好彩Hannah係車上差不多訓左成程，我又樂得清閒，哈哈！我地去到既時候仲未開始，不過Hannah見到咁多人又有D驚，開始扁咀，哎呀，佢個扁咀樣真係好可憐，扁咀之餘眼紅紅鼻紅紅，真係好似我地蝦佢咁。如有機會一定要分享比大家佢個扁咀樣，咁大家就知咩係我見猶憐！  不過好彩行禮時Hannah都係fussy左一陣就訓著，你知啦，人地行禮好嚴肅，突然BB喊真係好embarrassing架！ 亞B，你已經好叻啦！

你地睇下媽媽扮得我幾靚靚，嘻嘻嘻！

Hannah第一次

琴日係我表哥既婚禮， 都係Hannah第一次去咁隆重既場合，雖然對佢來說都係一樣，但我地（大人）真係要好小心呀！又怕佢喊，又怕佢驚，又怕帶少左野，等等等.....不過好可惜係我表哥擺酒個度吾比我帶BB，所以我地只係去左觀禮咋。 因為間church係bronx, 由我屋企揸車去要成個鐘頭，加埋有少少塞車，所以成1.5鐘頭先到，不過好彩Hannah係車上差不多訓左成程，我又樂得清閒，哈哈！我地去到既時候仲未開始，不過Hannah見到咁多人又有D驚，開始扁咀，哎呀，佢個扁咀樣真係好可憐，扁咀之餘眼紅紅鼻紅紅，真係好似我地蝦佢咁。如有機會一定要分享比大家佢個扁咀樣，咁大家就知咩係我見猶憐！  不過好彩行禮時Hannah都係fussy左一陣就訓著，你知啦，人地行禮好嚴肅，突然BB喊真係好embarrassing架！ 亞B，你已經好叻啦！

你地睇下媽媽扮得我幾靚靚，嘻嘻嘻！

Jumperoo VS walker

隨住乖女既長大，發覺佢已經吾太中意坐bouncer, 中意行路，究竟應吾應該比佢玩walker呢？佢而家仲未識轉身，不過我相信過多一個月到佢就會學識！

聽朋友講jumperoo幾好，但我又吾知呀，好處係可以定係一個地方玩，吾好處係無得比佢周圍行，可能好悶。 有無人有意見呀？ 如果係walker, 屋企已經有，不過D人又話walker會令BB遲D識行，係咪呢？

Jumperoo VS walker

隨住乖女既長大，發覺佢已經吾太中意坐bouncer, 中意行路，究竟應吾應該比佢玩walker呢？佢而家仲未識轉身，不過我相信過多一個月到佢就會學識！

聽朋友講jumperoo幾好，但我又吾知呀，好處係可以定係一個地方玩，吾好處係無得比佢周圍行，可能好悶。 有無人有意見呀？ 如果係walker, 屋企已經有，不過D人又話walker會令BB遲D識行，係咪呢？

Chok 樣

大家覺得我chok吾chok呀？嘻嘻嘻

Chok 樣

大家覺得我chok吾chok呀？嘻嘻嘻

科技先進

每日最期待既時間除左放工之外，就係lunch時間同個女video chat一陣，雖然吾可以係隔離照顧佢，但可以遠距離見到佢，傾陣計都已經好滿足，多謝而家既科技，真係令人可以縮短距離。 而自從有左呢個科技之後，同香港既親人都多左溝通，雖然都係講D無聊野，但起碼好過以前連傾都無傾，最大既好消息係，我就快做人亞姨啦！所以更加同家姐多左話題，哈哈，估不到佢都會要BB，因為結左婚成8年，仲以為無考慮過。 不過，傾開先知，原來香港好多人都會選擇開刀生產，怕痛既家姐當然吾例外，但佢又想過黎生，不過呢邊既醫生未必會幫你開刀，除非有必要啦！ 不過我覺得我家姐都幾粗心大意，早排肚痛，吾知咩事，大家都擔心，傾傾下先話我知佢食左雪糕，真係......佢而家先係頭3個月，樣樣事都應該小心D，食雪糕呢D咁生冷既食物又點可以食，佢又話醫生都無話吾比食，超！ 硬係多野反駁！



睇下我地兩個幾興奮同開心，嘻嘻嘻！ 
乖女，媽媽掛住你 

科技先進

每日最期待既時間除左放工之外，就係lunch時間同個女video chat一陣，雖然吾可以係隔離照顧佢，但可以遠距離見到佢，傾陣計都已經好滿足，多謝而家既科技，真係令人可以縮短距離。 而自從有左呢個科技之後，同香港既親人都多左溝通，雖然都係講D無聊野，但起碼好過以前連傾都無傾，最大既好消息係，我就快做人亞姨啦！所以更加同家姐多左話題，哈哈，估不到佢都會要BB，因為結左婚成8年，仲以為無考慮過。 不過，傾開先知，原來香港好多人都會選擇開刀生產，怕痛既家姐當然吾例外，但佢又想過黎生，不過呢邊既醫生未必會幫你開刀，除非有必要啦！ 不過我覺得我家姐都幾粗心大意，早排肚痛，吾知咩事，大家都擔心，傾傾下先話我知佢食左雪糕，真係......佢而家先係頭3個月，樣樣事都應該小心D，食雪糕呢D咁生冷既食物又點可以食，佢又話醫生都無話吾比食，超！ 硬係多野反駁！



睇下我地兩個幾興奮同開心，嘻嘻嘻！ 
乖女，媽媽掛住你 

tummy time

由細到大，hannah都好中意扒係度，以前好難訓時我扒佢訓佢就訓得好長，
而家3個多月既佢，扒係度放佢係床時， 佢就會好努力抬起頭，直到累就放棄，又中意想爬下爬下， 而家最中意坐同企，有時用揹帶出街，佢隻腳就會係咁踢我，踢到自己累訓左，真係比佢踢到痛呀！  有時又好想轉身，不過依然係上身轉到，個pat pat仲痴係張床，哈哈，好得意！睇住佢一日一日大，真係感到安慰，雖然我吾可以講得上係一個十分稱職既媽媽，但都樣樣為你著想，大個時，我都吾望你成日痴住我，但希望都會返屋企同我食下飯，得閒打電話問候下，我已經心滿意足啦！

tummy time

由細到大，hannah都好中意扒係度，以前好難訓時我扒佢訓佢就訓得好長，
而家3個多月既佢，扒係度放佢係床時， 佢就會好努力抬起頭，直到累就放棄，又中意想爬下爬下， 而家最中意坐同企，有時用揹帶出街，佢隻腳就會係咁踢我，踢到自己累訓左，真係比佢踢到痛呀！  有時又好想轉身，不過依然係上身轉到，個pat pat仲痴係張床，哈哈，好得意！睇住佢一日一日大，真係感到安慰，雖然我吾可以講得上係一個十分稱職既媽媽，但都樣樣為你著想，大個時，我都吾望你成日痴住我，但希望都會返屋企同我食下飯，得閒打電話問候下，我已經心滿意足啦！

人奶媽媽

其實一開始既時候，係真係想餵全人奶，不過係醫院時，真係好鬼累，又痛，好想休息一下，所以第一晚係醫院時，比左亞B去nursing station, 而我就休息。第二日既時候，我就同姑娘講我想BB夜晚同我留係房，我就係第一次同亞B有近距離接觸。 開始時好緊張，因為第一次接觸一個好似麵粉團既野，好擔心會整親，而且又輕又好似好脆弱咁，所以一舉一動都好驚，不過頭一晚想試餵人奶，但亞B又好似因為我吾夠奶所以係咁喊，我唯有放棄，比佢食奶水，我知道餵人奶要堅持，不過無理由亞B係咁喊都吾餵佢啫，所以個陣就開始擔心自己係咪無奶呢？ 返左屋企後，都有試餵，不過都好似無進展。 D人話飲木瓜湯會谷奶，講真，真係吾多覺。  到亞B一個月後，自己可能食野又比較上多左，休息又多左，所以奶水又多番D。 到而家，經過三個多月既經驗，吾知點解BB係我nurse係食吾飽，所以我就開始泵奶。 講真，有時真係好煩，因為我而家日日要泵4次，返工前同臨訓前，返工時間要泵一次，放工第一時間又係泵，唉，好似做左個泵奶媽媽咁，有時晚上好眼訓時真係難頂，今朝打算早D起身，點知比平時仲遲，搞到一路泵一路化妝，而家仲要日日帶住個泵返工，唉！最慘都吾係返工，係出街！有時出街，都要就岩時間，如果太長時間谷奶谷得太耐，漏之餘仲會超痛，但又無可能次次出街都帶埋個泵出去，唉，超級吾方便，所以出親街都會係屋企附近，費事煩。

都係個句，做媽媽真係吾易！

人奶媽媽

其實一開始既時候，係真係想餵全人奶，不過係醫院時，真係好鬼累，又痛，好想休息一下，所以第一晚係醫院時，比左亞B去nursing station, 而我就休息。第二日既時候，我就同姑娘講我想BB夜晚同我留係房，我就係第一次同亞B有近距離接觸。 開始時好緊張，因為第一次接觸一個好似麵粉團既野，好擔心會整親，而且又輕又好似好脆弱咁，所以一舉一動都好驚，不過頭一晚想試餵人奶，但亞B又好似因為我吾夠奶所以係咁喊，我唯有放棄，比佢食奶水，我知道餵人奶要堅持，不過無理由亞B係咁喊都吾餵佢啫，所以個陣就開始擔心自己係咪無奶呢？ 返左屋企後，都有試餵，不過都好似無進展。 D人話飲木瓜湯會谷奶，講真，真係吾多覺。  到亞B一個月後，自己可能食野又比較上多左，休息又多左，所以奶水又多番D。 到而家，經過三個多月既經驗，吾知點解BB係我nurse係食吾飽，所以我就開始泵奶。 講真，有時真係好煩，因為我而家日日要泵4次，返工前同臨訓前，返工時間要泵一次，放工第一時間又係泵，唉，好似做左個泵奶媽媽咁，有時晚上好眼訓時真係難頂，今朝打算早D起身，點知比平時仲遲，搞到一路泵一路化妝，而家仲要日日帶住個泵返工，唉！最慘都吾係返工，係出街！有時出街，都要就岩時間，如果太長時間谷奶谷得太耐，漏之餘仲會超痛，但又無可能次次出街都帶埋個泵出去，唉，超級吾方便，所以出親街都會係屋企附近，費事煩。

都係個句，做媽媽真係吾易！

三個月

不知不覺已經湊左BB成3個月啦, 時間過得好快, 仲有兩星期就要返工, 真係害怕亞媽搞得掂嗎? 

昨日係HANNAH 3個月既生日, 媽媽都只係希望BB可以食得訓得同啊得, 做個開心快活人 

攝於8/22 - 3個月生日- 強勁既手臂將來保護媽媽, 哈哈 

媽媽, 我好肚餓呀!!! 

我既第一個朋友, 嘻嘻 

媽媽, 快D 抱番我啦!! 

旋風腳黎啦! 

三個月

不知不覺已經湊左BB成3個月啦, 時間過得好快, 仲有兩星期就要返工, 真係害怕亞媽搞得掂嗎? 

昨日係HANNAH 3個月既生日, 媽媽都只係希望BB可以食得訓得同啊得, 做個開心快活人 

攝於8/22 - 3個月生日- 強勁既手臂將來保護媽媽, 哈哈 

媽媽, 我好肚餓呀!!! 

我既第一個朋友, 嘻嘻 

媽媽, 快D 抱番我啦!! 

旋風腳黎啦! 

打針風雲

十月懷胎的確唔易, 到生完之後更加忙碌, 琴日同BB打完針, 返屋企無發燒,  諗住應該無問題, 但成日就扭計,  放上床又唔訓, 係都要人抱, 真係好累, 打針前仲笑笑囗, 之後就.....BB好惨呀, 但唔打又唔得,  真係打在B身, 痛在我身!  希望BB對打針嘅痛楚快D消失啦!!

自行入睡

湊B真係我嘅一個大挑戰，日日都唔同，有時都幾想快D返工，可以輕鬆下。其實而家最大問題係訓得唔好，夜晚個覺就OK，多數由十二點訓到七點，跟住餵奶再訓，至到十一點到又再食，不過之後就十分難搞，因為食完十一點餐奶，有時玩下傾下計，跟住佢會開始眼訓，但又會訓唔著，跟住就忟！唉，就算拍拍佢訓，佢又會半個鐘之內醒，跟住就好難訓番，究竟係咪要set個schedule比佢訓？點先可以令佢訓好D？有時夜晚可能太累，所以超級勁扭計！有無人可以教我點做呀？

自行入睡

湊B真係我嘅一個大挑戰，日日都唔同，有時都幾想快D返工，可以輕鬆下。其實而家最大問題係訓得唔好，夜晚個覺就OK，多數由十二點訓到七點，跟住餵奶再訓，至到十一點到又再食，不過之後就十分難搞，因為食完十一點餐奶，有時玩下傾下計，跟住佢會開始眼訓，但又會訓唔著，跟住就忟！唉，就算拍拍佢訓，佢又會半個鐘之內醒，跟住就好難訓番，究竟係咪要set個schedule比佢訓？點先可以令佢訓好D？有時夜晚可能太累，所以超級勁扭計！有無人可以教我點做呀？

意見分歧

仲有一個月到就返工嘞，真係擔心人地湊唔湊到自己個女！不過意見分歧嘅係我同老公！講真，大家都未做個父母，緊張D係正常嘅，但佢嘅思想太特別，好似尋日BB打完針，有少少燒，佢嘅理論係食完藥，沖過涷水涼就得，連被都唔駛，我咪鬧佢，有無搞錯，已經唔舒服，仲要涷水涼？不如入雪櫃訓好唔好？我又反問如果你發燒，係咪都涷水涼？又唔駛用被？佢又話唔係。咪就係囉，BB同大人都一樣，需要嘅野大致差不多，訓覺又當然要被啦！老公思想好奇怪！之後，我尋日問醫生，BB夜晚訓得長，食得少，醫生就話BB應該keep住四個鐘食一次奶，起碼大約五個月先可以訓耐D，如果唔係會影響腦部發育。我老公就即刻同我講，叫我辛苦D，凌晨三點叫醒BB食奶，我咪話辛苦唔緊要，但BB跟本唔會食，佢夜晚已經眼訓到暈，不如比佢訓多D啦，BB已經習慣左訓成晚，佢有得訓又點解要嘈醒佢呢？D人話唔夠訓都會影響腦部發育，唔通又淨訓唔食咩？其次係，BB一眼訓就忟，跟本餵都唔會食，只會浪費D奶。不過老公今朝堅持七點要我餵BB，其實多數BB都會呢D時間起身食奶，不過今朝特別D，唔肯食，好眼訓，我老公就迫佢食，又搞到BB忟！佢可以迫，但佢要返工，最後咪又係要我善後！麻煩！跟住BB又痾唔出，已經好幾曰無大便，好擔心！

食得訓得痾得係BB要做嘅野，不過我個B就相反！唉，只可以希望佢可以努力改善自己，加油呀，我個寶貝女！