掛泵了

無錯，過左一年之後，我既任務已經完成，換言之，我已經掛泵了。  其實今年要湊兩個，我都無諗過仲可以堅持到一年，我不得不比個like 自己。 一年，話短唔短，話長唔長，我知有人會 keep 住食人奶，都有人一早餵奶粉，講真，我想餵人奶係因為對個女好，而我又唔想嘥錢，同埋我唔想見到m 小姐揾我。 不過經過一年，我相信我都係時候要停，我都想有自己既life.   雖然有無泵其實都係唔夠時間用，但起碼唔駛泵時，出街方便d, 我又唔駛定時定候泵，早上夜晚可以抽多半個鐘休息，呢d 時間已經好寶貴了。  其實 99 都話我點解要餵咁耐，搞到佢瘦哂，我想講既係，佢瘦唔瘦唔係因為我d 奶，係佢自己唔吸收，你無得吹脹佢，係，我個細女唔肥，但我相信健康就ok 吧。 唔一定個bb 肥先至等於ok 吧。  係呢度好多謝有份 support 我既人， 雖然成日比人打沉話餵人奶，其實我自己要成日泵都辛苦架，所以有份 support 我既人，我真係感覺到呀！

唔知仲有無機會用個泵，但都好多謝奶泵對住我咁耐，一日3 次，一年內對住佢真係多個屋企人，哈哈哈。 佢真係陪左我呢兩年艱難日子呀！！

減奶時個陣真係勁辛苦，谷到個胸就爆，但係咁飲麥精 and 減少泵既次數就慢慢無lu...... 其實都算好彩，因為知有d 人勁難減呢！ 

希望大家好好珍惜有得泵既日子呀

Happy thanksgiving

吾講吾覺，原來星期四就係thanksgiving啦！ 香港就無呢個假期，但係呢邊係一個好大既節日，差不多所有野都會關門，為左可以同家人慶祝呢個感恩節。 雖然我無咩親人係呢邊，而都無打算同佢屋企人過（因為年年都無），所以我地都係自己同自己慶祝算吧。 上年既thanksgiving係屋企坐月，所以都吾知點樣過，今年本來打算落MD去探老公親戚，好不幸地佢比公司layoff, 所以係無收入情況下我地更加吾想去任何地方。 雖然話就話搵份工吾算難，但我相信老公既情緒都吾係咁開心，所以去玩都無mood lu.....算啦，吾去都無所謂，留係NY都可以開開心心咁過既，嘻嘻。 再加上亞媽就殺到，我都要清潔一下屋企呀，哈哈！ 

weekend去買奶奶比D女，佢地就係shopping cart到大玩一餐，好搞笑呀！ 吾講吾知，一歲大既妹妹真係進步神速，上星期開生日會都未識行，今個星期已經大踏步，雖然吾算得上係行得穩，但都行到10幾步後就會爬番，真係進一大步呀！不過我以後就有排看牛牛啦，嘻嘻嘻！ 其實好感恩佢地兩姐妹相處都OK，雖然就肯定未識一齊玩，但起碼吾會火星撞地球，咁我都心足了，哈哈！ 

生日快樂Emma 妹妹

不知不覺就已經一年了， 雖然媽媽未必將最好既野比哂你，但我都好努力地去愛護你。 上年今日你岩岩出世，還記得你仲係蟲仔時，常常愛訓，個段時間真係好舒服，哈哈，而家是個愛哭的小女孩，不過沒所謂吧，我.....已經習慣了，哈哈哈哈哈！ 生日願望係希望你身體健康，同家姐相親相愛，乖巧伶俐，錫錫爸媽，快D訓好D等我地有覺好訓呀，哈哈哈！

party 花絮.....真係無咩心思搞架啦，哈哈，應該下年都吾會搞，因為真係花盡腦汁同時間，我都吾想煩。 今年有9個toddler, 4個BB，所以要考慮下有咩比佢地玩，亮點係，我地買左個bounce house比呢班monster入去，一來kill下佢地energy, 二來我地D大人又吾駛擔心佢地走來走去，good buy! 雖然吾平，但呢邊天氣咁凍，有時係屋企比兩隻馬騮玩下都OK呀，嘻嘻，小朋友大愛呀，佢地真係係入面差不多成日，我地大人就吾駛點理佢地，嘻嘻嘻！ 

多謝各方好友來見證呢隻豬如何由隻豬變做monster, 嘻嘻！ love you all 

呢班BB，5月Hannah生日仲訓哂係度，而家坐哂係度啦，哈哈哈

sesame street theme ice cream cake 

好難影既4人合照

Thank you all for coming 

佢真係勁吾似我，哈哈

don今次終於吾怕我整跌CD啦 :P

亮點close up, 嘻嘻嘻

呢隻豬都玩到癲左

好掛住你地呀！

嘩，成個幾星期都無 update 過啦，好唔尋常呀，不過呢排真係極忙，office 又係，而屋企更什，唉，點解？咪又係因為兩隻魔怪係咁病，搞到我地都無停手，真係陰功！ 再加上我之前 gmail 爆左，mr wu 幫我delete 哂d 相連帶我之前post 係 blog d 相都無哂，我個心痛到呢。。。。。。 我唔係無哂d 相，但要我一張張咁揾出來再post 就真係 mission impossible,  唉， 唯有而家開始努力d 啦！ 

Anyway,  仲有幾日就係妹妹既生日party 啦，嘩，咁快就一年，真係唔講唔覺， 本來決定以後都唔係屋企搞 party,  點知出面租地方又唔平，仲要得唔夠兩個鐘就 usd$700 袋袋平安然。所以我地決定就算花 $500 係屋企都起碼舒服d,  呢排所以超忙，又要搞party favor,.又要搞 decor,  又要為妹妹買新衫，好多野做呀！而家晚晚都搞到成 11 點先有得休息，但訓訓下妹妹就會喊醒，真係勁辛苦呀！雖然明知呢個係phase,  但希望會快 d 過啦， 無覺好訓第二日又返工會癲架！  今次未有相片住，希望今個weekend d 小朋友玩得開心啦，嘻嘻！

2014 哈佬喂

2014 halloween 咁又過左啦， 不過今年特別d 因為hannah 開始返學，而佢學校就有個 halloween party,  嘻嘻， 好得意呀！我個日drop off 佢返學， 已經見到個個 dress up 哂， 我都拿拿臨幫佢著番套 costume.   本來我買左套 despicable me 既 minion 佢著， 點知佢唔肯著呀， 見屋企有個back up strawberry costume 就用左佢算啦。  學校未有相比我， 我自己影左少少咋。  不過可能因為天氣關係， trick or treat 完hannah 就開始發燒，仲唔點肯食野，無計啦，我又比人話啦，唉！ anyway,  妹妹今年都係著番 hannah 上年個套， 個個都買，真係會破產呀！ 你地既 halloween 又點過呀？ 

1st pumpkin patch

第一次pumpkin patch, 我覺得幾好玩呀，同埋星期六個日天氣一流呀，正正正！！ 去相啦，吾講咁多，哈哈！


btw, 爸爸大機影出來D相真係同電話個D差好遠呀！

Hannah 1st習作

話就話係習作，但睇上去都知吾係Hannah貼，邊有咁叻，哈哈！ 不過呢份係佢第一次既習作，一定會留為記念，等佢大個比佢睇番就知，哈哈！

係咪靚到dum一聲，哈哈哈哈哈！

玩自拍，得左，yeah! 

又病

近日真係十分忙碌，除左工作上因為同事離職但老細又吾會請多個人之外，另一個同事又話下星期vacation, 真係吾知好嬲定好笑，明知咁忙都要話去vacation, 真係會做C我呀！ 上星期都開左幾日OT，我99話咁樣吾得wor, D小朋友仲咁細，點可以OT， 我心諗原來到我選擇咩？ 我老細知道我吾可以留太耐，佢都吾好意思，但工作起上來真係無得選擇，況且而家所有workload都係我身上，真係十分困身呢！唉，為左錢，唯有頂硬上，雖然佢地加左我人工，但真係吾夠架，特別係我而家一腳踢，真係十分十分地辛苦！ 本來想係weekend休息下，當然啦，weekend仲邊有得休息，加上兩位小姐又病病，一個咳到嘔奶，一個就咳到嘔肺，打比醫生都話無藥可以食，唯有吾好比生冷野佢地食啦，唉！ 佢地一病，你地都估到我係點啦，首先係照顧佢地已經頭痛，到第二日連我都病埋，真係好討厭呀！！！！！！ 可惜而家weekend已經無得再休息，想清潔下屋企都要趁佢地訓哂先OK，今個weekend真係身心疲累呀，無其他人幫手係咁架啦，真係好想請個人來幫手，at least clean up下都好呀！希望病魔真係快D遠離我地啦！

訓成咁，點會吾凍親？？ 不過一put blanket就會醒同踢開，真係吹佢吾脹！

呢隻豬因為咳訓得好差，搞到我都無得訓，慘！

如果我無寫blog好耐，吾好覺得奇怪，係因為我係office真係忙左好多好多，唯一既時間寫都無左，好想喊呀!!! 

萬聖節服裝??

工作上實在太忙，無時間寫blog呀，嗚嗚！ 我既妹妹10個月仲未有機會寫，慘慘，不過其實無咩特別，skip左佢就算啦，哈哈哈！ 上星期比佢兩隻馬騮玩，點知就發生左......

妹妹，好慘呀！ 

呢個look可以用來做halloween costume? 做海盜都吾錯，哈哈哈

生日後記

嘻嘻，今年有兩個蛋糕吃呀，分別係公司既雪糕蛋糕同我request老公買既綠茶蛋糕。  雖然生日正日係屋企都做到無停手，但係下午既時候take左成兩個鐘nap...真係爽到震！ 而星期四＆星期五都分別係屋企休息（當然係無小朋友先休到啦），分別都nap左兩個鐘，真係好耐未試過咁精神啦，哈哈哈哈哈！ 原來有nap既時候真係好大分別，如果office下午比小睡半小時都已經夠好了，呵呵！  呢兩個nap真係算係一份好好既生日禮物，本身已經累到不得了，休息了兩日真係好大分別呀！ 雖然無生日禮物，但同我至愛既寶貝一起慶祝已經好開心了！ 

雪糕蛋糕好好味呀！！！(from office)

 媽媽，今日你先16？ 咁我呢？？？ 

媽媽，生日快樂呀，錫錫！！！！！

老公送既green tea cake, 好light, 好味

忙到癲的weekend

呢排真係忙到人都癲，weekend連續去左兩日party, 我同爸爸都散了！ 不過見到佢地玩得開心我諗都值既，嘻嘻！ 星期六有個朋友既女兩歲大生日，我地就去左玩玩，嘩，人地個backyard大到.....放得落個大slide and swing, 仲有租左個bounce house之餘，仲有地方比D小朋友走，羨慕到爆，不過要我打理又另一回事，所以都係考慮下搬吾搬啦....雖然Hannah都好似無點同其他小朋友interact, 但見佢自己玩都玩得好開心呢，嘻嘻！

之後星期日去左同事既party, 雖然無咩小朋友，但Hannah都好開心呀，不過妹妹就........勁cranky, 係都要我抱，抱到我手軟呀！ 以後都係吾好一次過連續兩日去party啦....真係癲左！！！！！！！！！！！！！！！！

瘋狂購物

女人既錢...真係好易賺！ 近排係咁買，真係好快破產呀！ 首先係開始去carter's 幫兩個女入貨，買買下又成 USD＄120， 之後， 又有成＄30 carter's cash back, 真係再去都吾知買咩好呀！ 跟住，因為又要買番D襪比Hannah, 好彩有張gap gift card頂下， 如果吾係又出血，仲有就係係kohl's度買左好多好多好多野， 因為佢有30%off, 仲有買滿＄30有＄10off(小朋友衫），仲有free shipping, 梗係要買下啦， 因為天氣開始凍，要幫Hannah買番D底衫， 見carter's D 底衫又平，當然要買D啦，而妹妹又買左D footed PJ, 真係好和味呀！最最最重要係，今日見到有40％off coupon, 嘩，真係忍吾住手呀，因為係所有野都40％off, 而我咁岩又要買個個car seat比妹妹， 見本來我想買個個係＄270， 減左之後都係＄160左右，仲要有＄30kohls cash back比番我（即係我可以係kohls度買多＄30野），嘩，真係好大鑊呀！！！！！！就係因為呢個40％off, 搞到我係咁買，最後原價係＄400幾蚊，我就大約＄260買左，雖然都係好多錢，但買完之後真係好鬼爽，哈哈哈哈哈！所以話，女人錢真係好鬼易賺！！！！ 等D戰利品來時再同大家分享，嘻嘻嘻！

另一樣係，我平時會係office附近買書比小朋友，之後偶然間去到一個website, 佢地係賣used book, 但佢地係charity, 我地買一本書，佢地就會捐一本書一D有需要既國家，我之前order過一次，D quality係一般，始終都係used, 但我覺得無所謂，反正平時如果去library都係同人share, 而且又吾係真係好差好差，佢地都係睇je，吾係食，同埋幫到第二D人我又覺得好開心呀！總括來講，我又慳左錢買新書，而佢地又會捐助，真係win win呀！ 

兩個check up

又一個星期啦，weekend過得真係超超超快呀，不過就真係無時間去休息，所有housework都係積埋係weekend先做，又點會吾累呀！ 雖然亞媽話佢會sponsor我請個人，但我又諗佢幫得幾多？ 同埋有個人係屋企又好似怪怪的，ummm....搵岩人先算啦！ 我知佢吾想我做得咁辛苦，但自己又吾可以過來幫我手，明架啦！

而家個個weekend都同Hannah出去行下街街，佢一知道出街都不知幾聽話，哈哈！不過天氣再凍D我就吾敢同佢去啦，天寒地凍行係條街度都無話吾辛苦！ 其實我地都係去屋企附近間carter's, 不過佢行得又慢，所以hea 下hea下都會成個鐘頭，無所謂啦，又吾趕時間，我都好enjoy同個女握著手行街街架！佢好就好在吾會吾聽話，佢會真係握著我手，吾會放，因為同佢講過如果吾聽話就無得出街街，嘻嘻！ 而家愈來愈中意搞我D野，早幾日先見佢搞我D化妝品，好彩catch得快，如果吾係成面都係blush呀.....之前已經搞我D concealer, 真係要好好放好佢地呀！！！！！

琴日同兩個去check up, 本來兩歲要抽血呀，不過醫生話上次醫院已經抽左，吾駛再抽，如果吾係，又要喊多幾鑊呀！好彩而家Hannah重番小小， 之前得25％， 而家係咁迫佢食野， 有番50％， 不過而家佢好衰，要開TV先食，不過都係爸爸既錯，因為佢坐吾夠一分鐘就咁offer, 比我都想睇住食啦，唉！ 算啦，我focus係妹妹到，Hannah就由佢搞啦，佢肯搞我又吾想出聲了。 而而家最尾餐奶，會比杯佢飲，所以有時見到都心驚驚，怕佢一下吾中意就fing開，咁我就勁多功夫了，不過好彩無發生，都希望吾好發生吧。 不過早上奶奶依然係sippy cup, 算啦，我無咁多時間睇住佢飲呀（比excuse自己，哈哈！）

而妹妹，而家大約都係19lb幾，吾算太重，50％，都係咁啦，不過話佢高度得25％，點算好？ 吾想佢做矮妹呀！ 因為打算10月比Hannah返學，所以就打定flu shot, 怕佢會病病呀，而因為又怕妹妹比感染，所以一齊打埋，希望無事啦！

好快好快好快就一歲啦，我要開始搞妹妹個party＆photo book....真係好懶懶懶懶懶呀！！！！！！！！！！

本來有個video想share, 但我又吾識trim, 又吾識post....有無人可以教我呀？？？ 

呢隻豬好狼，周圍去！ 好似呢架車咁，佢會上左車坐係度跟住叫你望下佢，我一望見佢上左佢又無關門，真係嚇到鼻個窿無肉，怕佢跌落去呀，驚驚！ 都吾知點解佢地咁醒目！

又另一個堆積如山.......吾知摺幾耐呢？ 叫老公幫手，佢話，你聽日先摺啦，又話累！ 咁即係我休息左一晚聽日摺就吾累？ 籍口！

9個月@ Emma BB

原來上個月miss左妹妹9個月大呀，大頭蝦媽媽！ 不過上個月真係超超超忙，希望今個月會好D啦！ 

其實妹妹近期都好中意早醒（未夠6點就喊醒），吾知係天氣變or teething, 我真係吾想佢咁早醒呀！ 所以呢排我都超快地做哂所有野，10點半就上床休息，準備妹妹第二朝早起，雖然早起係做到好多野，但日日lunch完真係極想nap一下，如果吾係會釣成日魚，唉！ 希望呢個係一個stage啦，因為我記得Hannah細個呢個年紀都係咁喊，麻煩友！ 

呢排妹妹除左爬之外，仲會拉上拉落，我相信好快佢就可以自己放手行啦，時間過得真係快，9個月就咁過左，不過講難湊程度佢無Hannah咁黑人憎呢，嘻嘻嘻嘻嘻！ 

9個月已經出左兩隻牙，上面兩隻都出左一半，所以呢排腸胃麻麻，痾D好水既poopoo, 希望5d可以出完啦！ 

而家妹妹schedule真係好忙，因為佢係4奶兩固既人，食一餐又慢，真係忙到嘔血！ 不過見佢吾係好肥，都係等到佢一歲時先轉3奶兩固啦，所以出街真係好麻煩，打亂哂個schedule呀！

星期日見到佢出疹，嚇得我，但見佢吾痕我又無點理佢，但D疹愈出愈多，好驚呀！我又以為係我比D咩佢食，但我都係好似平時咁煮，無咩特別野呀！ anyway, 琴晚餵奶時先發覺，佢之前個頭好似好熱咁（因為琴晚佢個額頭涼浸浸的），好大對比，先覺得原來可能佢之前發燒喎，因為佢身上個D好似係玫瑰疹，會係發完燒之後先有，呀，媽媽真係好大意呀！妹妹，希望你吾好怪媽媽啦，我吾係有心架！ 不過同老公講，佢就話呢個女一定好tough...自己發燒都吾會喊吾會叫......唉！唯有咁諗啦！.