恭喜發財

年初一啦！ 雖然係呢邊都係無咩特別節目，就算係唐人街有舞獅，同兩個女去都吾係一件易事，都係等到佢地識行識走先啦！ 

新一年祝各位馬到功成，馬年行好運，一馬當先！ 
新年快樂呀，我兩位千金係度同各blog友拜個年先，嘻嘻！

PS.呢幾日我盆蘭花終於都開花了，有D感覺會為我地一家帶來好運，寓意開花富貴呀！

Brooklyn children museum

星期日同Hannah去放電，其實係覺得天氣凍無得出街街好慘，所以決定同佢去indoor既地方玩。 第一個選擇就係Brooklyn Children museum.  話明係children museum, 緊係比小朋友玩啦。 個度大約有兩層到，但都有好多吾同種類既野玩。 當然，小朋友最中意既就係水啦，所以Hannah都玩到好興奮！ 佢一開始都怕怕，但慢慢就開始好興奮，走來走去不特止，仲吾想走tim,哈哈！ 見佢咁開心我都好開心呀，不過就打亂左佢既schedule, 搞到佢訓左一陣咋，算啦，開心一日都OK，有時都要有適當既遊戲既。 係個度，有好多吾同既野，好似畫畫呀，沙呀，音樂呀....都OK架。 不過都吾平，一個人要 US＄9，ummmm.....算啦，吾係成日去，同埋個女開心幾錢都值得，嘻嘻嘻！

abc song

雖然唔係好清楚， 但佢係唱緊 abc 歌架！ 佢識哂26個字母， 但唱時都係abcd abc...哈哈， 唔知點解？ :P

Emma BB @ 兩個月

不知不覺Emma BB已經兩個月，我又好懶咁無寫關於佢既野， 我真係一個好媽媽，哈哈！ 不過有兩件係手，寫blog都無心機呀，希望遲下返工會有D心機做自己野啦！ 

兩個月既Emma依然係好訓得，以前睇書，記得呢個時間既BB應該大約訓15-16小時，但佢....除左食奶，換片，沖涼之外，好似大部份都係訓...我吾係要complain, 但我想佢夜晚可以訓好少少，因為佢而家訓到成10點幾先起身，到12點幾既時候就吾訓，要hea到點幾兩點先訓，訓到大約7點幾，雖然可以算係介左夜奶，但遲D要返工我就無可能陪佢到點幾啦！ 真係要好好adjust 佢個schedule.  

而佢食方面，吾係一個大食BB。 可能佢真係成日噴奶，所以係食方面都比較煩。 次次餵佢都好怕佢又要噴奶，所以食食下中途又要停下，跟住又要一段時間先再食埋，真係餵一次可以花成個鐘頭呀！ 

可能因為Hannah BB真係發我地太多時間，陪Emma BB真係好少呀！ 我...都覺得好吾公平，但...我地都想要少少少少私人空間，Hannah真係令我地透不過氣呀，哈哈哈！

大家對兩個月大既BB有咩activity呢？ 比下意見！thanks!

Terrible two

而家既小朋友真係好trouble....我相信terrible two已經來臨，真係好好好恐怖！ Hannah而家一有咩吾中意就訓係地下喊，嘩，真係激到我.....星期日煮野佢食又吾食，仲要搞到周地都係，話佢佢就係咁發脾氣，係地下係咁典，我即刻走，費時理佢，佢典典地就死死地氣起身去搵我地，媽媽，爸爸，婆婆都叫哂，都係無人睬佢，因為佢地無我permission去理佢！ 呢D咁既人真係蝦你，試緊你既耐性同limit,如果我吾堅持就會比佢蝦，哼，衰人！ 希望佢地大D就好D啦！ 

搶野玩

發燒中既Hannah仲同人搶野玩，哈哈哈！
錄既過程真係好爆笑，連妹妹搶成咁我都無幫佢，仲掛住錄，哈哈，sorry亞女，不過真係好搞笑！！！！ 我只可以話，Hannah, 你要堅強D....吾好成日比人蝦呀！

食訓痾

小朋友最重要既，點都係食訓同痾，無奈地，我個大女真係呢三樣野都吾得。 琴日真係三樣都無做，食又吾肯食，叫佢訓又吾肯訓..要到5點幾先肯訓30分鐘，而痾...真係令人擔心，我發覺佢係怕左痛痛，所以而家吾肯去poo poo, 唉，吾poo poo又令佢吾舒服，肚仔痛又令佢食吾多...點解要咁呀？ 已經比好多生果同菜佢食，又試過比藥佢食，點都吾得...好擔心呀！！！！！！！！ 雖然醫生話用pat pat個D藥會令佢慣左，但起碼會令佢痾得舒暢，吾駛好似而家咁，真係痾屎痾吾出呀！Hannah, 希望你快D做好呢三樣最basic既野啦！

講番另一樣野，cousin姐姐真係令我吾多中意佢。 佢琴日係我屋企玩左陣，玩完吾幫手執野不特止，仲要同我地講，叫Hannah吾好係屋企成日走來走去，好嘈（因為佢住二樓，我地住三樓），佢係咪真係short左？我地係屋企做咩野都關佢事，佢又吾諗下佢自己平時咪又係咁嘈，吾同我又話佢？ 我老公咪叫佢你吾想Hannah嘈親你，你咪搬上上一層囉，哈哈（不過我地已經係最高個陣bor...)老公，你真玩野。 跟住我地話，有時係99度都聽到你係度跑來跑去（因為99係一樓，佢地二樓跑來跑去點都聽到啦！），佢真A字膊話，吾係我跑，係佢brother跑......真係好"負責任"呀！！！！！！！ 我真係吾知幾時開始佢變成咁，真係覺得同佢講野好嘔血....而家Hannah吾知識講NO， 佢仲識講no way....我地就懷疑係cousin姐姐講野時教埋佢，真係好怕怕呀！！！！！！ 我好難控制人地吾做D咩，但希望大個Hannah會以身作則，吾會教壞妹妹啦！

姐姐VS妹妹

如果我吾講，大家知吾知邊個係Hannah, 邊個係Emma? 剛出世既時候，我覺得Emma一D都吾似Hannah細個，但漸漸佢大..就覺得佢勁似Hannah細個，大個會吾會變左twins? 嘻嘻嘻....

聖誕節既時候，去左屋企附近睇聖誕燈飾，雖然未必係最靚，而天氣又凍，但Hannah係車上係咁嘩嘩嘩，一臉覺得好神奇既時候....我地見到小朋友既純真真係賺左！佢地咁dum本，真係好睇過Manhattan入面既燈飾呀！ 

舊照 @ Governor's Island

呢輯相，睇得出係細個時影（其實都係上年summer影，不過個樣差好遠！）個陣同佢去governor's island，佢玩得幾開心！ 時間過得真係快，上年summer先剛剛一歲，而家一歲幾但個樣吾同哂，真係女大18變！ 不過就算變成點，都係我至愛既女兒，最重要係身體健康呀！ 媽媽個陣剛剛陀住細女，見少少肚了，哈哈！ 友人同我地去先發覺我有左，其實我真係遮得幾好架，嘻嘻嘻！ 

而家Hannah,大個左好多，教佢clean up佢都肯，有時叫佢去丟垃圾佢又識，叫佢拎衫去bathroom沖涼佢又明，同佢講幫妹妹摺衫佢又會試，不過當然，吾係真摺，但佢見我做佢又會想學，佢係一個好學既小朋友。 不過感恩既係，佢無妒忌妹妹，有時爸爸抱住妹妹佢會拍下妹妹（可能見我地burp佢時咁拍，哈哈！），但如果我同爸爸摟住，佢就會即刻衝過來想分開我地，佢....真係爸爸既情人呀！ 算啦，最起碼吾係第二個男人咁都OK既，哈哈！

飲多多個樣

咁都得？吾係呀ma......

話說早排聖誕節，我年年都會準備禮物比老公細佬既小朋友，cousin姐姐我就準備左一部琴比佢（當然吾係真個D啦！），而cousin哥哥就準備左幾件衫同melissa and doug既blocks比佢，因為佢仲未識講野，吾比玩有音樂既toys. 其實我選擇既gift吾係是但咁揀，係真係用心去揀架。好似cousin姐姐個份，就係見佢中意玩我屋企部琴所以買比佢。 不過有一日見到cousin姐姐，佢同我講，可吾可以買過樣聖誕禮物比佢，我問佢點解，佢話佢屋企有部，想叫我買過樣野比佢，我心諗...下，你咁係呀ma? 我送野比你，你都仲咁多要求？ 我即時O咀呀！ 

今日99打比我，同我講話遲下可能weekend出去做護理，我又心諗，其實我地weekend都好少要你幫手，所以你出去做野影響吾到我既。 之後講講下又話自己無錢因為無野做，再講番之前佢買左兩件衫比cousin姐姐做聖誕禮物，之後cousin姐姐同佢講 "你送得兩件衫比我咋？ 我婆婆買左架車比我玩呀！" 跟住我99就問佢邊個同佢講，cousin姐姐就話佢媽媽同佢講.....雖然吾知係真係假，因為呢段野係我99同我講， 但如果cousin姐姐個亞媽真係咁講野，我覺得佢真係好衰。 係，我99係無野做，因為要湊我地既小朋友。 無收入又點會有錢買野比佢地。 但人地亞媽又吾好忘記，佢日日都有個工人幫佢手，仲要係免費個隻，而家送吾得起D其他luxury既野，就咁同個女講？？？ 我覺得好過份！ 同埋，人地送咩比你個女係人地既事，你吾appreciate就算，吾需要係個女面前講D咁既野，個女仲細，吾識野，但佢亞媽吾係小朋友，有無經大腦講野架？ 有時真係戥我99慘，用心去對佢地，佢地就當佢係草，吾怪得知佢要出去做野，比著我都吾想weekend再幫佢地湊小朋友，好似自己攞黎賤咁。 我吾覺得出奇，因為佢地個家人係好勢利，你又吾諗下而家住緊間屋係邊個比down payment, 如果吾係你邊有咁好住。 我係睇吾過眼啫，無咩事，始終係佢地既事，如果我個女講D咁既野，我一定會嚴懲！ 所以我決定，下年我都係是但咁買D野比佢地算，我都只不過係收到個兩件衫仔，但我當然吾會有意見，送吾送我都無得控制架，更何況，我都吾係貪佢送既野！ 

百感交雜

眼見而家既Hannah同我既距離好似愈來愈遠，感覺真係吾好受。點解會咁？ 當然係因為我之前大肚，未能好好照顧佢，老公為佢沖涼，氹訓，等等...而我當然係要好好照顧自己身子先啦！而家更加要照顧妹妹，泵奶，休息，相對同Hannah既親子活動真係少之有少，我多數都會係吃完飯沖完涼後陪佢讀下書，呢個就係我地唯一既相處時間。 而家有時中途訓醒，會喊住搵爸爸，當我呢個亞媽吾存在，呢個感受...吾係三言兩語可以形容到。 雖然老公之前話我要放多D時間落個女度，佢先會親我多D，但試問...我又點樣可以squeeze D 時間出來呢？ 我真係吾識得點樣可以balance到自己，都覺得自己好失敗，點解會令到個女吾痴我？ 雖然佢吾痴我，變相係多左好多時間去休息同照顧妹妹，但心靈上既創傷...反而多！ 唉....那些年，我倆曾幾何時一齊渡過既時間， 亞女好似已經忘記了，而家搵到新寵兒，我呢個舊既，會係新不如舊，定係係貪新忘舊呢？ 其實老公無覺得沾沾自喜，反而好想我抽多D時間，好讓佢都有D空間，我同佢講，你有兩個女，黎緊呢幾年你都吾駛旨意會有私人空間架啦，你慢慢捱下啦！ 好明顯，女兒都係比較痴爸爸，我吾望佢地好痴我，但我都只係想分擔一下老公既苦咋！ 

講完一D吾太開心既事，又講下今日做既特別事，就係去見OB。 今次係產後檢查，大家放心，一齊正常，不過仲有線未溶，希望會係一兩個星期後自動溶解啦。 講下呢個OB，其實我之前有朋友介紹我去睇第二個，不過見左個個之後，佢既吾專業令我好反感，同埋，我第一次見佢，佢係咁崔我走，問多句都覺得我煩，我至憎就係呢種醫生，所以決定自己搵。 開始時都係上網search下，見到我現任醫生既rating幾好，所以真係膽粗粗去試，第一次見佢時係因為一D irregular bleeding, 不過見佢第一次印象幾好，因為佢好有耐性聽我講，又吾會因為出面有其他病人而崔我，所以我既first impression都幾好，第二次去時，已經係大肚啦，第一次大肚當然更加多問題啦，但佢都好仔細解釋比我聽，同埋會開解我，叫我吾好擔心，好似朋友一樣，到今次生既時候，佢真係好盡責任幫我，因為原本我生時血管好脹，佢話好少人會咁，所以連針時真係要好delicate先可以吾爆線，同埋都比左好多鼓勵我，我見到佢時真係放心哂架！！ 我知道要搵一個夾既醫生幾難，真架，而家大部分既醫生都為搵錢，但佢我相信吾係，可能美國既醫療制度吾同香港，大部分既價錢都係standard, 吾會因為你bill幾多而保險會比幾多，而且呢邊都吾主張開刀，所以吾可以用錢來計。 雖然係香港入公立醫院真係平，但始終係一個吾相識既醫生來接生，點都好似怪怪的。 如果有幸再生的話，我都會keep住搵呢個醫生，因為將自已既性命交比一個人真係吾容易，點都搵個自己信賴既人好D！ 多謝我個OB令我生產咁順利，同埋次次都肯花時間去同我呢個好Q煩既人傾計，哈哈！而家無得定時定候見佢，真係好鬼吾慣呀！不過見到醫生都係吾方好野，除非係朋友啦，哈哈！！！！ 

BB便秘有咩方法呢？ Hannah就由細到大都有呢個問題，唉！如果佢吾日日都poo poo， 第二日poo poo時就因為痛同大舊令佢而家怕左去poo poo。其實已經比好多菜佢食，我都吾知係咩原因呢？ 似我D腸吾係直腸直肚？希望大家比比意見啦！ 

落雪日，雖然吾駛返工，但希望落大D，老公吾駛返，yeah! 哈哈！