呢幾日心情都好差，因為BB病倒了。 星期五差不多放工，突然老公話99打比佢話BB發燒，我真係擔心到...歸心似箭既心情真係難以形容。返到屋企見到BB面豬紅紅真係好擔心，探熱後有成101度就餵佢食退燒藥。不過佢既燒一直都係咁上下，食藥就好吾食就吾好，所以星期日去左見醫生。 雖然醫生都只係話因為出牙仔而影響到，但就開左消炎藥比BB食。 開始時我都無打算比佢食，但係去到星期日晚上佢D燒都未退，就試下會吾會食完好D呢，食完後都係一樣燒，所以再餵多次退燒藥，唉！ 呢幾日真係想休息都無時間，而星期日晚上BB吾肯食奶，我地就用最原始既方法，一路揸車一路餵奶！係，講比人聽可能覺得好可笑，但我覺得為左BB肯食奶，用咩方法都係值得既。 好彩最後都食哂8安奶，吾好浪費我同爸爸既心機。 不過我....就好吾開心，因為自己個女吾舒服，我咩都做吾到，我真係寧願自己係病個個，係車上，我就一路餵奶，一路嚎哭，我真係擔心左兩日，但又幫吾到什麼，好慚愧！ 老公就安慰我，話我地仲係新手，經過今次我地咪知道點做囉，做媽媽要堅強D，吾好成日喊！ 唉，我係一個喊包，有咩事都可以喊一餐，我真係怕左我自己呀！
本來諗住星期一發完燒後無咩事（星期一我請假照顧BB），點知星期二99話佢出疹，我又擔心左成日，佢話腫腫地，講真，我真係吾知咩事，本來打比我醫生問，又吾覆電話，真係好PK！ 講番個醫生，我知道BB一發燒就立即打比佢，打左幾次無回覆，星期六打去佢office, 又吾係度，到星期日見到佢，佢就比個好爛既籍口我，話有另一個媽媽係咁打比佢，佢以為係同一個人喎，真係.....如果有咩重要事搵你，真係人都癲啦！ 星期二我99話BB出疹，叫我打去問醫生，點知又係無反應，所以我決定吾去睇去，佢咁無責任心點做兒科醫生呀！
到左星期二晚上，沖涼後面豬成個紅蘋果咁，真係好驚呀！好彩訓醒後星期三早上又無咁紅，唉，終於明白，養兒一百歲, 長憂九十九...希望Hannah B早D好番，做個健康BB啦！
