Tuesday, September 30, 2014

生日後記


嘻嘻,今年有兩個蛋糕吃呀,分別係公司既雪糕蛋糕同我request老公買既綠茶蛋糕。  雖然生日正日係屋企都做到無停手,但係下午既時候take左成兩個鐘nap...真係爽到震! 而星期四&星期五都分別係屋企休息(當然係無小朋友先休到啦),分別都nap左兩個鐘,真係好耐未試過咁精神啦,哈哈哈哈哈! 原來有nap既時候真係好大分別,如果office下午比小睡半小時都已經夠好了,呵呵!  呢兩個nap真係算係一份好好既生日禮物,本身已經累到不得了,休息了兩日真係好大分別呀! 雖然無生日禮物,但同我至愛既寶貝一起慶祝已經好開心了! 


雪糕蛋糕好好味呀!!!(from office)


 媽媽,今日你先16? 咁我呢??? 

媽媽,生日快樂呀,錫錫!!!!!



老公送既green tea cake, 好light, 好味

Monday, September 29, 2014

忙到癲的weekend

呢排真係忙到人都癲,weekend連續去左兩日party, 我同爸爸都散了! 不過見到佢地玩得開心我諗都值既,嘻嘻! 星期六有個朋友既女兩歲大生日,我地就去左玩玩,嘩,人地個backyard大到.....放得落個大slide and swing, 仲有租左個bounce house之餘,仲有地方比D小朋友走,羨慕到爆,不過要我打理又另一回事,所以都係考慮下搬吾搬啦....雖然Hannah都好似無點同其他小朋友interact, 但見佢自己玩都玩得好開心呢,嘻嘻!









之後星期日去左同事既party, 雖然無咩小朋友,但Hannah都好開心呀,不過妹妹就........勁cranky, 係都要我抱,抱到我手軟呀! 以後都係吾好一次過連續兩日去party啦....真係癲左!!!!!!!!!!!!!!!!



Wednesday, September 24, 2014

生日快樂


祝我生日快樂
祝我生日快樂
祝我生日快樂
祝我生日快樂

今日又大一歲啦,嘻嘻嘻,問我幾多歲?咪年年16囉,嘩哈哈哈哈! 呢排都幾忙,因為工作上有個同事離職,要pick up番佢做落既野,雖然吾係大不了,但對我來講都有影響,你知啦,平時我係office寫blog, 好得閒架ma, 真係影響什深呢,加上今日開始請3日假休息/hea...所以迫哂所有野係放假前呀! 本來諗住今日生日休息,但工作又未做哂,所以要work from home搞埋先,算啦,受人錢財提人消災,都吾係咁差既。 anyway, 做野先,希望我有個愉快既生日,嘻嘻!

Thursday, September 18, 2014

怪獸


有怪獸家長自然有個怪獸家庭啦! 講真,我講佢地都講到煩,但有D野真係有時不吐不快呀! 好似呢期,cousin姐姐晚晚都話我吾拎埋佢碗飯同叉,我真係比佢吹X脹,佢自己已經6歲幾,自己拎野已經吾係一個問題,仲要我去服侍佢,真係開玩笑嗎? 我日日放工去湊兩個女已經好累了,佢吾幫手不特止仲要take it for granted, 係,我99可能spoil慣佢,但係我字典入面我無必要要spoil佢囉,真係好黑我憎!如果個個係我個女,我一定炳到佢一鑊金,邊有可能有個咁既人架? 就算係公主病都吾好叫我去服侍囉,低能! 最大問題係佢老母日日都係度,都吾會話佢,只係顧住自己餵個仔,跟住食完就坐係梳化等運到,呢D咁既人,真係good luck呀!吾知幾時先可以離開呢個鬼地方,但真係見到佢地就憎呀! 我決定以後都吾會幫佢地拎飯,有咩就自己拎啦,PK!

Wednesday, September 17, 2014

瘋狂購物


女人既錢...真係好易賺! 近排係咁買,真係好快破產呀! 首先係開始去carter's 幫兩個女入貨,買買下又成 USD$120, 之後, 又有成$30 carter's cash back, 真係再去都吾知買咩好呀! 跟住,因為又要買番D襪比Hannah, 好彩有張gap gift card頂下, 如果吾係又出血,仲有就係係kohl's度買左好多好多好多野, 因為佢有30%off, 仲有買滿$30有$10off(小朋友衫),仲有free shipping, 梗係要買下啦, 因為天氣開始凍,要幫Hannah買番D底衫, 見carter's D 底衫又平,當然要買D啦,而妹妹又買左D footed PJ, 真係好和味呀!最最最重要係,今日見到有40%off coupon, 嘩,真係忍吾住手呀,因為係所有野都40%off, 而我咁岩又要買個個car seat比妹妹, 見本來我想買個個係$270, 減左之後都係$160左右,仲要有$30kohls cash back比番我(即係我可以係kohls度買多$30野),嘩,真係好大鑊呀!!!!!!就係因為呢個40%off, 搞到我係咁買,最後原價係$400幾蚊,我就大約$260買左,雖然都係好多錢,但買完之後真係好鬼爽,哈哈哈哈哈!所以話,女人錢真係好鬼易賺!!!! 等D戰利品來時再同大家分享,嘻嘻嘻!

另一樣係,我平時會係office附近買書比小朋友,之後偶然間去到一個website, 佢地係賣used book, 但佢地係charity, 我地買一本書,佢地就會捐一本書一D有需要既國家,我之前order過一次,D quality係一般,始終都係used, 但我覺得無所謂,反正平時如果去library都係同人share, 而且又吾係真係好差好差,佢地都係睇je,吾係食,同埋幫到第二D人我又覺得好開心呀!總括來講,我又慳左錢買新書,而佢地又會捐助,真係win win呀! 

Monday, September 15, 2014

兩個check up

又一個星期啦,weekend過得真係超超超快呀,不過就真係無時間去休息,所有housework都係積埋係weekend先做,又點會吾累呀! 雖然亞媽話佢會sponsor我請個人,但我又諗佢幫得幾多? 同埋有個人係屋企又好似怪怪的,ummm....搵岩人先算啦! 我知佢吾想我做得咁辛苦,但自己又吾可以過來幫我手,明架啦!

而家個個weekend都同Hannah出去行下街街,佢一知道出街都不知幾聽話,哈哈!不過天氣再凍D我就吾敢同佢去啦,天寒地凍行係條街度都無話吾辛苦! 其實我地都係去屋企附近間carter's, 不過佢行得又慢,所以hea 下hea下都會成個鐘頭,無所謂啦,又吾趕時間,我都好enjoy同個女握著手行街街架!佢好就好在吾會吾聽話,佢會真係握著我手,吾會放,因為同佢講過如果吾聽話就無得出街街,嘻嘻! 而家愈來愈中意搞我D野,早幾日先見佢搞我D化妝品,好彩catch得快,如果吾係成面都係blush呀.....之前已經搞我D concealer, 真係要好好放好佢地呀!!!!!

琴日同兩個去check up, 本來兩歲要抽血呀,不過醫生話上次醫院已經抽左,吾駛再抽,如果吾係,又要喊多幾鑊呀!好彩而家Hannah重番小小, 之前得25%, 而家係咁迫佢食野, 有番50%, 不過而家佢好衰,要開TV先食,不過都係爸爸既錯,因為佢坐吾夠一分鐘就咁offer, 比我都想睇住食啦,唉! 算啦,我focus係妹妹到,Hannah就由佢搞啦,佢肯搞我又吾想出聲了。 而而家最尾餐奶,會比杯佢飲,所以有時見到都心驚驚,怕佢一下吾中意就fing開,咁我就勁多功夫了,不過好彩無發生,都希望吾好發生吧。 不過早上奶奶依然係sippy cup, 算啦,我無咁多時間睇住佢飲呀(比excuse自己,哈哈!)

而妹妹,而家大約都係19lb幾,吾算太重,50%,都係咁啦,不過話佢高度得25%,點算好? 吾想佢做矮妹呀! 因為打算10月比Hannah返學,所以就打定flu shot, 怕佢會病病呀,而因為又怕妹妹比感染,所以一齊打埋,希望無事啦!

好快好快好快就一歲啦,我要開始搞妹妹個party&photo book....真係好懶懶懶懶懶呀!!!!!!!!!!



本來有個video想share, 但我又吾識trim, 又吾識post....有無人可以教我呀??? 


呢隻豬好狼,周圍去! 好似呢架車咁,佢會上左車坐係度跟住叫你望下佢,我一望見佢上左佢又無關門,真係嚇到鼻個窿無肉,怕佢跌落去呀,驚驚! 都吾知點解佢地咁醒目!



又另一個堆積如山.......吾知摺幾耐呢? 叫老公幫手,佢話,你聽日先摺啦,又話累! 咁即係我休息左一晚聽日摺就吾累? 籍口!

Tuesday, September 9, 2014

9個月@ Emma BB

原來上個月miss左妹妹9個月大呀,大頭蝦媽媽! 不過上個月真係超超超忙,希望今個月會好D啦! 

其實妹妹近期都好中意早醒(未夠6點就喊醒),吾知係天氣變or teething, 我真係吾想佢咁早醒呀! 所以呢排我都超快地做哂所有野,10點半就上床休息,準備妹妹第二朝早起,雖然早起係做到好多野,但日日lunch完真係極想nap一下,如果吾係會釣成日魚,唉! 希望呢個係一個stage啦,因為我記得Hannah細個呢個年紀都係咁喊,麻煩友! 

呢排妹妹除左爬之外,仲會拉上拉落,我相信好快佢就可以自己放手行啦,時間過得真係快,9個月就咁過左,不過講難湊程度佢無Hannah咁黑人憎呢,嘻嘻嘻嘻嘻! 

9個月已經出左兩隻牙,上面兩隻都出左一半,所以呢排腸胃麻麻,痾D好水既poopoo, 希望5d可以出完啦! 

而家妹妹schedule真係好忙,因為佢係4奶兩固既人,食一餐又慢,真係忙到嘔血! 不過見佢吾係好肥,都係等到佢一歲時先轉3奶兩固啦,所以出街真係好麻煩,打亂哂個schedule呀!

星期日見到佢出疹,嚇得我,但見佢吾痕我又無點理佢,但D疹愈出愈多,好驚呀!我又以為係我比D咩佢食,但我都係好似平時咁煮,無咩特別野呀! anyway, 琴晚餵奶時先發覺,佢之前個頭好似好熱咁(因為琴晚佢個額頭涼浸浸的),好大對比,先覺得原來可能佢之前發燒喎,因為佢身上個D好似係玫瑰疹,會係發完燒之後先有,呀,媽媽真係好大意呀!妹妹,希望你吾好怪媽媽啦,我吾係有心架! 不過同老公講,佢就話呢個女一定好tough...自己發燒都吾會喊吾會叫......唉!唯有咁諗啦!.



Monday, September 8, 2014

本周回故

呢幾排都勁悶,weekend簡直就無出過街,就算吾係因為亞妹煩,都覺得吾知去邊好,唉,悶爆!本來星期六去個park到BBQ, 但老公話如果BBQ,不如叫朋友來好過啦,咁問完朋友後佢地話OK,所以最終我都係留係屋企,哈哈! 不過吾緊要啦,起碼我都算有朋友來探我地,無咁悶呀! 佢地剛剛生左個女,好得意呀! 我好掛住咁細個既BB,不過又好怕再deal with呢個stage....都係玩人地個D算吧,哈哈! 不過因為落雨,我同朋友就留係屋內陪BB,男人就出外去燒啦,嘻嘻嘻嘻嘻! 佢地真係好好客,買哂野食咁,真係好well prepared....我只係提供場地,真係好鬼衰!!!!!! 

BB is sooo cute!!! 



星期日,本來無咩做,又臨時臨急話落去佢brother度食dinner for 中秋節,真係吾諗下人地有無plan, anyway, 落到去我都無點食野,原因? 好簡單,同D吾中意既人食野又點會開心,我寧願吾食,就算有D咩山珍海錯, 如果同D吾岩咀型既人一齊食,真係背脊骨落。 況且,佢地屋企係用island來做飯桌,又要高又要坐得吾舒服(因為張椅無back),D小朋友仲吾方便,所以次次去都係企住食,勁煩!仲要佢地係得4張椅,擺明就係拒絕人客型屋企啦,所以我真係極之十分吾願意去佢地度食飯,勁吾舒服! 跟住,99又話我地吾餵Hannah,又話性....但人地個仔就有成4大護法照顧,我99就更加係隔離餵飯加clean up...幾好服侍,跟住仲要cut埋生果,見到佢地咁既咀臉真係想嘔,所以我都吾想再逗留,拿拿臨餵完Hannah就閃,無咩好講!返到屋企先叫自由自在,而家睇緊屋,真係想5D搬吾想對住佢地呀!!!!!!!!!!!!!! 

Wednesday, September 3, 2014

人情紙咁簿

從hannah 出院後,更加覺得人情紙咁簿, 不過都係因為同同事傾開先覺得原來係應該咁既,而之後同bb 妹媽媽講過,佢都覺得好過份,大家又覺得呢?

其實我自己又覺得無咩大不了,可能我無expect 過任何野啦。 今日同事問開 hannah 點樣, 我就話無咩野啦,講下講下就話 hannah 係個度無咩做,又驚,又無人探佢,得我地兩公婆,咁同事就問, 下,你6299 無去探咩,我答無,佢就好shock!  可能覺得作為爺爺嫲嫲,自己個孫入醫院都唔探有無搞錯, 其實一早都無期望佢地會探,所以真係無所謂呀,不過經同事一講,又覺得佢地好似有點兒那個,就算佢地幾唔中意我地都好,hannah 都係佢地個孫,唉,如果我爸爸媽媽係度,一定立即去醫院探我個女啦!我同自己講,都無咩大不了,佢地係屋企幫我睇住個細女就ok 了。 不過有晚由醫院返到屋企去99 度接番妹妹, 我62 本來問我間醫院係邊, 打算跟老公車去醫院探hannah, 點知 99 一句"有時間咩?你有時間都留係屋企,我要煮飯"....我即刻o 咀, 都唔想 get involved,  其實探唔探係另一回事,62 有心想趁有機會探下 hannah,  點知99 咁講。。。。唉,真係好衰!!!!

因為個幾日唔係屋企食飯,之後個日食dinner 時,平時係我幫手由廚房拎餸出飯枱, 咁個幾日好忙又擔心,所以無點幫手,有晚去到,我老公細佬個老婆幫手,見佢行出行入以為佢搞掂啦,點知望下枱面,o 左咀,佢only 拎左自己同自己兩個 kids 既飯,好似我99,我同老公個d 就無裝, 我真係好想話佢個 8 婆,呢d 咩人來架?我唔望你會幫我,但都唔駛咁je!?? 係無兩句因為我都睇佢唔順眼,呢d 人真係自私到暈, 完全係有公主癌,以為自己大x 哂, 我同老公講番,佢話以後唔好幫佢裝飯, 其實自己諗住大家同一屋詹下,唔駛咁je.... 點知。。。。。。佢就係覺得我地好蝦所以咁,但我就唔認同,好似佢個女,叫佢做野又過累又話性,跟住有次仲話番我轉頭話點解唔幫佢拎飯,佢6歲啦,唔駛下下要人幫,反而佢要幫我地手,如果佢係hk 會被列為港童,而佢 parents 會擺放係博物館比人望下呢隻絕種動物係咩樣!!

放心,無 hard feeling,  因為真係慣左,個個都話我Eq 高,可以對佢地咁耐,哈哈,如果有機會我都想走,起碼暫時都未有能力住,鬼叫自己窮,頂硬上,加油 hannah 媽媽!!!!!!

Tuesday, September 2, 2014

惡夢完結

惡夢完結後我地就差不多成個weekend都留在家中,因為怕Hannah出去又會易病,而家湊妹妹又煩D,要煮好多野,所以我地都係少左出街了。 本來今日係Hannah第一日返學,但因為之前病得咁嚴重,所以我只可以postpone到適當時候先返。 其實都吾差得幾多,早返遲返都係學費問題,但佢而家抵抗力仲係差D,所以吾想佢又病,唯有遲D先啦。 係屋企,吾係話無toys, 但好似硬係好悶咁,不過我又真係十分忙碌,無時間陪佢地,星期六早上又要get ready for lunch, 真係無停過手呀,之後又要準備dinner, 又要餵粥比妹妹,真係人都癲! 不過呢幾日都有抽到少少時間陪佢地,嘻嘻,佢地兩個迫埋係架車車入面,好搞笑呀!! 


呢隻豬近期晚晚都喊,我真係頂佢吾順啦!有好多晚我都由佢自己喊,不過喊左好耐都吾肯停,有時累到連起身都吾想,所以....吾好怪媽媽,要照顧兩個已經要兩倍時間,所以你晚上記得訓好D呀!!!!!!