第一次去trip

上個星期係我地有史以來（即係生完佢地之後）去既第一次旅行，係住酒店個隻，吾係去人地屋企，雖然好似好多野拎，好忙咁，但都依舊係好開心呀。  

我地去左一個叫great wolf lodge既水上樂園，佢係有室外同室內既，所以冬天去玩就吾駛驚呀。  不過其實我地雖然係夏天，落水既時候都覺有D凍，emma條咀更一度變左紫色，嚇親。 我地去到首先食完lunch, 跟住就入去玩水啦。小朋友，又點會怕凍，佢地一入到去，就覺得好興奮，我都比佢地搞到好興奮，哈哈。 不過其實emma咁細去到，都真係浸水多，玩大既slide佢又吾得，短個D又話吾比大人一齊，我又吾想咁危險，所以都吾比佢玩。 而hannah, 佢一開始玩第一個slide覺得好開心架，之後，去左個橙色wave slide, 毫不猶豫就沖左落水，飲左幾啖水，問佢仲去吾去呀，佢就話no, 哈哈，知驚未，0靚妹！ 不過有個正正常常既slide佢就去左玩幾次，但因為D水好凍，我地都吾係留左好耐，我諗大約3個鐘左右啦，但對佢地兩個來講，應該已經夠吧。 可能你地覺得難得去玩，應該玩盡去，但我地就覺得，有時玩都要適可而止既，更何況都吾想佢地凍親，做媽媽真係好鬼protective, 嘻嘻！  

雖然中途兩個都有D cranky, 但我地今個trip真係覺得好開心。 點解？ 我地玩完個晚，個個都9點幾就好累，而係無TV無computer無電話既時間，我地4個就係床到玩左陣，傾下計，我覺得個個時間真係priceless, 平時係屋企，你又會想執屋整呢樣整個樣，係hotel, 吾駛整任何野，可以有時間坐低傾陣計真係好愉快，而佢兩姐妹話一齊訓（我地拎左個portable crib去）， 佢地兩個係個crib到玩左陣，睇到佢地咁開心，我都覺得好欣慰。不過當然啦，佢地兩個無一齊訓，因為家姐complain亞妹係咁踢到佢，哈哈哈！ 

兩日一夜就咁又過左啦，我地已經plan緊9月既長假去旅行，希望我地經一事長一智，下次會再plan得好D啦！ 

餓鬼投胎，邊個叫你地食咁少lunch  XD

地方大，天氣好，希望summer吾好咁快走！

呢張係上網download落來，個slide都無難度既，咁都驚，膽小鬼！ (我地呢個trip無點影相呀，係水個度好難呀！！)

下(玩)水禮

上星期真係熱到癲左，有成90度，但感覺係110度，雖然我係中意夏天，但呢D咁熱既天氣又真係令人吃不消。 本來係打算去沙灘架，但見天氣又好似真係熱得恐怖，怕佢地曬親，所以我地決定轉戰去backyard度玩水算啦。  我地個pool, 真係用得少之有少， 其實夏天吾長，有時weekend出街又吾會用到，有時天氣差又吾會用到， 所以難得我地無街出天氣又OK，拿拿臨拎出來用下先啦！ 雖然D水都仲係好凍，但個日天氣咁熱，浸左隻腳落去一陣就覺得好舒服，哈哈，佢地兩個開頭都無浸架，但之後爸爸抱佢地入去，幾秘鐘後就玩得忘形，哈哈，而我地都enjoy左一個鐘頭，其實同佢地一齊真係好開心，當然吾係佢地cranky時候啦。  

Hannah而家大個，反而多發脾氣，成日都會為少少事吾中意而發脾氣，呢一下我真係好吾中意， 吾係所有野都要比佢，同埋吾係所有野都係佢，佢當然成日搶亞妹既玩具啦，但呢個係必經階段，我都無得控制，只可以不停解釋佢聽吾可以咁做，不過我照講，佢照聽，但係咪當我唱歌囉。 而係學校，老師評語係，佢所有野都OK，但都會發脾氣，同埋會玩衫玩鞋而吾專心上堂。  其實佢係屋企都係咁，但我地點教都吾聽，希望老師會有DD幫助啦！ 

anyway, 有時同佢地，都吾駛去邊D地方玩，只要一家人開開心心我覺得已經好滿足了。

新學校+上星期回故

近期真係好忙呀，因為上星期我放假，同埋hannah返新學校，所以返半日，湊佢放學跟住陪下佢，忙就忙D，但好開心呀！ 佢中吾中意新學校我就吾知，但我自己就中意，可能compare之前個間，呢間真係幾好，貴就貴D（成 USD＄930一個月呀），但之前個間都吾算係平，同埋捱一年後就可以免費讀書，算啦，貴就貴啦，但一分錢一分貨，佢地D老師好好，我地會好有溝通，接佢地時會話我地知佢今日點（之前問親都話吾知），夏天又有好多活動，例如有water play, 上星期五有個picnic, 月尾又有個beach party, 雖然都係係學校入面，但感覺上都有吾同既活動比小朋友呀，仲有吾同既語言教師，雖然未必學識，但起碼都有試過，跟住每星期五都有個show and tell, 係比小朋友係屋企帶樣野返學校去present一下，當然係老師幫手啦，但起碼我覺得訓練一下呢D skill都好，同埋上次hannah cousin整親，佢地會親自打比父母講，同埋有張字要簽名話你地知發生咩事，我覺得咁樣比較盡責，所以我都無後悔，我嫌送得佢遲呀！  希望hannah小朋友中意呢間新學校啦，嘻嘻。

 6月尾去hannah 畢業典禮，喊到豬頭咁，哈哈哈，雖然好慘，但真係幾搞笑

但返到屋企就變樣，女人幾善變

7月4日同佢地去我cousin屋企睇煙花同游水，好好玩呀！

上星期放假同佢去wendy's 食雪糕，真係好好玩呀！

星期五真係放左日假，約左朋友去city食野，首先去左一風堂食lunch, 之後再去行下食下，嘩，個海膽真係好好味呀，食完仲好回味，雖然吾平（成＄18一個呀，我仲要同朋友share),但真係好好好正呀！！！！！！！！

星期六去左upstate 個camp, 天氣真係好好呀，我地都玩得好開心，不過D小姐就cranky左一陣