走失記x2

真係好吾明，一向hannah小姐都比較痴身，以為出到去，佢吾會點走開，點知.....

上星期六，因為想買張枱比佢地寫下字，所以去左ikea, 本來一開始都好開心架，有新野買wor, 緊興奮D，咁hannah話想行行，咁就放佢出來啦，一開始佢都跟住我地，雖然都會吾合作，但我地話byebye佢都會跟住，之後我就推妹妹行前先，佢就同爸爸一齊行後，係前面等左佢地一陣，都無影，咁我地就去番搵佢兩個啦，老遠見爸爸打緊電話，佢見到我，問hannah呢？ 跟住我話我點知，你吾係同佢一齊既咩，個刻真係驚到心臟停頓，ikea話大吾大，話細吾細，有櫃有床，一個小朋友咁細，真係好難留意，個刻我真係驚左，始終佢咁細個，你點知有無D變態人係身邊，佢吾見左佢吾識返屋企架，真係嚇到鼻哥窿無肉，我又吾係好明，佢點會掛住睇野而睇吾實個女，不過男人都係咁，可以點？  之後佢就去番原路搵佢，我就向前行，不過我其實都坐左係個度等佢，所以如果hannah經過，我又無理由見吾到既。  之後我去番搵佢地，有個女人好心問我係咪搵個細路女，我話係呀，佢話你先生已經搵到佢，吾好擔心，我即刻沖去搵佢地，hannah已經喊哂口，我就驚到都喊埋一份，試想下，吾見左個女，真係吾怪得人，所以出去真係真係真係要拖實佢地，就算幾吾中意都好，都一定要睇實。  之後我問番我老公，佢話hannah掛住玩D drawer, 所以吾知去左邊，搵到佢時，佢係比人帶去ikea 個D職員到，好彩有個講廣東話既人幫佢，如果吾係都吾知點算。 唉，我地之後都心臟停頓左一排，比佢咁嚇一嚇，真係心血少都暈左， 其實本來有好多野想買，但比佢搞完後，都已經無心情了。 我諗我而家係應該買個GPS比佢掛係身，就算真係真係再走失，我都有機會搵到佢（當然希望吾好再發生啦！）