兩小無猜

一張同cousin哥哥兩小無猜既相片，真係好得意！ 佢地兩個相差三個月左右，所以可以玩得埋，希望大個會開心地相處。 Hannah B同我情況差不多，我自己本身都有個同年既堂哥，以前細個我記得一齊做節，中秋節仲一齊去玩candle, 好開心，不過人愈大就少聯絡，我同呢個堂哥都多年不見，特別係我係美國佢係香港，希望Hannah B 會將佢同cousin 哥哥既關係保持落去啦。不過話時話，我又有D吾想，原因係cousin哥哥父母既關係。 上次食飯時，係度講開佢地兩個成日夜晚喊醒，我地無出聲，不過佢地兩個就話，吾知係咪發惡夢，發到早上比人搶野玩，遲鈍既我當時吾知發生咩事，不過之後返到屋企，老公話佢地玩單打，我先知原來暗示我個女搶野玩。 我知小朋友係天真無邪，我都吾打算阻止Hannah B同 cousin玩，但如果佢地兩個依然係咁單打，我真係覺得佢地好無知。