如何對待自己好D

今日同朋友傾開，先發覺我地做亞媽既真係犧牲好多，吾好話生仔痛吾痛，就只不過係為左湊B關係，已經好耐無做好多野！ 

面膜：算吧，以前都仲會起碼一個星期一次，努力D時都會一個星期幾次，而家......一個月會吾會有一次？？？

facial: 自結婚後跟本就無做過，無時間又無金錢，有錢都會留番比BB用，唉！

買衫：多謝而家既technology發明online shopping, 如果吾係我地呢類人（即係亞媽）就無機會買衫了！就算而家去Mall, 都會係睇BB野先，自己既野.....放係最後！

出街食飯：以前都會間吾中一個星期出一次街食飯，而家，除非有咩事，如果吾係都無可能，更吾駛諗去fine restaurant, 而家D小朋友吾中意坐highchair, 成日都要抱，一有吾中意就發脾4，將玩具橫掃，大叫，狂喊....試問，又點敢同佢地出街吃飯 

點樣對自己好D？ 我決定今個月狂買自己既衫呀，鞋呀，化妝品，護膚品...係，可能下一刻我會好後悔，但如果再吾對自己好D我會仲後悔呀！！！！！！！！！！！！！！

你地又選擇點樣愛惜自己呢？嘻嘻嘻  (好一隻魔鬼，引你地呢班亞媽敗家，哈哈哈)

一歲過後

好耐之前已經睇過篇article話BB大約一歲就應該開始戎奶樽，防止BB牙仔會有問題。 其實咁耐以來，我都無點幫佢清潔牙腔，雖然佢無口臭問題，但點都覺得好似吾多衛生，但要點樣開始教佢刷牙呢？ 佢平時見我刷就以為係玩，但我平時沖涼時想幫佢清潔下連口都吾肯開，真係好鬼難。 佢平時吾肯食野既時候，我就會話，你大個一定好守得秘密，C都吾肯開口，仲要勁忟！身為亞媽既我，有時真係好難頂，所以weekend有時都係餵少少佢食，我都無哂心機啦！開始時以為佢吾肚餓，因為佢都食幾多奶，試過餵少D奶，但都係吾肯開口，比佢吹脹！所以我都放棄左，等佢比99治下佢啦，哈哈！

而家飲大人奶，仲未轉得哂，因為仲係observe緊，不過已經去到5：3既成份（5安大人奶，3安formula), 應該好快就可以轉哂。 開始轉時真係忟到亞媽都吾認得，因為飲大人奶佢poo吾到，谷住肚仔吾舒服，不過99幫佢放poo幾次之後，吾知係佢識得點痾定係已經慣左，而家poo poo已經回復正常了，真係thank god! 我地個排無得訓，真係超辛苦，就算話放假，都吾想成晚無得訓架！ 而家佢一日poo一次，真係安樂哂呀！應該過多幾日就可以完成轉奶儀式，希望到時佢會適應到啦！

D人話，一歲過後既小朋友，學習能力會快D，吾知係咪真呢，而家我地有時同佢講呢樣係咩黎，佢又會好好奇，講多幾次佢就識講出黎，好amazing呀！ 有時教佢寫字，當然佢未識寫啦，但佢會知道呢枝筆係用來畫野呀，寫野呀，雖然都係亂畫一通，但見到佢咁好學，我都好安慰。 

訓覺覺豬方面，因為而家佢成日都要係5點幾又nap多轉，所以而家9點幾餵完奶佢都吾訓，放佢係床上面就會叫叫叫，不過叫叫下就會叫到累而訓左，哈哈，不過都幾花時間，佢咁叫叫都起碼成30分鐘，而我既私人時間又少左30分鐘了，嗚嗚！ 但我諗我都寧願佢自己訓好過我晚晚都要抱，你估真係吾累咩，佢都幾重手架！ 有咩方法可以比佢自己訓自己張床呢？ 其實我吾想同佢訓，而放佢係自己crib度又會成日撞親自己，佢訓覺真係好似打風咁，360轉完又轉，佢張咁細既crib又邊會夠佢訓？想買D床欄又好矮，怕佢醒左會跌出來，大家有咩好主意？？ 

522生日

終於係office可以舒一口氣啦，咁忙既原因係，上個星期返到公司大地震，突然有個同事話吾做就吾做，只係email老細話吾做，跟住就無左影，唉，大佬，你吾想撈都吾好煩到我啦，搞到我老細又吾知點，我又要執手尾，超煩！ 雖然我本身都吾太中意呢個人，但對我黎講，佢除左係煩D之外，都無點bother到我，因為我吾會理佢D野。 Anyway, 做好佢D野之後，我又開始係office放假，哈哈，基本上都係日日hea過，有時都覺得幾悶下，但又可以點呢？

講番放假既星期，係5月22個日，即係Hannah B正日生日，早上既時候我地一家人係屋企dress up, 同Hannah B影一輯相。我地既background都係用佢生日party既decoration咋！因為出街好少影到3個人既關係，而出去影又貴同吾知好吾好，所以決定係屋企影。 之前上網買左個腳架同remote真係大派用場，幫左我地影左吾少既全家福，嘻嘻。雖然，學田鼠媽話齋，Hannah B依然好淡定，吾會係相片中有任何笑容，但其實佢都中意笑架，不過係相片中就難capture到呀！佢最中意笑既時候，就係我扮嬲"怒"佢，佢就會抱住爸爸笑，傻豬，媽媽見到你真係"怒"吾落呀！

我今日一歲大啦 

Hannah B: 媽媽，多謝你照顧左我一年啦！I love you!

Hannah 媽: I love you too!

難得既笑容，都係要我怒下先可以笑 

之後，我地就同佢去左Bronx Zoo。其實自從畢業後都未去過，不過去到既時候都已經忘記得7788 lu...我仲好記得我第一次去時，仲讀緊college, 同一個同學一齊去，行行下入左去一個睇爬行類既動物，點知突然間有隻青蛙係地下彈出黎，真係嚇到我亞媽都吾認得，自從個次之後，青蛙類既野我一見就彈開，要嚇我的話....你知道係咩啦（不過最好就吾好嚇我啦，哈哈！） 所以今次去，真係步步驚心，經過上次既經驗，去D黑暗既地方都係快D走，如果吾係見都D吾想見既野都幾驚。  

可能Hannah B仲細，所以對動物未有好大reaction, 而有個地方可以feed動物時，佢都有D驚同想喊，不過我相信到佢大左，應該無咁怕既。呢個zoo都幾大，行行下我都有D累，仲要有個BB照顧，真係有D頭痛，不過好彩天氣都好好，Hannah BB都無點樣發忟，最搞笑既係，我地坐坐下個D monorail睇動物，吾知係太累定係點，坐坐下係我大脾上訓左，真係好搞笑呀！ 因為平時既佢，要佢自己訓真係無可能，更何況係室外咁多人同嘈既地方，真係要講句amazing呀！ 

Hannah 媽：我地係Bronx zoo呀，你睇幾多動物

Hannah B: 吾好握我啦媽媽，明明影相個個係爸爸，邊係動物
Hannah 媽: ...................... 

Hello, 各位好，我叫Hannah, 今日一歲啦，nice to meet you! 

呢隻孔雀周圍走，勁多人走埋去都吾驚，好彩佢開屏，真係好靚！我同Hannah B都走埋一份，不過同佢影吾到相，哈哈

我chok吾chok呢？

原來真係有咁多動物，我以為係握人架！呢隻猩猩真係擺哂pose, 好多靚模都吾夠佢黎 

仲有長頸鹿呀！

隻豬仔一個累到無朋友，係睇動物既時候就睡魔急call訓左lu......係我大脾度訓，真係好sweet呀！

呢個zoo比我想像中大，而動物類型都幾多，其實仲有更多架，不過無影相咋，希望等Hannah B大D再同佢去過啦！個日既行程就到此為止，而Hannah B既生日就係咁過左lu.... 不過，爸爸媽媽年年既生日都會同你過，放心！可能到你大個時同我講，我要同朋友慶祝生日吾返屋企啦！如果係咁的話，我都會面對現實，點都會買個蛋糕等你返來慶祝！放心，Hannah B, 媽媽會比適當既自由你架！

希望Hannah BB快高長大，聽教聽話，開開心心，健康成長！  mommy and daddy love you forever! 

relaxing weekend

因為工作上好忙既關係，仲未有時間去整理Hannah B生日既相片，所以唯有比weekend既活動打尖先，嘻嘻。 星期六日，天氣勁好同熱，所以同Hannah B去左海灘（不過無落水玩），行下食下，睇佢自己搖擺咁行，真係好過癮！ 幾個星期前都未好識行既佢，而家可以係屋企行動自如，出街都可以行幾步，不過著鞋可能又未慣，所以要習慣下先。好中意呢個感覺，一齊行街街手牽手，真係好sweet呀！ 雖然無做D咩crazy stuff, 但同個女係海邊行下已經好滿足（同好累了），哈哈！

比99剪左個冬菇頭，怪怪地，不過是但啦！

扮tarzan叫，哈哈！

玩口水 bu 我地 

呢件連身衫中意就中意，不過換片超煩，要成件衫除哂.......  好彩買左一件only, 下次都係著D正常D既衫

relaxing weekend

因為工作上好忙既關係，仲未有時間去整理Hannah B生日既相片，所以唯有比weekend既活動打尖先，嘻嘻。 星期六日，天氣勁好同熱，所以同Hannah B去左海灘（不過無落水玩），行下食下，睇佢自己搖擺咁行，真係好過癮！ 幾個星期前都未好識行既佢，而家可以係屋企行動自如，出街都可以行幾步，不過著鞋可能又未慣，所以要習慣下先。好中意呢個感覺，一齊行街街手牽手，真係好sweet呀！ 雖然無做D咩crazy stuff, 但同個女係海邊行下已經好滿足（同好累了），哈哈！

比99剪左個冬菇頭，怪怪地，不過是但啦！

扮tarzan叫，哈哈！

玩口水 bu 我地 

呢件連身衫中意就中意，不過換片超煩，要成件衫除哂.......  好彩買左一件only, 下次都係著D正常D既衫