心情日誌

呢幾日心情的確好差﹐ 大部份原因係日本件事﹐ 加上早幾日又見到新聞講有架巴士係賭場回程中車禍﹐ 有15個人死左﹐ 大部份都係中國人﹐ 真係令我心情跌到谷底。仲未完﹐ 前幾日我同事聽隔離公司0既人講﹐ 之前有個90幾歲0既婆婆係度做﹐ 之後因為downsize所以無得做﹐ 到前幾日我同事話個婆婆早排係屋企附近比車撞到死左﹐ 聽完之後個日心情真係好頹﹐ 接2連3 0既不幸令我好唔開心。雖然唔係成日見到佢﹐ 但一個90幾歲0既婆婆仲好enjoy做野﹐ 有時係廁所見到佢﹐ 佢話唔返工0既時間會去做義工幫手﹐ 一個仲好有活力0既人就咁比人了結生命﹐ 唉﹐ 希望佢安息啦!  日日見到新聞﹐ 看到日本之前之後0既相﹐ 有邊個唔心酸? 不過都令我覺得自己仲好幸福!

前日見到新聞講日本人好守秩序﹐ 不得不能佩服﹐ 因為一件咁0既事發生﹐ 一定好混亂﹐ 但佢地依然可能好鎮定﹐ 無人搶野﹐ 仲排哂隊一個一個打電話 & 買食物﹐ 真係好利害。 想當年 911 事件﹐ 我地都不知幾panic, 之後0既blackout, 都係一樣﹐  好慶幸D 餐館無突然加價﹐ 發死人財始終唔係一件好事。 

希望大家心情快D 收拾﹐ 努力比心機重建家園﹐  God bless!