滿月啦

6月22日是我家Hannah滿月, 我地打算搞百日宴, 不過老人家話滿月都要一家人食餐飯.  希望Hannah健健康康, 開開心心, 聽聽話話.  

訓覺都要擺pose 哈哈



好唔願意比媽媽影咩?? 

滿月全家福 

單眼B? 哈哈

滿月啦

6月22日是我家Hannah滿月, 我地打算搞百日宴, 不過老人家話滿月都要一家人食餐飯.  希望Hannah健健康康, 開開心心, 聽聽話話.  

訓覺都要擺pose 哈哈



好唔願意比媽媽影咩?? 

滿月全家福 

單眼B? 哈哈

湊B方式

每個人湊B方式都唔一樣, 我亞媽就講一套做一套, 而老公就唔聽人意見, 大家各執己見. 有晚BB好乖, 我同老公就傾計, 講下大家以前嘅童年, 我地嘅童年係好大分别, 我係係温室長大, 同其他父母一樣, 我都係比父母監管好嚴, 又鋪排哂将来條路, 細個學溜冰, 鋼琴, 畫畫, 唱歌, 游水, 真係好Q忙, 讀書一般啦, 叫做畢到業, 呢條路係正常父母會鋪排給子女. 而老公好細個就離開父母, 同亞婆一齊住, 所以同父母關係疏D, 到七八歲再一齊住番, 已經好陌生, 陌生到佢話呢個係父母都唔記得, 雖然可能間唔中見下, 但分開住同一齊住又真係好大分别. 所以佢唔想太依賴其他人, 我都明白佢點諗, 佢唔想BB行番佢以前條路. 雖然未必比到最好嘅給BB, 但最重要係一家人開心健康, 呢個係我倆嘅目的. 將來BB係點我唔知, 但我同老公都一致贊成會帶BB返教會, 同耶穌上契, 學習聖經嘅道理. 我唔需要BB大富大貴, 希望佢做個有用嘅人, 同有一顆善良的心.

湊B方式

每個人湊B方式都唔一樣, 我亞媽就講一套做一套, 而老公就唔聽人意見, 大家各執己見. 有晚BB好乖, 我同老公就傾計, 講下大家以前嘅童年, 我地嘅童年係好大分别, 我係係温室長大, 同其他父母一樣, 我都係比父母監管好嚴, 又鋪排哂将来條路, 細個學溜冰, 鋼琴, 畫畫, 唱歌, 游水, 真係好Q忙, 讀書一般啦, 叫做畢到業, 呢條路係正常父母會鋪排給子女. 而老公好細個就離開父母, 同亞婆一齊住, 所以同父母關係疏D, 到七八歲再一齊住番, 已經好陌生, 陌生到佢話呢個係父母都唔記得, 雖然可能間唔中見下, 但分開住同一齊住又真係好大分别. 所以佢唔想太依賴其他人, 我都明白佢點諗, 佢唔想BB行番佢以前條路. 雖然未必比到最好嘅給BB, 但最重要係一家人開心健康, 呢個係我倆嘅目的. 將來BB係點我唔知, 但我同老公都一致贊成會帶BB返教會, 同耶穌上契, 學習聖經嘅道理. 我唔需要BB大富大貴, 希望佢做個有用嘅人, 同有一顆善良的心.

崩潰

終於明白點解我會咁大壓力, 源頭並不是來自BB, 原來是來自母親大人. 好多事我都明白, 我明白佢想幫我, 而我次次見到佢買野比BB我又將我的不滿收埋, 唉, 原本以為有個人會舒服D, 點知仲辛苦過自己做. 好似今日, 見到BB肚餓, 已經喊哂, 又話沖完凉先食野, 沖凉搞到喊哂, B辛苦我又心痛, 佢成曰話BB喊下好閒, 叫我唔好咁緊張, 其實我無野, 係佢見到就抱, 講一套做一套, 跟住又成曰話我地唔聽佢講, 其實佢自己毫無經驗, 我見到佢湊都心寒. 跟住有次BB喊, 老公就抱住佢氹佢, 母親大人想抱下但老公阻止, 佢又唔開心, 關門大覺訓. 其實我而家先知佢好細路, 小小事就耿耿於懷, 同佢講佢仲係我面前喊話我變左, 態度差, 我個刻真係吹脤脹, 令我真係好辛苦. 有時我都需要休息, 因為我係夜晚照顧BB, 所以早上時間係母親大人湊, 我老公覺得我應該多D時間擺係BB度, 但佢有無想過我都會累, 我唔覺得BB比人照顧一個早上就會忘記父母, 而且我唔係鐵人, 比媽凑一陣應該唔會太大不了, 但就搞到我好大压力. 可能有一曰, 我同個女遠走高飛, 真係頂唔順.

近況

實在係忙，忙到自己都不似人形，初生嬰兒需要好多時間照顧，而且我自問唔識湊B，開頭真係超級煩躁。上星期都仲有老公幫手，今個星期佢開始返工，真係好似無左對左右手。前幾曰又唔知點解BB唔肯食野，好好好擔心，真係養兒一百歲，長憂九十九。上星期又覺得自己好大壓力而嚎哭一大餐，覺得自己無鬼用，BB喊又唔識氹，唔舒服又唔知點做，想餵人奶又偏偏無乜奶，真係搞到以為有產後抑鬱。老公見我唔開心就同我講無人天生識湊，叫我慢慢學，做媽媽要堅強D，唔可以咁快就放棄，其實我明㗎，不過真係好大壓力，加上同亞媽又有D不愉快，所以湊B呢個任務落係我身上。呢幾日開夜班，負責餵夜奶，最難係要唔好嘈醒人，因為亞B喊時真係爆炸力勁人，有時比佢喊到心都煩，加上睡眠不足，真係辛苦。

又係時候要照顧小公主，下次再談論湊B之苦與樂。

近況

實在係忙，忙到自己都不似人形，初生嬰兒需要好多時間照顧，而且我自問唔識湊B，開頭真係超級煩躁。上星期都仲有老公幫手，今個星期佢開始返工，真係好似無左對左右手。前幾曰又唔知點解BB唔肯食野，好好好擔心，真係養兒一百歲，長憂九十九。上星期又覺得自己好大壓力而嚎哭一大餐，覺得自己無鬼用，BB喊又唔識氹，唔舒服又唔知點做，想餵人奶又偏偏無乜奶，真係搞到以為有產後抑鬱。老公見我唔開心就同我講無人天生識湊，叫我慢慢學，做媽媽要堅強D，唔可以咁快就放棄，其實我明㗎，不過真係好大壓力，加上同亞媽又有D不愉快，所以湊B呢個任務落係我身上。呢幾日開夜班，負責餵夜奶，最難係要唔好嘈醒人，因為亞B喊時真係爆炸力勁人，有時比佢喊到心都煩，加上睡眠不足，真係辛苦。

又係時候要照顧小公主，下次再談論湊B之苦與樂。

寶貝女兒 - Hannah baby

不知不覺湊B已經成10日, 講真, 真係未多慣, 以前訓覺就訓, 而家要定時定侯起身, 我個寶貝女喊聲驚人, 一肚餓就喊, 好利害, 同我細個有得fight, 哈哈! 不過, 自己懷胎10月, 而BB只不過係10日人仔大, 我相信BB都未慣呢個新環境, 到佢將來長大就應該OK.  最辛苦應該係夜晚個餐, 希望佢可以快D一覺訓到大天光啦!! 


BB仔變得好快, 由剛剛出來至而家我覺得唔同左樣, 你又覺得似我定爸爸呢?

剛出來既第一張相, 大喊十, 哈哈 (仲係產房入面剛剛清潔完)

仲好水腫呀! 

乖乖女

第一張全家福, 超累!

返到家中,  哈哈, 又要食

又要訓

 


我可愛的女兒呀, 真係百看不厭

寶貝女兒 - Hannah baby

不知不覺湊B已經成10日, 講真, 真係未多慣, 以前訓覺就訓, 而家要定時定侯起身, 我個寶貝女喊聲驚人, 一肚餓就喊, 好利害, 同我細個有得fight, 哈哈! 不過, 自己懷胎10月, 而BB只不過係10日人仔大, 我相信BB都未慣呢個新環境, 到佢將來長大就應該OK.  最辛苦應該係夜晚個餐, 希望佢可以快D一覺訓到大天光啦!! 


BB仔變得好快, 由剛剛出來至而家我覺得唔同左樣, 你又覺得似我定爸爸呢?

剛出來既第一張相, 大喊十, 哈哈 (仲係產房入面剛剛清潔完)

仲好水腫呀! 

乖乖女

第一張全家福, 超累!

返到家中,  哈哈, 又要食

又要訓

 


我可愛的女兒呀, 真係百看不厭