抽血風雲

係US呢邊，大約一歲既小朋友要抽血驗鉛，驗鐵....（我都吾清楚啦，總之就驗野啦）由於Hannah B差不多一歲，上星期六我地就同佢去見醫生加抽血。未講抽血前，講下佢既重量同高度先啦。佢而家大約22磅左右，大約30 inch高，醫生話都好標準，因為Hannah B出世時重六磅五，多數既小朋友一歲大都會係三倍出世時既重量，咁22磅就已經幾好架啦，希望會keep住上升啦！ 雖然Hannah B食solid吾係咁好，但醫生話其實吾需要食好多，一餐大約六安士分量就算係OK，即係大約大人飯碗一半左右啦，雖然佢有時都吾係幾肯食，但我諗加加埋埋都可能有六安士既，咁就算啦.....有時真係迫吾到，同埋而家佢好中意自己食，我地比生果佢，佢要自己拎住食，我有時好怕佢choke親，但有時成個一蚊銀咁大既蜜瓜佢都食到，我係咪吾應該咁擔心呢？Anyway, 見完醫生一齊都好正常，咁就去姑娘到抽血啦。而就快一歲，就可以開始由formula轉去食whole milk(大人奶），不過當然吾係一次過轉啦，要慢慢咁加入，怕佢地未咁快適應到。希望到時Hannah B會叻叻，轉飲大人奶無問題啦！

未去診所前，我都好擔心，我怕Hannah B會喊，會驚，會嘔...其實我自己細個時又何嘗吾怕抽血打針，係大個左之後先覺得無咩特別啫。 我真係驚過佢，雖然老公話吾駛怕，但又點可能喎。一開始時Hannah B都無咩野，但見到自己隻手比縛就開始發忟，而又因為佢既血管太細同幼，姑娘真係好難抽，佢又係咁郁，又喊，又大叫，唉..... 我見到都好心酸，但就無咩可以做，除左distract佢。 開始時姑娘試下係手臂位抽（即係我地大人抽血既位置），但之後佢試左幾次，支針拮完又出又入，因為佢抽吾到，Hannah B又發恆哂力，所以比佢搞到瘀鬼哂，所以中途就休息左一陣先，緊係啦，等佢calm down左一陣先入去，真係難為了我地呀！ 之後試下又手背位抽，雖然血管都吾多，但總算抽到，不過佢都係咁喊，好慘好慘，我個心好痛好痛，嗚嗚嗚..........算啦，吾開心既日子過左去，希望下年再抽時會好D啦，哈哈！ 

隔左幾日既針孔，而家仲瘀埋tim.....唉！不過應該好快無事既！手臂位置仲瘀呀，不過影吾到lu