有一日BB下午要訓晏覺，平時我地都會拍拍佢先訓，但個次我又好眼訓，咁就訓左係佢隔離佢就自己玩，當然，我吾係真係睡著左，都係合埋眼休息下狀態，朦朧之間知道佢係度爬黎爬去，我就由得佢，跟住又聽度佢係度講野，都由得佢，隔左一陣，發覺點解咁清靜既， 原來佢爬爬下好累，係我腳邊訓著左，哈哈！見到佢食條蟲仔咁捲埋係我腳下，真係好得意呀！ 我地就一齊訓左個晏覺，起身時見到佢，爆笑左出黎，佢既打風頭實在太頂癮啦，哈哈哈哈哈！媽媽忍吾住要幫佢影相，比佢大個睇番佢個頭係幾咁頂癮，哈哈哈！
BB：媽媽，好衰架你，又吾幫我梳番個靚頭先影相
媽媽：吾緊要啦，咁先真實呀ma....哈哈哈！
而家個女係咁痴爸爸，難怪既，佢對住爸爸既時間係多過我，講真，weekend時間我係係屋企，但係我又要煮飯洗衫洗碗乾衣摺衫，邊可能有咁多時間陪個女呀！ 話就話可以吾洗做咁多野，但吾做，咪又係儲埋等我一次過做。我老公係吾會做呢D野，連洗衫，都要我叫佢拎D衫出黎先肯比我洗，可想然知有幾幫得手。 有試過吾記得左問佢，佢D衫就無洗，佢就話點解吾叫佢，我咪話吾記得囉，自己D野要洗就一早拎出黎，你估你仲係小朋友要我照顧，開玩笑！！所以叫佢搞BB party, 真係算吧！佢只會比意見，其他野...都係得個講字，所以男人靠得住，豬X會上樹呀！佢仲要同我講，你叫我做咩就做咩啦....唉，幾時會咁聽話？肯定到時又一大輪嘈交呀！
BB而家晚晚同我訓，已經好耐無上自己床訓lu. 其實我寧願佢訓得長D，總好過訓訓下又喊醒，跟住又要人陪住咁訓。 而家既佢，有時間中都會叫一兩聲，但就吾會好似以前咁喊，我只不過會間中睇下佢有無被，就一覺訓到早上，都算係咁啦。 雖然我不嬲都吾主張一齊訓，但你要明白，吾夠訓之後仲要起身返工係幾咁辛苦既一件事，所以到佢識行識走之前，都係同我訓好！ 不過最慘係，難為老公要自己一個係房度訓，哈哈，無計！
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
哈 哈 哈 ....個 打 風 頭 好 正 呀 !!!! hannah b 越 0黎 越 可 愛 喇 !!!俾 ee錫 啖 先啦 ~~
ReplyDelete做 還 做 , 都 要 有 family time&俾 自 己 抖 0下 enjoy0下啊 ~~
話 時 話 , 分 房 瞓 你 老 公 會 唔 會 投 訴 架 ?
[版主回覆05/10/2013 03:39:08]如果可以的話我吾想囉.........
[M & M回覆05/09/2013 04:02:00]yeah~~king size 床 一 齊 瞓 都 幾 溫 馨 甜 蜜 ~~~
[版主回覆05/09/2013 03:16:45]我係屋企似係亞4多D.....吾覺得自己有時間休息喎...
無喎，佢有時覺得悶會過來摟住我地訓...再係咁落去，遲D要買張king size bed先得啦，哈哈
囡囡係嗲D前世情人，所以佢咁黐妳老公囉
ReplyDelete唉呀，男人係咁，要叫先會做嘢，而且有時真係好似凑仔咁
[版主回覆05/10/2013 23:22:50]
[Oli回覆05/10/2013 07:06:52]係丫，佢咪妳大仔囉
[版主回覆05/10/2013 03:38:30]咁我咪要湊多個？ 真係嘔血.............
超得意。打風頭。
ReplyDelete一齊訓好sweet 。我只試過一次。因實在太眼訓。仲要呀囡喊住我都訓到。佢累了一起訓。好彩我係好醒訓
[版主回覆05/10/2013 03:37:53]其實我自己中意分開訓，不過無得選擇之下唯有一齊訓啦
佢幾大開始同你訓?有時我都會念依個問題!
ReplyDelete[版主回覆05/10/2013 03:36:50]佢都係近呢幾個星期先同我地訓，佢之前係自己一個人訓架。 其實我都係吾suggest同一齊訓，不過我地實在太累先要同佢一齊訓咋
嘻嘻！好可愛呀！
ReplyDelete[版主回覆05/10/2013 03:35:41]thank you
Hannah B簡直道出小高姐姐的心聲，哈哈 ~ 但媽媽的話又言之有理，有真實，太可愛了！
ReplyDelete可能異性相吸，女仔總係痴爸爸多d！但大大下就痴多d媽咪，因為媽媽會同佢扮靚靚、去街街！
[版主回覆05/10/2013 03:35:31]其實我都無所謂，一段段時間啫，最重要佢開心同健康就得啦
Love the "tornado hair style"! Too cute!
ReplyDelete[版主回覆05/10/2013 03:34:55]haha, thanks....
下佢d 衫要洗咪不如放個basket 在bathroom, 等佢自己放囉。唔通佢在房裏"林山黎"?
ReplyDelete[版主回覆05/10/2013 03:34:04]有架，不過佢D出街衫全部掛係房......
打風頭超可愛
ReplyDelete[版主回覆05/10/2013 03:33:37]嘻嘻，多謝姐姐
好可愛呀
ReplyDelete[版主回覆05/10/2013 03:33:17]thank Q
呢個頭, gel都gel唔番呀!
ReplyDelete換張大啲既床, 咪可以三個一齊瞓囉!
[版主回覆05/10/2013 03:33:08]係呀，我而家朝早都見吾到，哈哈！
已經係queen size, 再買king size真係間房無位啦
once she sleeps with you, it will be very difficult to separate after. But never mind, get some good sleep for now.
ReplyDelete[版主回覆05/10/2013 03:31:28]that's ok....i think eventually she'll sleep on her own
點解唔3個一齊訓呀？
ReplyDelete我仔有時都係會同我地2個一齊訓，不過會成日比個仔襲擊囉..HAHA
BTW....人地都話生仔會痴丫媽，生女痴丫爸，聽講咩前世情人喎..HAHA
[版主回覆05/10/2013 03:31:03]因為亞女訓覺好似打風咁，如果三個一齊訓，我地兩個一定無覺好訓......
哈哈~~~ 打風髮型都幾可愛呀
ReplyDelete[版主回覆05/10/2013 03:30:10]哈哈，吾係成日都有風打架
上次睇片已經3號波，今次8號波仲勁，哈哈，笑C人啦！！
ReplyDelete男人懶做家務都無辦法，向好方面諗，仲肯花時間湊Hannah都好過冇啦
[Yan回覆05/11/2013 08:32:46]都無得驚太多, 到時再算啦! 但好消息係, bb一歲後爸爸較識得同佢地相處, 到時可以分擔o既野會多d架
[版主回覆05/10/2013 23:22:30]唉，我都吾敢想像呀！
[Yan回覆05/10/2013 20:47:29]其實未陀第2件, 都ok o既, 不過如果有計劃再生, 爸爸就要勤力多D啦
[Annie回覆05/10/2013 08:31:44]肯睇bb都好d， 所以一仔大d，我都会教佢幫手做家務！
[版主回覆05/10/2013 03:29:49]都吾知做咩無拿拿打哂風，哈哈哈！
男人都係懶，佢有時間打機但無時間幫手做家務，ummmm
我都鐘意睇hannah b最真實、最自然o既一面呀，快啲post多啲出黎啦
ReplyDelete你老公都唔分擔下啲家務，畀我真係忍唔住惡啤等佢醒水，個家兩個人都有份架嘛
[版主回覆05/10/2013 03:26:42]佢懶到出汁，我都無計.......所以有時我都吾煮，我都想陪下亞女架！
哈哈，佢個頭吾係成日都係咁，咁岩個次訓到打風咁咋
Mrs. Wu.... Hannah 的打風頭, 超型爆....好自然好cute ....!!
ReplyDelete[版主回覆05/10/2013 03:24:53]係呀，全天然架，哈哈
雖然好多人都話唔好俾bb 同自己一齊瞓，但我身邊既朋友全部都係同bb 一齊瞓。
ReplyDelete我除左晚上一定放南瓜仔係bb 床外，平時我都係放係大人床，佢瞓我又瞓，哈
[版主回覆05/10/2013 23:21:58]係呀，就係試過個排晚晚都係咁，真係人都癲，之後返工好似zombie, 所以算啦
[嘉路回覆05/10/2013 08:38:00]放係隔離真係方便好多，佢一喊，即拍，可能就瞓番.....
放係bb房，就係佢喊，最快都要幾秒，可能左佢，佢都可能瞓唔番，而且過一過去抱，真係好累！
[版主回覆05/10/2013 03:24:12]其實我都想放佢係自己床訓，但係佢又成日醒，我地又好累，所以先迫於無奈咋。比我揀，我係吾會同佢一齊訓。
haha....BB同後面隻 hello kitty....一樣 post 嘅 ?!?!?!
ReplyDelete[版主回覆05/10/2013 01:22:32]咦，你吾講吾覺喎....哈哈哈！！！！！
瞓觉及瞓醒头髮都似打風，好cute！
ReplyDelete[版主回覆05/10/2013 23:20:46]哈哈，可能發夢打完風
無黎一排, Hannah B大個 (隻)左好多喔~好想啜佢面珠dum呀..
ReplyDeleteYin B都同我地訓大人床咖~平日就跟嫲嫲,
假日就跟我訓..爺爺同Yin Ba就做廳長..
[版主回覆05/10/2013 23:20:19]下，咁慘？無房訓嘞？？
個髮型....
ReplyDelete[版主回覆05/10/2013 23:19:26]哈哈哈，型到呢....
bb同慣左你訓...就好難要佢自己訓架啦, 所以我唔敢俾小B同我地訓, 除非佢半夜扭計啦~
ReplyDelete[版主回覆05/10/2013 23:19:08]都係因為佢夜晚扭得多我先同佢訓咋....
打風頭都一樣咁可愛呀
ReplyDelete[版主回覆05/10/2013 23:18:25]嘻嘻嘻，多謝JO姐
I love 打風頭！
ReplyDelete吓， 原來MR WU獨處一室架？同我姊夫一樣呀哈哈哈。
[版主回覆05/10/2013 23:18:06]哈哈，係喎....不過都大D我就比番Hannah自己訓，我吾想佢咁依賴我地
打風頭好爆笑，俾我都會咁影
ReplyDelete[版主回覆05/14/2013 05:07:02]哈哈，真係好爆笑下
阿囡俾你湊到肥嘟嘟, 樣子好可愛呀, 你呢個媽咪勝任有餘,, 讚~~
ReplyDelete[版主回覆05/14/2013 05:07:31]哈哈，多謝LL，都係咁啦，無咩特別
瞓醒覺覺隻眼好大!..Hannah頭髪而家好濃密...一齊瞓要好小心...大被會蓋過頭有危險,自己亦會壓扁bb的...
ReplyDelete[版主回覆05/14/2013 05:08:05]會小心啦，欣欣....
Hannah is so cute a!
ReplyDelete[版主回覆05/14/2013 23:01:58]thank you
你囡囡好可愛喔~~
ReplyDelete