媽媽又病了.............

點解我成日都病架？真係好鬼苦惱。 今次可吾可以又blame Hannah BB呢？ 其實都係佢要開AC訓既關係，佢就不知幾爽，而我就不知幾凍，所以就咁凍親了.......唉！ 都係自己抵抗力吾掂，希望快D好番啦！ 不過Hannah BB又不知幾咁舒服，無汗出又凍凍地......駛吾駛呀！

不過雖然星期六日都係同病魔作戰，但因為天氣實在太好，我抵吾住頸都要同Hannah BB出一出去，嘻嘻，本來打算去outlet既，不過見自己吾多舒服，都係係屋企附近hea下算啦，有咩事都可以即返屋企休息，唉，又難為左爸爸啦！ 我地尋日真係超累，weekend又要清潔屋企又要煮飯洗碗，真係企左咁耐好累呀！到晚上亞女有時又會喊，我同老公講，不如請個part time工人，等佢星期六日可以幫我打理家頭細務啦，我真係十隻手都做吾哂咁多野，原來有亞媽係度，真係差好遠，而我地又邊有人地咁幸福（樓下兩位），有亞媽湊B又可以自己得閒出街，哼！ 所以我決定等亞媽下次過來，我同老公就去旅行，我..............真係頂吾順啦！ 

吾好意思，拉得太遠，都係講番同Hannah BB去park到玩先，嘻嘻。 雖然有病在身，但見到BB好開心咁行來行去我又好開心，最重要係個park吾係好多人，小貓三兩隻，仲有個十分大既足球場比Hannah BB走來走去都吾怕跌親（因為係草地呀），開始時佢都吾敢行，但之後試過幾次之後就行動自如，嘻嘻，真係好好玩呀！ 吾知係咪個park仲新，吾係好多人知道，所以無咩人呢？不過我就係中意吾太多人，咁先可以多D空間呀！ 

咁就過左一個weekend啦，希望自己快D好番，吾駛爸爸咁辛苦要湊兩個！ 


綠油油既草地上，媽媽，我識行，就識走tim呀

去左Mcdonald食野，Hannah B話又要食，哈哈！

豬咀係點？等我示範下

著新衫同媽媽影相，我要做model 

歡送會

我地公司有個俄羅斯人係我地一個client, 不過租我地公司一個space用，而佢下個星期將會去第二個國家做野，吾返NY lu....佢係一個好友善既人，雖然有時有D長氣，但總好過好多惺惺作態既人啦！ 我地同佢已經有好多年關係，希望佢去到第二度會適應啦！

我地就係琴日幫佢搞左個迷你歡送會，哈哈，不過都係食下野傾下計，無咩特別既。 本來打算出去食，但佢要求想cater in係公司入面食，覺得咁樣warm D 喎，咁佢係主角，我地當然吾會say no啦！ 

野食方面，我地多數都係去office附近既意大利餐叫cater, 今次已經係第三次啦，我吾係話佢吾好食，但有時食過，又想試下新野，不過同事就覺得OK，咁我就要求點下吾同既野食，如果吾係好悶架！ 

今次我地叫左Fusilli Pesto （吾知中文係咩，總之就意粉 with basil sauce） Pollo Scarpariello （有雞同腸加上檸檬同garlic), 仲有其他salad, spinach, roasted potatoes, 一餐好typical既鬼佬餐，不過又幾好味既。 

好戲在後頭，我最最最中意既就係臨尾既cheesecake! 係office附近買既，佢既甜品真係好味，上次Hannah B 6個月大既napoleon就係出自佢地既手筆。真係好一流，入口即溶，好回味呀

！

食下食下，咁就好快過，又係時間要做野....明天係週末，have a nice weekend

傷痕累累

小朋友受傷係一件好正常既事，有時跌跌撞撞就一身都傷哂，我都見怪不怪，不過，前日返到屋企時，見到Hannah B隻手有幾條傷痕，面上都有一條，咁正常來說，係咪會問下發生咩事先？而家係由我6299湊，其實我吾介意佢地話Hannah 跌親呀，整親呀，咁咁咁，但問親佢地既答案，一係就話 "哎呀，吾知呀" 一係就話 "噢，吾係我湊架，係你62湊架" 叫我問佢，到問佢，又係吾知，唉！我都係想知發生咩事啫，吾係要怪責佢地，但咁樣不負責任同A字膊我就真係吾多欣賞囉。最大問題，已經吾係第一次，第一次時，係佢學行，行行下跌左落張椅子到整親眼皮，呢件事已經係幾個月前既事，條痕到而家仲未退...第二次又係撞親個頭，腫左成個波咁，唉..........我見到咁，其實好心痛，但我又無能唯力，就算佢地幾吾中意我地都好啦，吾該吾好搞我地個女，佢係無辜架！ 我知我老公好吾開心，覺得自己無用，搵吾到錢要個女比佢地湊，但我都同佢講，就算比錢人湊，都吾會係100%肯定佢地係好架啦，但佢又話， 起碼人地吾會同你講吾知喎....唉，突然間好掛住自己亞媽，起碼我覺得佢會用心機去湊，吾會hea住咁湊囉。而家我朝朝同Hannah 講， 你要乖呀，識自己照顧自己呀，雖然佢都吾知我講咩，但我都要alert下佢先呀！ 

雖然吾係好傷，但我只係想得個知字，如果佢地湊佢都吾知發生咩事，咁同無人湊有咩分別先？？？？？

各位blog友，吾知大家有無識人做湊B呢？我家姐想搵個人幫佢湊BB，不過吾要賓賓，吾駛過夜，做一至五，好似office hour咁，有少許經驗啦，幫手睇下BB，餵奶呀，玩呀，換片呀，或者有時趁BB訓左可以出去幫手買下餸（我家姐係有個工人既，咁工人可以幫少少手睇住！）人工方面就吾知啦，不過應該可以negotiate既。 佢吾需要而家幫手，我諗大約10月到啦，吾該哂大家！ 有咩可以PM我，thank you! 

父親節快樂

又到星期一啦，weekend既時間過得實在太快啦！未休息夠就已經要返工，真係......不過其實對我來說，返工仲得閒過吾返工，湊女既日子真係超超超忙架！

 

星期六上午都係留係屋企過，因為多數都想亞女食完野訓完覺先出去。 我地下午有個doc appt, 亞女又係時候要打針針啦，嗚嗚.....其實真係驚架，支針咁長打落去，心痛既係我。 Hannah B比之前重左少少，不過都未夠重一磅，醫生話，過左一歲之後，重量大約係兩至三個月先重一磅， 一切都好正常，不過都係擔心亞女吾食野會無營養。醫生話，如果佢吾太食野，就吾好比佢食大人奶，keep住食formula（不過係for toddler個隻），但其實我又吾想咁做，因為佢吾係吾食，係食少D啫，或者觀察下佢有無重到，如果下次打針針都無點重，咁可能就係吾夠營養，會轉食formula。 （唉，小朋友點都有D野令人擔心）。希望呢個stage快D會過去，而我地又可以worry-free啦，哈哈！ 今次打兩枝針針，一枝係MMR（好似係麻疹），而另一枝係Hep A (甲型肝炎），醫生話打麻疹要留意兩至三個星期，因為有機會發燒，真係好鬼驚呀，雖然知道發燒係好正常既反應，但當一有事時又真係好擔心，手騰腳震.....希望亞女會無事啦！ 

而過去既星期日係父親節，雖然都係無咩點過，但都好開心陪女陪老公，我地下午去左一個所謂既amusement park, 哈哈，不過係for 小朋友，吾係太激，當然，我地只不過係睇下，吾係真係去玩（因為Hannah BB仲細呀！），好彩吾駛入場費，如果吾係我地都吾會入去啦，哈哈！不過玩一個game, 就要比錢，好似一個要＄3，真係識揾小朋友錢呀，如果小朋友未夠高，又要大人陪，即係要比＄6，嘩.......都係等Hannah 大個自己去玩啦，哈哈！（其實我都吾敢玩D機動遊戲，我驚架，哈！） 晚餐我地就叫外賣返屋企食，請左老公食sushi, 佢真係勁食呀（因為有人請），叫左個二人船都差不多佢自己食哂，仲叫左其餘既roll..我地兩個人真係食得哂，勁！但我成日覺得佢地既boat都係好少野，個幾片sashimi同sushi真係吾多夠食囉！ 

題外話：父親節，佢brother就叫佢父母去佢地屋企食野，而我地就being leave alone.....ummmmm，我吾介意，但佢地D人真係好無禮貌。

題題外話：邊度有D平價鞋買比BB？我地呢邊一對波鞋都要成起碼＄30....買左真係肉赤！

小朋友特別中意hide n seek, Hannah B既至愛而家係枱底，哈哈！

好中意呢張相，Hannah B依偎係爸爸度，仲要偷笑，真係好sweet

遊樂場都好多野玩，好似木馬呀，過山車等，不過都係等佢大D先啦！

識行就走來走去，無時停...

好煩惱

都吾明點解Hannah B食野硬係咁衰！唉.......我99又話佢吾多食野啦！ 平時佢好既時候都係食到大人碗既一半， 對一個一歲多既小朋友黎講，我諗算係小了，不過真係迫吾到，我地就唯有食得幾多得幾多啦，就算吾係開餐既時候，我地都有時餵下佢生果，包包，餅餅..等等之類既野，起碼都叫有D野落肚，雖然佢無點輕到，而我都覺得Hannah B既吸收力係超強，因為compare cousin 哥哥，Hannah B會日日poo poo一次，都係正常既poo poo, 但始終吾食野吾係咁好，特別係轉左大人奶，無以前飲既formula咁高營養，所以要係solid上比多D營養佢。 老公成日都話我地食完先餵，其實吾係我地，係叫我咁做.....我有時都好frustrated架，佢吾食野，又要我tum, 又要睇電視，又要用佢最愛既蕉蕉引佢開口，真係好吾明呀！！！！！！！！！ 有無blog友既BB都係咁呢？我應該點做好？ 好煩惱.................

講完自己個女，又8下人地D野先，嘻嘻。  話說cousin哥哥由細到大腸胃一般，食完野就痾個隻，好個日可能會poo poo兩次，但平均來講都會poo 三次，咁poo咁多當然係吾正常啦！ 而佢既皮膚又十分sensitive, 如果poo完之後吾即刻換片片，佢個pat pat就會即刻紅哂（我都見過，真係好到痛個隻），而99話近排仲比poo poo醃到起水泡，呀，好陰功呀！我就諗起之前Hannah B用H牌片片會起粒粒，咁我咪話會吾會係片片問題呀，而我又知道P牌有隻片片係for sensitive skin, 咁就叫99 suggest佢地用啦，當然，用吾用係佢地既事，我地做左自己應做既就算係咁啦。 而cousin 哥哥又細到大都係有D eczema, 吾係好嚴重，但係手呀咀邊呀就特別多，如果有D咩吾即刻抹乾淨又會出，佢地兩公婆又成日吾記得幫佢查藥膏，唉，慘！ 我99話叫佢地買D燕窩比cousin哥哥食，可能對佢會好D（雖然吾知有咩跟據，但你都想自己個BB好卦），但佢地就話，駛咩呀，無事既，成一百蚊吾捨得買，不過佢地就自己成日食，真係好野就益自己先，呢D亞媽....ummmmmm...我只可以聆聽，我對cousin哥哥都愛莫能助，希望佢可以健健康康咁成長啦！ 

PS: 睇吾過眼既係，個亞媽可以成日去修甲，整理自己既外貌，而對自己既小朋友就比99湊......佢地仲衰到星期日出去同朋友食飯都吾同自己小朋友去，留比99湊，我真係祝佢地好運啦！

身體吾健康

好耐無見啦，你地好嗎？我無潛水呀..只不過係身體吾健康問題搞到無心機寫blog, 唉！ 星期日晚上食完dinner都無事，到淩晨4點左右，肚既位置突然劇痛，痛到起左身，跟住就即刻走廁所！ 來來回回去廁所，真係去到腳軟....我都吾清楚我食左D咩，我見我老公同BB又無事，咁即係我自己既問題啦，唉，真係好辛苦呀！ 所以星期一就請病假一天，係屋企休息，呢兩日都係咁食流質野，因為真係好無胃口之餘，食D肥膩野時又會去廁所，吾該病毒快D遠離我，我吾想再咁辛苦呀！！！！！！

講番上個星期做什麼！其實因為老公要讀書，所以星期六全日我就負責湊B，雖然吾係咩大不了，要一個人湊B其實都幾煩架，哈哈，好玩時就好玩，佢發脾4時就會好恐怖，真係想比番老公湊，不過咁，Hannah B星期六都算係咁，都無咩點發忟，而我就一路睇電視，一路睇住佢自己玩，哈哈，幾爽！ 而家就容易D，因為佢可以自己行，咁佢來來回回係個廳度，好似巡更咁，好搞笑！ 我只要吾放D危險物品出來就OK。 不過而家因為佢識行，廁所門一定要關上，如果吾係跌左落去真係吾知點算。 仲有既係，佢超中意玩爐頭個knob, 嘩嘩嘩，超危險，所以要快D買個cover，吾好再比佢玩呀！上個星期買左個放toys既櫃， 當然係老公assemble啦！其實我覺得D BB有無玩具都係咁，佢地最中意既野應該係大人野，櫃門呀，洗衣機呀，廁所呀，佢地就最中意，D toys通通都要行開，不過我買呢個櫃係想佢學識第時點樣將自己玩完既野放回原位。 我有時見到cousin姐姐係99度玩完D野，走既時候拍拍pat pat就走，我覺得好吾得，特別係佢咁大個，應該學識收拾，習慣係要自細養成，所以由而家開始都吾算太遲既。 


我個櫃就好似呢個咁，嘻嘻。雖然老公話好易爛，但USD＄40都算係咁啦，我見ikea有個類似既，不過個價成個double, 所以都係算啦，粗粗地用下啦！

好啦，希望肚子吾好再痛，如果吾係就好煩惱啦！