1/2 下水禮

又係一個忙碌既星期呀，不過同亞女去玩都好開心既，嘻嘻！星期六既相片因為大部份係老公相機，所以講少少就算啦！我地同Hannah B仲有另一個family去左Governor's Island, 佢係係自由神像旁既一個小島，雖然島上吾算係好多野玩，但有個好大既草地比小朋友走，都幾好呀！可惜個日天公不造美，我地食完野玩左陣之後就落雨，所以我地就走lu...好啦，下次先送上靚相啦，嘻嘻！ 

而琴日（星期日）我地就set up個泳池比小朋友玩（基本上吾係我，係我老公同佢細佬） D咁粗重功夫我又點會做，哈哈！ 雖然湊女其實都幾粗重，但起碼都吾駛日洒雨林咁慘啦！ 我見佢地set up個pool真係煩，好彩吾駛我做啫，哈哈！雖然係所謂既下水禮，但其實我地都無點落水， 一來無買life jacket比Hannah (你地知啦，男人講話買話買，買極都買吾到），二來，其實D水真係幾鬼凍，我就咁伸隻腳入去咋，都已經變左冰，吾好搞我！ 所以Hannah BB我都吾敢比佢入水，因為太凍啦， 不過佢地就將cousin姐姐同哥哥放入水，我見cousin哥哥凍到咀都發紫，真係陰功呀！ 我地有試比Hannah入水玩架，不過佢隻腳一店水就驚又喊，所以都係比佢warm up下先啦！呢個summer仲有成個月，我吾信無機會比佢落水！

同場加影鄰居有棵無花果樹，佢叫我地拎來食，嘩，真係又大又清甜，好美味呀！

爆累

呢幾日真係爆累，因為老公吾舒服，所以湊B既責任就落係我身上。 平時我都起碼有個人可以幫手，洗奶樽呀，沖涼呀，都有個人呀，而家，去完99度食完飯，返到屋企就一腳踢，沖涼餵奶，等BB訓左就要洗奶樽，之後要自己沖涼刷牙整早餐.....真係忙到時間係邊度？ 唉...雖然好中意同亞女一齊，但我都好需要休息架， 希望病魔快D遠離老公，咁我就可以休息一下啦！

近呢個星期訓練緊Hannah BB係自己床訓。 其實如果佢清醒時係C都吾肯係自己床訓，所以而家多數佢係係大人床訓著，我就抱佢返自己床訓。 一開始個幾日佢都係咁喊醒，maybe知道我地吾係隔離驚， 但經過幾日之後有少少好轉， 其實我地只不過係放佢張床係我地間房，所以都吾係見吾到我地既， 而家佢有時都會叫，不過叫叫下佢又會訓，咁我當然吾理佢啦，到佢喊到吾停，我就會放係我地張床到，佢又會訓著，真係好magical...不過無論點，都係一個好開始，起碼我同老公吾駛分床訓咁慘，同埋都算係學習independent. 

今個星期日會同BB下水禮，嘻嘻，不過係係屋企後面既泳池咋，我地買左一個高三尺左右既泳池比小朋友玩， 希望到時天氣OK啦！ 好期待呀！嘻嘻嘻～ 相對都吾算太貴，大約US＄85左右， 而且free shipping,  仲要兩日就收到，真係超快呢！ 邊個吾中意上網shopping? 我而家就日日係office shopping, 真係就快bankrupt啦，哈哈！ 到時影D相下星期先post啦，yeah! 

琴日落去樓下諗住接Hannah小姐返屋企，點知掛住玩呢隻搖搖馬吾肯走，玩具既魔力有時都幾強！！大個會吾會掛住玩吾返屋企呀女??? 

國慶weekend

係快樂不知時日過定係點？ 咁快4日既假期就完啦，嗚嗚嗚...下個假，要到9月先有，攞命咩！今個假期真係過得超快，湊住BB吾駛旨意會有悶既感覺，雖然Hannah B而家可以行來行去，吾駛我成日抱，但佢真係好痴身，我去到邊佢都要去，所以我通常起身之後，食完奶就比佢玩，我就訓係梳化度睇電視，佢就會有時望下我，睇我係吾係度，跟住就會行來行去，但起碼我吾駛成日抱住，真係舒服好多！ 

講番假期，假期第一日係國慶，天氣超熱，好似焗爐一樣，Hannah BB一出外就已經比太陽溶化左，無聲出，因為真係超熱呀！ 約左去表哥屋企睇煙花， 佢住既地方係大廈，又近Manhattan, 所以去到天台上可以睇到煙花，真係好方便，不過好可惜既係， 我地無留到咁夜，因為Hannah BB開始cranky, 應該係眼訓（都吾知點解，佢明明下午訓左差不多三個鐘，到8點就眼訓！？） anyway, 而家既schedule不嬲都係圍住BB，所以我地就拿拿臨走，無謂搞到自己咁煩惱！  我表哥未有小朋友，但佢叫左佢D朋友，都有兩個小朋友一齊玩，哈哈，不過佢地一個六歲，一個三歲，所以吾係好識得一齊玩住，但六歲大既哥哥都肯同Hannah BB玩peekaboo, 嘻嘻，乖仔！ 六歲哥哥都幾得意，佢好多野問，又問點解Hannah 要著diaper, 點解Hannah無牙，等等等等等.....哈哈，我相信呢個係佢地年齡要問既問題， 不過我無覺得煩，我覺得好得意，不過就要用下腦諗下點答先得，嘻嘻！ 我表哥家有隻貓貓， 當然足隻貓貓就成為小朋友既寵兒，個個小朋友都追住，搞到貓貓都驚左佢地，潛水入床下低，你知啦，小朋友對住寵物，一開始就可能驚，但之後就玩殘佢地， 可憐既貓貓呀，而Hannah BB一開始時都驚架，但老公同佢一齊摸左幾下之後，佢又開始放膽小小， 但係佢係咁督貓貓雙眼，貓貓就拿拿臨閃，哈哈哈， 好可憐呀！咁就陪左Hannah BB一日，其實都幾開心既，嘻嘻，我無expect佢吾喊同cranky, 但佢個日已經比平時好，起碼吾會咁怕人，係見到我表哥就怕D啫，嘻嘻！ 

星期五我仍然放假，老公就要返工， 不過同Hannah BB係屋企都好開心， 同佢玩下食下訓下，好爽呀！ 其實開頭知道吾駛返工，要一個人對住亞女都有D怕，因為可能怕自己頂吾順，又或者係平時點都有個人幫下手睇， 不過對左一日之後，又覺得無咩大不了，因為平時weekend就算老公係度，佢都係幫下手睇， 如果真係要去整野呀，就會開電視佢睇陣，咁起碼我自己都有少少時間既..........

星期六，天氣十分熱，有成30幾度， 同Hannah BB去左outlet, 不過outlet係室外，所以去到就要沖入是但一間store入面消下暑先，如果吾係真係會中暑，所以Hannah BB個日都無咩心情，係stroller上訓時仲慘，簡直就係好似沖完涼咁， 起身時成身都係汗， 個stroller都比汗整到 濕哂，真係想像到個日係幾咁熱呀！ 雖然吾係買左好多野，但諗住同BB去行下玩下都好開心，嘻嘻， 不過應該係媽媽開心D，因為又可以shopping一番呀， yeah! 

去到outlet有個playground比小朋友玩，睇下Hannah BB玩得幾開心，仲要玩到跌膊，哈哈， sexy! 

註：全部都係爸爸提供，因為Hannah 媽媽去左購物，無時間湊女，哈哈哈哈哈！ 

你睇下，比人搶左餅餅，即係由Kawaii look變左小魔怪

星期日，又係咁熱，所以都係留係屋企算數， 我都真係懶得出街呀！ 好想食雪糕，因為實在太好味啦，嘻嘻嘻

！ 

假期就咁完結lu.....真係不捨呀！ 又要返工，唉！ 真係悶！

長周末既開始

近日無咩心機寫blog, 開始學懶，點算？又或者係，無咩特別事發生啦（其實咁仲好，即係代表Hannah B無咩病痛，好彩！）

不嬲都有subscribe個website babycenter.com, 佢一個星期就會有一個update email, 話我知呢個時期既小朋友會係點。前排見到，佢地話toddler開始會nap少左，一日大約訓12至14個鐘，我幫Hannah B計下，佢而家夜晚9點多D就比佢食奶，之後就會碌到大約10點訓左，朝早就大約7點多D起身，小朋友真係早睡早起，我...都希望可以好似佢咁訓咁長，哈哈！ 由10點至7點都大約9小時， 到佢起身後，就會大約12點左右比佢訓， 不過佢訓既時間好飄忽，有時可以訓到兩個鐘多D，有時又一個鐘又醒，星期日拍下拍下佢又訓番，訓左成3個鐘，勁！  如果佢個程訓得小，我地就5點多D又會抱佢訓，不過佢好衰，你抱佢吾訓，如果咩住佢，佢就吾駛兩分鐘就訓左，好奇怪！ 不過呢個重責當然吾係我度，咩佢既多數都係爸爸，哈哈，事關咩佢實在太辛苦啦！ 其實由細到大佢睡眠質數都一般，我成日都賴老公，話個女似佢，因為佢地兩個都訓到吾好，如果似我，就可以一上床5分鐘吾駛訓著，幾好！ 哈哈，係架啦，有咩衰野梗係話似佢啦，比我賴得就賴都好，嘻嘻！

而食方面，都係我最concern個part啦，佢可能係少食多餐個D人，又或者係中意食零食，因為次次我食餅呀，生果之類，佢就要搶，食哂就會發脾4，唉，呢樣野就似我，因為我細個都係食零食大， 薯片雪糕當正餐.....點算？ 琴晚睇熟男有惑，見郭晉安點train個對小朋友食菜，吾知呢個方法係咪真係work呢？ 因為我知道小朋友對菜之類既野食真係好抗拒，迫佢地係吾會食既，但又要有方法，唉，湊B真係吾容易！

明天起，就係我地呢邊既國慶日，我就會放一連4日既假，嘻嘻， 聽見都興奮呀！ 雖然我要係屋企湊B，分分鐘忙過返工，但可以陪下女都好開心既。 好可惜老公星期五要返工，如果吾係我地真係可以去下短程trip架！ 

獻上一張疑似係Hannah抹地相，哈哈，佢而家見我抹地，佢又要學抹，雖然吾知係玩心態多定點，但都係一個好開始，嘻嘻！我知張相吾似，但大家比D想像力啦，哈哈，無計，電話相機好慢，影既時候仲係抹緊，到chomp個時就too late lu, 哈哈！

最愛女人購物狂

女人天生就係中意購物，就連BB都吾會錯過呢個嗜好，哈哈！星期六同Hannah B去Carter's, 一入去就開始購物，又想買呢個又想買個個，哈哈哈，真係好搞笑！最搞笑係，佢拎左件衫就想衝出去store, 真係行遲一步都比人話小偷，真係要好好教導呀！

因為Hannah B仲未好得哂，所以我地都無同佢點出街，而且天氣又只係一般，所以寧願留係屋企無咁嬲啦！呢幾日佢都好D，無咁cranky, 不過一見到爸爸就係咁要抱，哈哈，好彩吾係我。

琴日去左supermarket買grocery, 嘩，居然比我見到HD雪糕，仲要係綠茶味。即刻沖去買呀，而家仲做緊promotion, ＄5兩盒，好興奮呀！雖然食得多都吾好，但真係好難抗拒，因為實在太太太好味啦！我自己一個都KO左 三分二，其實我想食埋去架，不過怕老公話，所以留番小小，嘻嘻.....

晚上就自己煮意粉食，老公見累，想訓覺，但BB係度又點訓，仲想話我吾睇住個女比佢訓.....咁一係你吾好叫我煮野啦，我邊有可能一路睇實個女一邊煮野食...有時都覺得佢好ridiculous呀！

後記， Hannah B, 你做咩要mou係度呀？呢度吾係大陸呀.......

見到咁多blog友係香港聚會，真係好想參加呀！雖然無機會同香港既blog媽見面，傾下湊B心得，希望可以係美國呢邊搞番個啦！ 

發洩

呢幾日心情都好一般，可能自己病極都未好，再加上前幾日發覺Hannah BB流鼻水，我諗多數都係我傳染比佢，唉，搞到自己有少少內疚，但同一時間，自己又病好難照顧佢。  有一日晚上，Hannah BB喊醒，抱極都吾訓，老公就抱佢氹佢，而我自己就咩都做吾到，我知道老公放工返黎已經好累，但又要照顧兩個病人，我真係覺得好無用，跟住老公頂吾順，叫我抱，但Hannah B都係咁喊，喊到嘔左少少，老公就話我吾係係咁氹同un就有用，要distract佢，佢就搶番個女，個刻，我真係喊左，其實我都係想幫下手，平時我都係咁抱佢訓，只不過可能佢個日真係吾多舒服所以先咁啫....喊既原因，係覺得自己幫吾到手之餘，又要比人話，我一心一意想幫個手，點知無人拎情，通常呢D情況，我就最掛住屋企人，自己一個人身在異鄉，真係有時會好吾開心，雖然條路係自己揀，但人總有脆弱既時候，而個陣既我特別脆弱，覺得自己無人理，屋企人又吾係身邊照顧自己，老公又話我，亞女又吾聽話，好似人生無希望咁，突然間會好灰好灰，好似抑鬱症咁，老公又吾多理我感受，又要受佢既屋企人氣，最吾中意就係，佢屋企人整親Hannah, 就要我去deal with, 又話吾想落去食飯，吾想呢樣吾想個樣，喂，個D係你屋企人，如果你咁吾想既，咁你自己去同佢地講， 吾好又要我睇人地面色做人！ 我至憎就係要依賴人，跟住仲要人地比面色我睇！哼！ 有時我覺得老公好吾識做，有咩事就火山爆發咁，好似以前我亞媽仲係度咁，我地兩個嗌交，我亞媽打算做和事佬，佢會連我亞媽都話埋，佢D EQ簡直就係零，我覺得就算有咩事，個位都係我亞媽，你吾可以咁對佢囉！

發洩完畢，又講下BB近況。

而家Hannah BB朝朝早六點幾就醒，真係人都癲呀！夜晚已經訓得吾多好，仲要咁早醒，醒左又吾係自己玩，又人陪，真係攞命咩！ 雖然有少少懷疑係咪太光，因為而家朝早五點幾就會天光，叫極老公去買curtain或者做下野都吾郁，唉，係咪個個男人要踢幾腳先肯做野呢？ 不過佢而家同亞女訓，係都係佢朝早要起身，最重要吾好嘈醒我，哈哈哈哈哈！ 

我想問下大家用咩奶樽比佢地自己飲奶架？我不嬲用開玻璃，但我怕如果比亞女自己拎，佢會整難，打算買D膠既，有無邊個牌子好？大家分享下。

好想比亞女自己一間房訓，就算吾係，我都想佢自己一張床，吾駛我地成日要看實佢！ 因為我地而家放佢係大人床訓，我地要係隔離睇實佢，如果吾係跌左落地都吾知咩事...有咩方法會容易D呢？