電影

已經係2010年﹐ 過左6日0既我都覺得無咩特別﹐ 哈哈!! 我地元旦個日本來打算同佢媽食飯﹐ 點知佢媽唔得閒﹐ 我地就自己2人食飯﹐ 本來打算返屋企煮﹐ 點知D鋪早收﹐ 放工都買唔切﹐ 算啦~ 下次!! 有朋友叫我地去唱K + 倒數﹐ 不過我地又唔想出去﹐ 所以食完飯就返屋企! 其實真係好enjoy﹐ 因為終於可以休息下﹐ 由HK返來至christmas都無停過 ﹐所以有一日可以留係屋企實在太正! 我地返到屋企坐陣﹐ 睇2012﹐ 哈哈!!! 套戲真在唔想提﹐ 睇睇下都開始眼訓﹐ 到差唔多11:45 我地就睇電視 ﹐不過都無野睇﹐ 齋等倒數﹐ 哈哈~ 都幾無聊!~ 之後就開始想訓啦!

新一年都好relax, 我地係屋企睇左3套戲﹐ 哈哈! 不過全部都係舊戲﹐ 不過反而正好多! 我地睇左 true lie, the rock & the fugitive.  可能呢3部都係經典所以特別好睇! 真係睇到我好緊張呀!! 哈哈!! 其實前2套我之前都睇過﹐ 不過我係一D睇完就唔記得0既人﹐ 所以真係慚愧﹐ 哈哈! 對我黎講都算係3套新戲﹐ 不知幾好! 而fugitive就真係未睇過﹐ 一來太舊﹐ 2來唔知講咩鬼﹐ 不過經我honey介紹就睇下啦~ 好彩佢知我中意睇邊類﹐如果唔係一定悶死!!! 一個好relaxing0既新年就完結﹐ 不過好滿足﹐ 因為睇左3套好戲﹐ thank you!