身心疲累

如果有機會，真係好想請日假，係屋企安安靜靜咁過，呢幾個月來，真係超超超級忙碌，吾單止係因為亞B既出現，搬屋又成為我另一個負擔。 自裝修以來，差不多個個星期都去新屋到，除左要看看裝修進度，又要同班裝修佬吹下水，真係好Q吾得閒，講真，個個星期一家大細要去睇裝修，最辛苦既係亞B，因為又吾可以比佢上新屋到（因為大塵），但要佢坐係架車到無位置郁又好辛苦，唉！而呢班裝修佬，真係激到我C，開始時都覺得OK，但之後覺得佢地完全吾聽人講野，又自把自為，真係激到我火滾！不過最終都搞掂，真係搬一次屋，好似短幾年命咁，超忙！黎緊呢幾個星期，要打掃好新屋準備11月搬入去，唉，希望快D搞掂，可以休息一下。 想當年既星期六日，差不多都係屋企過，邊好似而家咁，個個星期要出街，吾係去新屋就係去買食物呀，同BB見醫生呀，無停過！

星期五個日，我帶左亞B返公司，因為亞媽要去做D野，原來帶住佢真係吾容易，揹住佢都仲OK，帶住亞B既袋真係重到亞媽都吾認得，出一次街，好似去一次旅行咁，下次出去，用個拉喼無咁嬲，一邊揹住亞B，一邊拉住個喼，方便過我帶成幾個袋，好Q煩！另一方面，辛苦既係我公司無好多地方比BB玩同訓，好慘，唉！我都吾知將來會係點，亞媽走左之後，一係比99湊（雖然超級吾願意），一係我就吾做野專心湊女（但我要買過間樓就無望），好惆悵！點算？？？？？？？  

題外話，而家亞B成17磅多，我抱住佢，真係老鼠仔都硬左，好鬼酸痛！