上週回顧

早排Hannah B 病，真係搞到我地又累又辛苦，請左兩日假輪住照顧Hannah B, 佢又吾食得，又吾訓得，真係見到佢瘦左成個碼，唉！ 發燒個日仲要一日睇兩次醫生，因為早上見完醫生後，下午見佢條氣係咁喘，好似breathe吾到，打比醫生佢叫我地去見一見佢，不過好彩而家轉左個醫生係屋企附近，揸車去都係5分鐘度，所以吾好理啦，拿拿臨見左先啦，又好彩地Hannah B睇醫生吾需要比錢（係個個月都要比少少月費），所以有咩都用盡去啦！ 醫生叫我地買個噴氣機比BB inhale, 我開頭都hesitate緊買吾買好，但之後原來我地個insurance包，嘩，真係正！不過第一次用，女痳女痳好暴力, 係咁吾比Hannah B郁，搞到佢喊到嘔，好彩之後夜晚我地比佢聞，佢又肯聞一陣，聞完又好似真係好少少，起碼條氣真係鬆少少，而家都要keep住比佢聞下，等佢D 痰可以化 （其實我都應該用下，我D痰又係咁，真慘！）

星期六既一日，我要返工，爸爸就要係屋企照顧BB，哈！加上有朋友去屋企坐，老公真係忙到暈呀！我成7點先返到屋企，我就要立即take over, 哈哈，我都忙到無所謂，吾知係咪慣左呢，而家吾駛訓咁多已經OK精神，以前訓極都吾夠架！ 好奇怪，Hannah見到男人特別驚（除左爸爸啦當然），見到朋友係女人就OK D， 嘻嘻，可能女仔特別怕卦。

上週係Hannah BB既9個月大日子，嘻嘻，不知不覺你都跟左我9個月啦，媽媽依然記得你係醫院剛剛出來個樣，真係好鬼喊包，哈哈！同而家比，真係好大分別呀！

不過爸爸媽媽永遠都會守候住你，令你有一個豐盛既人生！