Anniversary weekend

呢幾日都訓得一般，可能Hannah BB係隔離成日碌，搞到我都醒埋，唉，我諗真係要解決下先得啦！ 過去既一個weekend,都好多節目呀！ 星期六朝早由老公湊，我就難得地訓到10點幾，嘩，好耐無試過啦！ 本來打算訓到9點多就起身煮野比BB食，點知....真係昏迷左，哈哈，原來佢地兩個趁我訓，去左飲早茶，吾預我，不過算啦，難得可以休息下都好既！ 

跟住就等BB nap完之後，大約3點鐘到，就出發去governor's island, 嘻嘻！ 係呀，之前去過都係無相，今次都係無相，原因係係爸爸大機，我...懶得download落黎，sorry! 天色好，我地去度搭船先知一個鐘頭一班，咁我地就係附近行下， 好彩附近有個遊樂場比Hannah BB玩，我地先可以kill D時間咋。 其實去到個島，都已經吾早，不過既然plan左去，咁就去一陣啦。 去到我地都係夠時間食野， 行陣，始終都係行吾完成個島（其實好細，應該可以用一個鐘頭時間行完），唯有下次啦！ 我中意個度夠寧靜，可以同BB去草地上行，不過而家佢已經有D不受控制。 行地面時，成枝箭衝，有時仲吾要你hold佢個手仔，要自己行，真係睇少一眼都吾得呀！ 佢幾時變得咁大膽架？？ 遲D再係咁，真係要用條leash先得啦！ 離開島之後，我地就決定勇闖queens, 哈哈！點解用勇闖，係因為怕佢好塞車（個條highway,十次有9次都塞），而且佢吾係好近，如果屋企揸去要45分鐘度，但如果塞車就......好可怕！ 你知啦，BB坐車訓到就係，訓吾到真係吾知點算好！ 不過好彩好彩，佢一來眼訓，二來無點塞車，我諗大約30分鐘就去到，都好，比小姐訓30分鐘，等佢吾駛發脾4！ 話明今次係anniversary weekend, 所以今餐我地去食我地最中意既韓國餐，嘻嘻，我真係好耐無食過啦！ 其實同BB出街食飯都有D煩惱架，佢係度搞搞陣，唯一一樣就係開電視佢睇，佢先可以坐定定，雖然我吾主張，但有時要食餐安樂茶飯，就係要咁呀！ 我地叫左4碟野，好多野食呀！不過見咁耐無出街食，咁梗係要食盡佢啦，哈哈！ 叫左個seafood pancake, 一個牛仔骨，炒魷魚，同豆腐煲！ 雖然不至於話好好好好味，但同老公亞女一齊食點都開心既。 咁就過左一個咁開心既weekend啦！而老公同agree左買樣野比我，嘻嘻嘻嘻嘻..........梗要啦，取悅家中最重要既人點都要花D心思既，多謝老公，嘻嘻嘻！ 

雖然比平時夜左訓（返到佢都成十點啦！）但間吾中一晚都OK既，好彩Hannah BB都無好cranky, 感恩！