心痛

琴日真係好吾開心，因為Hannah BB又受傷了。 其實我真係明白小朋友中意玩係一件好閒既事， 但次次返到屋企見到個女又整親，個心真係好難受。 以前我亞媽係度既時候，我仲可以發下脾氣， 而家，因為係6299湊，我又可以點！ 琴日返到屋企，我就上樓先，老公就去99度接Hannah返屋企。 上來既時候面口變哂，跟住見到Hannah好似吾係咁開心， 想喊想喊咁， 跟住見到佢隻腳貼上膠布，就問發生咩事。 跟住老公話，cousin哥哥打爛左個玻璃樽， D 碎片整到周地都係， 本來佢地clean up左，但點知仲有D碎片係Hannah對鞋度，而我99又打算幫佢著鞋， 就係咁，流血了...............我聽到既時候真係好心痛，其實都明白終有一日會發生， 但個刻真係好好好吾開心， 想怪人又無能為力， 而我老公只係識得發火， 我同佢講，無用架，發火咁又點 （其實我個刻都好想有個人安慰下我，但我又要calm him down先）， 佢地只要做佢地應做既野，加上我相信今次係意外，無辦法！ 佢就話， 一次比一次大鑊， 第一次跌傷眼，跟住額頭又腫哂， 之後手腳傷，而家仲..............過左無幾耐，到老公calm down左時我就開始喊，因為真係好吾開心， 同埋覺得亞女好似好慘，成日都受傷， 又諗，如果我地能力好D咁咪好，起碼我可以吾駛做，係屋企一對一咁照顧佢， 咁可能就無咁既事發生......唉唉唉唉唉！ 希望Hannah BB快快好番啦！ 好彩係，佢都肯行......... 做媽媽既，真係日日都擔心都訓左都驚醒呀！