回家

新年就咁過左幾日了，對我來講都係無特別，因為無假放影響唔到我，屋企連裝飾都無，所以呢邊新年真係悶過人呀！ 不過慶幸我父母同我地一齊過，雖然都係無特別，但有父母係身邊真係好唔同。 今次過來，覺得父母突然老了不少，以前我亞媽行足一日街都話無問題，而家就行一陣就話要休息下了， 想當年初來美國，我地兩個人無車，weekend兩母女相依為命， 兩個就會出街行足一日，而家既佢都會行，但已經大不如前，而亞爸，覺得都老了很多，特別係有少許語無論次，係年紀既問題定係我已經同佢有個gap呢？ 有晚佢問我有無野問佢，關於佢而家做野個度，其實我一向都唔關心佢做野，某程度上想佢唔做陪亞媽去下旅行， 見佢做得咁辛苦都唔個為咩， 自問我兩姐妹都唔太需要佢養，我問佢點解做得咁辛苦，佢話為左自己夢想，真的嗎？？ 佢一個 60 幾歲人而家追夢，我無笑佢，但覺得佢辛苦了，不過話唔做野又好悶，但佢日日做到半夜三更，真係以為自己仲年輕嗎？ 可能佢會覺得我好簡單，有屋住有工做就已經足夠，其實我又唔想做老闆，又唔想咁辛苦，幫人打工un un脚有錢收，又何樂而不為？ 加上而家有小朋友，更加將自己d時間放係佢地度啦， 搞笑既係，佢覺得我應該揾多份 part time做， 賺錢養頭家，我話無可能，佢話我6299 可以睇住，我出去揾錢， 我覺得佢真係有點傻了， 我細個佢可以出去揾錢係因為我有亞婆幫手湊， 而家我6299 又點會睬我， 唉，佢諗得實在太簡單了。  其實呢個世界，做人都係簡單一點好， 太繁雜我會頭痛呀！

今日星期佢地就走，真係不捨呀，但我又有少少享受自己係度既日子，好矛盾呀！ 希望佢地返香港好好照顧自己吧！ Miss you my family!   

羊年行好運

我已經lost count我地3 個病左幾多次， 我真係討厭呢個天氣，出去出面凍到發癲，試過得幾度， 但感覺係零下10 幾度，唉，幾時先可以寫d開心野呢？？ 好似大部分時間都係寫我地點病，咩病，真係睇都睇到煩呀！ 呢幾日hannah就發高燒， 發下停下，真係好擔心呀！ 雖然就話唔係流感，但呢個感覺都幾難受呢！ 見佢落哂型，做亞媽好心痛呀！ 今日同佢睇第二個醫生， 終於肯比藥啦！ 起碼唔會令佢吽好啦！

新一年，都係希望大家身體健康，開開心心過肥年！ miss you all~~~

滑雪記

上星期六，原本約左朋友去滑雪，點知老公又突然間手痕，打比佢個 friend 問佢去唔去，因為我地都打賭佢地唔會去， 點知，佢又話ok, 真係吹脹，原本多d 人去應該會開心d,  但佢地真係好煩，又嫌呢樣又嫌個樣，話明去滑雪，點知又話要玩 snow tubing,  真係吹脹呀！ 因為本身去個度係無tubing 玩，而我又約左我d friend 係個度，咁唯有我放我朋友飛機，同佢地去snow tubing 個場啦！不過最衰都係老公，唔手痕就唔會咁！

Anyway,  我地成 2:30pm  先去到第二個location,  搞呢樣搞個樣，租鞋換鞋去廁所，其實玩都唔知有無15 分鐘，但我就比哂錢，陰功！ 亮點係，我租左個helmut 比hannah 小朋友， 點知c 都唔肯用，白白令我無左 $16, 係美金呀，好傷！！！！！

但見到hannah 小朋友咁開心咁過左一日，我又好有滿足咁，就算花多左$16, 見個女笑，都係priceless!  不過滑雪呢個節目，都唔係窮人(i. e. 我)  既玩意，就咁去一去，就洗左我成 $100, 仲要係貼錢買難受個隻，唉！我諗我都係冬眠到夏天算數！

我唔識post video,  不過可以上我fb 睇呀！

包到成個賊咁，哈哈哈，不過滑雪D人個個都要bundle up

終於見到個真面目，證明係hannah小朋友

妹妹,sorry呀，因為你吾岩玩，所以無同你去，同埋你成日病，都係留係屋企穩陣D！  吾好以為佢中意睇書，其實係幫我fing哂D書落黎，有排執！

心痛

2 月啦，即係代表我亞媽就快要回香港了。 唔捨得當然有，佢幫我做哂所有家頭細務，真係十分之爽，不過我明白佢要回港既原因，算啦，當係我既假期吧，嘻嘻！

上星期6, 我地就好快地落左maryland 探老公cousin,  流產左真係好心痛，但無人幫佢坐月我都覺得心痛， 佢自己本身係 abc,  唔識係在所難免， 但老公同亞媽係100% 香港人，無理由唔識啦， 唔好同我講話揾唔到d 野煮比佢食， 普通連雞，豬無理由無得賣卦。  我地星期六去到， 見到落哂形， 真係陰功， 之後開始lunch 時間，佢話肚餓，佢亞媽就叫佢煮個麵食，我都定左一定，下，坐月食麵？？ 第一次聽喎， 跟住好彩佢亞媽有個朋友來探佢，話坐月食咩鬼野麵，之後就煮左d 肉餅加飯佢食，都算係正常既一餐呀。 佢屋企又無薑又無肉，我都唔知講咩好，唉，可憐！ 返來後再同佢 whatsapp,  問佢食緊d 咩野，佢話無胃口，食粥，我又再突左突，食粥？？ 坐月？？ 我真係唔知講咩好，其實雖然佢個bb 係無左，但佢真係生佢出來架， 我覺得坐月d 野一定要做足，特別係佢流產， 應該更加需要多d 營養同休息， 如果佢想要第二個，真係要好好照顧身體呀！！ 所以我今日就send 左個坐月menu 比佢，希望佢都 follow 少少啦，唉！ 真係為佢覺得可憐，如果無人幫就話je, 而家亞媽老公都有都幫唔到手，只可以講句 good luck 吧，唉！