11月尾

不知不覺又11月尾啦﹐ 近排好懶﹐ 所以無點寫blog, 不過其實生活上都好似好枯燥﹐ 所以無好特別。

終於完成了考試0既其中一part, 我個日真係凍到亞媽都唔認得﹐ 一來好早 (星期六7點就要起程)﹐ 出到去揾個人都無﹐ 又唔記得帶手套﹐ 又大風﹐ 想死! 某程度上隻腳真係唔想行﹐ 因為好似痺左。 出到佢已經好累﹐ 不過無辦法﹐ 點都要死撐。開頭諗住買少少野食﹐ 不過個muffin好難食﹐ 食左一啖就頂唔順﹐ 所以考時真係好肚餓呀! 點知個度個heat又細﹐ 我凍到.....本來可以take break, 不過個stupid system話如果你break, 都係計埋你D考試時間﹐ 本來2.5 hours已經唔係好見洗﹐ 仲要take a break, 真係唔哂旨意﹐ 好慘!! 返到屋企第一時間食野 + 訓覺 (之前個晚訓唔著)﹐ 訓醒舒服哂﹐ 之後就同老公去行街街買野!

琴日係cyber monday, 本來打算買野﹐ 不過可能太多人買野﹐ 所以好traffic呀! 到今日已經無左D deal啦 算啦算啦! 有緣無份呀~~~

講番上個星期4﹐ 係火雞節﹐ 所以邀請左佢屋企人食飯﹐ 哈哈!! 之前話佢一手包辦﹐ 我就整火雞﹐  不過我都無點幫佢﹐ 佢都整左好多野。開頭食蒜茸包﹐ 之後有湯﹐ 跟住有king crab leg, 火雞 + 菜。 我地有6大一小﹐ 所以其實好夠食﹐ 食完king crab leg之後己經飽飽﹐ 所以大家見到15磅0既 turkey真係停左手﹐ 唯有分左佢等大家返屋企食! 我之後個日煮左粥﹐ 原來煮粥0既turkey好好味﹐ 正!!! 我老公都停唔到口﹐ 仲食埋D turkey! 勁~~ (因為佢平時好唔中意食雞ga!) 總括黎講﹐ 都有一日開心0既晚上﹐ 仲有我地至愛0既Ava 小朋友 (係佢個niece), 好得意呀!!