嘔吐

本來打左成段野點知個死yahoo又發癲﹐ 超黑人憎!

琴日唔知係食錯野定係M痛﹐ 所以痛到我想死 + 想暈﹐ 好辛苦呀! 做做下野focus唔到﹐ 點知就嘔啦  我老細見到我以為我有左﹐ 幾開心  傻傻地呀﹐ 唔係係人嘔都係有左呀嘩  不過嘔完之後 + 食左藥就好好多啦。 感激同事0既關懷呀 

今次唔係第一次啦﹐ 我之前係英國讀書都試過﹐ 上上下堂突然肚痛﹐ 之後就暈左。醒返已經係學校0既medical room, 好左係學校咋﹐ 如果係條街到都唔知點算。 對上一次同我老公去旅行﹐ 點知又黎又無藥﹐ 去到NASA無理由唔玩﹐ 之後去左個度0既medical center 拎左D藥﹐ 上左架車到訓左一陣又好番好多啦! 唉﹐ 都唔知點解成日都係咁﹐ 有時真係好驚呀!

近年身子都算係咁﹐ 起碼以前差唔多一個月傷風一次而家已經控制得幾好﹐ 但肚痛都依然係咁﹐ 可能要去見一見中醫﹐ 有無D藥可以減少痛楚吧。