與老公第一年的聖誕晚餐

今年係婚後第一個聖誕﹐ 本身我都好中意聖誕﹐ 而今年更加覺得有意義﹐ 今年我就選擇左一間法國餐廳﹐ 因為我本身都好中意食法國野﹐ 所以老公就同我一齊去。其實我知佢應該唔太好﹐ 因為食物少﹐ 佢食野可以一次過食成隻牛﹐ 所以法國餐食情調就當然唔岩佢啦﹐ 不過因為我﹐ 所以無辦法﹐ 哈哈!

呢間餐廳我第一次試﹐ 不過我就好中意﹐ 而且好飽﹐ 唔似平時真係食少少﹐ 而地點又方便﹐ 所以值得再去 唯一唔好係洗手間太少﹐ 所以好長龍要等﹐ 其他都好滿意。

我叫0既escargot, 好味!!

老公叫0既appetizer, 唔知係咩﹐ 不過有蝦同粉

我0既主菜﹐ 魚魚﹐ 真係好好味呀! 個skin好脆﹐ 好香口

老公叫0既龍蝦粉﹐ 個汁好味

甜品係creme brulee, 我的至愛

呢間就係我地去0既餐廳﹐ 位於Grand St & B'way

後記:

呢張相影0既時候係before我去洗手間﹐ 老公正在玩電話而我就enjoy緊個environment, 不過我影完之後就話佢成日掛住玩電話﹐ 無聊! 哈哈~ 當我去完洗手間之際﹐ 我杯隔離突然間多左隻錶﹐ 原來又係佢D鬼主意﹐ 哈哈!! 跟住叫我check我個email, 我睇完個email後真係好感動﹐ 因為有一個好愛我0既男人係我面前﹐ 雖然平時好似好悶咁﹐ 但都可以好romantic, 真係好開心! 不過之後都覺得好衰﹐  因為原來佢唔係玩電話﹐ 係打緊個email比我﹐ 哈哈! 鬼知咩﹐ 不知者不罪

不過隻錶就比我係第二日退左﹐ 哈哈! 因為我唔捨得用好貴重0既錶! 我同佢講﹐ 其實有無禮物都唔重要﹐ 一個email都已經可以令我好開心﹐ 所以唔駛哂$係我身上

I love you, my hubby!