忙

呢幾日因為朋友L係英倫來探望既關係，忙到嘔。星期六早上同佢吃完早餐，跟住就起程去outlet, 不過對我來說，我就無野買，而朋友L就想去，不過好可惜其實outlet既款同價錢都唔得，所以朋友L就只可以買左少量化妝品就走。我都無辦法，哈哈。  之後去左midtown行左一陣，就打算去食韓國菜。 唔講由之可，一講把幾火。呢間所謂既韓國菜真係唔駛錢都唔去。 有無咁差？ 真係差到離譜！！！！ 首先，開始時見到好多人排隊，咁我地緊係諗，咁多人應該都唔差得去邊啦。 之後等左一會兒個侍應比左個menu我地睇，我開頭諗住睇下先， 點知睇到一陣便叫我地點菜，我心諗，我坐都未有得坐就要點菜？ OK，無問題，服務差唔係一個好大既問題，如果食物方面都有水準我可以接受。我地係餐廳入面等左起碼15分鐘，其實仲有好多人圍住個餐廳一齊等。 到我地時真係好似打仗咁，D 食物一坐底就即上，係即上，我地叫左一個seafood pancake, 一碟牛BBQ，一個tofu soup同一個石頭窩飯。 其實正常一間餐廳都應該可以好味，不過呢間既水準真係可以話below average, D牛真係好厚，好似平時屋企炒個D，咁BBQ緊係唔好食。 seafood pancake ok, 不過連相都未有機會影就比人剪開哂。tofu soup我覺得我煮得好味過佢， 而且無飯送，點食？ 而石頭窩飯， 唔熱又無飯焦，食落去仲苦苦地，好似人地係第二度煮完先放上個石頭窩到，真係好失望！ 服務差，食物又差，真係唔駛旨意我再去！！！！ 如果唔係打算去間新既餐廳，真係唔會揀呢間垃圾！！！ 記住有機會話哂比人知！！！！！ 

下個blog再續

。