HAWAII 經歷 9 & 10

原來我從來都未結尾我去夏威夷既旅程，真係大頭蝦。 不過， 其實到最尾兩日都無特別。 

我地第9日本來係去玩scuba diving, 不過因為天氣關係，唔可以出海，唯有係島上做其他野。 我地早上食酒店早餐， 之後因為唔個做什麼，去左行outlet.   我地真係唔好彩，個日落好Q大雨，真係好似倒水咁，佢一路開車我就一路驚，因為真係好恐怖， 去到outlet, 見到D鋪頭咁黑既？ 原來因為朝上行雷閃電，唔知整到個電纜所以無電，我心諗， 唔係黑成咁呀， 又落雨又無野做，不過好彩隔左一陣D電就有番， 可以努力購物， 哈哈！！！ 而家諗起，點解當初唔買多D野呢， 因為所有係夏威夷買既野都係airline比番我，哈哈哈！！！！！！！ 

去完shopping, 就去左夏威夷唐人街食lunch, 唔知係咪太耐無食唐餐， 所以覺得特別好味。 

之後我地去左第二度玩snorkeling, 不過都係天氣問題，所以去到海灘超涷，同好大浪，好危險， 所以我地玩左一陣就停左啦，不過都見到少少魚，好過無，哈哈。 
如果天氣好，呢度係一個好好既snorkeling 地方，不過真係要好小心，因為太淺所以好容易整親自己。 

夜晚就去左附近食日本餐，真在好累，所以好早就返到hotel 休息同收拾行李，因為明天就要返屋企。 

最後一日係夏威夷，旅行時間真係快，又係時候講byebye, 我地因為晚機，所以早上係Honolulu食野，之後check out起程去polynesian cultural  center.   呢個地方好似係必去之地， 但到我去到又覺得無咩特別，可能對我黎講，佢地D culture真係唔明，又或者係我地無留得太耐吧。佢好似文族村，有幾個唔同既文族，去睇下佢地以前係點。唔可以話唔明， 都唔可以話明， 哈哈， 好煩呀！ 不過我地因為夜機，所以無去到佢地出名既晚餐，算啦，下次有機會先啦。 

個日真係好恐怖，因為走既時候行雷閃電，想像下自己要坐上機，真係一額汗呀！！！ 不過好彩安全返到NY，我相信下次唔會再去咁多個島，因為上上落落機真係幾辛苦，難為了我老公，哈哈！
















BYEBYE HAWAII