失望

呢幾日真係忙到八彩，一來工作上因為假期關係，所以要趕係假期前做哂所有野，而我老細又要出trip, 所以無時間做好多野，唉，不過好事係，時間過得好快！ 而私人上，唉，都係為同一件事煩。 

我地星期一去左睇間樓，跟住佢屋企人就OK，想同一日即買，但我同我老公緊係要諗清楚啦，邊有人一睇完間屋就即買，成日都擔心好搶手，我成日都話， 唔係你錢唔入你袋，即係間屋如果係meant to be mine, 咁我都走唔到啦。 我地已經話比幾日時間考慮，不過星期二已經不停崔我地，又話好樓難搵，見到岩就唔好放過，大佬呀，一來我地星期一睇既時間係夜晚，好多地方都睇得唔清楚，二來，我地都係要求幾日時間諗下啫，唔係好過份，但佢地就覺得我地好無誠意一齊買，我當時好想講WTF，因為我地做既野（好似搵屋睇樓）完全當無做到，一話要考慮就當我地係衰人，我同我老公講， 如果真係買到咁唔開心，算啦，我寧願唔要，我唔需要人地比D attutide我，我自己可以自給自足！我真係覺得佢地好自私，我地既要求唔係無理，我地係需要幾日諗下，同埋想去多次睇（早上），仲有係我都想叫埋裝修去睇下要整幾多，如果要整好多錢，咁又未必化算。 我知我唔應該講人地是非，但我再唔講我會火山爆發，完全無理人地既感受就係呢D人，唉，我對佢地真係好失望。