泡影

曾幾何時，佢既一家人打算一齊買三家庭，大家一齊住，但自從佢父母賣左間樓之後，六月要closing, 所以無樓住，係咁成日都去搵樓，不過好樓難求，邊有咁易，所以琴晚打比老公，同佢講第二個計劃，就係佢地自己買condo. 講真，我一開始想一齊買有兩個原因，第一，係將來BB可以好方便比佢亞媽湊，第二，我真係吾想佢父母將所有既野都比哂佢細佬，而我地一家咩都無！不過，現實歸現實，佢父母吾錫佢係有目共睹，所以就算我地做10樣野都吾會比佢細佬做一樣野咁好， 咁又何苦呢？ 所以而家決定，我既一家會維持自己既生活，佢地想點就點，將來有事無事都吾好來煩我，至於亞B將來比邊個湊，到時先算啦！ 

剛剛睇完ANGELA既天淵之別，都有好大感觸。 除左覺得佢地屋企人既不公平，更加覺得我屋企人對我有幾好。

1）我爸幫家姐比首期買車，而
我爸要公平對待，所以都幫我地比首期買車

2）我地而家住緊既屋係我父母比首期既，我父母無介意，仲話如果賣得出，可以當首期買過間大D既屋

3）我父母打算送張BB床比亞B

而佢既父母呢？？我都無expectation!  雖然以上既好似好物質，但我有左咁耐，邊有理過我？次次打親都係講睇樓，哈哈，真係不知所謂。 而佢媽次次都同我講佢細佬有幾窮幾窮， 窮？ 係既，又要穿明牌，又要揸lexus, 又要供樓，但佢媽話佢地因為有兩個小朋友，而佢老婆放產假又無commission，得base, 所以窮喎！ 講真，佢地兩個加埋既base, 無十萬都有9萬，我吾覺得有幾窮囉，所以佢地成日扮窮真係好令我討厭！

不過都好，而家吾駛再咁stressed，為左買屋既事，早排真係訓得好差，而家可以話係一個release! 雖然好似無左個靠山，但要我日日都咁吾開心做人我寧願無左間屋！ 其實只要我地兩公婆努力D，我吾信終有一日我買吾到自己間樓！ 

係，我係好憎佢屋企人，但呢D事只會係呢度出現，我亞B都吾會講，我吾想好似我玩針對咁。