Lamaze class

上星期開始上左第一堂既lamaze class, 呢個class係專比懷孕既couple去既， 大約講解下生仔既野，有D咩需要注意。 我呢個class係逄星期四晚上，一堂大約一小時，上足7星期。開始既時候我仲以為係一次過，點知呢間醫院只offer一小時呢D堂，所以我好好好好彩咁岩上星期二打去問，而星期四就即刻上堂，如果我無係上星期打去問，我好可能無得去呢D class啦，因為到7星期後我既due date都快到，仲邊有機會去到。 

so far上左兩堂，我覺得都有用既，因為個instructor係醫院產房入面既護士，所以佢好清楚醫院既運作，都好清楚產婦既需要。 我地個class只有3對couples (including us),不過我反而中意，因為吾駛咁多人煩，又可以問多D問題。 我中意既係，次次臨放學時，佢都會抽D時間同我地做下exercise,教我地做咩動作會比較舒服同令生產得順利D。 

雖然呢個class係要比錢，但我覺得都係值得既。 最尾一個星期會同我地有個hospital tour, 應該會幫助到我地呢D 去到一個吾熟悉既地方而感到驚既人，更加希望到時生既時間呢個護士會係度，因為好似有個相識既人會比較輕鬆D。 

上星期去見醫生，不過頭仔仲未向下呀！亞B，同媽媽一齊努力，仲有兩個月就見面啦，yeah!