破產

唉，搬一次屋真係破產，裝修雜費真係同年齡成正比，都係日日都上升緊，又吾見人工係咁，討厭！ 雖然仲未搬得，但裝修真係好昂貴，如果可以真係想自己做。 首先，講講大約要裝修D咩先。  最大工程既都係轉木板同廚房，因為本身係地毯加假磁磚，我本身中意木板，所以要換，而廚房本身係木色，我超吾中意，同好殘，所以要換，而其他雜野，好似油油呀，換門呀，間房呀，翻新呀，鋪磁磚呀，等等等等等........都好似吾係好多啫！ 一開始時收大約一萬六千五，之後因為我要白色廚櫃，所以要收多7百，而本來走廊位置既牆係牆紙， 但因為封左個wall in closet, 所以好好好奇怪，所以又係度叫佢幫我整走埋牆紙， 裝修佬話好多功夫，要收我三百，我咪又氹又性減到二百，我原來都幾有潛質做個c9, 因為我覺得我講價時真係好c9.....我都估不到，哈！ 但因為budget有限，又點能夠再加加加呢！ 但要諗下，除左間屋本身，又要買傢具，好似洗衣機乾衣機， 爐頭同抽油煙機，夾夾埋埋又二千三，救命呀！真係好貧！真係要做個PT先可以夠生活費，唉！ 

不過題外話，就算我搞掂，樓下個兩層未裝完我都吾想入住，唉，都吾知佢地要搞幾耐，話就話早我地一個星期做野，但我都覺得佢地好原封不動咁， 依然係爛地一個。緊係啦，得一條友做野，仲要請D西班牙仔幫手，緊係懶！我吾理，最緊要吾好阻住我就得，快QD啦！ 仲有，呢個福州佬好8， 係佢老闆（即係我老公個邊D人）話我地D野D料吾係咁好，又話我地D裝修工人點點點，跟住最抵死既係佢地個邊又同我地講， 我心諗，駛吾駛咁8，就算我個裝修佬講D咩，我都吾會同佢地講囉。anyway, 都吾係我既問題，最重要都係吾好阻住我就OK！