返工啦

終於都要返工啦，老實講真係超級吾慣，吾係公司多野做， 係超級勁掛住個女  其實我無expect會咁掛住架，不過可能慣左日日起身都見到個女好sweet咁訓覺覺豬，而家只可以遠距離見佢咋，不過我都依然叫我媽日日食lunch時同個女video chat, 等佢可以記得我，哈哈！做左媽媽之後感覺好吾同，以前返到屋企照顧自己同老公，而家要照顧多一個人，不過好彩媽仲未返HK，佢返左去之後我仲有排忙，煮飯湊女，真係一頭煙，不過為左個家，都值得既。 希望遲下可以係屋企返工，咁就可以方便D。 

裝修方面已經開始左，搵左一個係我姑媽介紹，雖然第一次搵佢裝修，但我覺得佢都應該係信得過既，如果吾係就吾會介紹啦，而且價錢都算合理，所以琴日已經開工。 唉，快D搞掂呢D野，等我吾駛再煩。 自從上次之後，同佢既家人再無見面，我心情都好番D，不過希望搬左之後吾駛再見面，費事又吾開心！

BB方面，成日都係無便便，就算飲糖水，西梅汁，都係治標吾治本，打去醫生度同佢講，佢話可能係我食既野有關，佢話食得多鐵質會令人便秘。 講真我食既野都係肉同菜，無話特別食多鐵質既野，不過如果再係咁，要同BB睇醫生通便便，唉，真係慘，都係媽媽負累左你！亞B，媽媽希望你日日都路路暢通啦！