過埠新娘

琴日請左日假，吾好以為咁好可以休息下，實情係仲累過返工呀！ 一朝早起身去左朋友既wedding ceremony，其實係一個好普通既儀式，不過呢個朋友係呢邊無親戚朋友，所以唯有去撐下啦！認識呢位朋友好轉折，佢本身係我老公做野既香港同事，但有次佢過來，就大家相識左，跟住就開始我地既友誼，成日都係MSN傾計。 我覺得我地好投契，可以大家都係天砰座，覺得大家既思想幾似，大家都好難決定一樣野，又好無記性，哈哈，真係幾搞笑，不過自從佢認識左新男友，同埋轉左工之後，就少左聯絡。  其實開始時我真係有D反對佢同佢男友，可能因為之前佢個段關係令我覺得佢好易握， 所以當我知道佢又有個新男友時真係有D擔心同不安，可能我反應係激動左少少， 又或者你覺得關我咩事， 而事實上，係吾關我事，但如果我吾當佢係朋友，我跟本可以不聞不問。 而且呢位朋友本身係HK，而對上一個男友係NY， 我覺得佢地好難溝通，直到有次佢打長途比我話我知佢個ex要同佢分手，喊到豬頭咁，我都吾知可以點幫佢，所以當佢識左呢個男仔，而呢個男仔又係係NY，我好吾中意。 我吾係吾中意呢個男仔，本身我對佢都了解吾多，我只不過係吾想我個朋友再一次傷心！ 不過既然講話去佢個wedding， 就知佢地終於有情人終成眷属，我既憂慮都除去，不過要個女仔做個過埠新娘真係好慘，希望佢老公同佢屋企人會識做啦，如果吾係，我會接收我呢個朋友！ 祝福你地！